အခန်း (၁၀) ဂန်းဇီကို ဉာဏ်ဆင်ခြင်း

ယဲ့မြောင်ယွင် နှင့် သူမရဲ့သမီးဖြစ်သူတို့ကို နှုတ်ဆက်လမ်းခွဲပြီးနောက် လင်းမူလည်း ထန်ဆန်းကို ခေါ်ဆောင်ကာ ရထားလုံးဖြင့် နော့ဒင်မြို့ သို့ ပြန်လည်ထွက်ခွာလာခဲ့တယ်

[ပင်မတာဝန်: ထန်ဆန်းအား တပည့်အဖြစ် လက်ခံပြီး သူ၏ စိတ်နေသဘောထား တန်ဖိုးများကို ပြန်လည်ပုံသွင်းပါ။ ကွာခြားချက် ပိုမိုကြီးမားလေလေ၊ ရရှိမည့် ဆုလာဘ် ပိုမိုများပြားလေလေ ဖြစ်သည် ပြီးမြောက်မှု: ၉.၅%။]

ထန်ဆန်းအတွက် ဝိညာဉ်ကွင်း ရှာဖွေပေးသည့် ဒီခရီးစဥ်သေချာပေါက် တန်ဖိုးရှိတယ်

ထန်ဂိုဏ်းရဲ့ တပည့်တစ်ဦးအနေဖြင့် ထန်ဆန်းရဲ့ အတွေးအခေါ်မှာ နက်ရှိုင်းစွာ စွဲမြဲနေခဲ့ပြီ ဖြစ်သည် သူရဲ့ စိတ်နေသဘောထား တန်ဖိုးများကို ပြောင်းလဲပစ်ရန်မှာ အချိန်ကြာလာသည်နှင့်အမျှ သိမ်မွေ့သော လွှမ်းမိုးမှုများနှင့် ရည်ရွယ်ချက်ရှိရှိ လမ်းညွှန်ပြသမှုများမှတစ်ဆင့်သာ အောင်မြင်နိုင်လိမ့်မည်

မြို့ထဲသို့ ပြန်ရောက်ပြီးနောက် လင်းမူသည် ထန်ဆန်းကို နော်ဒင်းအကယ်ဒမီ သို့ ခေါ်ဆောင်လာခဲ့ရာ ကျောင်းဝင်ပေါက်အနီးတွင် ယွီရှောင်ဂန်း နှင့် မမျှော်လင့်ဘဲ ဆုံတွေ့လိုက်ရတယ်

လွန်ခဲ့သည့် ရက်ပိုင်းကနှင့် ယှဉ်လျှင် ယခုအခါ ယွီရှောင်ဂန်းသည် သိသိသာသာ ပိုမိုစိတ်ဓာတ်ကျဆင်းနေခဲ့တယ်။

သူ့ယခင်က ရှိခဲ့သော ပညာတတ်ဟန်ပန်များ လုံးဝမရှိတော့ဘဲ ဖရိုဖရဲဖြစ်နေသော သူတောင်းစားတစ်ဦးကဲ့သို့ပင် ဖြစ်နေတော့တယ်။

သူရဲ့ အလားအလာအရှိဆုံး "ပြီးပြည့်စုံသော တပည့်" ကို လုအယက် ခံလိုက်ရပြီးနောက် ယွီရှောင်ဂန်းက မိမိကိုယ်ကိုယ် သံသယဝင်မိသည့် နက်ရှိုင်းသော ချောက်ကမ်းပါးထဲသို့ ကျဆင်းသွားခဲ့ရတယ်။

သို့သော်လည်း နှစ်ပေါင်းများစွာအတွင်း ရေတွက်မရနိုင်သော လူများရဲ့ ကဲ့ရဲ့ရှုံ့ချမှုများကို ခံခဲ့ရသဖြင့် သူရဲ့ နှလုံးသားမှ ဒဏ်ခံနိုင်ရည် ရှိနေခဲ့ပြီ ဖြစ်ရာ ထန်ဆန်းက အခြားသူတစ်ဦးရဲ့ တပည့် ဖြစ်သွားခဲ့ပြီ ဖြစ်သော်လည်း ယွီရှောင်ဂန်းက လက်လျှော့ရန် အစီအစဉ် လုံးဝ မရှိသေးချေ။

သူတို့နှစ်ဦး ပေါ်လာသည်ကို မြင်သောအခါ ယွီရှောင်ဂန်းလည်း ချက်ချင်း စိတ်လှုပ်ရှားသွားခဲ့တယ်။

သူက သူတို့ထံသို့ အလျင်အမြန် ချဉ်းကပ်လာခဲ့ပြီး သူရဲ့ မျက်ဝန်းများထဲတွင် ပြင်းထန်သော အကြည့်များဖြင့် ထန်ဆန်းကို စူးစိုက်ကြည့်နေခဲ့တယ်။

ယွီရှောင်ဂန်း ချဉ်းကပ်လာသည်ကို ကြည့်ရင်း ထန်ဆန်းရဲ့ မျက်ဝန်းထဲတွင် ရွံရှာမုန်းတီးမှုများ ပြည့်နှက်နေခဲ့တယ်။

ထိုလူက သူ့ကို ကြည့်နေသည့် ပုံစံမှာ နှာဘူးတစ်ယောက်က လှပသော အမျိုးသမီးတစ်ဦးကို စိုက်ကြည့်နေသကဲ့သို့ ဖြစ်နေတယ်‌လေ။

'ဒီအဖိုးကြီးက တကယ့်ကို ယုတ်မာပက်စက်တာပဲ။'

အကယ်၍ သူသာ သူရဲ့ ဆရာသခင်နှင့် မတွေ့ဆုံခဲ့ပါက ဒီအဖိုးကြီးရဲ့ လှည့်စားခြင်းကို အမှန်တကယ် ခံရလိမ့်မည် ဒီအချက်ကို တွေးမိသောအခါ ထန်ဆန်းသည် ထိုအဖိုးကြီးကို လျှို့ဝှက်မြား ဖြင့် ဒီနေရာ၌တင် ချက်ချင်း သတ်ပစ်ချင်စိတ် ပေါက်လာခဲ့တယ်။

"ဂန်းဇီ. မင်းကို ငါ အရင်က ပြောခဲ့တဲ့ စကားတွေက နည်းနည်း ရက်စက်သွားတယ်ဆိုတာ ငါ ဝန်ခံပါတယ်၊ ဒါပေမဲ့ အဲဒါတွေက အမှန်တရားတွေပဲဥစ္စာ။ ငါလည်း မတတ်နိုင်ဘူးလေ ဒါပေမဲ့... ဒါက မင်းအပေါ် ဒီလောက်အထိ သက်ရောက်မှု ရှိသွားလိမ့်မယ်လို့ ငါ တကယ် မမျှော်လင့်ထားမိဘူး" ဟု လင်းမူက သနားကရုဏာ သက်မိဟန်ဖြင့် သက်ပြင်းချကာ ပြောလိုက်တယ်။

အကယ်၍ ပိပိတုန်း နှင့် လျိုအာလုံ တို့သာ ယွီရှောင်ဂန်းဒီလို ဖြစ်နေသည်ကို မြင်ပါက ၎င်းတို့ မည်သို့ တွေးတောကြမည်ကို တွေးကြည့်စရာပင်။

တကယ့်ကို ရယ်စရာ ကောင်းလှတယ်။ ထူးချွန်ထက်မြက်လှသော အမျိုးသမီးကြီး နှစ်ဦးစလုံးက သူ့အပေါ် မည်သည့်အတွက်ကြောင့် ဒီလို စွဲလမ်းနေကြရတာလဲ ယွီရှောင်ဂန်းရဲ့ ဆွဲဆောင်မှုမှာ ဘယ်ကလာမှန်း မသိနိုင်ချေ။

ဝိဉာဉ်ကုန်းမြေတိုက်ကြီးပေါ်ရှိ ခန့်ညားထည်ဝါသော အမျိုးသားများထဲမှ မည်သူကများ သူ့ထက် မိုင်ပေါင်းများစွာ သာလွန်မနေဘဲ ရှိပါ့မလဲ

လင်းမူရဲ့ နောက်ပြောင်ကျီစယ်မှုကို ကြားရသောအခါ ယွီရှောင်ဂန်းက သွေးတစ်လုတ်ပင် အန်ထုတ်လုနီးပါး ဖြစ်သွားခဲ့သည်။ ဒါက သူ့မျက်နှာကို ကြည့်ပြီး အမှိုက်တစ်စလို့ တိုက်ရိုက် ခေါ်ဆိုလိုက်ခြင်းပင် မဟုတ်ပါလား

ပြီးတော့ ဒီလူက သူ့ကို "ဂန်စဇီ" ဟုပင် ခေါ်ဆိုနေသေးသည်၊ တကယ့်ကို လက်ခံနိုင်စရာမရှိဘူး

ဒါပေမဲ့လည်း နောက်ဆုံး တွေ့ဆုံမှုမှ သင်ခန်းစာ ရရှိထားခဲ့သဖြင့် ယွီရှောင်ဂန်းသည် သူရဲ့ အမူအရာကို သိသိသာသာ လျှော့ချလိုက်တယ်။ သူယခင်ကကဲ့သို့ မာနမကြီးတော့ဘဲ အနည်းဆုံးတော့ လင်းမူရဲ့ ရှေ့တွင် မောက်မာရဲခြင်း မရှိတော့ချေ။

"ထန်ဆန်းက လွန်ခဲ့တဲ့ ရက်ပိုင်းက အကယ်ဒမီမှာ မရှိဘူး။ ဝိညာဉ်ကွင်း သွားရှာတာလား"

ရေတွက်မရနိုင်သော သိုင်းဝိဉာဉ်များကို သုတေသနပြုထားသည်ဟု ကြွေးကြော်ထားသော သီအိုရီဆရာတစ်ဦးအနေဖြင့် ယွီရှောင်ဂန်းက ငွေပြာမြက်သိုင်းဝိဉာဉ်အကြောင်းကို မိမိထက် ပိုမိုနားလည်သူ မရှိဟု ယုံကြည်ထားခဲ့တယ်

တကယ်လို့ လင်းမူသာ ထန်ဆန်းအတွက် မှားယွင်းသော ဝိညာဉ်ကွင်းကို တပ်ဆင်ပေးခဲ့မိပါက အသုံးမဝင်သော ဝိညာဉ်စွမ်းရည်တစ်ခု ထွက်ပေါ်လာလိမ့်မည်ဖြစ်ရာ ထန်ဆန်းအနေဖြင့် မည်သူက "စစ်မှန်သော" ဆရာသခင် ဖြစ်သည်ကို သဘာဝအတိုင်း သဘောပေါက်လာလိမ့်မည် ။

"မှန်တာပေါ့၊ ငါတို့ ကြယ်တာရာတောအုပ် ကို သွားခဲ့ကြတယ်။"

ဒီစကားကို ကြားရသောအခါ ယွီရှောင်ဂန်းရဲ့ မျက်ဝန်းထဲတွင် ထူးဆန်းသော အလင်းတစ်ခု ဖြတ်ပြေးသွားခဲ့သည်။ ဒီလူက ထန်ဆန်းကို ကြယ်တာရာတောအုပ်သို့ ခေါ်ဆောင်သွားရဲသည်လား

ဝိညာဉ်ဘိုးဘေးတွေက အစွမ်းထက်ကြသော်လည်း ကြယ်တာရာတောအုပ်ကဲ့သို့ အန္တရာယ်များသော နေရာမျိုးတွင် မိမိကိုယ်ကိုယ် ကာကွယ်နိုင်ရုံမျှသာ ရှိပြီး ဝိညာဉ်ကွင်းပင် မရှိသေးသော ထန်ဆန်းကိုမူ ကာကွယ်ပေးနိုင်ရန် လုံးဝ မဖြစ်နိုင်ချေ။

ဒီလူရဲ့ သိုင်းဝိဉာဉ်မှာ သံတုံးတစ်တုံးသာဖြစ်ပြီး — သံတုံးကို လူများကို ထုရိုက်ရန်အတွက် အသုံးပြုခြင်းမှအပ တခြားတိုက်ခိုက်နိုင်သည့်နည်းလမ်းများကို ယွီရှောင်ဂန်း တွေးမရချေ။

'သူ့အနေနဲ့ အနှစ်ထောင်ချီ ဝိညာဉ်သားရဲတစ်ကောင်ကိုတောင် ကိုင်တွယ်ဖို့ ခက်ခဲလိမ့်မယ်လို့ ငါ ထင်တယ်' ဟု ယွီရှောင်ဂန်းက ရင်ထဲတွင် တွေးလိုက်တယ်။

"ဒါဆိုရင် မင်း ထန်ဆန်းအတွက် ဘယ်လို ဝိညာဉ်ကွင်းမျိုးကို ထည့်ပေးလိုက်တာလဲ"

လင်းမူရဲ့ ရန်လိုမှုကို နှိုးဆွမိမည်ကို စိုးရိမ်ပုံရသဖြင့် ယွီရှောင်ဂန်းက အလျင်အမြန် ထပ်လောင်းပြောကြားလိုက်တယ်

“အထင်မလွဲပါနဲ့။ ငါက မွေးရာပါ ဝိညာဉ်စွမ်းအားအပြည့် ရှိတဲ့ ငွေပြာမြက် ဝိညာဉ်သခင်တစ်ယောက်နဲ့ ပထမဆုံးအကြိမ် ဆုံတွေ့ဖူးတာမို့ အဲဒါကို သုတေသနပြုချင်ရုံတင် ပါပဲ။"

"ဂန်းဇီ... မင်းရဲ့ သေးငယ်တဲ့ အကြံအစည်တွေကို ငါ့ဆီကနေ ဖုံးကွယ်ထားလို့ မရပါဘူး။"

ယွီရှောင်ဂန်းရဲ့ ကြောက်ရွံ့တုန်လှုပ်နေသော ပုံစံကို မြင်သောအခါ လင်းမူရဲ့ နှုတ်ခမ်းများက အနည်းငယ် ကွေးညွတ်သွားပြီး သူ့ကို တိုက်ရိုက် ဖော်ကောင်လုပ်လိုက်တော့တယ်။

ဒီစကားကြောင့် ယွီရှောင်ဂန်းရဲ့ ရင်ထဲတွင် ထိတ်ခန့်သွားခဲ့ပြီး အလျင်အမြန်ပင် ရှင်းလင်းချက် ပေးလိုက်ရသည်

"ငါ့မှာ တခြား ဘာရည်ရွယ်ချက်မှ တကယ်မရှိပါဘူး။"

"ဂန်းဇီ... မင်းက ဘာလို့ ဒီလောက်တောင် ပျာယာခတ်နေရတာလဲ မင်းမှာ တစ်စုံတစ်ခုသော အကြံအစည်တွေ ရှိနေရင်တောင် အဲဒါက ငါနဲ့ ဘာဆိုင်လို့လဲ၊ ဟုတ်တယ်မလား"

လင်းမူ၏ သဘောထားက ရုတ်တရက် ပြောင်းလဲသွားပြီး အလွန်အမင်း နားလည်ပေးနိုင်ဟန် ဖြစ်သွားခဲ့တယ်။

ဒါက ယွီရှောင်ဂန်းကို လုံးဝ ဝေခွဲမရ ဖြစ်သွားစေခဲ့တယ်။

ဒီလူက ဘာကြောင့် ရုတ်တရက် တစ်ခြားလူတစ်ယောက်အဖြစ် ပြောင်းလဲသွားပြီး စဉ်းစားပေးနေပုံပေါက်နေရတာလဲ သူ အိပ်မက်မက်နေတာလား

လင်းမူအနေဖြင့် အပြစ်ရှိသကဲ့သို့ ခံစားနေရခြင်းကြောင့်များလား

"ဆရာသခင်။"

ထန်ဆန်း တကယ်ကို နားမလည်နိုင်တော့ချေ။ ဒီလိုလိမ်လည်အဖိုးကြီးကိုသူက သတ်မပစ်လျှင်ပင် အနည်းဆုံးတော့ ပြင်းထန်သော သင်ခန်းစာတစ်ခု ပေးသင့်သည် မဟုတ်ပါလား။

ထန်ဆန်းရဲ့ ဇဝေဇဝါ ဖြစ်နေမှုကို မြင်သောအခါ လင်းမူ အနည်းငယ် မတတ်နိုင်သကဲ့သို့ ခံစားလိုက်ရတယ်။

မူလဇာတ်ကြောင်းတွင် ထိုကောင်လေးသည် ယွီရှောင်ဂန်းရဲ့ လှည့်စားခြင်းကို အဘယ်ကြောင့် ဒီလို လွယ်ကူစွာ ခံခဲ့ရသနည်းဆိုသည်မှာ မဆန်းတော့ချေ။

"ဂန်းဇီ. ငါတို့ လောင်းကြေးတစ်ခု ထပ်မလား ငါတို့ ရှောင်ဆန်းရဲ့ ပထမဆုံး ဝိညာဉ်စွမ်းရည်အပေါ်မှာ လောင်းကြေးထပ်ကြမယ်။"

"ဘယ်လို လောင်းမှာလဲ"

ယွီရှောင်ဂန်းသည် ဒါက ထောင်ချောက်တစ်ခု ဖြစ်နိုင်ကြောင်း ခပ်ရေးရေး ခန့်မှန်းမိသော်လည်း ရေနစ်သူက ကောက်ရိုးတစ်မျှင်ကိုပင် လက်လွှတ်မည် မဟုတ်ချေ။ ထောင်ချောက်ဟု သံသယရှိလျှင်ပင် သူ ကြိုးစားကြည့်ရမည် ဖြစ်သည်။

ဘာပဲဖြစ်ဖြစ် သူ့မှာ ဆုံးရှုံးစရာ ဘာမှမရှိချေ — သူ့တွင် သနားစရာကောင်းသော အသက်တစ်ချောင်းသာ ရှိသဖြင့် စွန့်စားကြည့်ရန် ဆုံးဖြတ်လိုက်တယ်။

လင်းမူရဲ့မျက်ဝန်းများ ဝင်းပသွားခဲ့တယ်။ ယခုအခါ သားကောင်က အစာကို ဟပ်လိုက်ပြီဖြစ်ရာ ပိုက်ကွန်ကို သိမ်းဆည်းရန် အချိန်တန်ပြီ ဖြစ်သည်။

သူက"လွယ်လွယ်လေးပါ။ အကယ်၍ မင်းသာ ရှောင်ဆန်းရဲ့ ပထမဆုံး ဝိညာဉ်စွမ်းရည်ကနေ ရုန်းထွက်နိုင်မယ်ဆိုရင် ငါ မင်းရဲ့ တောင်းဆိုချက်တစ်ခုကို ဖြည့်ဆည်းပေးမယ်။ မဟုတ်ရင်တော့ မင်းက ငါ့ရဲ့ တောင်းဆိုချက်တစ်ခုကို ဖြည့်ဆည်းပေးရမယ်။"

ဒီစကားကို ကြားရသောအခါ ယွီရှောင်ဂန်း ချက်ချင်းပင် စိတ်လှုပ်ရှားသွားခဲ့သည်။

အဆင့် ၂၉ ဝိဉာဉ်ဂရမ်းမာစတာတစ်ဦးအနေဖြင့် သူက အသစ်စက်စက် တက်လှမ်းလာသော ဝိညာဉ်သခင်တစ်ဦးရဲ့ ပထမဆုံး ဝိညာဉ်စွမ်းရည်ကို မခုခံနိုင်ဟု မယုံကြည်ချေ။

အထူးသဖြင့် ငွေပြာမြက်ကဲ့သို့ အားနည်းသော သိုင်းဝိဉာဉ်က အလွန်ဆုံးရှိလှ သာမန် ချည်နှောင်ခြင်း စွမ်းရည်တစ်ခုကိုသာ ရရှိနိုင်လိမ့်မည်။

ငွေပြာမြက်သက်သက်ရဲ့ ခွန်အားဖြင့် အဆင့် ၂၉ မဟာဝိညာဉ်သခင်တစ်ဦးကို ထိန်းချုပ်ရန်မှာ လုံးဝ မဖြစ်နိုင်ချေ။

"မင်း ကတိဖျက်မှာ မဟုတ်ဘူးလို့ ငါ ဘယ်လို သိနိုင်မှာလဲ"

ယွီရှောင်ဂန်းတွင် ဆင်ခြင်တုံတရား အနည်းငယ် ကျန်ရှိနေသေးတယ်။ သူတို့အကြားရှိ ခွန်အားကွာခြားချက်က ကြီးမားလွန်းလှတယ်‌လေ တကယ်လို့လင်းမူ ရှုံးနိမ့်သွားပြီး ဝန်မခံပါက ယွီရှောင်ဂန်းအနေဖြင့် ဘာမှလုပ်နိုင်လိမ့်မည် မဟုတ်ချေ။

"ငါ့ကို ယုံကြည်တာကလွဲလို့ မင်းမှာ တခြား ရွေးချယ်စရာ ရှိသေးလို့လား" ဟု လင်းမူက ပြန်လည်ချေပလိုက်တယ်။

ဤစကားကြောင့် ယွီရှောင်ဂန်း ဆွံ့အသွားခဲ့ရတယ်။ ဒါက အနည်းငယ် အဓိပ္ပာယ်မရှိသော်လည်း သူ့တွင် ဆွေးနွေးညှိနှိုင်းနိုင်သော စွမ်းအား အမှန်တကယ် မရှိချေ။

ဒီဝိဉာဉ်ကုန်းမြေတိုက်ကြီးသည် အမြဲတမ်း ခွန်အားကိုသာ အလေးထားကြသည်။

တကယ်လို့ လင်းမူက နောင်တွင် ကတိဖျက်ခဲ့လျှင်ပင် ယွီရှောင်ဂန်းအနေဖြင့် မည်သူ့ကိုမျှ သွားရောက်တိုင်ကြားနိုင်မည် မဟုတ်ချေ။

"ငါ နိုင်ရင်... မင်းနဲ့ ထန်ဆန်းတို့ရဲ့ ဆရာ-တပည့် ဆက်ဆံရေးကို ဖြတ်တောက်ရမယ်။"

အနည်းငယ် တွေးတောပြီးနောက် ယွီရှောင်ဂန်းက ဤတောင်းဆိုချက်ကို ပြုလုပ်လိုက်တယ်။ ဆယ်စုနှစ်ပေါင်းများစွာ သာမန်လူအဖြစ် ဖြတ်သန်းခဲ့ရပြီးနောက် ယခုအခါ သူ့တွင် စွဲလမ်းမှုတစ်ခုသာ ရှိတော့တယ် — ၎င်းမှာ သူ၏ သိုင်းဝိဉာဉ် သီအိုရီ မှန်ကန်ကြောင်း သက်သေပြရန် ဖြစ်သည်။

ထို့အပြင် ထန်ဆန်းက သူရဲ့ အကောင်းဆုံး စမ်းသပ်ကကြွက် ဖြစ်သည်။

ဒီတောင်းဆိုချက်ကို ကြားလိုက်ရသဖြင့် ထန်ဆန်း ချက်ချင်း မျက်မှောင်ကြုတ်သွားခဲ့တယ် လွန်ခဲ့သည့် ရက်ပိုင်းအတွင်း အတူတူ ဖြတ်သန်းခဲ့ပြီးနောက် သူက လင်းမူအား သူရဲ့ စစ်မှန်သော ဆရာသခင်အဖြစ် လက်ခံထားပြီး ဖြစ်သည်။

ဘာပဲဖြစ်ဖြစ် သူ၏ ဖခင်အရင်းကပင် သူ့အပေါ် သူရဲ့ ဆရာသခင်ကဲ့သို့ ကောင်းမွန်စွာ မဆက်ဆံခဲ့ဖူးချေ။ သူရဲ့ ဆရာသခင်က ဝိညာဉ်ကွင်း ရှာဖွေပေးရုံတင်မကဘဲ သူ၏ နေ့စဉ် လူနေမှုဘဝ လိုအပ်ချက်များကိုပါ ဂရုစိုက်ပေးခဲ့တယ်။

"ဂန်းဇီ... ဒါက ငါ့ရဲ့ အကောင်းဆုံး တပည့်ပဲဥစ္စာ။"

ခေတ္တမျှ နားပြီးနောက် လင်းမူက ရှေ့သို့ တစ်လှမ်းတိုးကာ ထင်ရှားစွာ ပျာယာခတ်နေသော ယွီရှောင်ဂန်းကို တိုက်ရိုက် စိုက်ကြည့်ရင်း နှေးကွေးစွာ ပြောလိုက်သည်

"အကယ်၍ မင်းက ငါ့ကို ဒီလောက်တောင် တန်ဖိုးရှိတဲ့အရာကို လောင်းကြေးထပ်စေချင်ရင် မင်းဘက်ကလည်း ငါ့ကို ကျေနပ်စေမယ့် အရာတစ်ခုခုကို ပြန်လည် ပေးအပ်ရလိမ့်မယ်။"

ဒီစကားကို ကြားရသောအခါ ယွီရှောင်ဂန်း အမှန်တကယ်ပင် သက်ပြင်းချနိုင်သွားခဲ့သည်။ တန်ဖိုးတစ်ခု ရှိနေသရွေ့ အခွင့်အရေး ရှိနေသေးသည်။

အနည်းငယ် တွေးတောပြီးနောက် ယွီရှောင်ဂန်းသည် အလွန် လှပသော ခါးပတ်တစ်ခုကို ထုတ်ယူလိုက်သည်။ ဤဝိညာဉ်ကရိယာသည် သူ ပိုင်ဆိုင်သမျှထဲတွင် တန်ဖိုးအရှိဆုံး အရာ ဖြစ်သည်။ ဒီပစ္စည်းမှအပ လင်းမူကဲ့သို့ ဝိညာဉ်ဘိုးဘေးတစ်ဦးကို ကျေနပ်စေမည့် အခြားအရာကို သူ တွေးမရချေ။

သူရဲ့ သိုင်းဝိဉာဉ် သီအိုရီကို ပေးအပ်ရမည်လား မေ့လိုက်စမ်းပါ။ ဒီလူရဲ့ ကန့်သတ်ထားသော အမြင်နှင့်ဆိုလျှင် သီအိုရီရဲ့ ကြီးမြတ်မှုကို မည်သို့မျှ မြင်နိုင်လိမ့်မည် မဟုတ်ချေ။

သူရဲ့ ဆရာသခင်သည် သူ့ကို လောင်းကစားပစ္စည်းတစ်ခုကဲ့သို့ သဘောထားနေသည်ကို မြင်သောအခါ ထန်ဆန်း ချက်ချင်းပင် မကျေမနပ် ဖြစ်သွားခဲ့သော်လည်း ဆရာသခင်ရဲ့ ရာထူးအဆင့်အတန်းကို လေးစားသောအားဖြင့် သူရဲ့ကန့်ကွက်မှုကို ရင်ထဲ၌သာ သိမ်းဆည်းထားလိုက်တယ်

"ဒါက သိုလှောင်မှု ဝိညာဉ်ကရိယာ (တစ်ခုပဲ။ ကျောက်စိမ်းပြား တစ်ပြားချင်းစီက တစ်ကုဗမီတာစာ သိုလှောင်မှုပမာဏကို ပေးစွမ်းနိုင်ပြီး စုစုပေါင်း ၂၄ ကုဗမီတာ ရှိတယ်။ သူ့ရဲ့ တန်ဖိုးက ဖြတ်လို့မရနိုင်ဘူး။"

ယွီရှောင်ဂန်း၏ ရှင်းလင်းချက်အပြီးတွင် ထန်ဆန်းရဲ့ မျက်ဝန်းများ ချက်ချင်း တောက်ပသွားခဲ့တယ်။ တကယ်လို့ သူ့တွင် ဒီဝိညာဉ်ကရိယာသာ ရှိပါက သူရဲ့ လျှို့ဝှက်လက်နက်များကို သိုလှောင်ရန် နေရာတစ်ခု နောက်ဆုံးတွင် ရရှိတော့မည် ဖြစ်သည်။