အခန်း ၆၉။ ထန်ဆန်း၊ မင်းမှာ ယုံကြည်မှု ရှိရဲ့လား?
ဒိုင်မူဘိုင်က စုယန်ကို လက်စားချေချင်ပေမဲ့ လက်ရှိအခြေအနေမှာတော့ မဖြစ်နိုင်တာ သေချာပါသည်။
ကျောက်ဝူကျိက တိုက်ခိုက်ချင်စိတ်တွေ တဖွားဖွားပေါ်လာနေပြီး ထိခိုက်မှုတွေဖြစ်ကုန်ရင် သူကသာ ဒီကိစ္စအတွက် တာဝန်ခံရမှာပါ။
အဓိက ပြဿနာကတော့...
မူလက စုယန်တစ်ယောက်တည်း ရှိပေမဲ့ ဒီလိုလုပ်လိုက်ရင် ကျောက်ဝူကျိက ကျောင်းသားငါးယောက်ကို တိုက်ရိုက် ရန်စလိုက်သလို ဖြစ်သွားမှာပါ။ ကျောင်းတစ်ခုလုံးမှာ ကျောင်းသား ရှစ်ယောက်ပဲ ရှိတာကိုး။
သူက မိုက်မဲတဲ့သူ မဟုတ်ဘူး၊ ဒီလိုမျိုးလုပ်ဖို့ ဖြစ်နိုင်ပါ့မလား?
ဒီဘက်မှာတော့။
နင်ရုံရုံက တိုးတိုးလေး ပြောလိုက်သည် - "အစ်ကိုကြီး စုယန်၊ အဲ့ဒီ ကျားကြီးက တခြားတစ်ဖက်ကို ကျွန်မတို့ကို တမင်သက်သက် သင်ခန်းစာပေးဖို့ ပြောနေတာလို့ မင်း ထင်လား?"
ရှောင်ဝူက နှုတ်ခမ်းကို စုလိုက်ပြီး "သေချာပေါက်ပေါ့၊ စိတ်ပျက်စရာကောင်းတဲ့ ကျားကြီး။ နောက်တစ်ခါကျရင် သူ့ကို အကုန်လုံး ဝိုင်းပြီး အရိုက်ခံရအောင် လုပ်ကြမယ်!"
ထန်ဆန်းကတော့ ဘေးမှာ ဘာမှမပြောဘဲ ရပ်နေသည်။
စုယန်နဲ့ ဒိုင်မူဘိုင်ကြားက အငြိုးအတေးက သူနဲ့ ဘာဆိုင်လို့လဲ?
သူတော့ ဝင်မပါဘူး။
"ထန်ဆန်း။"
စုယန်က အလေးအနက် ပြောလိုက်သည် -
"ငါ တစ်ခုခု ရုတ်တရက် သတိရသွားတယ်။ အော်စကာရဲ့ ဝက်အူချောင်းအကြောင်း ငါတို့ မသိပေမဲ့ အဲ့ဒီ ဒိုင်မူဘိုင်ကတော့ သေချာပေါက် သိမှာပဲ!"
"သူက ငါတို့ကို ဘာလို့ ကြိုမသတိပေးတာလဲ?"
ထန်ဆန်းရဲ့ အမူအရာ တင်းမာသွားသည်။
ချီးပဲ
ဒိုင်မူဘိုင်၊ မင်းတော့ သေလမ်းရှာလိုက်ပြီပဲ
ဒါကိုမြင်တော့ နင်ရုံရုံတို့အဖွဲ့ လုံးဝ ဆွံ့အသွားကြသည်။
သေစမ်း!
စုယန်၊ မင်းက တကယ့်ကို နှလုံးသားမည်းတဲ့ကောင်ပဲ။
အခြေအနေက ရှင်းနေပါတယ်။
ကျောက်ဝူကျိက ဒိုင်မူဘိုင်ရဲ့ စကားကို လုံးဝ လျစ်လျူရှုလိုက်ပြီး သူ့လက်ကို အသာဝှေ့ယမ်းလိုက်သည် - "ကောင်းပြီ၊ ဒီကိစ္စနဲ့ မင်းတို့နဲ့ မဆိုင်ဘူးဆိုတာကို သူတို့ကို ငါ ကြေညာပေးမယ်။"
ပြောပြီးတဲ့နောက်။
ကျောက်ဝူကျိက ဘယ်ကနေ ထုတ်လိုက်မှန်းမသိတဲ့ အမွှေးတိုင်တစ်တိုင်ကို လက်ချောင်းတွေနဲ့ ပွတ်သပ်ပြီး မီးညှိကာ မြေကြီးပေါ်ကို ပစ်ချလိုက်သည်။
"မင်းတို့ကို ကြိုပြောထားမယ်၊ ဒါက မင်းတို့ ငါးယောက်အတွက် ငါ့ရဲ့စမ်းသပ်မှုပဲ၊ ရှောက်ဘိုင် (ဒိုင်မူဘိုင်) နဲ့ မင်းတို့ကြားက အငြိုးအတေးနဲ့ လုံးဝ မဆိုင်ဘူး။"
"မင်းတို့ ပြင်ဆင်လို့ ရပြီ!"
ဒိုင်မူဘိုင်: ???
သူ ဆွံ့အသွားသည်။
ဒီကြေညာချက်ကို တကယ်ပြောလိုက်တာလား?
ဒိုင်မူဘိုင် အလွန်စိတ်ပျက်သွားသည်။ သူက စုယန်တို့ ငါးယောက်ရှိတဲ့ အုပ်စုဆီ လျှောက်သွားပြီး တည်ငြိမ်တဲ့ မျက်နှာနဲ့ ပြောလိုက်သည် -
"ဒီကိစ္စက ဆရာကျောက်ရဲ့ ကိုယ်ပိုင်အကြံပဲ။ မူလက မင်းတို့ရဲ့ ပြိုင်ဘက်က ငါဖြစ်ရမှာ၊ ဆရာကျောက်က ကြီးကြပ်ပေးရမှာ။"
ဒိုင်မူဘိုင် ဘာမှမတတ်နိုင်တော့ဘူး။
သူသာ ဒီအခြေအနေကို ရှင်းပြရင် အထင်လွဲတာ ပျောက်သွားနိုင်တယ်။ သူသာ မရှင်းပြရင် နောက်မှ သိသွားတဲ့အခါ ရှင်းလို့ မရတော့ဘူး။
ရှောင်ဝူက စိတ်တိုတိုနဲ့ ပြောလိုက်သည် -
"ငါတို့က လူမိုက်တွေလို့ မင်း ထင်နေတာလား?"
ဒိုင်မူဘိုင်က စုယန်ကို တစ်ချက်ကြည့်ပြီး အကူအညီမဲ့တဲ့ လေသံနဲ့ ပြောလိုက်သည် -
"ဘယ်လိုပဲဖြစ်ဖြစ်၊ ဒါက ငါနဲ့ မဆိုင်တော့ဘူး။ ဆရာကျောက်ရဲ့ အခြေအနေကို ငါ အခု ပြောပြမယ်၊ မင်းတို့ တန်ပြန်တိုက်ခိုက်ဖို့ ဆွေးနွေးကြပါဦး!"
"ဆရာကျောက်ရဲ့ နာမည်က ကျောက်ဝူကျိ၊ အဆင့် ၇၆ ဝိဉာဉ်သူတော်စင် တစ်ယောက်ပဲ။ သူက ကျောင်းရဲ့ ဒုကျောင်းအုပ်၊ သူ့ရဲ့ စွမ်းအားက ကျောင်းအုပ်ကြီးပြီးရင် ဒုတိယမြောက်ပဲ။"
"သူ့ရဲ့ သိုင်းဝိဉာဉ်က 'ဗာဂျရာ၀က်၀ံ၊ အစွမ်းထက်တဲ့ သားရဲဝိဉာဉ်ပဲ။ သူ့ခန္ဓာကိုယ်မှာ အားနည်းချက် မရှိဘူး၊ ခုခံနိုင်စွမ်းကလည်း ကြောက်ဖို့ကောင်းလောက်အောင် မြင့်တယ်။ တူညီတဲ့ အဆင့်ရှိတဲ့ ဝိဉာဉ်ဆရာတွေတောင် သူ့ရဲ့ ခုခံမှုကို ဖောက်ထွက်ဖို့ တော်တော် ခက်ခဲလိမ့်မယ်..."
နင်ရုံရုံက အံ့သြစွာနဲ့ အော်လိုက်သည် - "ဘာ၊ သူက 'ရွေ့လျားလို့မရသော တောက်ပသောဘုရင်' ကျောက်ဝူကျိ လား?"
ဒိုင်မူဘိုင်ရဲ့ စကားကို ကြားတော့ ရှောင်ဝူတို့ရဲ့ အမူအရာတွေလည်း သိသိသာသာ ပြောင်းလဲသွားသည်။
"အဆင့် ၇၆ ဝိဉာဉ်သူတော်စင်?"
"ဒါက?"
"ငါတို့က ဘယ်လိုလုပ် သူ့ကို နိုင်မှာလဲ?"
ရှောင်ဝူတို့ ပြောနေရင်း ဒိုင်မူဘိုင်ကို အလွန်စိတ်အနှောင့်အယှက် ဖြစ်စွာနဲ့ ကြည့်လိုက်ပြီး အခုချက်ချင်းပဲ ဒိုင်မူဘိုင်ကို ရိုက်နှက်ပစ်ချင်နေကြတယ်
ဒိုင်မူဘိုင် စိတ်ထဲမှာ ခါးသီးနေရသည်!
ဆရာကျောက် ဒီနေ့ အရမ်း မရက်စက်ပါစေနဲ့လို့ပဲ သူ ဆုတောင်းနေရသည်၊ မဟုတ်ရင် ဒီလူငါးယောက်က သူ့ကို သေချာပေါက် မုန်းတီးသွားမှာဖြစ်ပြီး နောက်ကွယ်ကနေ အိတ်နဲ့စွပ်ပြီး ရိုက်ဖို့တောင် လုပ်ကောင်းလုပ်လိမ့်မယ်။
"အစ်ကိုကြီး စုယန်?"
နင်ရုံရုံက စုယန်ကို ကြည့်ပြီး လမ်းညွှန်ချက် တောင်းလိုက်သည်။
စုယန်က သူတို့ကိုကြည့်ပြီး တည်ငြိမ်စွာ ပြောလိုက်သည် -
"ငါတို့က သူ့ကို အနိုင်ယူဖို့ မဟုတ်ဘူး၊ အမွှေးတိုင်တစ်တိုင်စာ ခံနိုင်ရည် ရှိဖို့ပဲ လိုတာ။"
"ထန်ဆန်း၊ မင်းမှာ ယုံကြည်မှု ရှိရဲ့လား?"
ထန်ဆန်းက စုယန်ရဲ့စကားကို ကြားတော့ စကားမပြောနိုင် ဖြစ်သွားပြီး သူ့ကိုယ်သူ လက်ညှိုးထိုးလိုက်သည် -
"ငါလား?"
ငါ့မှာ ဘာယုံကြည်မှုမှ မရှိဘူး!
ဟေ့၊ ခဏစောင့်ဦး?
သူက စုယန် ရှောင်ဝူကိုကြည့်ပြီး အလေးအနက် ပြောနေတာကို မြင်လိုက်ရသည် - "ရှောင်ဝူ၊ စိတ်မပူပါနဲ့၊ ငါ့ရဲ့စွမ်းဆောင်ရည်ကိုသာ နောက်မှာ ဆက်ကြည့်နေ!"
"ငါ့မှာ ယုံကြည်မှု ရှိတယ်။"
"ငါ့မှာ အများကြီး ယုံကြည်မှု ရှိတယ်။"
ထန်ဆန်းကတော့ ခုနကတည်းက ခေါင်းကိုက်နေသည်။ အဆင့် ၇၆ ဝိဉာဉ်သူတော်စင်ကို ဘယ်လိုလုပ် တိုက်ရမှာလဲ?
သို့သော်။
သူ ခွင့်မပြုနိုင်ဘူး။ စုယန် ရှောင်ဝူရဲ့ရှေ့မှာ ထပ်ပြီး ကြွားဝါနေတာကို သူ လုံးဝ ခွင့်မပြုနိုင်ဘူး။
ဒါကိုမြင်တော့ စုယန် စိတ်ထဲမှာ ရယ်ချင်သွားသည်။
မှန်တာပေါ့။
မင်းသာ ရှေ့တိုးမတိုက်ရင် ဘယ်လိုလုပ် အရိုက်ခံရမှာလဲ?
မင်းသာ အရိုက်မခံရရင် ကျောက်ဝူကျိက ဘယ်လိုလုပ် အရိုက်ခံရမှာလဲ?
မင်းတို့ထဲက ဘယ်သူမှ မတိုက်ရင် ငါက ဘယ်လိုမျိုး ပျော်စရာတွေကို ရှာရမှာလဲ?
ကျူကျူချင်းနဲ့ နင်ရုံရုံက စုယန်ကို သံသယအနည်းငယ်နဲ့ ကြည့်လိုက်သည်။ ထန်ဆန်းကို ဒီတစ်ခါ ဘယ်လို လှည့်စားဖို့ ကြံနေတာလဲဆိုတာ သူတို့ သေချာ မသိကြဘူး။
"ဒါဆိုရင် အဲ့အတိုင်းပဲ သတ်မှတ်လိုက်မယ်!"
စုယန်က ထန်ဆန်းကိုကြည့်ပြီး ပြောလိုက်သည် - "မင်းက တိုက်စစ်ကို ဦးဆောင်၊ အကုန်လုံး ထုတ်သုံးလိုက်။ ငါက မျောက်ငယ်လေးကို မင်းကို ကူညီဖို့နဲ့ ရုံရုံတို့ နှစ်ယောက်ကို ကာကွယ်ဖို့ ခိုင်းထားလိုက်မယ်။"
"နည်းဗျူဟာကို ဆွေးနွေးကြတာပေါ့။"
အဆင့် ၇၆ ဝိဉာဉ်သူတော်စင်။
သာမန်ဆိုရင် ဖလန်ဒါဆိုရင်တောင် စုယန် မပေါ့ဆဘူး။
ဒါပေမဲ့ ကျောက်ဝူကျိလို အမာခံတဲ့ ပြိုင်ဘက်မျိုးဆိုရင် စုယန်ရဲ့ 'စည်းမျဥ်းချိုးဖျက် ခြေလှမ်းနဲ့ အဆုံးမဲ့ ဝိဉာဉ်စွမ်းအင်တွေက သူ့ကို တစ်နေ့လုံး ကစားနေနိုင်ပါတယ်။
ကျောက်ဝူကျိသာ သူ့အဝတ်စကိုတောင် ထိမိရင် သူပဲ ရှုံးတယ်လို့ သတ်မှတ်လိုက်မယ်ဆိုရင်
မျိုးရိုးဗီဇ ပြောင်းထားတဲ့ မျောက်ငယ်လေးက ဘယ်လောက်တောင် စွမ်းသလဲဆိုတာကိုတောင် မထည့်တွက်ရသေးဘူး။
သေချာပါတယ်။
အချို့သော ကြွားဝါမှုတွေက လုပ်ပြဖို့ လိုအပ်တယ်၊ အချို့က မလိုဘူး။
ဒီလိုအခြေအနေမျိုးမှာ ကြွားတာက ဘာမှ အကျိုးမရှိတဲ့အတွက် ထန်ဆန်းကိုပဲ ဖြည်းဖြည်းချင်း ကစားခိုင်းလိုက်တာ ပိုကောင်းပါတယ်။
ထန်ဆန်းက စုယန် ပျင်းနေတာကို ဘာမှ မပြောဘူး။ သူက စုယန်ကို အားမထုတ်မှာကို မကြောက်ဘူး၊ အားအလွန်ထုတ်ပြီး သူ့ရဲ့နေရာကို လုယူသွားမှာကိုပဲ ကြောက်တာ၊ အဲ့ဒါဆို ရှောင်ဝူရဲ့ ရှေ့မှာ သူ့ရဲ့တည်ရှိမှုက ပိုပြီး နည်းသွားလိမ့်မယ်လေ။
"ငွေပြာမြက်သိုင်းဝိဉာဉ်'၊ အဆင့် ၂၉ ထိန်းချုပ်ရေးစနစ် ဝိဉာဉ်ဆရာပါ။"
ရှောင်ဝူက နင်ရုံရုံကိုကြည့်ပြီး ပြောလိုက်သည် -
"ရုံရုံ၊ ငါက သားရဲဝိဉာဉ် 'ယုန်'၊ အဆင့် ၂၉ တိုက်ခိုက်ရေးစနစ် ဝိဉာဉ်ဆရာပါ။"
နင်ရုံရုံက ပြုံးပြီး ပြန်ဖြေလိုက်သည်၊
"ရတနာခုနှစ်ပါးပြဿဒ်၊ အဆင့် ၂၆ ပံ့ပိုးပေးရေးစနစ် ဝိဉာဉ်ဆရာပါ။"
သူမက ကျူကျူချင်းရဲ့မျက်လုံးထဲမှာ အံ့သြမှုတွေ မြင်ရလိမ့်မယ်လို့ မျှော်လင့်ပေမဲ့ ကျူကျူချင်းရဲ့ အမူအရာက တည်ငြိမ်နေသည်။ ဘာလို့လဲဆိုတော့ သူမက နင်ရုံရုံရဲ့ အထောက်အထားကို ကြိုသိနေလို့ပါ။
"ငါက သားရဲဝိဉာဉ် 'ငရဲကြောင်၊ အဆင့် ၂၇ လျင်မြန်သော တိုက်ခိုက်ရေးစနစ် ဝိဉာဉ်ဆရာပါ။"
ရှောင်ဝူက မျောက်ငယ်လေးအတွက် ကိုယ်စားပြောလိုက်သည် - "မျောက်ငယ်လေးက သားရဲဝိဉာဉ်၊ ပြောင်းလဲထားတဲ့ ဝိဉာဉ်၊ အဆင့် ၃၈ ဝိဉာဉ်အကြီးအကဲ ပါ။"
မျောက်ငယ်လေးက သူ့လက်လေးကို ဆန့်ထုတ်ပြီး ဝှေ့ယမ်းလိုက်ရာ ရှောင်ဝူ ပြောတာ မှားကြောင်း ပြလိုက်သည်။
"အခုတော့ အဆင့် ၃၉ ဖြစ်နေပြီ။"
စုယန်က ဘေးကနေ ဖြည့်စွက် ပြောလိုက်သည်။
သူ့ရဲ့ လက်ရှိ ဝိဉာဉ်စွမ်းအားက အဆင့် ၄၈ (ကျွန်တော်ထင်တာ မျောက်ကလေးနဲ့ စုယန်ကသီးခြားစီမို့လို့ အဆင့်တွေကကွဲနေတာထင်တယ်မူရင်းမှာ ဒီလိုရေးထားလို့) ဘုရားဝိဉာဉ်ကွင်း နောက်တစ်ခုကို ထပ်စုပ်ယူလိုက်ရင် အနည်းဆုံး အဆင့် ၅၁ ရောက်သွားလိမ့်မယ်။ အဆင့် ၅၀ စနစ် နတ်ဘုရားဝိဉာဉ်ကွင်းက သူ့ကို နောက်ထပ် သုံးဆင့်လောက် တိုးပေးနိုင်တယ်။
သူက ဝိဉာဉ်စွမ်းအား နှစ်ဆင့်ကို စုထားတာ ရှိသေးတယ်။
နောက်တစ်ဆင့်မှာတော့ သူက 'နတ် ဆေးပင်းတွေကို သွားရှာပြီး အကုန်လုံးကို စားလိုက်မယ်၊ ဝိဉာဉ်စွမ်းအား ၁၀ ဆင့် ဒါမှမဟုတ် ၂၀ ဆင့်လောက် တိုးဖို့ဆိုတာ ပြဿနာ မရှိပါဘူး။ ပြီးရင် နောက်ထပ် စနစ် ဘုရားဝိဉာဉ်ကွင်းတွေကို ထပ်စုပ်ယူလိုက်ရင် သူ့အဆင့်က ချက်ချင်းဆိုသလို မြင့်တက်သွားလိမ့်မယ်။
ထန်ဆန်းကတော့ စိတ်ထဲမှာ အလွန် ဒေါသထွက်နေသည်။ သူ အရိုက်ခံရပြီးတဲ့နောက်မှာ အဆင့်တက်ဖို့ ကြိုးစားခဲ့တာကို ဒီ စောက်ကျိုးနည်း စုယန်က ဘာလို့ အဆင့်တက်နေရတာလဲ?
ချီးးး
သူ ထန်ဆန်းဆိုတာက အမြဲတမ်း သူ့အရိပ်အောက်မှာပဲ နေသွားဖို့ ကံကြမ္မာပါလာတာလား?
ဒါကိုကြားတော့ ဒိုင်မူဘိုင်ရဲ့ အမူအရာက သိသိသာသာ ပြောင်းလဲသွားပြီး စိတ်ထဲမှာလည်း ဒေါသထွက်နေသည်။
ကျိန်ဆဲလိုက်စရာ!
ဒီကောင်က သူ့ထက်တောင် နှစ်ဆင့် ပိုမြင့်နေတာလား?
နင်ရုံရုံက စုယန်ကို ဝမ်းမြောက်စွာနဲ့ ကြည့်လိုက်သည်။ တိုက်ခိုက်ရေးစနစ် ဝိဉာဉ်က သူမအတွက် လိုက်ဖက်ညီလွန်းတယ်။ စုယန်က သူမနဲ့ အသက်အရွယ်တူပြီး ဝိဉာဉ်စွမ်းအားလည်း ဒီလောက် မြင့်မားနေတယ်။
သူမသာ စုယန်ကို အိမ်ခေါ်သွားရင် သူမရဲ့ဖခင်နဲ့ ဓါးဘိုးဘိုး တို့ ရူးလောက်အောင် ပျော်သွားမှာ မဟုတ်ဘူးလား?
ခဏအကြာမှာ။
ကျောက်ဝူကျိက ထရပ်လိုက်ပြီး ခြေလှမ်းကျဲကျဲနဲ့ လျှောက်လာသည်။
"ဆွေးနွေးပြီးကြပြီလား?"
"ပြီးပါပြီ။"
သူတို့ငါးယောက် ဆွေးနွေးပြီးသွားတာကို မြင်တော့ ဒိုင်မူဘိုင်က ပြန်ဖြေပြီး ဘေးကို ပြေးသွားသည်။
သူက စိတ်ထဲမှာတော့ အလွန် သိချင်နေသည် - အဲ့ဒီ စောက်ကျိုးနည်း စုယန်က သူ့ကို မနေ့က ရိုက်တုန်းက ဝိဉာဉ်စွမ်းရည်ကိုတောင် မသုံးခဲ့တာ!
ဒီနေ့တော့ စုယန်ရဲ့ ထူးဆန်းတဲ့ ဝိဉာဉ်က ဘာတွေလဲဆိုတာကို သေချာကြည့်ဖို့ သူ ဆုံးဖြတ်လိုက်သည်။
စုယန်က ကျူကျူချင်းနဲ့ ရှောင်ဝူကို တစ်ချက်ကြည့်ပြီး ညွှန်ကြားလိုက်သည် - "သူ့ရဲ့ ခုခံမှုကို မင်းတို့ မဖောက်နိုင်ဘူး၊ ရှေ့ကနေပြီး တွဲပြီးသာ ရိုက်လိုက်၊ ပြီးရင် ချက်ချင်း နောက်ဆုတ်လိုက်။"
ကျူကျူချင်းနဲ့ ရှောင်ဝူတို့က နားလည်ကြောင်း ခေါင်းအသာငြိမ့်ပြလိုက်သည်။
ထန်ဆန်းက ရှေ့ဆုံးမှာ အလေးအနက် မျက်နှာနဲ့ ရပ်နေပြီး သူ့လက်သီးကို တင်းတင်းဆုပ်ထားသည်။
သူ နော်ဒင်း အကယ်ဒမီမှာ ပြိုင်ပွဲ ရှုံးခဲ့ဖူးတယ်။
သူ ကျိန်ဆိုထားတယ်။
ဒီနေ့တော့ ရှောင်ဝူ သူ့ကိုကြည့်ပြီး သူဘယ်လောက်စွမ်းလဲဆိုတာကို ပြန်သိအောင် လုပ်ပြမယ်။
'ငါ ထန်ဆန်း ဒီနေ့ မတ်တပ်ရပ်ပြမယ်!
ငါ သေချာပေါက် လုပ်နိုင်တယ်!
ငါ လုပ်နိုင်ရမယ်!'