အခန်း ၆၂။ ကူးပြောင်းသူ

【 "စုယန် : အတိုင်းအတာနဲ့ တိုင်းတာလို့ရတဲ့ အရာမှန်သမျှကို အခြေခံပြီး ဖြစ်တည်နေတဲ့ အရာတစ်ခုလို့ နားလည်နိုင်တယ်။" 】

【 ဟူလီနာ - ငါတို့ လူနည်းနည်းလေးပဲ ရှိသေးတာကို ဒီလောက်တောင် အင်အားကြီးနေပြီလား?"? 】

【 စုယန် - ငါတို့တစ်ဒါဇင်လောက်က စွမ်းအားကြီးနေတာ မဟုတ်ဘူး။ ငါတို့တစ်ဒါဇင်လောက်နဲ့ဆိုရင်တော့ ကျန်တဲ့သူတွေအကုန် လုံးဝအမှိုက်‌ေတွပဲ။ 】

【 လျိုအာ့လုံ - ဘယ်လောက်တောင် ရဲတင်းလိုက်တဲ့ စကားလဲ! ဝိဉာဉ်နှစ်မျိုးပိုင်ရှင်တွေ၊ အဆင့် ၉၉ ရှိတဲ့ ပြိုင်ဘက်ကင်း "တုန့်လော့" တွေကိုရော မင်း အလေးအနက်ထားရဲ့လား? 】

【 ဘီဘီတုံ - လျိုအာ့လုံ၊ မင်း နောက်တစ်ခါ ထူးဆန်းတဲ့ အမူအကျင့်တွေ လုပ်နေပြန်ပြီလား? 】

【 ဟူလီနာ - "တုန့်လော့" တွေထဲမှာ မင်းအတွက် နေရာမရှိတော့ဘူးလား? 】

ပုပ်ရဟန်းမင်းနန်းဆောင်။

ဘီဘီတုံက ဝေးရာကို လျှောက်သွားနေတဲ့ ဟူလီနာကို ကြည့်ရင်း သူမကို ပြန်ခေါ်ပြီး ကန်ထုတ်လိုက်ချင်တဲ့ စိတ်ကို မနည်းထိန်းထားရသည်။

စကားပြောရမှန်း မသိရင် ပါးစပ်ကို ပိတ်ထားလိုက်စမ်းပါ!

【 ဘီဘီတုံ - မြန်မြန် ပြောစမ်း! မင်းပြောလို့ ပြီးရင် ထန်ဟောက်၊ ထန်ဆန်းနဲ့ တခြားသူတွေကို ဘယ်လိုသတ်ရမလဲဆိုတာကို ငါ ထပ်စဉ်းစားရဦးမယ်။ 】

【 နွေဦးလေတိုက်လို့ ပြန်ပေါက်တဲ့မြက် - ဘီဘီတုံ၊ မင်း ဒီအရူးမ၊ မင်းက ဘယ်တော့မှ အချစ်ခံရမှာမဟုတ်ဘူး မင်းက ဘယ်သူမှမချစ်တဲ့ သနားစရာကောင်းတဲ့ သတ္တဝါတစ်ကောင်ပဲ။ 】

【 ဘီဘီတုံ - အစွမ်းထက်တဲ့သူတွေဟာ အထီးကျန်ဖို့ ကံကြမ္မာပါလာတာပဲ။ 】

【 အားလုံး - စကားပြောတောင်‌ မပြောနိုင်တော့ဘူး 】

【 စုယန် - ကူးပြောင်းသူတွေအကြောင်း မပြောခင်မှာ "ကမ္ဘာသုံးထောင်" အကြောင်းကို အရင်ပြောဖို့ လိုတယ်။ ကမ္ဘာသုံးထောင်ဆိုတာ ကမ္ဘာပေါင်း သုံးထောင်တင် မဟုတ်ဘူး၊ မင်းတို့မသိတဲ့ ကမ္ဘာပေါင်းမြောက်မြားစွာ တည်ရှိနေတာကို ခေါ်ဝေါ်တာ အဲ့ဒီကမ္ဘာတွေထဲမှာ တချို့က သန်မာပြီး တချို့က အားနည်းတယ်၊ ဒူလော့ကမ္ဘာ ဆိုတာ ကမ္ဘာသုံးထောင်ထဲက ကမ္ဘာငယ်တစ်ခုသာ ဖြစ်တယ်။ 】

【 ဘီဘီတုံ - နတ်ဘုရားနယ်ပယ်ရော ပါတာလား? 】

【 စုယန် - ဟုတ်တယ်၊ နတ်ဘုရားနယ်ပယ်နဲ့ နတ်ဘုရားနယ်ပယ်က စီမံခန့်ခွဲတဲ့ တခြားလူသားလောကတွေအားလုံးပါ ဒို့လော့ကမ္ဘာထဲမှာ ပါဝင်တယ်။ 】

【 ယန်ဇီက ငှက်မဟုတ်ဘူး - ငါ့ခေါင်းတွေ ယားလာသလိုပဲ။ ငါတို့လိုမျိုး ကမ္ဘာပေါင်းမြောက်မြားစွာ ရှိနေတာလား? 】

【 ဂရုအဖွဲ့ဝင်နံပါတ် ၉ - ဒါကိုပဲ "လူ‌အထက်မှာလူရှိတယ်၊ ကောင်းကင်ထက်ကောင်းကင် ရှိသေးတယ်" လို့ ခေါ်တာပေါ့။ 】

【 စုယန် - ကူးပြောင်းသူ ဆိုတာ တခြားကမ္ဘာတစ်ခုကနေ ဒီကမ္ဘာထဲကို ခရီးနှင်လာတဲ့သူပါ။ ဒါက ယေဘုယျအားဖြင့် အခြေအနေ နှစ်မျိုးရှိတယ်။ 】

【 စုယန် - ပထမအမျိုးအစားက "ရုပ်ပိုင်းဆိုင်ရာ ကူးပြောင်းခြင်း"။ ရုပ်ပိုင်းဆိုင်ရာ ကူးပြောင်းခြင်းဆိုတာ ခန္ဓာကိုယ်ရော ဝိဉာဉ်ပါ ဒီကမ္ဘာကို တစ်ပြိုင်နက်တည်း ရောက်လာတာမျိုးပါ။ 】

【 စုယန် - ဒုတိယအမျိုးအစားက "ဝိဉာဉ်ပိုင်းဆိုင်ရာ ကူးပြောင်းခြင်း"။ ဝိဉာဉ်ပိုင်းဆိုင်ရာ ကူးပြောင်းခြင်းက နည်းနည်းရှုပ်ထွေးတယ်။ ဝိဉာဉ်တစ်ခုတည်းပဲ ဒီကမ္ဘာထဲကို ဝင်လာတာမျိုးဖြစ်ပြီး မူလပိုင်ရှင်ကို ဝါးမြိုပြီး ခန္ဓာကိုယ်ကို သိမ်းပိုက်ရတာ၊ ဒါမှမဟုတ် အခုလေးတင် သေဆုံးသွားတဲ့သူရဲ့ ခန္ဓာကိုယ်ထဲကို ဝင်ရောက်ပြီး ပြန်လည်ရှင်သန်ရတာမျိုးပါ။ 】

【 စုယန် - ဟုတ်ပါတယ်၊ တခြားအခြေအနေတွေလည်း ရှိပါသေးတယ်။ ဥပမာ - ပြန်လည်မွေးဖွားပြီး ယခင်ဘဝက အမှတ်တရတွေကို ပြန်ဖော်ထုတ်တာ၊ မှတ်ဉာဏ်တွေနဲ့ ပြန်မွေးဖွားလာတာ၊ ဒါမှမဟုတ် ပြင်ပစွမ်းအားကို အသုံးပြုပြီး ကူးပြောင်းလာပြီး အချိန်မရွေး ပြန်သွားနိုင်တာမျိုးတွေပေါ့။ ဒါပေမဲ့ ဒီအခြေအနေတွေ အားလုံးကတော့ အစွမ်းထက်တဲ့ 'ရွှေလက်ချောင်း လိုအပ်တယ်။ 】

【 ဘီဘီတုံ - ဒါဆို ထန်ဆန်းက ဘယ်လိုကူးပြောင်းလာတာလဲ? 】

【 ငါကမိဘမဲ့တစ်ယောက် - ထန်ဆန်းကို အသူရာနတ်ဘုရားက ခေါ်လာတာလို့ စုယန် ပြောခဲ့တာ ငါမှတ်မိတယ်။ 】

【 မုန်လာဥစားရတာကြိုက်တယ် - ဝိဉာဉ်ပိုင်းဆိုင်ရာ ကူးပြောင်းတာလား၊ ရုပ်ပိုင်းဆိုင်ရာ ကူးပြောင်းတာလား? 】

【 အရိပ်ထဲကကြောင် - သိုးကင်စားမယ်။ 】

【 ဂရုအဖွဲ့ဝင်နံပါတ် ၉ - ထန်ဆန်းမှာ ဖခင်ရှိတယ်၊ မိခင်ရှိတယ်၊ သူက ဝိဉာဉ်ပိုင်းဆိုင်ရာ ကူးပြောင်းသူလား၊ ရုပ်ပိုင်းဆိုင်ရာ ကူးပြောင်းသူလား? 】

【 နွေဦးလေတိုက်လို့ ပြန်ပေါက်တဲ့မြက် - ??? 】

【 စုယန် - ထန်ဆန်းက ဝိဉာဉ်ပိုင်းဆိုင်ရာ ကူးပြောင်းသူပါ။ သူက ဝူရှကမ္ဘာတစ်ခုကနေ ကူးပြောင်းလာတာ။ သူ့ရဲ့ယခင်ဘဝက ထန်ဂိုဏ်းရဲ့ ပြင်ပဂိုဏ်းဝင်တစ်ယောက်၊ လျှို့ဝှက်လက်နက်တွေကို ကြိုက်နှစ်သက်တဲ့ အသက် ၂၉ နှစ်အရွယ် အေးစက်စက် လူသတ်သမားတစ်ယောက်ပါ။ အတွင်းဂိုဏ်းရဲ့ လျှို့ဝှက်ကျမ်း " လျိုဝှက်ဆန်းကျယ် ကောင်းကင်မှတ်တမ်း" ကို ခိုးယူခဲ့လို့ ထန်ဂိုဏ်းရဲ့ အကြီးအကဲတွေက လိုက်လံသတ်ဖြတ်ခဲ့ပြီး ချောက်ကမ်းပါးထဲ ခုန်ချခဲ့ရတာပါ။ 】

【 မုန်လာဥစားရတာကြိုက်တယ် - ??? 】

ရှီလိုင်ခဲ့ အကယ်ဒမီကိုသွားတဲ့ လမ်းမှာ

ကျူကျူချင်းနဲ့ နင်ရုံရုံတို့နှစ်ယောက်လုံးက အံ့သြသွားပြီး ထန်ဆန်းကို တိတ်တိတ်လေး ငေးကြည့်လိုက်ကြသည်။

အေးစက်စက် လူသတ်သမားတစ်ယောက်လား?

ရှောင်ဝူလည်း ဆွံ့အသွားသည်။

နေပါဦး၊ မဟုတ်လောက်ပါဘူး?

သူ့အဖေက အရိပ်ထဲကနေ ငါ့ကို စောင့်ကြည့်နေတဲ့ ဘွဲ့အမည်ရတုန့်လော့ တစ်ယောက်၊ ဘီဘီတုံကလည်း ငါတို့ကို လိုချင်တပ်မက်စွာ ကြည့်နေတယ်၊ အခု မင်းက ထန်ဆန်းက အေးစက်စက် လူသတ်သမားပါလို့ ပြောနေတာလား?

ဒါဆို ဒီယုန်က ဘယ်လိုအသက်ရှင်ခွင့် ရတော့မှာလဲ !!!

ခဏလေးစောင့်ဦး။

အသက် ၂၉ နှစ်အရွယ် အေးစက်စက် လူသတ်သမား ဟုတ်လား???

ရှောင်ဝူလည်း ဆွံ့အသွားသည်။

ဒီထန်ဆန်းက "ဦးလေးထန်" ဖြစ်သွားပြီပေါ့?

မျိုးစေ့နယ်ပယ်။

အာရင်လည်း ဒီအချိန်မှာတော့ ဘာမှန်းမသိတော့ပေ။

သူမ မြေပြင်ပေါ်မှာ လဲကျနေပြီး နေရာတစ်ခုလုံး မှိန်ဖျော့သွားသည်။

အာရင် တကယ်ပဲ ကျိုးပဲ့သွားသည်။

ထန်ဆန်း?

သူမရဲ့ ကလေးအရင်း မဟုတ်ဘူးလား?

သူက တခြားကမ္ဘာကနေ လာတာလား၊ တခြားကမ္ဘာက လူသားတစ်ယောက်လား?

"မဖြစ်နိုင်ဘူး! လုံးဝမဖြစ်နိုင်ဘူး!"

"ဘာလို့ ဒီလိုဖြစ်ရတာလဲ? ဘာလို့ ဒီလိုဖြစ်ရတာလဲ! ငါ ကိုယ်တိုင်တောင် အနစ်နာခံခဲ့ပြီးပြီ၊ ဘာလို့ ငါ့ကလေးကို မကာကွယ်နိုင်ခဲ့တာလဲ။"

"ငါ့ရဲ့ သနားစရာ ကလေးလေး..."

အာရင်က စိတ်ပျက်အားငယ်စွာနဲ့ အော်ဟစ်လိုက်သည်။

ဂူထဲမှာ။

အစတုန်းက တောက်ပနေတဲ့ "ငွေပြာမြက်ပန်း တွေက နှင်းခဲထိသလိုမျိုး ညှိုးနွမ်းသွားခဲ့သည်။

【 ဘီဘီတုံ - ငါ နားလည်ပြီ။ ထန်ဆန်းဆိုတာ အသူရာနတ်ဘုရားက ခေါ်လာတဲ့ ဝိဉာဉ်တစ်ခုပဲ၊ ထန်ဟောက်ရဲ့သားထဲကို ဝင်ပူးကူးပြောင်းလာတာ မဟုတ်လား? 】

【 ဘီဘီတုံ - မနေ့က မင်းပြောခဲ့တာအရဆိုရင်၊ ငါ ထန်ဆန်းကို သတ်လိုက်ရင် သူက ခဏတာပဲ သေဆုံးမှာဖြစ်ပြီး အသူရာနတ်ဘုရားက သူ့ကို နောက်တစ်ကြိမ် ပြန်လည်ရှင်သန်အောင် ကူညီပေးနိုင်သေးတယ်လို့ ဆိုလိုတာလား? 】

【 ထန်ယွဲ့ဟွာ - ထန်ဆန်းက ဒီကမ္ဘာမှာ ပြန်မွေးဖွားလာတာ ဒါမှမဟုတ် ယခင်ဘဝက အမှတ်တရတွေကို နောက်မှ ပြန်ဖော်ထုတ်လာတာ ဖြစ်ဖို့ မဖြစ်နိုင်ဘူးလား? 】

【 စုယန် - အဲ့ဒီလို ဖြစ်နိုင်ခြေ မရှိပါဘူး။ ထန်ဆန်းက အာရင်ဆိုတာ ဘယ်သူလဲဆိုတာကို လုံးဝမမှတ်မိပါဘူး။ အဲ့ဒီတုန်းက ချန်ရွှန်းဂျီ (Qian Xunji) က ထန်ဟောက်ကို လိုက်လံသတ်ဖြတ်တဲ့အခါ၊ သုံးရက်သုံးည လိုက်တာကို မပြောနဲ့၊ ဘွဲ့အမည်ရတုန့်လော့ တွေ တိုက်ပွဲဖြစ်တဲ့အချိန်မှာ ဘယ်သူမဆိုရဲ့ အသက်ရှူသံကတောင် ကလေးတစ်ယောက်ကို သေစေနိုင်ပါတယ်။ 】

【 စုယန် - ဒါကြောင့် ဒီအချိန်ဇယားမှာ ကွာဟချက်ရှိနေတယ်ဆိုတာ ငါတို့ သေချာပေါက် ပြောနိုင်တယ်။ ထန်ဆန်းက ထန်ဟောက်ရဲ့သား မဟုတ်ဘူး။ ထန်ဆန်းက အာရင် အနစ်နာခံပြီးမှ ပေါ်လာတာဖြစ်ပြီး ထန်ဟောက်လည်း ထန်ဆန်းက သူ့ရဲ့သားအရင်း မဟုတ်ဘူးဆိုတာ သိတယ်။ 】

【 စုယန် - ပြီးတော့ မင်းတို့ကို တစ်ခု အကြံပေးမယ် - ထန်ဟောက်ကို အထင်မကြီးကြပါနဲ့။ အာရင်ရဲ့ အထောက်အထား ပေါက်ကြားသွားတာက သံသယဖြစ်စရာပဲ။ သူတို့ ချန်ရွှန်းဂျီရဲ့ အမဲလိုက်တာကို ခံရတဲ့အခါ သူတို့ ဟောက်တျန်းဂိုဏ်းဆီ မသွားဘူး၊ ကြယ်တာယာတောအုပ်ကြီးထဲလည်း မသွားဘူး။ ထန်ဟောက် ဘာလုပ်ချင်နေတာလဲဆိုတာ ခန့်မှန်းကြည့်ကြလေ? 】

【 ယန်ဇီက ငှက်မဟုတ်ဘူး - ကျစ် ကျစ် ကျစ်၊ ငါ အတင်းအဖျင်းရဲ့ အနံ့ကို ထပ်ရလိုက်ပြီ။ ဒီချတ်ဂရုက တကယ်ကို ကောင်းလွန်းတယ်။ 】

【 လျိုအာ့လုံ - ဒီအဘွားကြီး နောက်ဆုံးတော့ အောင်မြင်သွားပြီ၊ ငါလည်း ချတ်ဂရုရဲ့ ပျော်ရွှင်မှုကို ခံစားရပြီ။ အဘွားကြီး၊ မင်း ပျော်လား၊ မပျော်ဘူးလား? 】

【 ဘီဘီတုံ - ထွက်သွား! 】

【 ထန်ယွဲ့ဟွာ - ဒါ ဘယ်လိုလုပ် ဖြစ်နိုင်မှာလဲ? 】

【 နွေဦးလေတိုက်လို့ ပြန်ပေါက်တဲ့မြက် - မင်း... မင်းက ထန်ဟောက်က ထန်ဆန်းက သူ့သား မဟုတ်ဘူးဆိုတာ သိတယ်လို့ ပြောနေတာလား? 】

အာရင် ဒီအချိန်မှာတော့ ပိုပြီး ဆွံ့အသွားရသည်။

ဒါပေမဲ့ သူမ အဓိကအချက်ကို မမိသေးဘူး!

【 စုယန် - ထန်ဟောက် သိတယ်ဆိုတာ ငါသေချာပြောနိုင်တယ်၊ မဟုတ်ရင် သူက ငယ်ရွယ်တဲ့ ထန်ဆန်းအပေါ် လျစ်လျူရှုပြီး ထန်ဆန်းကို သူ့အတွက် ထမင်းချက်ခိုင်း၊ ဝန်ဆောင်မှုပေးခိုင်းမှာ မဟုတ်ဘူး။ 】

【 ငါကမိဘမဲ့တစ်ယောက် - အခုကြည့်ရရင်တော့ ထန်ဆန်းက တကယ်ပဲ သတ်ရခက်တယ်၊ ဒါပေမဲ့ မင်းတို့အနေနဲ့ စိတ်ပိုင်းဆိုင်ရာ တိုက်ခိုက်မှုတွေကို သုံးပြီး သူ့ရဲ့ဝိဉာဉ်ကို ဖျက်ဆီးပစ်နိုင်တယ်၊ ပြီးရင် သူ့ခေါင်းကို ဖြတ်ပစ်လိုက်။ 】

【 ငါကမိဘမဲ့တစ်ယောက် - ဘီဘီတုံ၊ မင်း ပုပ်ရဟန်းမင်းနန်းဆောင်က စိတ်ပိုင်းဆိုင်ရာ စွမ်းအားရှိတဲ့ ဝိဉာဉ်မာစတာတွေကို ရှာလိုက်ပါ၊ ပိုစွမ်းအားကြီးလေ ပိုကောင်းလေပဲ။ သူ့ဝိဉာဉ်ကို တိုက်ရိုက် ဖျက်ဆီးလိုက်ရင် သူ့ကို သတ်နိုင်မှာပါ။ 】

【 ဟူလီနာ - ငါလုပ်နိုင်မလား? 】

【 စုယန် - မင်းက ထန်ဆန်းနဲ့ စိတ်ပိုင်းဆိုင်ရာ စွမ်းအားပြိုင်မယ်ဆိုရင် သူက မင်းကို တစ်ချက်ကြည့်လိုက်တာနဲ့ သေစေနိုင်တယ်! 】

【 အားလုံး - ??? 】

【 ယန်ဇီက ငှက်မဟုတ်ဘူး - စုယန်၊ မင်း ဒီလောက်တောင် ဟာသလုပ်စရာ လိုလို့လား? 】

【 ရတနာခုနှစ်ပါးမင်းသမီးလေး - ထန်ဆန်းက ဟူလီနာကို တစ်ချက်ကြည့်ပြီး သေအောင် လုပ်လိုက်မယ်ဆိုတာ ဟာသတစ်ခု မဟုတ်ဘူးလား? 】

【 မုန်လာဥစားရတာကြိုက်တယ် - ထန်ဆန်းရဲ့ စိတ်ပိုင်းဆိုင်ရာ စွမ်းအားက အရမ်းကို သန်မာတယ်၊ အရမ်းကို သန်မာတယ်! 】

【 ဂရုအဖွဲ့ဝင်နံပါတ် ၉ - ငါ နားမလည်ဘူး။ ထန်ဆန်းရဲ့ ဝိဉာဉ်က ငွေပြာမြက် နဲ့ ဟောက်တျန်းတူ မဟုတ်ဘူးလား? အဲ့ဒါတွေက စိတ်ပိုင်းဆိုင်ရာ စွမ်းအားရှိတဲ့ ဝိဉာဉ်တွေ မဟုတ်ဘူးလေ! 】

【 စုယန် - စိတ်ပိုင်းဆိုင်ရာ စွမ်းအားပြိုင်တဲ့အခါ ထန်ဆန်းက အရမ်း အရမ်းကို သန်မာတယ်။ ပထမအချက် - သူက အစွမ်းထက်တဲ့ ဝိဉာဉ်စွမ်းအားရှိတဲ့ ကူးပြောင်းသူပါ။ ဒုတိယအချက် - သူ့ရဲ့ "လျိုဝှက်ဆန်းကျယ်ကောင်းကင်မှတ်တမ်း မှာ စိတ်ပိုင်းဆိုင်ရာ စွမ်းအားကို မြှင့်တင်ပေးတဲ့ "ခရမ်းရောင်နတ်ဆိုးမျက်လုံး" ရှိသေးတယ်။ တတိယအချက် - သူ ကူးပြောင်းလာပြီးတဲ့နောက်မှာ မူလပိုင်ရှင်ရဲ့ ဝိဉာဉ်ကိုပါ ဝါးမြိုထားတာ။ မင်းတို့က သူ့ကို စိတ်ပိုင်းဆိုင်ရာ တိုက်ခိုက်မှုနဲ့ သတ်ချင်တယ်ဆိုရင်တော့ ဒီအကြံကို စွန့်လွှတ်လိုက်တာ အကောင်းဆုံးပဲ။ 】

【 စုယန် - ဒီမှာပဲ ငါ ကူးပြောင်းသူတွေရဲ့ စွမ်းအားအကြောင်း ဆက်ပြောမယ်။ ကူးပြောင်းသူတစ်ယောက်ဟာ မူလကမ္ဘာနေထိုင်သူတွေကို ဖိနှိပ်ထားတဲ့ တည်ရှိမှုမျိုးနဲ့ တူတယ်။ ကူးပြောင်းသူတိုင်းမှာ '‌ ရွှေလက်ချောင်း တစ်ခုစီ ရှိကြတယ်။ 】

【 စုယန် - ပထမဦးစွာ ကူးပြောင်းသူဖြစ်တဲ့အတွက် ဒါဟာ ဘဝနှစ်ခုကို နေထိုင်ရတာဖြစ်ပြီး ကမ္ဘာနှစ်ခုက အသိပညာနဲ့ သင်ယူမှုတွေကို ပိုင်ဆိုင်ထားတာပါ။ ဥပမာ - ထန်ဆန်းက သူ့ရဲ့ယခင်ဘဝမှာ ၂၉ နှစ် နေထိုင်ခဲ့တယ်။ သူ့ရဲ့အသိပညာ၊ အတွေ့အကြုံနဲ့ သူသင်ယူခဲ့တဲ့ လေ့ကျင့်ခန်းတွေ၊ လျှို့ဝှက်လက်နက် ထုတ်လုပ်မှုတွေက သူ့ရဲ့အရွယ်တူတွေအားလုံးထက် အများကြီး သာလွန်နေတယ်။ 】

【 စုယန် - အဲ့ဒီနောက်မှာ '‌‌ ရွှေလက်‌ချောင်း' ရှိသေးတယ်။ ကူးပြောင်းသူတစ်ယောက်အနေနဲ့ ရွှေလက်ချောင်းလည်းမရှိ၊ လှည့်ကွက်လည်း မရှိဘူးဆိုရင် သူက ဘယ်လိုလုပ်ပြီး လူမိုက်ကြီးလုပ်ပြီး မိန်းကလေးတွေကို ချဉ်းကပ်မှာလဲ? 】

【 စုယန် - ထန်ဆန်းမှာ "လျို့ဝှက်ဆန်းကြယ်ကောင်းကင်မှတ်တမ်း" ရှိတယ်၊ အဲ့ဒီအထဲမှာ အတွင်းအား လေ့ကျင့်နည်းတွေနဲ့ လျှို့ဝှက်လက်နက် ထုတ်လုပ်နည်းတွေ ပါဝင်တယ်။ ထန်ဆန်းရဲ့ လျှို့ဝှက်လက်နက်တွေကို ဘယ်တော့မှ အထင်မသေးပါနဲ့။ သူ့ရဲ့ "ဗုဒ္ဓအမျက်ဒေါသကြာပန်း" က ဘွဲ့အမည်ရတုန့်လော့ တစ်ယောက်ကိုတောင် သတ်နိုင်တယ်၊ ပြီးတော့ "နတ်သမီးမျက်ရည်စက်" ဆိုရင် ကောင်းကင်တမန်နတ်ဘုရား ချန်ရန်ရွှယ်ရဲ့ နှလုံးသားကိုတောင် ဖောက်ထွက်သွားနိုင်ခဲ့တယ်။ 】

【 အားလုံး - ??? 】