အခန်း ၁၂ ယွီရှောင်ဂန်းရဲ့ လောင်းကစားစိတ်ဓာတ်

"လော်ဆန်းပေါက်... ငါ့ကို တုပ်နှောင်ထားတဲ့ ဒီငွေပြာမြက်တွေကို ကိုက်ဖြတ်ပေးစမ်း"

ယွီရှောင်ဂန်းရဲ့ အမိန့်ပေးသံအဆုံးတွင် လော်ဆန်းပေါက်က သူ့ကို တုပ်နှောင်ထားသည့် ငွေပြာမြက်များကို စတင်ကိုက်ခဲတော့တယ် ဒါပေမဲ့ငွေပြာမြက်များမှာ သလင်းကျောက်ကဲ့သို့ ဖြစ်နေပြီဖြစ်ရာ မာကျောမှုမှာ သတ္တုနှင့်ပင် နှိုင်းယှဉ်နိုင်သဖြင့် လော်ဆန်းပေါက်ရဲ့ သာမန်သွားများဖြင့် ငွေပြာမြက်များကို ဘယ်လိုကိုက်ဖြတ်နိုင်မှာလဲ

"အားး"

ရုတ်တရက် ယွီရှောင်ဂန်းက အော်ဟစ်လိုက်ပြီး မိမိရဲ့သိုင်းဝိဉာဉ်ကိုပင် ကျိန်ဆဲတော့တယ်

"မင်း ဝက်ငတုံး၊ သေချာချိန်ပြီး ကိုက်စမ်း"

သူ့သခင်ရဲ့ ဆူပူကြိမ်းမောင်းမှုကို ကြားသောအခါ လော်ဆန်းပေါက်ရဲ့ မျက်ဝန်းများတွင် ဝမ်းနည်းရိပ်များ ပြည့်နှက်သွားတော့တယ် ငွေပြာမြက်များက ယွီရှောင်ဂန်းရဲ့ ခန္ဓာကိုယ်နှင့် ကပ်လျက် အလွန်တင်းကျပ်စွာ တုပ်နှောင်ထားခြင်း ဖြစ်ရာ သူ ဘယ်လို သတိထားပါစေ၊ ကိုက်သည့်ဖြစ်စဉ်တွင် အသားကို မလွဲမသွေ သွားထိမိပေလိမ့်မည်

"အချိန်မဖြုန်းပါနဲ့တော့ မင်း ရုန်းထွက်နိုင်မှာ မဟုတ်ဘူး" ထန်ဆန်းက စိတ်မရှည်စွာဖြင့် ပြောလိုက်တယ်

ဒီလို သနားစရာကောင်းလှသော ပုံစံကို မြင်ပြီးနောက် ထန်ဆန်းက ယွီရှောင်ဂန်းအပေါ် ပို၍ပင် အထင်သေးသွားတော့တယ် သူ့သိုင်းဝိဉာဉ်က ဝက်တစ်ကောင် ဖြစ်နေလျှင်ပင် တိုက်ပွဲအလယ်တွင် မိမိသိုင်းဝိညာဉ်ကို အခုလိုဆဲဆိုပြစ်တင်မနေသင့်ပေ

'တော်သေးတာပေါ့... ငါ ဒီအဘိုးကြီးရဲ့ တပည့်မဖြစ်ခဲ့လို့'

ထန်ဆန်း စိတ်ထဲတွင် တွေးလိုက်မိတယ် 'ဒါမှမဟုတ်ရင် ငါ့ရဲ့ တစ်သက်တာ နာမည်ဂုဏ်သတင်းက ဒီအသုံးမကျတဲ့လူကြောင့် ပျက်စီးရတော့မှာ တကယ်ကို ရှက်ဖို့ကောင်းတယ်'

"တစ်ရက် ဆရာဖြစ်ဖူးရင် တသက်လုံး အဖေပဲ" ဟူသော စကားပုံအတိုင်း ထန်ဆန်းက အသုံးမကျသော အဖေနှစ်ယောက်ကို တစ်ပြိုင်နက်တည်း မပိုင်ဆိုင်ချင်ပေ

လင်းမူရဲ့ အစောပိုင်းစကားများကြောင့် ဖြစ်နိုင်တယ် ထန်ဆန်းက ယခုအခါ မိမိရဲ့အရင်းအမြစ်ဖြစ်သော ဖခင် ထန်ဟောက် အပေါ်၌လည်း စိတ်ထဲတွင် အပြစ်တင်လိုစိတ် အနည်းငယ် ရှိနေမိတယ်

လော်ဆန်းပေါက်ရဲ့ မတော်တဆ အကိုက်ခံရမှု အကြိမ်ကြိမ် ကြုံပြီးနောက် ယွီရှောင်ဂန်းလည်း နောက်ဆုံးတွင် လက်လျှော့လိုက်ပြီး ထိုသနားစရာ သတ္တဝါလေးအပေါ် ဒေါသပုံချတော့တယ်

'ငါ့ရဲ့ သိုင်းဝိဉာဉ်သာ ဒီဝက်ပုံစံမျိုးအဖြစ် ဗီဇမပြောင်းလဲခဲ့ရင် ငါ ဒီလို အသုံးမကျတဲ့ အမှိုက်တစ်စင်း ဖြစ်လာပါ့မလား'

သူတွေးလေ ပို၍ ဒေါသထွက်လေ ဖြစ်လာတယ် ယွီရှောင်ဂန်းက လော်ဆန်းပေါက်ကို ထိုနေရာမှာတင် ပြင်းပြင်းထန်ထန် ဆူပူကြိမ်းမောင်းတော့တယ် သူ့သခင်ရဲ့ နှိပ်စက်ညှဉ်းပန်းမှုနှင့် ရင်ဆိုင်ရသဖြင့် လော်ဆန်းပေါက်မှာ တအိအိညည်းတွားရင်း အလွန်ပင် မတရားသဖြင့် ခံစားလိုက်ရတယ်

ယွီရှောင်ဂန်းရဲ့ အစွမ်းမဲ့လှသော ဒေါသကို မြင်သောအခါ လင်းမူ စိတ်ထဲတွင် ကျိတ်၍ ရယ်မောလိုက်မိတယ်

မိမိရဲ့ ကိုယ်ပိုင်သိုင်းဝိဉာဉ်နှင့်ပင် သဟဇာတဖြစ်အောင် မလုပ်ဆောင်နိုင်ဘဲ ဆရာတစ်ယောက်ဟု မိမိကိုယ်ကိုယ် ခေါ်ဝေါ်နေရဲသေးတယ်

"ဂန်းဇီ... ငါ မင်းကို အခွင့်အရေး ပေးခဲ့ရင်တောင် ဒါက ဘာမှ အသုံးဝင်မှာ မဟုတ်ပါဘူး"

လင်းမူက မြေပြင်ပေါ်မှ ဝိညာဉ်လက်နက်ခါးပတ်နှင့် လေးလံသော ပိုက်ဆံအိတ်ကို ကောက်ယူလိုက်သည် သူက အထင်မြင်သေးစွာ ပြုံးလိုက်ပြီး "ရလဒ်က ထွက်သွားပြီ ဒါတွေအားလုံးက အခု ငါတို့ပိုင်ပြီ" ဟု ဆိုလိုက်တယ်

မိမိရဲ့ ပိုင်ဆိုင်မှုများ အလုခံလိုက်ရသည်ကို မြင်သောအခါ ယွီရှောင်ဂန်း လုံးဝ စိတ်ဓာတ်ကျသွားတော့တယ် ယခုအခါ သူတော့ လုံးဝ မွဲပြာကျတဲ့ဘ၀ကို ရောက်သွားချေပြီ

ရုတ်တရက် တစ်ခုခုကို သတိရသွားသကဲ့သို့ သူက ကပျာကယာ အော်ပြောလိုက်တယ်

"ငါ မင်းနဲ့ နောက်ထပ် လောင်းကြေးထပ်ချင်သေးတယ်"

"မင်းမှာ ဘာမှမကျန်တော့တာကို ငါက ဘာလို့ မင်းနဲ့ လောင်းရမှာလဲ"

ယွီရှောင်ဂန်းက ဒေါသတကြီးဖြင့် လောင်းကစားစွဲနေသော လောင်းကစားသမားတစ်ဦးကဲ့သို့ လမ်းဆုံးနေပြီဖြစ်ကြောင်း မြင်သဖြင့် လင်းမူရဲ့ နှုတ်ခမ်းအစုံက ကောက်ကျစ်သော အပြုံးတစ်ခုအဖြစ် ကွေးညွတ်သွားသော်လည်း အပြင်ပန်းတွင်မူ ဂရုမစိုက်ဟန် ဆောင်ထားလိုက်တယ်

"ငါ့မှာ နောက်ထပ် ညီအစ်ကိုတစ်ယောက်... မဟုတ်ဘူး၊ ညီအစ်ကို နှစ်ယောက်ရှိသေးတယ် သူတို့ ငါ့ကို ပိုက်ဆံပေးနိုင်တယ်" ဟု ယွီရှောင်ဂန်းက မိမိရဲ့ သိက္ခာကို ပြန်ဆယ်ရန် အသည်းအသန် ပြောလိုက်တယ်

ဒီစကားကို ကြားသောအခါ လင်းမူက သူပြောနေသည့် "ညီအစ်ကိုနှစ်ယောက်" မှာ မည်သူဖြစ်သည်ကို ချက်ချင်း ခန့်မှန်းမိလိုက်သည် ၎င်းတို့မှာ ဖူလန်ဒါနှင့် လျူအာ့လုံ တို့ ဖြစ်ရမည် ယွီရှောင်ဂန်းရဲ့ စကားတွင် လျူအာလုံကိုပါ သူ့ကို ပိုက်ဆံချေးပေးနိုင်သည့် "ညီအစ်ကို" တစ်ယောက်အဖြစ် ရည်ညွှန်းလိုက်လိမ့်မည်ဟု သူ တကယ် မထင်ထားခဲ့ပေ

လျူအာလုံနှင့် ဘီဘီတုံ ကဲ့သို့သော ထူးချွန်ထက်မြက်သည့် အမျိုးသမီးများက ယခုကဲ့သို့သော အမျိုးသားတစ်ဦးကို ဘာကြောင့် နှစ်သက်ခဲ့ကြသည်ကို သူ တကယ်ပင် နားမလည်နိုင်တော့ချေ

"ဒါဆိုရင် မင်း တကယ်ပဲ ပိုက်ဆံရှာလာနိုင်တဲ့အခါမှပဲ အဲဒီအကြောင်းကို ပြောကြတာပေါ့"

"မဟုတ်ဘူး အရင်ဆုံး လောင်းကြေးကို အတည်ပြုရအောင်"

ယွီရှောင်ဂန်းက ဇွတ်တရွတ် ပြောလိုက်တယ်

"ထန်ဆန်း ခြောက်နှစ်အတွင်းမှာ အဆင့် ၃၀ ကို ရောက်၊ မရောက် ဆိုတာကို ငါတို့ လောင်းကြေးထပ်မယ် အကယ်၍ သူ မရောက်ဘူးဆိုရင် မင်းနဲ့ ထန်ဆန်း နှစ်ယောက်လုံး ငါ့ရဲ့ သုတေသနမှာ ပူးပေါင်းပါဝင်ရမယ်၊ ပြီးတော့ မင်းတို့ကိုယ်မင်းတို့ ငါ့ရဲ့ တပည့်တွေပါလို့ လူသိရှင်ကြား ကြေညာရမယ် မဟုတ်ရင် ငါ မင်းတို့ကို ရွှေဝိညာဉ်ဒင်္ဂါး တစ်သောင်း ပေးမယ်"

ယွီရှောင်ဂန်းရဲ့ မျက်ဝန်းများတွင် ကောကျစ်သော အရိပ်အယောင်များ ဖြတ်ပြေးသွားခဲ့တယ် ဒီလူက ရွှေဝိညာဉ်ဒင်္ဂါး တစ်သောင်းဟူသော မျှားချက်ကို စိတ်မဝင်စားဘဲ နေလိမ့်မည်ဟု သူ မယုံကြည်ပေ

လင်းမူက သူ့ကို စကားတစ်ခွန်းတည်းဖြင့်သာ ဖော်ပြလိုက်တယ်

"လူအ"

ရွှေဝိညာဉ်ဒင်္ဂါး တစ်သောင်းက အတော်များသော်လည်း ခြောက်နှစ်အတွင်းမှာ လင်းမူက အနည်းဆုံး ဝိညာဉ်ဧကရာဇ် အဆင့်သို့ ရောက်ရှိနေပေလိမ့်မည် ထိုအချိန်ကျလျှင် သူက ရွှေဝိညာဉ်ဒင်္ဂါး တစ်သောင်း လိုအပ်ပါဦးမည်လော

ဒါ့အပြင် ဒီအသုံးမကျသောလူက အခွင့်အရေးကို လက်လွတ်မခံဘဲ ထပ်မံ ကြိုးစားနေခြင်း ဖြစ်သည် ထန်ဆန်းကို မျက်စိကျနေသည်မှာ တစ်ကြောင်း၊ လင်းမူကိုပါ အမြတ်ထုတ်ရန် ကြိုးစားနေခြင်း ဖြစ်သည် သူ့မျက်နှာအသားက မြို့ရိုးထက်ပင် ပို၍ ထူနေပေလိမ့်မည်

လင်းမူရဲ့ ဆဲဆိုမှုကို ကြားရသဖြင့် ယွီရှောင်ဂန်း မျက်နှာနီရဲသွားသော်လည်း ဆက်၍ တိုက်တွန်းလိုက်တယ်

"ရွှေဝိညာဉ်ဒင်္ဂါး တစ်သိန်းဆိုရင်ကော ဘယ်လိုလဲ"

အမှန်တော့ ယွီရှောင်ဂန်းသည် ဖူလန်ဒါနှင့် လျူအာလုံတို့ထံမှ ရွှေဝိညာဉ်ဒင်္ဂါး တစ်သိန်း ရနိုင်၊ မရနိုင်ကို မသိသော်လည်း ယခုအချိန်တွင် သူ ဘာကိုမျှ ဂရုမစိုက်နိုင်တော့ပေ

သူ့အမြင်တွင် ထန်ဆန်းက ခြောက်နှစ်အတွင်း အဆင့် ၃၀ သို့ ရောက်ရှိရန် လုံးဝ မဖြစ်နိုင်ဟု ယူဆထားတယ် အထူးသဖြင့် ထန်ဆန်းက ငွေပြာမြက် ဝိညာဉ်သခင်တစ်ဦး ဖြစ်သောကြောင့် ဖြစ်သည် ထိုကဲ့သို့ အားနည်းသော သိုင်းဝိဉာဉ်ရဲ့ ကျင့်ကြံခြင်းနှုန်းမှာ သဘာဝအတိုင်း နှေးကွေးပေလိမ့်မည်

သူသာ နိုင်ပါက ပါရမီရှင် တပည့်နှစ်ယောက်ကို တစ်ပြိုင်နက်တည်း ရရှိနိုင်လိမ့်မည်

လင်းမူက အစကတည်းက အစွမ်းထက်ပြီးသား ဖြစ်သဖြင့် ယွီရှောင်ဂန်းအနေဖြင့် သူ့ကို များပြားစွာ သင်ကြားပေးရန်ပင် မလိုဘဲ ဂုဏ်သိက္ခာကို အလကား ရရှိနိုင်မည်ဖြစ်သည်

"ဂန်းဇီ... အဲဒီစိတ်ကူးကို လက်လျှော့လိုက်စမ်းပါ ငါက မင်းနဲ့ ဘာပတ်သက်မှုမှ မရှိဘူး၊ ဘယ်တော့မှလည်း ရှိလာမှာ မဟုတ်ဘူး"

လင်းမူရဲ့ လေသံက ပြတ်သားလွန်းလှသဖြင့် ဆွေးနွေးညှိနှိုင်းရန် နေရာမရှိချေ

လောင်းကြေးရဲ့ မမျှတသော သဘာဝကို ဘေးဖယ်ထားလျှင်ပင် သူက ယွီရှောင်ဂန်းရဲ့ တပည့် ဖြစ်လာရမည်ဟူသော စကားမှာ လုံးဝ မဖြစ်နိုင်သောအရာ ဖြစ်သည်

ဒါကို မြင်သောအခါ ယွီရှောင်ဂန်း လျှော့ပေးလိုက်ရတော့သည်

"ဒါဆို ပြောင်းလိုက်ရအောင် ငါသာ နိုင်ရင် ထန်ဆန်းက ငါ့ရဲ့ တပည့်ပါလို့ လူသိရှင်ကြား ကြေညာရမယ် ဒါဆို အဆင်ပြေရဲ့လား"

"ကောင်းပြီ ရွှေဝိညာဉ်ဒင်္ဂါး တစ်သိန်း စာချုပ်ချုပ်ပြီး လက်မှတ်ထိုးမယ်"

ယွီရှောင်ဂန်း နောက်မှ စကားပျက်သွားမည်ကို စိုးရိမ်သဖြင့် လင်းမူက သတိကြီးစွာ ထားလိုက်တယမ စာသားဖြင့် သဘောတူညီချက် ရှိပါက နောင်တွင် လျူအာလုံနှင့် ဖူလန်ဒါတို့ထံမှ ပိုက်ဆံကို တရားဝင် တောင်းဆိုနိုင်မည် ဖြစ်တယ်

မကြာမီ အချိန်အတွင်းမှာပင် နှစ်ဦးနှစ်ဖက်လုံး စာချုပ်ချုပ်ဆိုခြင်းနှင့် လက်ဗွေနှိပ်ခြင်းကို ပြီးမြောက်စေခဲ့သည်

ယွီရှောင်ဂန်းသည် လင်းမူရဲ့ လက်ထဲရှိ မိမိရဲ့ လက်ဗွေ နှိပ်ထားပြီးသား စာချုပ်ကို ကြည့်ရင်း ရုတ်တရက် ထူးဆန်းသော နိမိတ်တစ်ခုကို ခံစားလိုက်ရတယ်

"ဘာလို့ စာချုပ်က တစ်စောင်တည်း ရှိတာလဲ ငါ့စာချုပ်ကော ဘယ်မှာလဲ"

"တစ်စောင်တည်းဆို လောက်ပါတယ်"

လင်းမူက ငြင်းခုံရန် အခွင့်အရေးမပေးဘဲ ပြောလိုက်တယမ

ဒီစကားကို ကြားသောအခါ ယွီရှောင်ဂန်းသည် မိမိ လှည့်စားခံလိုက်ရပြီဖြစ်ကြောင်း ချက်ချင်း သိလိုက်ရသော်လည်း မြှားက အရှိန်ရသွားခဲ့ပြီ ဖြစ်သည် သူကတော့ သေးငယ်လှသော အနိုင်ရနိုင်ခြေ အခွင့်အရေးလေးအတွက်ပင် ဖြစ်ပါစေ၊ လောင်းကစားလုပ်ရပေတော့မည်

"ရှောင်ဆန်း... ဒီဝိညာဉ်လက်နက်က မင်းအတွက်ပဲ"

လင်းမူက ဖြည်းညှင်းစွာ ရှေ့သို့ တိုးလာပြီး "တံတားနှစ်ဆယ့်လေးစင်း လသာည" ခါးပတ်ကို ထန်ဆန်းရဲ့ လက်ထဲသို့ ထည့်ပေးလိုက်တယ်

လင်းမူတွင် မိမိရဲ့ ကိုယ်ပိုင် လက်ပတ်သိုလှောင်မှု ဝိညာဉ်လက်နက် ရှိပြီးသား ဖြစ်သည် အ့တာက ကုဗမီတာ ငါးမီတာထက် နည်းသော်လည်း ယခုအချိန်တွင် သူ့လိုအပ်ချက်အတွက် လုံလောက်မှု ရှိပါတယ်

"ဆရာ..."

မိမိရဲ့ လက်ထဲရှိ အဖိုးတန် ဝိညာဉ်လက်နက်ကို ကြည့်ရင်း ထန်ဆန်း အလွန်ပင် စိတ်လှုပ်ရှားသွားပြီး စိတ်ထဲတွင် အပြစ်မကင်းမှုများ ဖြစ်ပေါ်လာခဲ့တယ်

အရင်က သူကို မိမိရဲ့ဆရာက သူ့ကို ကုန်ပစ္စည်းတစ်ခုကဲ့သို့ လောင်းကြေးထပ်ခဲ့ခြင်းအပေါ် မကျေမနပ် ဖြစ်ခဲ့သော်လည်း ဆရာဖြစ်သူက ဒီအရာအားလုံးကို မိမိအတွက် ဒီသိုလှောင်မှု ဝိညာဉ်လက်နက် ရရှိရန် ရည်ရွယ်ချက်ဖြင့် လုပ်ဆောင်ခဲ့ခြင်း ဖြစ်လိမ့်မည်ဟု သူ မထင်ထားခဲ့မိပေ

ဒါ့အပြင် ဆရာဖြစ်သူက သူ့ကို သင်ခန်းစာတစ်ခု ပေးရန် ကြိုးစားနေခြင်းလည်း ဖြစ်နိုင်သည် - 'ရလဒ်သာ မှန်ကန်နေသရွေ့ နည်းလမ်း‌တွေက အရေးမကြီးဘူး'

စိတ်ထဲတွင် ပြန်လည်သုံးသပ်ပြီးနောက် လင်းမူရဲ့ တည်ရှိမှုသည် ထန်ဆန်းရဲ့ နှလုံးသားထဲတွင် လျင်မြန်စွာ မြင့်တက်လာပြီး ထန်ဟောက်ထက်ပင် သိမ်မွေ့စွာ သာလွန်သွားခဲ့တယ်

တစ်ယောက်က တာဝန်မဲ့သော မွေးအဖေ၊ နောက်တစ်ယောက်က သူ့ကို စိတ်ရင်းမှန်ဖြင့် ဂရုစိုက်ပေးသော ဆရာ၊ ဘယ်သူက ပို၍ ကောင်းမွန်သလဲဆိုတာကို ဘယ်သူမဆို အဖြေကို သိကြပေလိမ့်မည်

[အဓိကတာ၀န်ပြီးမြောက်မှု ၁၀ ရာခိုင်နှုန်းသို့ ရောက်ရှိသည် ဆုလာဘ် - ဝိညာဉ်စွမ်းအား တစ်ဆင့် မြင့်တက်သည်]

ဝိညာဉ်စွမ်းအား အဆင့် ၄၈ သို့ ချိုးဖျက်ဝင်ရောက်သွားသည်ကို ခံစားလိုက်ရသဖြင့် လင်းမူရဲ့ နှုတ်ခမ်းအစုံတွင် အပြုံးတစ်ခု ပေါ်လာတယ် သက်မဲ့အရာဝတ္ထုတစ်ခုနှင့် ယှဉ်လျှင် မိမိရဲ့ ကိုယ်ပိုင်အစွမ်း မြင့်တက်လာခြင်းကသာ အရေးအကြီးဆုံးပဲ

လင်းမူက ထန်ဆန်းရဲ့ ပုခုံးကို ပုတ်ပေးလိုက်ပြီး သူရဲ့ မျက်နှာအမူအရာက တည်ကြည်သွားကာ လေးနက်စွာ ပြောလိုက်တယ်

"ရှောင်ဆန်း... မင်း ငါ့ကို ပေးနိုင်တဲ့ အကောင်းဆုံး ဆုလာဘ်ကတော့ ကြိုးကြိုးစားစား ကျင့်ကြံဖို့ပဲ"

"ဆရာ... ကျွန်တော် နောက်နောင် ကျင့်ကြံခြင်းကို မပြတ်မကွက် ကြိုးစားသွားမှာဖြစ်ပြီး ဆရာ့ရဲ့ သွန်သင်ချက်တွေကို လိုက်နာပါ့မယ်"

ဆရာဖြစ်သူက မိမိအပေါ် ဂရုစိုက်မှုကို မြင်ရသဖြင့် ထန်ဆန်း အလွန်စိတ်လှုပ်ရှားသွားပြီး နောင်တွင် ဆရာ့ကျေးဇူးကို ပြန်ဆပ်ရန် စိတ်ထဲတွင် လျှို့ဝှက်စွာ သစ္စာဆိုလိုက်တယ်

ဆရာနှင့် တပည့်ကြားရှိ နက်ရှိုင်းလှသော သံယောဇဉ် မြင်ကွင်းကို ကြည့်ရင်း ယွီရှောင်ဂန်းက မိမိကိုယ်ကိုယ် ပိုလျှံနေသူတစ်ဦးအဖြစ် ခံစားလိုက်ရတာ် သူ စိတ်ပျက်လက်ပျက်ဖြင့် လှည့်ထွက်သွားတော့တယ်

သို့သော် သူ အဝေးကြီး မရောက်သေးမီ တစ်ခုခု မှားယွင်းနေကြောင်း သတိပြုမိလိုက်တယ်

လင်းမူက သူ့ထံမှ လောင်းကြေးဖြင့် ဝိညာဉ်လက်နက်ကို အနိုင်ရရှိခဲ့ပြီးနောက် ထိုအရာကို ထန်ဆန်းအား ပေးလိုက်ကာ ယွီရှောင်ဂန်းရဲ့ ရတနာကို အသုံးပြု၍ ဂုဏ်သိက္ခာနှင့် စေတနာ အားလုံးကို သိမ်းကျုံးယူသွားခဲ့ခြင်း ဖြစ်တယ်ဆိုတာကို

"ငါက အသက် ဆယ်စုနှစ်ချီ နေလာခဲ့တာကို အခုတော့ ကလေးတစ်ယောက်ရဲ့ လှည့်ကွက်ထဲမှာ အသုံးချခံလိုက်ရတာပဲ"

ယွီရှောင်ဂန်းလည်း မိမိ လှည့်စားခံလိုက်ရသည့် ဖြစ်စဉ်တစ်ခုလုံးကို နောက်ကျမှ သတိပြုမိလိုက်ပြီး သူရဲ့ မျက်ဝန်းများတွင် ထိတ်လန့်မှုနှင့် မယုံကြည်နိုင်မှုများ ပြည့်နှက်သွားရတယ်

ဒီလူက တကယ်ပဲ ဆယ်ကျော်သက်တစ်ယောက် ဟုတ်ရဲ့လား

လင်းမူက ယွီရှောင်ဂန်း ထွက်ခွာသွားသော ကျောပြင်ကို ကြည့်ရင်း နှုတ်ခမ်းထောင့်တွင် အပြုံးတစ်ခု ပေါ်လာတယ်

'တကယ့် ပွဲကောင်းက အခုမှ စမှာ’