အခန်း ၆၁ ချန်ရန်ရွှယ် - မှတ်ထားလိုက် ငါက မိဘနှစ်ပါးစလုံးဆုံးပါးသွားတဲ့ မိဘမဲ့တစ်ယောက်

【 နွေဦးလေတိုက်လို့ ပြန်ပေါက်တဲ့မြက် - ဘာတွေဖြစ်နေတာလဲ။ သူတို့က မင်းကို ဘယ်လိုလုပ်ပြီး ဒီလောက်မြန်မြန် သိသွားရတာလဲ။ 】

【 ငါကမိဘမဲ့တစ်ယောက်- မင်းက အရင်ချတ်မှတ်တမ်းတွေကို သေချာမကြည့်မိလို့ပါ။ အဲ့ဒီအချိန်တုန်းက သူမက ဝိဉာဉ်ရေးရာ အချစ်ဇာတ်လမ်းတွေကို အရမ်းစိတ်ဝင်စားနေတော့ သူမမှာ တစ်ခုခုမှားနေတယ်ဆိုတာ ငါတို့သိလိုက်တာပေါ့။ 】

【 ရတနာခုနှစ်ပါးမင်းသမီးလေး - အဲ့ဒါအပြင် မျိုးဗီဇပြောင်းဝိဉာဉ်နဲ့ ယုရှောင်ဂန်းရဲ့ အသုံးမကျတဲ့ဘဝအကြောင်း ရေးတဲ့အခါမှာလည်း သူမက အဲ့ဒီအပေါ်မှာ အလွန်အမင်း စာနာမိတယ်လို့ ပြောခဲ့သေးတယ်။ 】

【 ဂရုအဖွဲ့ဝင်နံပါတ် ၉ - အဲ့ဒီတုန်းက ငါတောင် သူမကို "မင်းက ပြန်ပြီး အောင်မြင်မှုတွေ ရလာပြီလား" လို့ မေးခဲ့သေးတယ်။ သူမက "မဟုတ်ပါဘူး" လို့ ပြန်ဖြေပေမဲ့ တကယ်တော့ သူမက တခြားနယ်ပယ်တွေမှာ တောက်ပနေခဲ့ပြီးသားလေ 】

【 မုန်လာဥစားရတာကြိုက်တယ် - အဲ့လိုမျိုးကိုး 】

【 ဟူလီနာ - အညံ့ခံတာက အသုံး၀င်မယ်ဆိုရင် ငါ့ဆရာနဲ့ လျိုအာ့လုံတို့က လူမိုက်ကြီးတွေ ဖြစ်မနေတော့ဘူးလား။ 】

【 လျိုအာ့လုံ - အို... ထန်ယွဲ့ဟွာ၊ ထန်ယွဲ့ဟွာရေ... ငါလည်း ဒီလိုဖြစ်လိမ့်မယ်လို့ မထင်ထားဘူး။ ဒါပေမဲ့ ငါလည်း အညံ့ခံလိုက်တာပဲ၊ သူတို့က ငါ့ကိုလည်း လက်မလွှတ်ပေးခဲ့ဘူးလေ! 】

【 အရိပ်ထဲကကြောင် - ငါ့ရဲ့အထောက်အထား ပေါက်ကြားသွားမှာမဟုတ်ဘူးလို့ အဲ့ဒီတုန်းက ပြောခဲ့တယ်မလား? 】

【 ရတနာခုနှစ်ပါးမင်းသမီးလေး - မင်းက ထန်ယွဲ့ဟွာမှ မဟုတ်တာ၊ ဘာလို့ မင်းရဲ့အထောက်အထားက ပေါက်ကြားမှာလဲ? ဟဲဟဲ! မင်းရဲ့အထောက်အထားလည်း တစ်ချိန်ချိန်မှာ ပေါက်ကြားသွားနိုင်တယ်လို့ ရုတ်တရက် တွေးမိလိုက်တယ်။ 】

ကျူကျူချင်းက သူမရဲ့ခေါင်းကိုလှည့်ပြီး နင်ရုံရုံကို ကြည့်လိုက်ရာ နင်ရုံရုံက အရမ်းပျော်ရွှင်စွာ ရယ်မောနေတာကို မြင်လိုက်ရသည်။

သူမ စကားမပြောနိုင်တော့ပေ။

အဲ့လိုမျိုး ဘယ်တော့မှ ဖြစ်လာမှာမဟုတ်ပါ။

စတားလော့အင်ပါယာရဲ့ ဒိုင်မိသားစုနဲ့ ကျူမိသားစုမှာ လူတွေအများကြီးရှိနေတာ၊ ဘာပဲပြောပြော ငါလိုမျိုး သေးငယ်တဲ့ ဇာတ်ကောင်‌လေးနဲ့ ဘာများဆိုင်စရာရှိမှာလဲ?

【 စုယန် - နောက်တစ်ခါ နာမည်တွေကို ဒီလောက်မြန်မြန် မပြောင်းကြပါနဲ့တော့။ ငါ ဘာပဲပြောပြော စကာူကြမ်းကြမ်းပြောဖို့တောင် အားနာအောင်လုပ်နေကြတာပဲ။ အခုတော့ အတင်းအဖျင်းတွေကို တန်းပြီး သွားကြရအောင်။ 】

【 ထန်ယွဲ့ဟွာ - ??? 】

【 စုယန် - အနာဂတ်မှာ ထန်ဆန်းက သတ်ဖြတ်ခြင်းမြို့ထဲကို ဝင်ရောက်ပြီး "သတ်ဖြတ်ခြင်းနတ်ဘုရားနယ်ပယ်" ကို ရရှိပြီးတဲ့နောက်မှာ ထန်ဟောက်က သူ့ကို သတ်ဖြတ်ခြင်းအငွေ့အသက်တွေ ထိန်းချုပ်နိုင်ဖို့ ထန်ယွဲ့ဟွာဆီ ခေါ်သွားလိမ့်မယ်။ 】

【 စုယန် - ငါမြင်တွေ့ခဲ့ရတဲ့ "အချိန်မြစ်" ရဲ့ ဖော်ပြချက်အရဆိုရင် - "ထန်ယွဲ့ဟွာက တစ်ခါတုန်းက လူတစ်ယောက်ကို ချစ်မိခဲ့ဖူးတယ်၊ သူမ လုံးဝမချစ်သင့်တဲ့ လူတစ်ယောက်ပေါ့။ နောက်ပိုင်းမှာ သူမက ရှင်းရှင်းလင်းလင်း သိမြင်သွားပေမဲ့ သူမရဲ့နှလုံးသားထဲမှာ အချစ်ဆိုတဲ့ခံစားချက်ကို နောက်ထပ် ဘယ်တော့မှ မထားနိုင်တော့ဘူး။ ဒါကြောင့်လည်း သူမ တစ်သက်လုံး အိမ်ထောင်မပြုခဲ့တာ ဖြစ်တယ်" တဲ့။ 】

【 လျိုအာ့လုံ - သူမ လုံးဝမချစ်သင့်တဲ့ လူတစ်ယောက်လား? 】

【 ငါကမိဘမဲ့တစ်ယောက် - အချစ်ဆိုတာ ချစ်ရင်ချစ်တယ်၊ မချစ်ရင်မချစ်ဘူးပဲလေ။ "မချစ်သင့်တဲ့" လူတစ်ယောက် ဆိုတာ ဘယ်လိုလုပ်ရှိနိုင်မှာလဲ? 】

【 ဂရုအဖွဲ့ဝင်နံပါတ် ၉ - ထန်ယွဲ့ဟွာ ချစ်တဲ့လူက လူ့ကျင့်ဝတ်နဲ့ သာမန်အသိတရားကို ကျော်လွန်နေပြီး လောကကြီးက လက်မခံတဲ့သူမျိုး မဟုတ်ရင်ပေါ့။ 】

【 ဘီဘီတုံ - ယုအာ့လုံ ပြောသလိုပဲ၊ ဂရုအဖွဲ့ဝင်နံပါတ် ၉၊ မင်းပြောတာ မှန်တယ်! 】

【 စုယန် - ဒါဆိုရင် ဒီလူက ထန်ရှောင်လား ဒါမှမဟုတ် ထန်ဟောက်လား? 】

【 စုယန် - "အချိန်မြစ်" ထဲက ဖော်ပြချက်အရပဲ ဆိုရင် - ထန်ယွဲ့ဟွာက ထန်ဆန်းကို ပထမဆုံးအကြိမ် မြင်လိုက်ရတဲ့ အခြေအနေက ဒီလိုမျိုး - "သူမက တစ်ခါတုန်းက သူမကိုယ်ပိုင် ကလေးလေးတစ်ယောက် ရဖို့ စိတ်ကူးယဉ်ဖူးတယ်။ ထန်ဟောက်က ထန်ဆန်းကို ခေါ်လာတာက သူမရဲ့ဆန္ဒကို ဖြည့်ဆည်းပေးသလိုမျိုး ဖြစ်နေလို့ ထန်ယွဲ့ဟွာက ထန်ဆန်းကို သူမရဲ့သားအရင်းအချာ ကလေးတစ်ယောက်လို ဆက်ဆံခဲ့တာဖြစ်တယ်" တဲ့။ 】

【 စုယန် - ဒီစကားကို တစ်ချက်ကြည့်လိုက်ရင် ဘာမှမဟုတ်သလို ထင်ရပေမဲ့ သေချာဆန်းစစ်ကြည့်ပါ။ အကယ်၍ ထန်ယွဲ့ဟွာက ထန်ရှောင်ကို ချစ်တယ်ဆိုရင် ထန်ယွဲ့ဟွာအတွက် ထန်ဆန်းက သာမန်တူလေးတစ်ယောက်ပဲ ဖြစ်မှာပါ။ သူမရဲ့ "မိခင်တစ်ယောက်ဖြစ်ချင်တဲ့" ဆန္ဒကို ဘယ်လိုလုပ် ဖြည့်ဆည်းပေးနိုင်မှာလဲ? 】

【 ငါကမိဘမဲ့တစ်ယောက် - ဒါဆို ထန်ယွဲ့ဟွာက ထန်ဟောက်ကို ချစ်တာပေါ့။ ဒါပေမဲ့ ဒီအချစ်က ကောင်းချီးပေးခြင်း မခံရမယ့်အချစ်ဆိုတာ သိလိုက်ရတဲ့အခါ သူမက ဒီခံစားချက်ကို နှလုံးသားထဲမှာ မြှုပ်နှံဖို့ ဆုံးဖြတ်လိုက်ပြီး ဘယ်တော့မှ အိမ်ထောင်မပြုတော့ဘူးလို့ ကျိန်ဆိုလိုက်တာပေါ့။ 】

【 နွေဦးလေတိုက်လို့ ပြန်ပေါက်တဲ့မြက် - ??? 】

【 ဂရုအဖွဲ့ဝင်နံပါတ် ၉ - ထန်ဟောက်က ထန်ဆန်းကို သူမရှေ့ကို ခေါ်လာတဲ့အခါ ထန်ယွဲ့ဟွာက ဒါဟာ ထန်ဟောက်ရဲ့ကလေးဆိုတာ သိသွားပြီး အရာအားလုံးက အဓိပ္ပာယ်ရှိသွားတာပေါ့။ 】

【 လျိုအာ့လုံ - ဒီအကြောင်းပြောရရင် ငါ့မှာ အတွေ့အကြုံရှိတယ်။ ထန်ယွဲ့ဟွာထက် နည်းနည်းလေး ပိုသာတဲ့သူအနေနဲ့ ငါလည်း တစ်ခါတုန်းက မိခင်တစ်ယောက်ဖြစ်ချင်တဲ့ စိတ်ကူးယဉ်မှုတွေ ရှိခဲ့ဖူးတယ်။ 】

【 လျိုအာ့လုံ - ဒီစိတ်ကူးယဉ်မှုက ဆွေမျိုးအရင်းအချာရဲ့ ကလေးကို ရှာလိုက်ရုံနဲ့ ပြည့်စုံမလာနိုင်ဘူး။ အဓိကကတော့ "မိခင်အိပ်မက်" ကို ဖြည့်ဆည်းပေးတဲ့ ကလေးရဲ့ ဖခင်က ဘယ်သူလဲဆိုတာကို ကြည့်ဖို့ပဲ။ 】

【 ဘီဘီတုံ - ယုအာ့လုံ၊ မင်းနဲ့တော့ တကယ်ကို သင့်တော်ပါတယ်လေ။ 】

【 ရတနာခုနှစ်ပါးမင်းသမီးလေး - ငါက မင်းတို့အားလုံးနဲ့ မတူဘူး၊ ငါက အ့လိုဟာတွေလုပ်ဖို့ လုံလောက်အောင် မရူးသွပ်သေးလို့ ဖြစ်မယ်။ 】

【 အားလုံး - +1 】

【 နွေဦးလေတိုက်လို့ ပြန်ပေါက်တဲ့မြက် - ယွဲ့ဟွာ၊ မင်း တကယ်ပဲလား? 】

အာရင်က ဒီအချိန်မှာတော့ ဆွံ့အသွားရသည်။

နတ်ဘုရားတို့ရေ!!!!

ဒီလောကကြီးမှာ ဘာတွေဖြစ်ပျက်နေတာလဲဆိုတာကို ပြောပြပေးကြပါ

လမင်းအဆောင်

ထန်ယွဲ့ဟွာလည်း ဒီအချိန်မှာတော့ ဘာမှန်းမသိတော့အောင် ဖြစ်နေသည်။

ဒါ တကယ်ကိုပဲ ပြီးဆုံးသွားပြီ။

ဒီကိစ္စကို ဂရုအဖွဲ့ဝင်တွေပဲ သိတယ်ဆိုရင်တော့ တစ်မျိုးပေါ့။

အဓိကကတော့။

ဒီချတ်ဂရုထဲမှာ ဟောက်တျန်းဂိုဏ်း က ငါတို့နဲ့ တစ်ဖွဲ့တည်းလို့ သံသယရှိရတဲ့ သူတစ်ယောက် ရှိနေတာပဲ!

ခုအချိန်ကစပြီး ငါ ဟောက်တျန်းဂိုဏ်း ကို ပြန်မသွားနိုင်တော့ဘူး၊ အပြင်ကိုလည်း မထွက်နိုင်တော့ဘူး၊ လူထဲသူထဲမှာ မျက်နှာပြရမှာလည်း ရှက်ဖို့ကောင်းလှပြီ။

ငါပင်ပန်းလိုက်တာ၊ အရာအားလုံးကို ဖျက်ဆီးပစ်လိုက်ချင်တယ်!

【 ထန်ယွဲ့ဟွာ - အ-အားလုံးရေ၊ ငါ့အတွက် ဒီကိစ္စကို လျှို့ဝှက်ထားပေးလို့ မရဘူးလား? 】

【 ယန်ဇီက ငှက်မဟုတ်ဘူး - စိတ်မပူပါနဲ့! စိတ်မပူပါနဲ့! ချတ်ဂရုရဲ့ အကြောင်းအရာတွေက လျှို့ဝှက်ချက်တွေပါ၊ ဒီအကြောင်းတွေကို ဂရုအဖွဲ့ဝင်မဟုတ်တဲ့ ပြင်ပလူတွေကို ပြောပြလို့မရပါဘူး။ 】

【 ဂရုအဖွဲ့ဝင်နံပါတ် ၉ - မင်းက အဲ့ဒါကို ဘယ်လိုလုပ် သိတာလဲ? 】

【 ယန်ဇီက ငှက်မဟုတ်ဘူး - ငါ အရှက်ကွဲတာကို မင်းတို့ကိုပြောပြရမှာလား? 】

【 အားလုံး - ??? 】

မင်းသားနန်းဆောင်။

ချန်ရန်ရွှယ်က ဒီအချိန်မှာတော့ နည်းနည်းလေး စိတ်ရှုပ်ထွေးနေသည်။

ကံကောင်းလို့။

သူမက စုယန်ရဲ့ ပုံစံကိုသာ ရေးဆွဲခဲ့တာ၊ မဟုတ်ရင် ဒါက ဟာသတစ်ခု ဖြစ်သွားလိမ့်မယ်။

တခြားသူတွေကလည်း ဒီအချိန်မှာ ဆွံ့အသွားကြသည်။

ဘာလဲ?

ဒီစည်းကမ်းကို ဘာလို့ အရင်က မရှင်းပြထားတာလဲ?

【 ဟူလီနာ - ဒါဆိုရင် ငါက ဘာလို့ အဆင်ပြေနေတာလဲ? 】

【 ဘီဘီတုံ - မင်းလည်း သစ်ကြားသီးနဲ့ ငါးကို ပိုစားသင့်တယ်နော်။ 】

ဘီဘီတုံက ဒီအချိန်မှာ သူမကိုယ်သူမပဲ တွေးနေပြီး ချန်ရန်ရွှယ်ကို မတွေးမိခဲ့ပေ... မဟုတ်ရင် သူမကတော့ တန်းပြီး ပေါက်ကွဲသွားလိမ့်မယ်။

【 ရတနာခုနှစ်ပါးမင်းသမီးလေး - အမ်... ယွဲ့ဟွာ၊ မင်းမှာ ဘာလို့ ဒီလောက် အစွန်းရောက်တဲ့ အတွေးတွေ ရှိနေရတာလဲဆိုတာ ပြောပြပေးနိုင်မလား? 】

【 မုန်လာဥစားရတာကြိုက်တယ် - လျိုအာ့လုံ၊ မင်းလည်း ထွက်ပြီး စကားပြောပါလား၊ မင်းတို့နှစ်ယောက်က တစ်မျိုးတည်းသော လူစားတွေပဲ။ 】

【 လျိုအာ့လုံ - စောက်ရူးတွေ! ငါ ယုရှောင်ဂန်းကြောင့် အလိမ်ခံခဲ့ရတာ။ သူ့အထောက်အထားကို ငါအရင်ကတည်းက သိထားရင် ငါသူ့ကို ကြိုက်နေဦးမှာလား? 】

【 အရိပ်ထဲကကြောင် - ဒီလိုမျိုးက ငယ်ငယ်ကတည်းက အစွန်းရောက်တဲ့ ပတ်ဝန်းကျင်ရဲ့ လွှမ်းမိုးမှုအောက်မှာ ဖြစ်လာတဲ့ အစွန်းရောက် အလေ့အကျင့်မျိုးလို့ ငါထင်တယ်။ 】

【 ငါကမိဘမဲ့တစ်ယောက် - ??? 】

【 ဘီဘီတုံ - မိဘမဲ့ရေ၊ ဘာလို့ မေးခွန်းထုတ်နေတာလဲ? မင်းမှာလည်း ဒီလိုဇာတ်လမ်းမျိုး ရှိနေလို့လား? 】

【 ဟူလီနာ - ဆရာ! ငါ ဆရာ့ကို နောက်ထပ် မကာကွယ်ပေးချင်တော့ဘူး။ 】

【 ငါကမိဘမဲ့တစ်ယောက် - ဘီဘီတုံ၊ ဒါကို မှတ်ထား - ငါက မိဘမဲ့တစ်ယောက်၊ ငါ့မိဘတွေက စောစောစီးစီး ဆုံးပါးသွားတယ်၊ ငါ့မှာ မောင်နှမတွေလည်း မရှိဘူး။ ငါ့မိဘတွေက လုံးဝဆုံးသွားတာ၊ အဲ့ဒါက မိဘမဲ့တစ်ယောက်ဖြစ်တဲ့ ငါ့ရဲ့ အရည်အချင်းပဲ! 】

【 အရိပ်ထဲကကြောင် - မင်း တကယ်ပဲ အံ့သြဖို့ကောင်းတယ်! 】

မင်းသားနန်းဆောင်။

ချန်ရန်ရွှယ်က မျက်မှောင်ကြုတ်လိုက်ပြီး အရိပ်ထဲကကြောင်ရဲ့ စကားကို သေချာနားမလည်နိုင် ဖြစ်နေသည်။

အဲ့ဒီစကားမှာ အဓိပ္ပာယ်နက်နဲမှုတွေ ပါနေတယ်။ သူ သူမရဲ့အထောက်အထားကို သိနေတာလား?

မဖြစ်နိုင်ဘူး!

ဟူလီနာက ဘာမှပြောမှာမဟုတ်ဘူး။

သူမကိုယ်သူမ ကောင်းကောင်း ဖုံးကွယ်ထားခဲ့တာပဲ။

ဘယ်သူက သိမှာလဲ?

【 ထန်ယွဲ့ဟွာ - ဖြစ်နိုင်ပါတယ်!ဂိုဏ်းခေါင်းဆောင် တစ်ယောက်ရဲ့ ကလေးဖြစ်ရတာ ဖိအားတွေ အရမ်းများတယ်၊ ငါကလည်း ဝိဉာဉ်မကျင့်ကြံနိုင်တဲ့ အသုံးမကျတဲ့သူ ဖြစ်လာခဲ့တယ်။ အဲ့တုန်းက ငါ ဘာလို့ ဒီလိုအတွေးမျိုးတွေ တွေးခဲ့မိလဲဆိုတာ ငါလည်း မသိဘူး၊ အဲ့ဒီနှစ်တွေက တကယ်ကိုပဲ နေရတာ အလွန်ပင်ပန်းခဲ့တယ်။ 】

【 လျိုအာ့လုံ - ယွဲ့ဟွာ၊ ငါတို့နှစ်ယောက်လုံးက ကမ္ဘာမြေရဲ့ အစွန်းရောက်တဲ့နေရာမှာ လဲကျနေတဲ့သူတွေပေါ့! 】

【 ထန်ယွဲ့ဟွာ - ထန်ယွဲ့ဟွာဆိုတာ သေသွားခဲ့ပြီ။ မင်းတို့ လူယုတ်မာတွေက ဒါကို ရွေးချယ်ခဲ့တာ! အရှုံးပေးခဲ့တာတောင်မရဘူး ငါ တကယ်ပဲ ပင်ပန်းနေပြီ အရာအားလုံးကို ဖျက်ဆီးပစ်လိုက်တော့! 】

ထန်ယွဲ့ဟွာက မျက်လုံးတွေကို မှိတ်လိုက်ပြီး ဘဝက အဓိပ္ပာယ်မရှိတော့သလို ခံစားရကာ ကုတင်ပေါ်လှဲချပြီး စောင်ကိုခြုံလိုက်ကာ အမှောင်ထုထဲမှာ သူမကိုယ်သူမ လုံးဝဖုံးကွယ်လိုက်သည်။

တကယ်ပဲ!

အရာအားလုံးကို ဖျက်ဆီးပစ်လိုက်တော့!

အားလုံး - ဂွတ်နိုက်

မျိုးစေ့နယ်ပယ်

အာရင်က ဒီအချိန်မှာတော့ တကယ်ပဲ တုန်လှုပ်သွားသည်။

ဘာ?

ထန်ယွဲ့ဟွာက ဒီလိုမျိုး ဝန်ခံလိုက်တာလား?

သေပါပြီ!

ငါ့သားကို သူမရဲ့သားအရင်းလို ဆက်ဆံချင်သေးတယ်၊ သူမရဲ့ ကိုယ်ပိုင်ကလေးလိုမျိုး သဘောထားချင်တာလား?

ဒါက အရမ်းလွန်လွန်းတယ်၊ ညီမရေ!

ငါ့ကို ကယ်တင်နိုင်ပါသေးတယ်... ငါ လုံးဝမသေသေးပါဘူး။

【 ယန်ဇီက ငှက်မဟုတ်ဘူး - နောက်တစ်ခု၊ နောက်တစ်ခု။ 】

【 ဂရုအဖွဲ့ဝင်နံပါတ် ၉ - မင်းနာမည်ကို "ဖရဲသီးစားရတာကြိုက်တဲ့ ငှက်" လို့ ပြောင်းလိုက်ပါလား။ 】

【 ရတနာခုနှစ်ပါးမင်းသမီးလေး - အဲ့ဒါ ယန်ဇီ၊ ငှက် မဟုတ်ဘူး။ 】

【 မုန်လာဥစားရတာကြိုက်တယ် - အဲ့ဒါ တောငန်း ရဲ့ 'ယန်'၊ စာကလေး

ရဲ့ 'ယန်' မဟုတ်ဘူး။ 】

【 စုယန် - အရမ်းအလေးအနက် မထားပါနဲ့။ သူတို့နှစ်ခုလုံးက ဆောင်းဦးနဲ့ ဆောင်းရာသီမှာ တောင်ဘက်ကို ပျံသန်းပြီး နွေဦးမှာ မျိုးပွားဖို့ မြောက်ဘက်ကို ပြန်လာကြတဲ့ ရွှေ့ပြောင်းငှက်တွေပဲလေ။ 】

【 ယန်ဇီက ငှက်မဟုတ်ဘူး - -_-】

ဆိုတိုမြို့။

ရှောင်ဝူနဲ့ နင်ရုံရုံတို့က အသံထွက်ပြီး ရယ်မောမိလုနီးပါး ဖြစ်သွားကြသည်။

ရွှေ့ပြောင်းငှက်ဆိုတာ ရွှေ့ပြောင်းငှက်ပဲ၊ ဘာလို့ မျိုးပွားဖို့ ပြန်လာရမယ်ဆိုတာကို ထည့်ပြောနေတာလဲ?

【 စုယန် - အခုတော့ ငါတို့ စာစသင်ကြရအောင်။ ငါက မင်းတို့ကို ချတ်ဂရုထဲမှာ နေ့တိုင်း အတင်းအဖျင်းတွေပဲ ပြောနေတာ။ ဒီနေ့တော့ အသုံးဝင်တဲ့ အဆင့်မြင့် ဗဟုသုတအချို့ကို သင်ပေးမယ်။ 】

【 ဘီဘီတုံ - ဘယ်လောက်တောင် မြင့်မားတာလဲ? 】

【 စုယန် - အထပ်သုံးလေးထပ်လောက် မြင့်တာပေါ့! 】

【 ငါကမိဘမဲ့တစ်ယောက် - ဒါက ထန်ဆန်းအကြောင်း၊ ကူးပြောင်းသူအကြောင်းပဲလား? 】

【 ဂရုအဖွဲ့ဝင်နံပါတ် ၉ - တခြားကမ္ဘာတစ်ခုအကြောင်းများလား? 】

【 အရိပ်ထဲကကြောင် - တခြားကမ္ဘာဆိုတော့ အရမ်းအဆင့်မြင့်သလိုပဲ။ 】

【 ယန်ဇီက ငှက်မဟုတ်ဘူး - ဒါဆိုရင် ငါက သိချင်မိတယ်၊ ငါတို့ရဲ့ ချတ်ဂရုက ဘယ်လောက်မြင့်တာလဲ? 】