အခန်း ၁၁ နှိမ့်ချမှုဆိုတာဘာလည်း

"ဒီဝိညာဉ်လက်နက်တစ်ခုတည်းနဲ့ ငါတို့ရဲ့ အရင်က ဆရာတပည့်သံယောဇဉ်ကို နှိုင်းယှဉ်နိုင်တယ်လို့ မင်းတကယ်ထင်နေတာလား"

လင်းမူက "တံတားနှစ်ဆယ့်လေးစင်း လသာည" ခါးပတ်ကို တစ်ချက်ကြည့်လိုက်တယ်

သူရဲ့မျက်နှာတွင် ပျော်ရွှင်ရိပ်တစ်ခု ဖြတ်ပြေးသွားသော်လည်း အပြင်ပန်းတွင်မူ မကျေနပ်သလိုနှင့် တုံ့ဆိုင်းနေသည့်ပုံစံ ဖမ်းလိုက်တယ်

အမှန်တော့ ယွီရှောင်ဂန်းကို လှည့်စားဖို့ သူစီစဉ်ခဲ့သမျှ အားလုံးက ဒီဝိညာဉ်လက်နက်ကို ရဖို့အတွက်ပဲ‌လေ

ဒိုလော့တိုက်ကြီးပေါ်တွင် ဝိညာဉ်ကရိယာနည်းပညာက မထွန်းကားသေးပေ ပစ္စည်းသိုလှောင်သည့် ဝိညာဉ်လက်နက်များက အလွန်ပင်ရှားပါးပြီး ကုဗမီတာ နှစ်ဆယ့်လေးမီတာ ကျယ်ဝန်းသည့် ယခုကဲ့သို့ ဆံ့ဝင်ဆံ့အားကြီးမားသော ဝိညာဉ်လက်နက်မှာ ရွှေဝိညာဉ်ဒင်္ဂါး တစ်သိန်းထက်မက တန်ဖိုးရှိသည့် ရတနာတစ်ပါးဖြစ်နေပြီ

တစ်ဖက်လူက သဘောမကျသေးသည်ကို မြင်တော့ ယွီရှောင်ဂန်း သွေးအန်မတတ် ဖြစ်သွားတယ် "မင်း ငါ့ကို နောက်နေတာလား မင်းတို့သိတာ ရက်ပိုင်းပဲ ရှိသေးတာ၊ ဘယ်လိုလုပ်ပြီး နက်ရှိုင်းတဲ့ ဆရာတပည့်သံယောဇဉ် ရှိနိုင်မှာလဲ"

ရှင်းနေသည်မှာ ဒီလူက သူ့ထံမှ ကြီးမားသောစျေးနှုန်းဖြင့် ညှစ်ယူရန် ကြိုးစားနေခြင်းသာ ဖြစ်တယ်

"ဒီရွှေဝိညာဉ်ဒင်္ဂါးတွေက ငါ့တစ်သက်လုံး စုဆောင်းထားသမျှပဲ ဒါဆို လောက်ပြီလား"

ယွီရှောင်ဂန်းက ပိုက်ဆံအိတ်တစ်အိတ်ကို ထုတ်လိုက်တယ် ဒါက တော်တော်လေးလေးလံပြီး ဒင်္ဂါးပြားများဖြင့် ဖောင်းကားနေကာ ဒီလောင်းကြေးတွင် သူရှိသမျှအကုန် ပုံအောရန် ရည်ရွယ်ထားကြောင်း သိသာလှတယ်

"မင်း ဒီလောက်ချမ်းသာလိမ့်မယ်လို့ ငါမထင်ထားဘူး"

ယွီရှောင်ဂန်းတွင် တရားဝင်အလုပ် သို့မဟုတ် ဝင်ငွေရလမ်းမရှိကြောင်း လင်းမူ သိသည် ဒီရွှေဝိညာဉ်ဒင်္ဂါးများသည် ဝိညာဉ်နန်းတော် မှ ရရှိသည့် ထောက်ပံ့ကြေးများကို စုဆောင်းထားခြင်းသာ ဖြစ်ရမည်

ဝိဉာဉ်ဂရမ်းမာစတာ အဆင့်မျှသာ ရှိသူပင် ဝိညာဉ်နန်းတော်မှ လစဉ် ထောက်ပံ့ကြေး ရွှေဝိညာဉ်ဒင်္ဂါး ဆယ်ပြား ရရှိနိုင်သဖြင့် အသုံးစရိတ်နည်းပါးသူတစ်ဦးအတွက် ဆယ်စုနှစ်များစွာကြာသောအခါ ဒီပမာဏမှာ အတော်အတန် များပြားလှတယ်

"ကောင်းပြီ၊ နည်းနည်းတော့ နည်းပေမဲ့ မင်းမျက်နှာကို ထောက်ထားပြီး လိုက်လျောပေးလိုက်မယ် ဂန်းဇီ လောင်းကြေးက အတည်ပဲ"

လင်းမူက မလိုချင်တဲ့ပုံစံဖြင့် သဘောတူလိုက်တယ်

ဒီတုံ့ပြန်မှုကို မြင်သောအခါ ယွီရှောင်ဂန်းက သူအမြတ်ရသွားသည်ဟု ခံစားလိုက်ရတယ်

သူ့အမြင်တွင်မူ ဒီအရာများက အဆုံးစွန်၌ ရုပ်ဝတ္ထုပစ္စည်းများသာ ဖြစ်သည် အမြွှာသိုင်းဝိညာဉ် နှင့် မွေးရာပါ အပြည့်အဝ ဝိညာဉ်စွမ်းအား ရှိသည့် တပည့်တစ်ယောက်နှင့် ယှဉ်လျှင် ဘာမှမဟုတ်ပေ

ဒါ့အပြင် သူသာ လောင်းကြေးနိုင်ပါက ပြီးပြည့်စုံသော တပည့်ကို ရမည့်အပြင် ဝိညာဉ်လက်နက်နှင့် ဒင်္ဂါးပြားများကိုလည်း ပေးစရာလိုမည်မဟုတ်ပေ နှစ်ဦးနှစ်ဖက် အဆင်ပြေမည့် အကွက်ပင်

"အတည်ပဲနော်" ဟု ယွီရှောင်ဂန်းက တစ်ဖက်လူ စကားပျက်သွားမည်ကို စိုးရိမ်သဖြင့် ချက်ချင်းပြောလိုက်တယ်

ငါးက ငါးစာဟပ်မိပြီဖြစ်ကြောင်း မြင်သဖြင့် လင်းမူ ပြုံးလိုက်ပြီး နောက်က ထန်ဆန်းဘက်သို့ လှည့်ကာ

"ရှောင်ဆန်း... သူ့အပေါ် မင်းရဲ့ ပထမဝိညာဉ်စွမ်းရည်ကို သုံးလိုက်စမ်း" ဟု ပြောလိုက်တယ်

ဒီစကားကို ကြားသောအခါ ယွီရှောင်ဂန်းရဲ့ နှလုံးခုန်သံ တစ်ချက်ရပ်သွားတယ် ဒီလူက ဘာလို့ ဘာတုံ့ဆိုင်းမှုမှမရှိဘဲ ဒီလောက် ပြတ်သားနေရတာလဲ

သူ တကယ်ပဲ ဒီလောက်တောင် ယုံကြည်မှု ရှိနေတာလား

'မဟုတ်ဘူး၊ ဒါက လုံးဝမဖြစ်နိုင်ဘူး' ဟု ယွီရှောင်ဂန်း တွေးလိုက်တယ် 'ငါ့ရဲ့ အဆင့် ၂၉ ဝိညာဉ်စွမ်းအားနဲ့ဆိုရင် အခုမှစတဲ့လူတစ်ယောက်ရဲ့ ပထမဝိညာဉ်စွမ်းရည်လေးတင်နဲ့ ငါ့ကို လုံးဝ ထိန်းချုပ်ထားနိုင်ပါ့မလား'

"နေဦး ငါ့ရဲ့ သိုင်းဝိညာဉ်ကို အရင်ထုတ်ဖို့ လိုတယ်" ဟု ယွီရှောင်ဂန်းက ကပျာကယာ အော်ပြောလိုက်တယ်

ထန်ဆန်းက သူ့ဘေးနားက ဆရာ့ကို ချက်ချင်းကြည့်လိုက်ပြီး လင်းမူ ခေါင်းငြိတ်ပြသည်ကို မြင်မှသာ ငွေပြာမြက် ထံသို့ ဝိညာဉ်စွမ်းအား ပို့လွှတ်နေခြင်းကို ရပ်လိုက်တယ်

ယခုအချိန်တွင် ယွီရှောင်ဂန်းရဲ့ မျက်နှာပေါ်၌ တုံ့ဆိုင်းရိပ်တစ်ခု ပေါ်လာပြီး ပတ်ဝန်းကျင်ကို ဝေ့ဝဲကြည့်လိုက်တယ် လူပုံအလယ်တွင် အရှက်ကွဲမည်ကို စိုးရိမ်နေပုံရပြီး

အကယ်ဒမီတံခါးဝအနီးတွင် ဘယ်သူမှမရှိသည်ကို အတည်ပြုပြီးနောက် သူက လက်နှစ်ဖက်ကို ရင်ဘတ်ရှေ့တွင် ပူးလိုက်ပြီးနောက် အောက်ဘက်သို့ အမြန်ခွာချကာ အော်ဟစ်လိုက်တယ်

"ထွက်လာစမ်း... လော်ဆန်းပေါက်

*ဖူး* ဟူသော အသံနှင့်အတူ ခွေးနှင့်လည်းတူ၊ ဝက်နှင့်လည်းတူသော သတ္တဝါတစ်ကောင် ယွီရှောင်ဂန်းရဲ့ ရှေ့တွင် ပေါ်လာသည် သူ့ရဲ့ဝက်ကဲ့သို့သော ခေါင်းမှာ ယွီရှောင်ဂန်းရဲ့ ပေါင်ကို ချွဲနွဲ့စွာ ချက်ချင်း လာပွတ်တော့တယ်

"တကယ်ပဲ ဝက်ကြီးတစ်ကောင်ပါလား" ထန်ဆန်းက ဒီလို ထူးဆန်းလှသော သိုင်းဝိဉာဉ်ကို မြင်ပြီး လွှတ်ခနဲ ပြောလိုက်မိတယ်

အရင်က သူ့ဆရာက ဒီအဘိုးကြီးရဲ့ သိုင်းဝိဉာဉ်က ဝက်တစ်ကောင်လို့ ပြောခဲ့သည် ထန်ဆန်း ထိုစဉ်က သိပ်မယုံခဲ့သော်လည်း အခုတော့ အမှန်တကယ် ဖြစ်နေလေပြီ

လင်းမူက သူ့ကို မလှောင်ပြောင်ခဲ့ပေ သူရဲ့ အကြည့်များက လော်ဆန်းပေါက်ရဲ့ နဖူးပေါ်ရှိ ထင်ရှားပြီး ဖုထွက်နေသည့် နေရာတစ်ခုဆီသို့ ကျရောက်သွားခဲ့တယ်

လင်းမူကလွဲလို့ ဒါက ဘာလဲဆိုတာကို တကယ်နားလည်မယ့်သူ ရှိလိမ့်မည်မဟုတ်ပေ

ဘာမှ အမှတ်မထင် ဖြစ်မလာရင် ဒါက နဂါးဂျိုရဲ့ အစောပိုင်းပုံသဏ္ဍာန် ဖြစ်ရမည်ဖြစ်ပြီး မြွေတစ်ကောင်က အဆင့်ဆင့် ဖြတ်သန်းပြီး နဂါးဖြစ်လာသကဲ့သို့ ဒီဖုထွက်နေမှုက ဆင့်ကဲပြောင်းလဲနိုင်စွမ်းရှိသည့် အမှတ်အသားတစ်ခု ဖြစ်သည်

ဆိုလိုသည်မှာ လော်ဆန်းပေါက်တွင် နဂါးအဖြစ် ပြောင်းလဲနိုင်သည့် အလားအလာ ရှိသော်လည်း ယွီရှောင်ဂန်းရဲ့ ကိုယ်ပိုင်ကန့်သတ်ချက်များကြောင့် ပိတ်ဆို့ခံထားရခြင်း ဖြစ်တယ်

အသုံးမကျသူမှာ လော်ဆန်းပေါက်မဟုတ်ဘဲ ယွီရှောင်ဂန်းသာ ဖြစ်တယ်

သူကိုယ်တိုင် အမြဲပြောလေ့ရှိသည့် "အသုံးမကျတဲ့ သိုင်းဝိဉာဉ်ဆိုတာ မရှိဘူး၊ အသုံးမကျတဲ့ ဝိညာဉ်သခင်ပဲ ရှိတယ်" ဟူသော စကားမှာ သူ့ကိုယ်သူအတွက် အကိုက်ညီဆုံး ဖြစ်နေတော့တယ်

လင်းမူက မျက်လုံးကို မှေးလိုက်ပြီး ယွီရှောင်ဂန်းဆီသို့ စူးစိုက်ကြည့်လိုက်ရာ သူရဲ့အကြည့်တွင် အထင်မြင်သေးမှုများ သိသိသာသာ ပါဝင်နေပြီး

သူတို့ရဲ့ အထင်မြင်သေးသော အကြည့်များနှင့် ရင်ဆိုင်ရသောအခါ အသားထူလှသော ယွီရှောင်ဂန်းပင်လျှင် ရှက်ရွံ့စိတ်တစ်ခု ဖြစ်သွားခဲ့တယ်

တစ်ခုခု မှားယွင်းသွားမည်ကို မစိုးရိမ်ပါက သူက လော်ဆန်းပေါက်ကို ဘယ်သောအခါမှထုတ်ပြလိမ့်မည်မဟုတ်ပေ

နောက်မှ သူတကယ်ပဲ ထိန်းချုပ်ခံရလျှင် လော်ဆန်းပေါက်က သူ့ကို ရုန်းထွက်နိုင်အောင် ကူညီပေးနိုင်လိမ့်မည်

သာမန်ငွေပြာမြက်ရဲ့ အားနည်းသော ဆွဲဆန့်နိုင်စွမ်းအားဖြင့်ဆိုလျှင် ထိုသားရဲက နွယ်ပင်များကို အလွယ်တကူ ကိုက်ဖြတ်နိုင်ပေသည်

ခဏအကြာတွင် ယွီရှောင်ဂန်းက စိတ်ကို တည်ငြိမ်အောင် ထိန်းလိုက်ပြီး

"စလို့ရပြီ" ဟု တိုက်တွန်းလိုက်တယ်

"ငွေပြာမြက်... တုပ်နှောင်စမ်း"

ထန်ဆန်းက သူရဲ့ ဝိညာဉ်စွမ်းရည်ကို ချက်ချင်းမသုံးသေးပေ ထိုအစား သူက ငွေပြာမြက် ကြီးထွားမှုကို ထိန်းချုပ်ရန် ဝိညာဉ်စွမ်းအားကို ပို့လွှတ်လိုက်တယ်

အသက်ရှူချိန်အနည်းငယ်အတွင်းမှာပင် ကလေးလက်သီးခန့် ထူထဲသော နွယ်ပင်များက ယွီရှောင်ဂန်းကို လုံးဝ တုပ်နှောင်လိုက်လေသည်

ကြယ်တာယာတောအုပ်ကြီး မှအပြန်လမ်းတွင် လင်းမူက ထန်ဆန်းကို သူရဲ့ သိုင်းဝိဉာဉ်အား ကိုယ်တိုင် မည်သို့ထိန်းချုပ်ရမည်ကို မကြာခဏ သင်ကြားပေးခဲ့တယ်

ဝိဉာဉ်ကွင်းစွမ်းရည် "တုပ်နှောင်ခြင်း" မရှိလျှင်ပင် သူက ပစ်မှတ်များကို အလွယ်တကူ ပတ်ချည်ရန် ထိုမြက်ကို အသုံးပြုနိုင်တယ်

မကြာမီ ယွီရှောင်ဂန်း စတင်ရုန်းကန်တော့တယ် စက္ကန့်အနည်းငယ်ကြာ စမ်းသပ်ကြည့်ပြီးနောက် ငွေပြာမြက်ရဲ့ ကြံ့ခိုင်မှုက သာမန်မြက်များနှင့် ယှဉ်လျှင် သိသိသာသာ တိုးတက်လာကြောင်း သူသိလိုက်ရတယ်

သို့သော် ထိုမျှသာ ဖြစ်သည်

ယခု နွယ်ပင်များရဲ့ ကြံ့ခိုင်မှုအဆင့်အရဆိုလျှင် ဝိညာဉ်ကွင်းတစ်ကွင်းရှိသည့် သားရဲဝိညာဉ်သခင် အများစုမှာ ခွန်အားအနည်းငယ် သုံးရုံဖြင့် ရုန်းထွက်နိုင်တယ်

ယခုအချိန်တွင် ယွီရှောင်ဂန်းက ယုံကြည်မှုများ ပြည့်နှက်နေခဲ့တယ် သူက စိတ်ထဲတွင် ကျိတ်၍ လလှောင်ပြောင်လိုက်မိတယ်

'ငွေပြာမြက်ဆိုတာ နောက်ဆုံးတော့ ငွေပြာမြက်ပါပဲ အဆင့် ၂၉ ဝိဉာဉ်ဂရမ်းမာစတာကို ထိန်းချုပ်နိုင်မယ်လို့ တွေးနေတာကတော့ စိတ်ကူးယဉ်နေတာပဲ’

အမြန်ရှုံးနိမ့်သွားခြင်းကြောင့် လင်းမူ ဒေါသထွက်သွားမည်ကို စိုးရိမ်သဖြင့် ယွီရှောင်ဂန်းက ရုန်းထွက်ရန် အသည်းအသန် ကြိုးစားနေသည့်ပုံစံကို တမင်တကာ ဟန်ဆောင်လိုက်တယ်

သို့သော် နောက်တစ်စက္ကန့်တွင် သူ ဆွံ့အသွားရတယ်

"ပထမဝိညာဉ်စွမ်းရည် ငွေပြာမြက် သလင်းကျောက်ဖြစ်တည်ခြင်း"

ချက်ချင်းဆိုသလိုပင် သူ့ကို တုပ်နှောင်ထားသည့် ငွေပြာမြက်များက စိန်ကဲ့သို့ မာကျောသွားပြီး သူ့ကို တောင့်တင်းသော ထောင်ချောက်တစ်ခုအတွင်း ပိတ်လှောင်လိုက်တယ် ယွီရှောင်ဂန်းက တစ်ကိုယ်လုံးရှိ ခွန်အားအကုန်သုံးသော်လည်း လက်မဝက်မျှပင် မရွေ့လျားနိုင်တော့ပေ

အဓိကအားဖြင့် ယွီရှောင်ဂန်းက ရုပ်ပိုင်းဆိုင်ရာ အလွန်အားနည်းလွန်းခြင်းကြောင့် ဖြစ်တယ် အခြား ဝိညာဉ်ကွင်းနှစ်ကွင်းရှိ သားရဲဝိညာဉ်သခင်ဆိုလျှင် ၎င်းကို ခွဲထွက်နိုင်ကောင်း ခွဲထွက်နိုင်လိမ့်မည် ဖြစ်သော်လည်း သူကတော့ ဘာမှမတတ်နိုင်ခဲ့ပေ

"ဒါ... ဘယ်လိုလုပ် ဖြစ်နိုင်မှာလဲ"

မျက်နှာတစ်ခုလုံး နီရဲလာသည်အထိ အလဟဿ ရုန်းကန်ပြီးနောက် ယွီရှောင်ဂန်းမှာ လုံးဝ မိန်းမောတွေဝေသွားတော့တယ် သူ အသက်ရှူပြန်မှန်လာအောင် အတော်ကြာအောင် လုပ်လိုက်ရပြီးမှ လင်းမူကို ကြည့်ကာ မေးလိုက်တယ်

"မင်း သူ့ကို ဘယ်လို ဝိညာဉ်ကွင်းမျိုး ပေးထားတာလဲ"

"ငါက မင်းကို ဘာလို့ ပြောပြရမှာလဲ မင်းက ငါ့ကို ဝိညာဉ်နန်းတော်လိုမျိုး အသိပညာတွေကို အလကား လျှောက်ဝေနေတဲ့ အူကြောင်ကြောင်ကောင်လို့ ထင်နေတာလား"

လင်းမူက နှာခေါင်းရှုံ့လိုက်တယ် ဝိညာဉ်နန်းတော်က အသိပညာခိုးယူသူ ယွီရှောင်ဂန်းကို ထပ်ခါတလဲလဲ သည်းခံပေးခဲ့လို့သာ သူ ယခုလို နာမည်ကျော်ကြားနေခြင်း ဖြစ်သည် လင်းမူသာဆိုလျှင် ယွီရှောင်ဂန်းရဲ့ နာမည်ကို ဖျက်ဆီးပစ်သည်မှာ ကြာလှပြီ

ဒီစကားများက ယွီရှောင်ဂန်းရဲ့ နုနယ်လှသော နှလုံးသားကို ထပ်မံ ထိုးနှက်လိုက်ပြန်တယ် သူရဲ့ ပါးပြင်နှစ်ဖက်မှာ ဝက်အသည်းကဲ့သို့ နီမြန်းလာပြီး မျက်လုံးများမှာလည်းနီရဲလာပြီး အသက်ကို မနည်းရှူနေရတယ်

အမှန်တော့ ယွီရှောင်ဂန်း ခံစားခဲ့ရသော အရင်းအမြစ်များသည် သာမန်လူတစ်ယောက်အတွက် တစ်သက်လုံး ရှာမရနိုင်သော အရာများ ဖြစ်သော်လည်း သူကတော့ မည်သည့် ကျေးဇူးသိတတ်မှုကိုမျှ မပြခဲ့ပေ

ဝိညာဉ်နန်းတော်က သူ့ကို စာအုပ်များနှင့် အချက်အလက်မျိုးစုံ ဖတ်ရှုခွင့် ပေးခဲ့သော်လည်း သူက ထိုအသိပညာများကို သူတို့အပေါ် ပြန်လည်အသုံးချခဲ့တယ်

အပြာရောင်လျှပ်စီးနဂါးမျိုးနွယ်စု က သူ့အပေါ် အရင်းအမြစ်များစွာ ပုံအောပေးခဲ့သော်လည်း သူက အိမ်ပြန်ရန် သို့မဟုတ် အကျိုးပြုရန် ငြင်းဆန်ခဲ့တယ်လေ သူ့ကို ကျေးဇူးကန်းသူဟု ခေါ်လျှင်ပင် နည်းလွန်းသေးတယ်မဟုတ်လား

"မင်းမှာ နှိမ့်ချမှုဆိုတာ လုံးဝမရှိဘူးလား"

ယွီရှောင်ဂန်းက သူရဲ့ဒေါသကို မထိန်းချုပ်နိုင်တော့ဘဲ စူးစူးဝါးဝါး မေးခွန်းထုတ်လိုက်တယ်

"နှိမ့်ချမှု ဟုတ်လား"

လင်းမူ ခဏမျှ ကြောင်အသွားသော်လည်း ချက်ချင်း စိတ်ပြန်သွင်းကာ လလှောင်ပြောင်လိုက်တယ်

"ငါက ဝိညာဉ်ဘိုးဘေး အဆင့် မင်းကတော့ ဝိဉာဉ်ဂရမ်းမာစတာအဆင့်လေးတင်

ငါ က ဘာလို့ မင်း ရှေ့မှာ နှိမ့်ချနေရမှာလဲ မင်းကသာ မင်းထက်သာတဲ့ အထက်လူကို နှိမ့်ချမှု ပြရမှာ"

ဒီစကားကို ကြားသောအခါ ယွီရှောင်ဂန်း အနည်းငယ် ဆွံ့အသွားရတယ် အမှန်တရားအရဆိုလျှင် ဝိညာဉ်သခင်ကမ္ဘာတွင် ထိုစကားက မှန်ကန်နေပေသည်

သူတို့ရဲ့ စကားဝိုင်းကို နားထောင်ရင်း ထန်ဆန်းက စဉ်းစားခန်းဝင်သွားပြီး စိတ်ထဲတွင် တွေးလိုက်တယ်

'အမှန်ပဲ၊ ငါ့ဆရာပြောတဲ့ စကားလုံးတိုင်းမှာ နက်နဲတဲ့ အမှန်တရားတွေ ပါဝင်နေတယ်'

ယွီရှောင်ဂန်းက အသက်ကို ပြင်းပြင်းရှူကာ စိတ်ကို အတင်းငြိမ်အောင် လုပ်လိုက်တယ် သူ အခုထိ အရှုံးမပေးနိုင်သေးပေ သို့မဟုတ်ပါက သူ တပည့် ဆုံးရှုံးရမည့်အပြင် စားစရာအတွက်ပင် ပိုက်ဆံရှိတော့မည်မဟုတ်ပေ

'ဟုတ်သားပဲ၊ ငါ့မှာ လော်ဆန်းပေါက် ရှိသေးတာပဲ’