အခန်း (၇၁) ထန်ဆန်း - ကျွန်တော် အစွမ်းကုန် တိုက်ခိုက်တော့မယ်!

ကျောက်ဝူကျိ မြေကြီးပေါ်မှ ထရပ်လိုက်ပြီး ပါးစပ်ထောင့်မှ သွေးစများကို သုတ်လိုက်သည်။ သူရဲ့ ထုံကျင်နေသော လက်မောင်းများကို ခံစားလိုက်ရပြီး သူရဲ့မျက်လုံးများတွင် စိတ်လှုပ်ရှားမှု အရိပ်အယောင်များ ပေါ်လာသည်။

"မယုံနိုင်စရာပဲ!"

"ငါတောင် သံသယဖြစ်မိတယ်၊ ဒါဟာ အစွမ်းထက်တဲ့ လင်နက်သိုင်းဝိဉာဉ်ကို နိုးထလာတဲ့ မျောက်တစ်ကောင်လား? သူက ဘယ်လိုလုပ်ပြီး သားရဲဝိဉာဉ် ဖြစ်နိုင်မှာလဲ?"

စုယန်မှာ အနည်းငယ် အားကိုးရာမဲ့သလို ခံစားလိုက်ရသည်။ မူလကတော့ ထိုမျောက်ငယ်လေးသည် အရှိန်အဟုန်ကို ထိန်းထားဖို့ ဖြစ်သော်လည်း၊ အားနာစရာကောင်းတာက! ရတနာခုနှစ်ပါးမင်းသမီးလေးရဲ့ အကူအညီကို ပထမဆုံးအကြိမ် ရရှိခြင်းကြောင့် သူသည် အားကို ကောင်းကောင်းမထိန်းချုပ်နိုင်ခဲ့ပေ။

စုယန် စကားပြောတော့မည့်အချိန်တွင် ထန်ဆန်းမှာ သူတို့ကို စကားပြောခွင့်ပေးရန် လုံးဝစိတ်ကူးမရှိသလို၊ မျောက်ငယ်လေးကို နောက်တစ်ကြိမ် တိုက်ခိုက်ခွင့်ပေးရန်လည်း အစီအစဉ်မရှိပေ။

"မျောက်က‌လေး၊ ဖယ်ပေးစမ်း!"

ရုတ်တရက် ထန်ဆန်း ဒေါသတကြီး အော်ဟစ်လိုက်သည်။

နက်နဲသော ကောင်းကင်ဘုံရတနာ မှတ်တမ်း၏ စတုတ္ထမြောက် စည်းမျဉ်း -

ဝက်အယောင်ဆောင်ပြီး ကျားကိုစားဖို့ ဘယ်တော့မှ မကြိုးစားနဲ့၊ မဟုတ်ရင်တော့ တကယ့်ဝက်အဖြစ်နဲ့ အဆုံးသတ်သွားဖို့ လွယ်ကူလိမ့်မယ်!

ဒီအချိန်မှာတော့ ထန်ဆန်းဟာ ဒီစာသားရဲ့ အဓိပ္ပာယ်ကို နောက်ဆုံးတော့ နားလည်သွားခဲ့တယ်။ သူ့ရဲ့ တသမတ်တည်းဖြစ်တဲ့ တည်ငြိမ်တဲ့ ချဉ်းကပ်မှုဟာ စုယန်ရဲ့ ထင်ရှားကျော်ကြားမှုကို ပိုမိုတောက်ပလာစေခဲ့ပြီး၊ သူ့ရဲ့ တည်ရှိမှုဟာ သာမန်အတိုင်းဖြစ်သွားခဲ့ရတယ်—ဒါကြောင့်ပဲ ရှောင်ဝူက သူ့ကို လျစ်လျူရှုခဲ့တာ!

သူဟာ စုယန်ကို ထင်ရှားကျော်ကြားမှု ထပ်လုယူသွားခွင့် လုံးဝမပေးနိုင်ဘူး။

စုယန်၊ ဒီနေ့တော့ ငါ့ရဲ့ စွမ်းအားကို သက်သေပြရမယ်။ ငါ လုံးဝမင်းထက် မညံ့ဘူးဆိုတာကိုပေါ့။

ငါ့ရဲ့ စွမ်းအားကို ရှောင်ဝူ မြင်အောင်ကို လုပ်ရမယ်။

ငါ မားမားမတ်မတ် ရပ်တည်ပြမယ်

ထန်ဆန်းရဲ့ လက်များမှာ ဖြူလျော့သွားပြီး သူ၏ လက်ချောင်းဆယ်ချောင်းကြားတွင် ချီဓာတ်များ စီးဆင်းနေသကဲ့သို့ ဖြစ်လာကာ သူ၏ မျက်လုံးများမှာ ခရမ်းရောင်အလင်းတန်းများ စတင် ထွက်ပေါ်လာသည်။

ကျောက်ဝူကျိမှာ မူလက မျောက်ငယ်လေးနှင့် စွမ်းအားချင်း ယှဉ်ပြိုင်သည့် တိုက်ပွဲကို စတင်လိုသော်လည်း သူကိုယ်တိုင်မှာ သားကောင်ဖြစ်သွားမှန်း သိလိုက်ရသည်။

ဒီကောင်လေးက သူ့ကို သားကောင်လို့ သတ်မှတ်ပြီး တခြားသူရဲ့ လက်ထဲကနေ လုယူလိုက်တာလား?

"ဆရာကျောက်၊ ဆရာ့ရဲ့ ပြိုင်ဘက်က ကျွန်တော်ပါ!"

ချက်ချင်းပင်

ထန်ဆန်းရဲ့ တွဲလောင်းကျနေသော လက်များသည် သူရဲ့ ခါးနှစ်ဖက်မှနေ၍ လှပစွာ မြှောက်လိုက်သည်။

ချီ၊ ချီ၊ ချီ...!!

ထန်ဆန်းရဲ့ လက်များမှ အအေးဓာတ်ပါသော အလင်းတန်းဆယ်ခုသည် ကျောက်ဝူကျိရဲ့ မျက်လုံးများ၊ ပခုံးများ၊ လည်ချောင်း၊ နှလုံးသား၊ ဒူးခေါင်းများ၊ ပေါင်ကြားနှင့် ဝမ်းဗိုက်အောက်ပိုင်းတို့ကို ဦးတည်၍ ပစ်လွှတ်လိုက်သည်။

ကျောက်ဝူကျိမှာ ပေါ့ဆနေရဲခြင်းမရှိဘဲ သူ၏ တုန်လှုပ်မှုမရှိသော ဘုရင်ကိုယ်ခန္ဓာ ကို ချက်ချင်း အသက်သွင်းလိုက်ပြီး လက်နှစ်ဖက်ကို အပေါ်တစ်ဖက်၊ အောက်တစ်ဖက်ဖြင့် သူ၏ မျက်လုံးနှင့် ပေါင်ကြားကို ကာကွယ်လိုက်သည်။

သူ တကယ်ကို ထုံကျင်သွားခဲ့သည်။

ဒီနှစ်က ကလေးငယ်တွေဟာ တကယ်ကို နတ်ဆိုးတွေပဲ!

ဒိုင်မှုပိုင်မှာ ပို၍ပင် အံ့အားသင့်သွားခဲ့သည်။

ဘာတွေလဲဟ?

စုယန်က အလုံအလောက်ကို ထူးဆန်းနေပြီ၊ ဒီကောင်ကလည်း အတူတူပဲ ထူးဆန်းနေတာပဲ။ ဒီလောက် ရှုပ်ထွေးတဲ့ အရာတွေနဲ့ ဒီကောင်က အတိအကျ ဘာကောင်လဲ?

ရှောင်ဝူ၊ နင်ရုံရုံနှင့် ကျူကျူချင်းတို့မှာ အလွန်အာရုံစိုက်ပြီး ကြည့်နေကြသည်။

လျှို့ဝှက်လက်နက်များ။

ဒါတွေဟာ စုယန် ပြောပြခဲ့တဲ့ လျှို့ဝှက်လက်နက်တွေပဲ။

စုယန်မှာ ဘေးကနေ ပျော်ရွှင်စွာ ကြည့်နေပြီး အလေးအနက် အော်ဟစ်လိုက်သေးသည်။

"ထန်ဆန်း၊ မင်းကိုယ်မင်း အတင်းဖိအားပေးပြီး မလုပ်နဲ့နော်!"

စုယန်ရဲ့ မလုပ်ဖို့ ပြောလိုက်သည့် စကားသည် ထန်ဆန်းကို ဒေါသထွက်စေရုံသာမက သူ့ရင်ထဲက မီးတောက်ကိုလည်း အထွတ်အထိပ်သို့ ရောက်သွားစေခဲ့သည်။

ဘန်း၊ ဘန်း၊ ဘန်း!!!

အရင်က လျှို့ဝှက်လက်နက်များကို ကျောက်ဝူကျိရဲ့ ဝိဉာဉ်စွမ်းရည်ဖြင့် တားဆီးထားတာကို မြင်လိုက်ရသောအခါ ထန်ဆန်းရဲ့ ခန္ဓာကိုယ်မှာ လှည့်ပတ်သွားပြီး နောက်တစ်ကြိမ် တိုက်ခိုက်မှုမှာတော့ အပြည့်အဝ တိုက်ခိုက်လိုက်သည်။ လျှို့ဝှက်လက်နက် ဒါဇင်ပေါင်းများစွာသည် ကျောက်ဝှုကျိဆီသို့ ပြင်းထန်စွာ ပစ်ခတ်လာပြီး သူသည် လျှို့ဝှက်လက်နက် အရူးအမူးပစ်ခတ်သူအဖြစ် ပြောင်းလဲသွားခဲ့သည်။

ထန်ဆန်း -

"ငါ အစွမ်းကုန် တိုက်ခိုက်တော့မယ်!"

"ယူလာ၊ ယူလာ၊ ယူလာ~"

"ဖတ်၊ ဖတ်၊ ဖတ်၊ ဖတ်၊ ဖတ်၊ ဖတ်..."

"ငါ အစွမ်းကုန် တိုက်ခိုက်တော့မယ်!"

"ယူလာ၊ ယူလာ၊ ယူလာ~"

"ဖတ်၊ ဖတ်၊ ဖတ်၊ ဖတ်၊ ဖတ်၊ ဖတ်..."

"ငါ အစွမ်းကုန် တိုက်ခိုက်တော့မယ်!"

"ယူလာ၊ ယူလာ၊ ယူလာ~"

"ဖတ်၊ ဖတ်၊ ဖတ်၊ ဖတ်၊ ဖတ်၊ ဖတ်..."

ဒီလို မိုးသည်းထန်စွာ ရွာသွန်းသကဲ့သို့ ပစ်ခတ်မှုကြောင့် စုယန်နှင့် တခြားသူများမှာ ရှောင်တိမ်းရန် နောက်ဆုတ်ခဲ့ရပြီး မျောက်ငယ်လေးပင်လျှင် သူ့သံတုတ်ကို လှည့်ကာ ပျံသန်းလာသော လျှို့ဝှက်လက်နက်များကို ကာကွယ်လိုက်ရသည်။

စိတ်အားထက်သန်မှုမီး‌ တောက်တို့ တောက်လောင်နေပြီး

အမျိုးမျိုးသော လျှို့ဝှက်လက်နက်များမှာ ပျံဝဲနေသည် - ဝီလိုရွက်ဓားများ၊ ကျောက်တုံးငယ်များ၊ ပိုက်ဆံအကြွေစေ့များကို ပစ်သော လက်နက်များ၊ အရိုးဖောက်သည့် အပ်များ။ လျှို့ဝှက်လက်နက် အမျိုးအစားစုံမှာ ကောင်းကင်ကို ဖုံးလွှမ်းသွားသော ပန်းမိုးများကဲ့သို့ပင်။

ကျောက်ဝူကျိမှာ ဂက်တလင် သေနတ်ဖြင့် အပစ်ခံနေရသော ကြီးမားပြီး အဆင်မပြေသည့် ဝက်ဝံတစ်ကောင်ကဲ့သို့ ဖြစ်နေပြီး အလွန်တရာ စိတ်အနှောင့်အယှက် ဖြစ်နေသည်။

ပျော်ရွှင်စွာ ကြည့်နေသော စုယန်မှာ စိတ်လှုပ်ရှားစွာ အော်ဟစ်လိုက်သည်။

"သောက်ကျိုးနည်း! တောက်ပနေပြီ ထန်ဆန်း မင်း တကယ်ကို တောက်လောင်နေတာပဲ!"

ကျောက်ဝူကျိမှာ အတိုက်ခံရမှုကြောင့် စိတ်အာရုံတွေ ဝေဝါးသွားပြီး ထန်ဆန်းမှာ ကြွက်လေးတစ်ကောင်လို ပတ်ပြေးနေသည်။

သူက ထန်ဆန်းကို မဖမ်းနိုင်သလို၊ မရိုက်လည်း မရိုက်နိုင်ပေ။

အခုတော့ စုယန်ရဲ့ အော်ဟစ်သံကို ကြားရပြီး ပိုပြီး ဒေါသထွက်ကာ သူရဲ့ တတိယမြောက် ဝိဉာဉ်ကွင်းစွမ်းရည်ကို တိုက်ရိုက် အသုံးပြုလိုက်သည်။

"ဆွဲငင်အား ဖိအား

ကျောက်ဝူကျိရဲ့ ဝိဉာဉ်စွမ်းရည်ကို ထုတ်လွှတ်လိုက်သောအခါ ထန်ဆန်းရဲ့ လှုပ်ရှားမှုများကို ချက်ချင်း ကန့်သတ်လိုက်ပြီး သူရဲ့ အရှိန်မှာ သိသိသာသာ နှေးကွေးသွားသည်။

ကျောက်ဝူကျိမှာ ချက်ချင်းပင် သူ၏ စတုတ္ထမြောက် ဝိဉာဉ်စွမ်းရည်ကို အသုံးပြုလိုက်သည်။

"အနေအထား ခြေရာခံခြင်း

အခုတော့ ထန်ဆန်း အလွဲလွဲအချော်ချော် ဖြစ်သွားပြီ။

စုယန်မှာ အတွင်းစိတ်က ပျော်နေပေမယ့် စိုးရိမ်တဲ့ပုံစံမျိုး ဟန်ဆောင်ပြီး အော်လိုက်သည်။

"မလုပ်ပါနဲ့! ဆရာကျောက်။"

ကျောက်ဝူကျိမှာ ဝိဉာဉ်စွမ်းရည် နှစ်ခုကို တစ်ဆက်တည်း ထုတ်လွှတ်လိုက်သည်။ ထန်ဆန်းကို ဖမ်းမိပြီးနောက် သူရဲ့ ဘယ်လက်ဖြင့် တင်းတင်းကျပ်ကျပ် ဆုပ်ကိုင်ထားလိုက်ပြီး ထိုထူးဆန်းသော လှုပ်ရှားမှုနည်းပညာကို ထပ်မသုံးနိုင်စေရန် တားဆီးလိုက်သည်။ ညာလက်ဖြင့်တော့ အားပြင်းသော လက်သီးနှစ်ချက်ဖြင့် ထန်ဆန်း၏ နှာခေါင်းသွေးထွက်သည်အထိ ထိုးလိုက်သည်။

"သောက်ကျိုးနည်း!"

"ငါ မင်းကို ကြွားခွင့်ပေးမယ်၊ ငါ မင်းကို ကြွားခွင့်ပေးမယ်၊ ငါ မင်းကို ကြွားခွင့်ပေးမယ်။"

ဘန်း၊ ဘန်း၊ ဘန်း!!!

ဘန်း၊ ဘန်း၊ ဘန်း!!!

ကျောက်ဝူကျိရဲ့ သဲအိတ်အရွယ် လက်သီးများမှာ ထန်ဆန်း၏ မျက်နှာပေါ်သို့ ကျရောက်လာပြီး ခဏလေးကမှ ခံစားခဲ့ရသော ဝေဒနာများအားလုံးကို ထုတ်လွှတ်လိုက်သည်။

"မလုပ်ပါနဲ့လား?"

"ငါ လုပ်တော့မယ်၊ ငါ လုပ်တော့မယ်!"

ကျောက်ဝူကျိမှာ အားအများကြီး မသုံးသော်လည်း ထန်ဆန်းရဲ့ ခန္ဓာကိုယ်သေးသေးလေးက ခံနိုင်ရည်မရှိပေ။ ဒီ လက်သီး" ဆက်တိုက် ထိုးချက်တွေကြောင့် ထန်ဆန်းမှာ ဝက်ခေါင်းဖြစ်သွားရသည်။

ဒီမြင်ကွင်းကို မြင်လိုက်ရသောအခါ စုယန်မှာ အတွင်းစိတ်ကနေ အသံထွက်သည်အထိ ရယ်မောနေသည်။

ကျောက်ဝူကျိ၊ အို ကျောက်ဝူကျိ၊ မင်းကတော့ တကယ့် သူရဲကောင်းပဲ။

"ဖတ်~"

ဒါပေမဲ့ အတိုက်ခံရပြီး သွေးအန်ပြီးနောက်မှာတောင် ထန်ဆန်းက ရှုံးနိမ့်ကြောင်း ဝန်မခံပေ။

"သရဲနွယ်ပင်၊ ကပ်ပါးကောင်

ထန်ဆန်းသည် နောက်တစ်ကြိမ် ပြင်းထန်စွာ တိုက်ခိုက်ရန် ရွေးချယ်လိုက်သည်။ ကျန်ရှိနေသော ဝိဉာဉ်စွမ်းအင်ကို အသုံးပြု၍ ကျောက်ဝူကျိ၏ အားနည်းချက်ကို နောက်ဆုံးတွင် ရှာတွေ့သွားပြီး အပ်များဖြင့် ထိုးစိုက်လိုက်ကာ ဟောက်တျန်းတူ ကို လွှဲယမ်း၍ ကျောက်ဝူကျိရဲ့ မျက်နှာကို ပြင်းပြင်းထန်ထန် ရိုက်ချလိုက်သည်။

ကျောက်ဝူကျိမှာ ယခုအခါတွင် အလွန်ဆိုးရွားသော အခြေအနေသို့ ရောက်သွားပြီ၊ သူ၏ မျက်နှာမှာ ဟောက်တျန်းတူဖြင့် ရိုက်ခံလိုက်ရ၍ နှာခေါင်းသွေးထွက်သွားကာ ခန္ဓာကိုယ်မှာလည်း အဆိပ်ကြောင့် ထုံကျင်သွားသည်။

အမွှေးတိုင်တစ်တိုင်စာ အချိန်ကုန်ဆုံးသွားခဲ့သည်။

စုယန်မှာ ဤအပြန်အလှန် ပျက်စီးနေသော မမြင်ကွင်းကို ကြည့်ရှုပြီး တကယ်ကို ကျေနပ်နေမိသည်။

ဟုတ်တာပေါ့။

သူတစ်ခုတော့ ဝေဖန်ချင်သည်။ သူ ထန်ဆန်းကို နောက်ဆုံးတွေ့ပြီးကတည်းက တစ်ရက်ပဲ ရှိသေးသည်၊ ဒီကောင်က နဂါးအမွေးအပ် ကို ဘယ်လိုလုပ်ပြီး ရသွားတာလဲ?

ဘယ်လောက်တောင် ရွံစရာကောင်းလိုက်သလဲ!

သူသည် ဒီနေ့ မွန်းလွဲပိုင်းတွင် ကောင်းကင်ဒိုမြို့ သို့သွားပြီး ဒူဂူယန်ကို ရှာရမည်၊ ထန်ဆန်း သူရဲ့ တတိယမြောက် ဝိဉာဉ်ကွင်းကို မရယူခင် ပြန်လာရမည်။

မဟုတ်ရင်။

ဒီကောင်ကို မစောင့်ကြည့်ရင်တော့ သူက ခြေရှစ်ချောင်း ပင့်ကူဝိဉာဉ်ရိုး ကို ရသွားမှာ အသေအချာပဲ။

စုယန်မှာ အံ့အားသင့်ဟန်ဆောင်ပြီး အော်ဟစ်လိုက်သည်။ "ထန်၊ ထန်ဆန်း၊ မင်းနိုင်သွားပြီ၊ မင်းက တကယ်ကို အံ့သြဖို့ကောင်းလွန်းတယ်။"

စုယန်ရဲ့ စကားကို ကြားလိုက်သောအခါ ထန်ဆန်းသည် ရှောင်ဝူရှိရာ ဘက်သို့ ခေါင်းလှည့်ကြည့်လိုက်သည်။ သို့သော် သူ၏ အမြင်အာရုံမှာ ဝေဝါးသွားပြီး မေ့လဲလုနီးပါး ဖြစ်သွားသည်။

နိုင်သွားပြီ။

ရှောင်ဝူ၊ မင်း မြင်လိုက်လား?

ငါ၊ ထန်ဆန်းဟာ စုယန်ထက် မညံ့ဘူး၊ ငါ၊ ထန်ဆန်းဟာ သူ့ထက် လုံးဝ မညံ့ဘူး။

ရှောင်ဝူ ငါ့ကို မြင်ကို မြင်ရမယ်!

ဒိုင်မှုပိုင်မှာ အံ့အားသင့်သွားသည်။

သူက စုယန်ဆိုတဲ့ကောင်က အနှောင့်အယှက် အပေးဆုံးလို့ ထင်ခဲ့တာ၊ ဒါပေမဲ့ အခုတော့ စုယန်ဆိုတဲ့ကောင်က တကယ်တော့ အဆင်ပြေသားပဲ။ ထန်ဆန်းနဲ့ နှိုင်းယှဉ်ရင် သူက လူသားတစ်ယောက်ပါပဲ!

ပြီးတော့ ထန်ဆန်းကော?

ဒီကောင်က ရူးနေတာပဲ၊ ရှုပ်ပွနေတဲ့ အရာတွေကို ဒီလောက်အများကြီး ပစ်ထုတ်နေတာ၊ အားလုံးက အဆိပ်ပြင်းတာတွေချည်းပဲ။ အရမ်းကို ရက်စက်လွန်းတယ်။

သူတို့နဲ့ နှိုင်းယှဉ်ရင် စုယန်က တကယ်ကို ကြင်နာတတ်သူပါ။

"အော်စကာ.. မြန်မြန် သူ့ကို ဝက်အူချောင်း ပေးစားလိုက်!"

နင်ရုံရုံနှင့် တခြားသူများမှာ လုံးဝကို ယုံကြည်သွားကြသည်။

ဒီကောင် ထန်ဆန်းဟာ ရိုးရိုးလေးမဟုတ်ဘူး။ စုယန် ပြောခဲ့သလိုပဲ၊ ဝိဉာဉ်နန်းဆောင် ကို ဖျက်ဆီးပစ်နိုင်တဲ့ စွမ်းအား သူမှာ ရှိနေတာပဲ။

ကျောက်ဝူကျိက အလေးအနက် မလုပ်ခဲ့ပေမဲ့ ဝိဉာဉ်စွမ်းအင် အဆင့်က ဒီလောက် မြင့်နေတာကို၊ ထန်ဆန်းက ဒီအတိုင်းအတာအထိ ဖိအားပေးနိုင်တာဟာ တကယ်ကို ကူးပြောင်းလာသူ တစ်ယောက်မှ လုပ်နိုင်တဲ့ အရာပါ။

ထန်ဆန်းရဲ့ လျှို့ဝှက်လက်နက်များသည်လည်း အဆင့်တူသူတွေကြားထဲမှာ လုံးဝ အနိုင်မရှိဘူး။

【 ရတနာခုနှစ်ပါးမင်းသမီးလေး - ဘီဘီတုံ၊ မင်းတော့ ဒုက္ခရောက်တော့မယ်! 】

【 ဘီဘီတုံ - ??? 】

【 ရတနာခုနှစ်ပါးမင်းသမီးလေး - ငါ ထန်ဆန်းကို အရင်က စုံစမ်းကြည့်တော့ ဘာမှထူးခြားတာ မတွေ့ခဲ့ဘူး၊ ဒါပေမဲ့ အခု ထပ်စုံစမ်းကြည့်လိုက်တော့ ထန်ဆန်းက အရမ်း၊ အရမ်းကို ထူးဆန်းကျယ်နေတယ်။ အို ဘုရားသခင်! လျှို့ဝှက်လက်နက်တွေကို မိုးသည်းထန်စွာ ရွာသလို ပစ်ခတ်လိုက်တယ်လို့ ကြားတယ်လေ။ 】

【 အရိပ်ထဲကကြောင် - @ "နွေဦးလေတိုက်လို့ ပြန်ပေါက်တဲ့မြက်က", ထန်ဆန်းက ထန်ဟောက်ရဲ့သား မဟုတ်ဘူးဆိုတာ ငါ ၁၀၀ ရာခိုင်နှုန်း သေချာပြောနိုင်တယ်။ 】

【 "နွေဦးလေတိုက်လို့ ပြန်ပေါက်တဲ့မြက်က - ??? 】

【 ယန်ဇီက ငှက်မဟုတ်ဘူး - ပစ်၊ ပစ်၊ ပစ်၊ မြန်မြန် ကျွန်မတို့ကို တစ်ကိုက်လောက် ပေးစား! 】

【 ငါကမိဘမဲ့တစ်ယောက် - မင်းတို့ ထူးခြားတဲ့ ရှာဖွေတွေ့ရှိမှု တစ်ခုခု လုပ်မိလိုက်တာလား? 】

အိမ်ရှေ့စံနန်းဆောင်

ချန်ရန်ရွှယ်မှာ လက်ဖက်ရည်ခွက်ကို ကောက်ကိုင်လိုက်ပြီး ညင်သာစွာ စုပ်သောက်လိုက်သည်။ သူမ အခု ၁၀၀ ရာခိုင်နှုန်း သေချာသွားပြီ။

ရတနာခုနှစ်ပါးမင်းသမီးလေး နင်ရုံရုံ၊ အရိပ်ထဲကကြောင်၊ မုန်လာဥစားရတာကြိုက်တယ် ရှောင်ဝူနှင့် စုယန်—ဒီလေးယောက်ဟာ ထန်ဆန်းနဲ့အတူ ရှိနေတာ၊ ပြီးတော့ ဆိုတိုမြို့ မှာ တစ်ခုခု ဖြစ်ပျက်သွားခဲ့တာ။

ချန်ရန်ရွှယ်မှာ အရမ်းကို စိုးရိမ်နေမိသည်!

သတင်းအချက်အလက်။

သတင်းအချက်အလက်။

ငါ့ဆီကို မြန်မြန် ပြန်ပို့ပေးကြစမ်းပါ။

【 ဘီဘီတုံ - မင်းတို့ ဘာတွေ ရှာတွေ့ခဲ့တာလဲ? ထန်ဆန်းရဲ့ လျှို့ဝှက်လက်နက်တွေက ဘာလို့ ဒီလောက် အစွမ်းထက်နေရတာလဲ? 】

【 "နွေဦးလေတိုက်လို့ ပြန်ပေါက်တဲ့မြက်က " - ကြောင်လေး၊ မင်းက ထန်ဆန်းဟာ ထန်ဟောက်ရဲ့သား မဟုတ်ဘူးလို့ သေချာပြောနေတာလား? 】

【 အရိပ်ထဲကကြောင် - ငါ မင်းတို့ကို ဘယ်လို ရှင်းပြရမလဲ မသိဘူး၊ အတိုချုပ်ပြောရရင် စုယန် ပြောခဲ့သလိုပဲ၊ သူက ထန်ဟောက်ရဲ့သား ဖြစ်မလာနိုင်ဘူး။ 】

【 ရတနာခုနှစ်ပါးမင်းသမီးလေး - ထန်ဆန်းရဲ့ လျှို့ဝှက်လက်နက်တွေက ဒီလောက်ထိကို အစွမ်းထက်တာ! 】

【 ဘီဘီတုံ - အသေးစိတ်ကရော ဘယ်လိုလဲ? 】

【 ရတနာခုနှစ်ပါးမင်းသမီးလေး - ငါလည်း အသေးစိတ်ကို မသိဘူး။ လူတွေကို စုံစမ်းခိုင်းပြီးမှ သတင်းရလာတာ၊ ငါ ကိုယ်တိုင်တော့ မျက်မြင် မတွေ့ခဲ့ရဘူး။ 】

【 လျိုအာ့လုံ - အဘွားကြီး၊ ငါ ရုတ်တရက် ပြဿနာတစ်ခု ရှာတွေ့လိုက်တယ်။ မင်း၊ ဝိဉာဉ်နန်းဆောင်ရဲ့ ပုပ်ရဟန်းမင်းဆိုတာ ဒီလောက်ထိ မတော်ပါလား? 】

【 လျိုအာ့လုံ - ငါ မင်းကို အထင်သေးတာ မဟုတ်ဘူး၊ ဒါပေမဲ့ ပုပ်ရဟန်းမင်းရဲ့ ထောက်လှမ်းရေးကို ကြည့်ဦး။ မိဘမဲ့တစ်ယောက် (ငါကမိဘမဲ့တစ်ယောက်) ဒါမှမဟုတ် မင်းသမီးလေး (ရတနာခုနှစ်ပါးမင်းသမီးလေး) တို့ထက်တောင် မသာဘူး။ မင်းရဲ့ ပုပ်ရဟန်းမင်းသက်တမ်းဟာ မင်းရဲ့ မျက်စိကန်းတာနဲ့တူတူပဲ! 】

【 ဂရုအဖွဲ့၀င်နံပါတ် 9 - ဒီစကားကို ငါ လုံးဝ သဘောတူတယ်။ သူတို့အားလုံးမှာ လျှို့ဝှက်ချက်တွေ ရှိကြတယ်၊ မင်းကတော့ ပုပ်ရဟန်းမင်း မင်းကတော့မကောင်းတဲ့ မျက်စိပဲ ရှိတယ်။ 】

【 မုန်လာဥစားရတာကြိုက်တယ် - မကောင်းတဲ့ မိန်းမကြီးက မျက်စိကန်းရုံတင် မကဘူး၊ ဝိဉာဉ်နန်းဆောင်ရဲ့ ထောက်လှမ်းရေးကလည်း ကန်းနေတာပဲ၊ ဟားဟားဟား! 】

【 ငါကမိဘမဲ့တစ်ယောက် - ဘီဘီတုံ၊ မင်းက ဒီလောက်ပဲလား။ ဝိဉာဉ်နန်းဆောင်ရဲ့ ပုပ်ရဟန်းမင်း လုပ်မနေနဲ့တော့။ အိမ်ပြန်ပြီး ကန်စွန်းဥပဲ ရောင်းလိုက်ပါတော့၊ အလကားလူ! 】

ဂန္ဓမာတုန့်‌လော့ တစ္စေတုန့်လော့အန္တရာယ်၊ အန္တရာယ်၊ အန္တရာယ်!!