အခန်း ၅၈ - စိတ်လိုက်မာန်ပါ မလုပ်ကြပါနဲ့ဦး၊ ဟုတ်ပြီလား

【စုယန် - ထန်ဆန်းကို မသတ်နိုင်ဘူးလို့ ငါပြောတဲ့ အကြောင်းရင်းကတော့ နင်သာ သူ့ခေါင်းကို ဖြတ်လိုက်လို ထန်ဆန်းသေသွားရင် အသူရာနတ်ဘုရား ရှိနေတဲ့အတွက် "လီဆန်း" ဒါမှမဟုတ် "ကျန်းဆန်း" ဆိုတာမျိုး ပေါ်လာနိုင်လို့ပဲ။ သူကတော့ အရင်အတိုင်းပဲ၊ ရုပ်ခန္ဓာကိုပဲ ပြောင်းလဲပြီး ကမ္ဘာပေါ်မှာ အသက်ရှင်နေအုံးမှာပဲ】

【"နွေဦးလေတိုက်လို့ ပြန်ပေါက်တဲ့မြက်" - ???】

အာရင် တကယ်ကို ကြောင်အသွားသည်။

ဒီဘီဘီတုန်ဆိုတဲ့ မိန်းမက လုံလောက်အောင်ကို ရက်စက်လှပြီလို့ သူမ ထင်ထားခဲ့တာ။

ဒီလိုဖြစ်လာမယ်လို့ သူမ လုံးဝ မမျှော်လင့်ထားခဲ့ဘူး။

စုယန်ဆိုတဲ့ ဒီလူက ပိုပြီး ကြောက်စရာကောင်းတဲ့ စကားတွေကို ပြောနေတာပဲ။

ငါ့သားက တကယ်ပဲ မကောင်းဆိုး၀ါးတစ်ကောင် ဖြစ်နေတာလား?

【ဘီဘီတုန် - ငါ နားမလည်ဘူး။】

【"ယန်ဇီက ငှက်မဟုတ်ဘူး" - သေရာကနေ ပြန်ရှင်လာတာလား?】

【"မုန်လာဥစားရတာကြိုက်တယ်" - ခေါင်းဖြတ်ခံရပြီးတောင် မသေဘူးဆိုတော့ သူက ဒီလောက်တောင် စွမ်းအားကြီးတာလား?】

【"ရတနာခုနှစ်ပါးမင်းသမီးလေး" - ဝိဉာဉ်ဝင်ပူးပြီး ပြန်လည်မွေးဖွားတာလို့ ငါတော့ ကြားလိုက်တယ်?】

【စုယန် - ဒီနေ့တော့ ငါ တော်တော် ပင်ပန်းနေပြီ။ ဒါကို ပိုပြီး ထူးခြားတဲ့ သတင်းစကားအဖြစ် သတ်မှတ်လိုက်ကြဦး။ မနက်ဖြန် ငါနိုးလာရင် "ကမ္ဘာကူးပြောင်းသူ" တွေအကြောင်း နင်တို့အားလုံးကို သေချာ ရှင်းပြပေးမယ်၊ ဒါက နင်တို့အားလုံးရဲ့ အတွေးအခေါ်ကို တကယ်ပဲ ပိုမိုကျယ်ပြန့်သွားစေမှာ အသေအချာပဲ။】

【"နွေဦးလေတိုက်လို့ ပြန်ပေါက်တဲ့မြက် - မရဘူး!】

【"နွေဦးလေတိုက်လို့ ပြန်ပေါက်တဲ့မြက် - ငါ တောင်းပန်ပါတယ်၊ မြန်မြန်ရှင်းပြပေးပါ၊ မြန်မြန်ရှင်းရှင်းလင်းလင်း ပြောပြပေးပါလား?】

အာရင် အခုတော့ စိုးရိမ်စိတ်နဲ့ သေလုမြောပါး ဖြစ်နေပြီ။

ခေါင်းဖြတ်ခံရရင်တောင် မသေဘူးလား?

ဒါ တကယ်ပဲ ဘာတွေဖြစ်နေတာလဲ?

ဘာလို့ နောက်ထပ် မရှင်းပြတော့တာလဲ?

မြန်မြန်ရှင်းပြပေးပါ!

【"ယန်ဇီက ငှက်မဟုတ်ဘူး" - မရဘူးလား? ဒါပဲလား? စုယန်၊ နင်က နည်းနည်း တိုနေတာပဲ!】

【စုယန် - အဓိပ္ပာယ်မရှိတာ!】

【"ငါကမိဘမဲ့တစ်ယောက်" - အို၊ မဟုတ်ပါဘူး၊ နင် သူ့ရဲ့ ထိခိုက်လွယ်တဲ့နေရာကို ထိမိသွားပြီ ထင်တယ်။】

【"လမင်းအဆောင်" - စုယန်၊ နင် ငါ့ကို မဖြေရသေးဘူး။ ယုရှောင်ဂန်းကို သတ်လိုက်ရင် ဝိဉာဉ်စွမ်းအားနဲ့ လဲလို့ ရမလား?】

【စုယန် - အဲဒါ လုံးဝ မဖြစ်နိုင်ဘူး! အသုံးမကျတဲ့ ယုရှောင်ဂန်းက ဝိဉာဉ်စွမ်းအား အဆင့် ၁ နဲ့ တန်လို့လား? ဘီဘီတုန်နဲ့ လျိုအာ့လုံကလွဲရင် တခြားဘယ်သူ့အတွက်မှ မစဉ်းစားနဲ့။】

【"ငါကမိဘမဲ့တစ်ယောက်" - မျှော်လင့်ထားတဲ့အတိုင်းပဲ၊ ယုရှောင်ဂန်းကတော့ ပြင်ဆင်စရာ မလိုတော့ဘူးထင်တယ်။】

【ဘီဘီတုန် - ငါ၊ ဝိဉာဉ်နန်းဆောင်ရဲ့ ပုပ်ရဟန်းမင်း ဘီဘီတုန်ဆိုတဲ့ ငါ ဆုံးဖြတ်လိုက်ပြီ။ ငါချက်ချင်းပဲ ဝိဉာဉ်နန်းဆောင်က ဝိဉာဉ်မာစတာ သုံးထောင်ကို ခေါ်ပြီး ထန်ဟောက်နဲ့ ထန်ဆန်းကို ဝိုင်းဝန်း တိုက်ခိုက်ခိုင်းမယ်။】

【ဘီဘီတုန် - ငါ မကောင်းဆိုးဝါးကို မယုံဘူး။ သူ တကယ်စွမ်းရင် ထန်ဆန်းကို ကျန်းဆန်း ဒါမှမဟုတ် လီဆန်း ဖြစ်ခိုင်းလိုက်။ သူတို့ခေါင်းတွေကို တကယ်ပဲ ဖြတ်လို့ရမရ ဆိုတာ ငါကြည့်မယ်။】

【အားလုံး - ???】

【"ငါကမိဘမဲ့တစ်ယောက်" - ဘာလို့ ရုတ်တရက်ကြီး ဒီလောက်တောင် စိတ်လှုပ်ရှားနေရတာလဲ?】

【"ရတနာခုနှစ်ပါးမင်းသမီးလေး" - ဘီဘီတုန်၊ စုယန် မနက်ဖြန် ရှင်းပြပြီးတဲ့အထိ မစောင့်နိုင်ဘူးလား?】

【"ယန်ဇီက ငှက်မဟုတ်ဘူး" - ဝိဉာဉ်မာစတာ သုံးထောင်နဲ့ ထန်ဆန်းနဲ့ ထန်ဟောက်ကို ဝိုင်းပတ်တာ၊ ဒါ တကယ်ကို စိတ်လှုပ်ရှားစရာပဲ။ ဘီဘီတုန်၊ နင်ကိုယ်တိုင်ပဲ ဦးဆောင်သွားမှာလား?】

【လျိုအာ့လုံ - ဘီဘီတုန်က ဝိဉာဉ်နှစ်မျိုး ပိုင်ဆိုင်ထားပြီး အဆင့် ၉၉ ရှိတဲ့ စူပါတုန့်လော့ပဲ။ သူမသာ ဦးဆောင်သွားရင် ထန်ဟောက်နဲ့ ထန်ဆန်းတို့ သေချာပေါက် သေသွားလိမ့်မယ်။】

ပုပ်ရဟန်းမင်းနန်းဆောင်

ဟူလီနာ အနည်းငယ် ဝေခွဲမရ ဖြစ်နေသည်။

"ဆရာမ၊ ဘာလို့ မနက်ဖြန် စုယန် စကားပြောပြီးတဲ့အထိ မစောင့်တာလဲ?"

"ထန်ဆန်းက တကယ်ကို မရိုးရှင်းဘူးလို့ ကျွန်မ ခံစားရတယ်၊ မဟုတ်ရင် စုယန် ဒီလိုပြောမှာ မဟုတ်ဘူး။ ဘာလို့ ရုတ်တရက်ကြီး ဆုံးဖြတ်ချက်ချလိုက်ရတာလဲ?"

ဘီဘီတုန်ကတော့ ကဲ့ရဲ့ပြုံးဖြင့် ပြန်ဖြေလိုက်သည်။ "သွား၊ ငါ့အတွက် ရေတစ်ခွက် ခပ်ပေးလိုက်၊ မကြာခင် နင် သိလာလိမ့်မယ်။"

မျိုးစေ့နယ်မြေ

အာယင်သည် ချက်ချင်းပင် လဲကျသွားသည်။

ဝိဉာဉ်နန်းဆောင်ပဲ

အဆင့် ၉၉ စူပါတုန့်လော့ ဦးဆောင်တဲ့ ဝိဉာဉ်မာစတာ သုံးထောင်လား?

အို ဘုရားသခင်!

လက်ရှိ ဝိဉာဉ်နန်းဆောင်ရဲ့ ပုပ်ရဟန်းမင်းက ဒီလောက်တောင် ကြောက်စရာကောင်းတာလား?

【"နွေဦးလေတိုက်လို့ ပြန်ပေါက်တဲ့မြက်" - မဟုတ်ပါဘူး၊ သူတို့ကို မသတ်ပါနဲ့၊ ကျွန်မ တောင်းပန်ပါတယ်။】

【ဘီဘီတုန် - နင်က မသတ်နဲ့လို့ ပြောတိုင်း ငါက မသတ်ရမှာလား? ဒီနှစ်ယောက်က ငါ့ဝိဉာဉ်နန်းဆောင်နဲ့ အငြိုးအတေးကြီးတယ်။ ဝိဉာဉ်နန်းဆောင်က သူတို့ကို ရှာနေတာ နှစ်ပေါင်းများစွာ ကြာပြီ။ အခု သူတို့နေရာကို ရှာတွေ့ပြီဆိုတော့ ဘာလို့ မသတ်ရမှာလဲ?】

【ဘီဘီတုန် - နင် ဘယ်သူလဲဆိုတာ ပြောပြ၊ အဲဒီအခါကျမှ ငါ စဉ်းစားပေးမယ်။】

အင်း?

ဒီမြင်ကွင်းကို ကြည့်ပြီးနောက်မှာတော့ အားလုံးက စိတ်ထဲမှာ နားလည်သွားကြသည်။

【"လမင်းအဆောင်" - ဘီဘီတုန်၊ နင် သူမရဲ့ အထောက်အထားကို မေးချင်နေတာ မဟုတ်လား?】

【ဘီဘီတုန် - ပါးစပ်ပိတ်ထား! အခု နင့်ရဲ့ အထောက်အထားကိုလည်း ငါ အရမ်း သိချင်နေတယ်။ နင်က သူမကို ဒီလိုမျိုး သတိပေးနေတာဆိုတော့ နင်လည်း ထန်ဟောက်နဲ့ ထန်ဆန်းနဲ့ အလွန်ရင်းနှီးတဲ့သူ ဖြစ်မှာပဲ။】

【"ငါကမိဘမဲ့တစ်ယောက်" - ဒါ ထူးဆန်းတယ်။ သူတို့နဲ့ ပတ်သက်တဲ့သူတွေ ဘာလို့ ဒီလောက်တောင် ပေါ်လာရတာလဲ? ငါ စုံစမ်းတဲ့ ထန်ဆန်းမှာ ဘာဆွေမျိုး၊ သူငယ်ချင်းမှ မရှိဘူး မဟုတ်လား?】

【"ရတနာခုနှစ်ပါးမင်းသမီးလေး" - နင် တစ်ခုခုကို လျစ်လျူရှုမိနေတယ်။ ဟောက်ထျန်းဂိုဏ်းက ကမ္ဘာလောကကနေပဲ အနားယူသွားတာ၊ ပျောက်ကွယ်သွားတာ မဟုတ်ဘူး။】

【လျိုအာ့လုံ - အော်၊ ဒါဆိုရင် ဒီလူနှစ်ယောက်က ဟောက်ထျန်းဂိုဏ်းကနေ ဖြစ်မှာပေါ့။】

အာရင်လည်း ချက်ချင်းပင် နားလည်သွားခဲ့သည်။

ဒီဝိဉာဉ်နန်းဆောင် ပုပ်ရဟန်းမင်းက သူမရဲ့ အထောက်အထားကို သိချင်နေတာပဲ!

【"နွေဦးလေတိုက်လို့ ပြန်ပေါက်တဲ့မြက် - "လမင်းအဆောင်" ရေ၊ ကျေးဇူးတင်ပါတယ်။】

【"ဂရုအဖွဲ့၀င်နံပါတ်9" - "လမင်းအဆောင်" က ယုရှောင်ဂန်းကို သတ်နိုင်ပေမဲ့ ထန်ဟောက်နဲ့ ထန်ဆန်း ပတ်ဝန်းကျင်ကသူတွေကို သတိပေးဖို့ ဝန်မလေးဘူး။ ဒါက သူမ ထန်ဟောက်ရဲ့ အသိဟောင်း တစ်ယောက်ဖြစ်ကြောင်း သက်သေပြနေတယ်။ ထန်ဆန်းက ယုရှောင်ဂန်းဆီမှာ တပည့်ခံတဲ့ကာလမှာ သူမက ယုရှောင်ဂန်းနဲ့ မထိတွေ့ခဲ့ဘူး၊ မသိခဲ့ဘူး။】

【"ရတနာခုနှစ်ပါးမင်းသမီးလေး" - ဒီလိုပြောရင်တော့ ဟောက်တျန်းဂိုဏ်းကသူ ဖြစ်ဖို့က သေချာသလောက်ပဲ။】

【"ရတနာခုနှစ်ပါးမင်းသမီးလေး" - နင်တို့တွေ ဖြည်းဖြည်းချင်း မှန်းကြ။ ငါ အိပ်တော့မယ် ဟေ့ နင် သူ့ကို ဖက်ပြီး အိပ်တာမျိုး ငါ ခွင့်မပြုဘူးနော်။】

【"မုန်လာဥစားရတာကြိုက်တယ်" - စိတ်လိုက်မာန်ပါ မလုပ်ကြပါနဲ့ဦး၊ ဟုတ်ပြီလား?】

【ဘီဘီတုန် - မနက်ဖြန်မှ တွေ့ကြမယ်၊ အားလုံးပဲ။ မနက်ဖြန် ဘယ်အကြောင်းအရာကို ဆွေးနွေးကြမလဲ စဉ်းစားထားကြဦး - ထန်ယွဲ့ဟွာက သူမရဲ့ ကိုယ်ပိုင်အစ်ကိုအပေါ် ချစ်မိနေတဲ့အကြောင်းလား၊ ဒါမှမဟုတ် ထန်ဆန်းက ကမ္ဘာကူးပြောင်းသူ ဖြစ်နေတဲ့အကြောင်းလား?】

【"ငါကမိဘမဲ့တစ်ယောက်" - ဒီအကြောင်းအရာ နှစ်ခုကို ဆွေးနွေးပြီးရင်တော့ "လမင်းအဆောင်" ဒါမှမဟုတ် "နွေဦးလေ‌တိုက်လို့ပြန်ပေါက်တဲ့မြက်" တို့ထဲက တစ်ယောက်ယောက်ရဲ့ အထောက်အထားကို သေချာပေါက် ဖော်ထုတ်နိုင်မှာပါ။】

【လျိုအာ့လုံ - နောက်ဆုံးတော့ တခြားသူတွေရဲ့ ကိစ္စတွေကို စားသုံးနိုင်တော့မယ်။ ငါ၊ လျိုအာ့လုံဆိုတဲ့ ငါက ဒီချတ်ဂရုထဲမှာ အောင်မြင်ဖို့ နီးစပ်လာပြီ။】

【လျိုအာ့လုံ - အဘွားကြီးရေ၊ မနက်ဖြန်ကျရင် ဒီအကြောင်းတွေကို ပျော်ပျော်ရွှင်ရွှင် စားသုံးကြရအောင်၊ ဟားဟားဟား!】

【ဘီဘီတုန် - သွားစမ်းပါ။】

【"ယန်ဇီက ငှက်မဟုတ်ဘူး" - ငါတော့ အိပ်မပျော်တော့ဘူး။ ငါ့ရဲ့ နူးညံ့တဲ့ အကောင်းဆုံး သူငယ်ချင်းကို ဖက်ပြီး အိပ်တော့မယ်၊ ဟီးဟီး!】

ယဲ့လင်းလင်းသည် ဒါကိုမြင်တော့ ချက်ချင်းပင် ကြောင်အသွားသည်။ တံခါးကိုတောင် မပိတ်ရသေးခင်မှာပဲ တစ်စုံတစ်ယောက်က တံခါးကို တွန်းဖွင့်ပြီး ဝင်လာတာကို ကြားလိုက်ရသည်။

"လင်းလင်းရေ၊ ငါ ဒီနေ့ အိပ်မပျော်ဘူး၊ ငါ့ကို ဖက်ပြီး အိပ်ပေးပါ!"

ယဲ့လင်းလင်း - ...

နောက်တစ်နေ့။

နံနက်ခင်း အလင်းရောင်ထဲက ပန်းတွေက အလွန်တရာ လှပစွာ ပွင့်နေခဲ့သည်။ နံနက်ခင်းရဲ့ အလှက ရင်ကိုလှုပ်ခတ်စေပြီး နို့နံ့သင်းသင်းလေးက နှာခေါင်းဝကို ရောက်လာသည်။

စုယန် မျက်လုံးဖွင့်ကြည့်လိုက်တော့ အရာအားလုံးက အိပ်မက်မဟုတ်မှန်း သိလိုက်ရပြီး တကယ်ကို အံ့သြဖွယ်ကောင်းလှသည်။

သူ နံနက်ခင်း လေ့ကျင့်ခန်း လုပ်ချင်ခဲ့သည်။

ဒါပေမဲ့

စုယန် တွန့်ဆုတ်သွားပြီး ရပ်လိုက်သည်။ "အရိပ်ထဲကကြောင်" (ကျူကျူချင်း) က မနေ့ညက တော်တော်ပင်ပန်းသွားပြီမို့ ထပ်ပြီးတော့ လှုပ်ရှားဖို့ မလွယ်တော့ဘူး။

ဘေးခန်းတွင်။

နင်ရုံရုံနှင့် ရှောင်ဝူတို့က အိပ်ရာဝင်နောက်ကျသော်လည်း အစောကြီး ထလိုက်လိုက်ကြသည်!

အစောကြီး ထလိုက်ပြီးနောက် သူတို့သည် တံခါးဝတွင် ကျူကျူချင်းနှင့် စုယန်ကို စောင့်ဆိုင်းနေကြသည်။

ခလောက်~

စုယန် တံခါးကို တွန်းဖွင့်လိုက်သည်နှင့် နင်ရုံရုံ၊ ရှောင်ဝူနှင့် သူ့ဝိဉာဉ် "မျောက်ကလေး" ကို မြင်လိုက်ရသည်။

ရှောင်ဝူက အရင်အတိုင်းပဲ ဖြစ်ပေမဲ့ နင်ရုံရုံကတော့ လှပတဲ့ အပြာရောင် ဝတ်စုံလေးကို ဝတ်ဆင်ထားပြီး အလွန်ချစ်စရာကောင်းအောင် ပြင်ဆင်ထားခဲ့သည်။

ကျူကျူချင်းသည် စုယန်ရဲ့ နောက်တွင် ရပ်နေခဲ့ပြ သူမတို့နှစ်ယောက်ကို မြင်လိုက်တဲ့အချိန်မှာပဲ သူမ၏ မျက်နှာပေါ်တွင် ရှက်ရွံ့မှုလေး ပေါ်လာသည်။

တကယ်ပြောရရင်...

နင်ရုံရုံသာ အဲဒီလောက် မတွန်းအားပေးရင် ကျူကျူချင်းက အဲဒီလောက် ရဲရဲဝံ့ဝံ့ ရှိမှာမဟုတ်သလို၊ ဝိဉာဉ်ပေါင်းစပ်မှုကျွမ်းကျင်မှုကို လေ့ကျင့်ဖို့လည်း ဒီလောက် မြန်မြန် ဆုံးဖြတ်နိုင်မှာ မဟုတ်ဘူး။

အခုတော့ သာမန်အချိန်ဆိုရင် သူမက ရှက်တတ်သေးတယ်။

ဒီမြင်ကွင်းကို မြင်တော့ နင်ရုံရုံက သူမရဲ့ မျက်ခုံးကို ပင့်လိုက်ပြီး စုယန်ကို တစ်စုံတစ်ခု ပြောချင်နေသလိုမျိုး ကြည့်လိုက်သည်။

နင်ရုံရုံ - သူမ နင့်ကို ထိသွားလား?

စုယန် - ထိသွားတယ်။

နင်ရုံရုံ - သူမကို ထိခွင့်မပေးနဲ့လို့ ငါပြောထားတယ် မဟုတ်လား?

စုယန် - သူမက အတင်းလုပ်တာလေ။

နင်ရုံရုံ - သူမ အတင်းလုပ်တာနဲ့ နင်က သူမကို လိုက်လျောပေးလိုက်တာပေါ့?

...

"မင်္ဂလာနံနက်ခင်းပါ!"

စုယန် အပြင်ထွက်လာပြီး သူတို့နှစ်ယောက်ကို ပြုံးရွှင်စွာ နှုတ်ဆက်လိုက်သည်။

ဒီအချိန်မှာပဲ မျောက်ကလေးက ကျူကျူချင်းရဲ့ ပခုံးပေါ်ကို တိုက်ရိုက် ခုန်တက်သွားသည်။ အကြောင်းပြချက်က ရိုးရှင်းပါတယ်! ကျူကျူချင်းမှာ အခု သူ့သခင်ရဲ့ အငွေ့အသက်တွေ ပြင်းပြင်းထန်ထန် ရှိနေလို့ပါ။

သခင်မနဲ့ လိုက်လျောညီထွေစွာပြုမူရမှာပဲလေ

ရှောင်ဝူ အနည်းငယ် ကြောင်သွားခဲ့သည်။

သူမ နားမလည်နိုင်ခဲ့ဘူး

နင်ရုံရုံကတော့ စိတ်ဓာတ်ကျသွားခဲ့သည်။ ဒါက မျောက်ကလေးက သခင်မကို အကြိုက်တွေ့အောင် လုပ်နေတာပဲ!

ရှောင်ဝူရေ၊ နင် တကယ်ပဲ ပိုပြီး ဂရုစိုက်ဖို့ လိုအပ်နေပြီ!

"အစ်ကို စုယန်။"

နင်ရုံရုံက စုယန်ကို သနားကမားပုံစံလေးဖြင့် နူးညံ့စွာ ခေါ်လိုက်သည်။

ကျူကျူချင်းလည်း ဘာမှ ပြန်မပြောနိုင်တော့ပေ။

"လက်ဖက်စိမ်းမလေး" ပါလား။

ငါသာအရင်ဆုံးမလုပ်ရှားခဲ့ရင်တော့ နင့်ကို ယှဉ်ပြိုင်ဖို့ တကယ်ပဲ မလွယ်ဘူး။

စုယန် ပြုံးလျက် ခေါင်းငြိမ့်လိုက်သည်။ "သွားကြရအောင်၊ မနက်စာ အတူတူ စားကြမယ်!"

စုယန်နှင့် ကျူကျူချင်းတို့ နှစ်ယောက်လုံးကို ကြည့်ရတာ အလွန်ကောင်းမွန်အားအင်များပြည့်နေခဲ့သည်။ အိပ်ရာဝင် နောက်ကျပြီး အစောကြီး ထခဲ့ရသော်လည်း သူတို့ နောက်ဆုံး လေ့ကျင့်ခဲ့တဲ့ ဝိဉာဉ်ပေါင်းစပ်မှုကျွမ်းကျင်မှုက ကောင်းမွန်စွာ ပြီးဆုံးသွားခဲ့သည်။