အခန်း (၅၀) - ငါ့အစ်ကိုက တကယ်ကို အရမ်းခန့်တာပဲ

စုယန်၏ စကားကို ကြားပြီးနောက် ကျူးကျူးချင်းက နားမလည်စွာ ခေါင်းလှည့်ကြည့်လိုက်ရာ မိန်းကလေးနှစ်ယောက်ကို လက်မောင်းနှစ်ဖက်တွင် ဖက်တွယ်ထားပြီး တစ်ယောက်တည်း ထွက်ပြေးသွားတဲ့ ထိုလူယုတ်မာကို မြင်လိုက်ရသည်။

ကျူးကျူးချင်းရဲ့ အကြည့်တွေက ပိုလို့တောင် အေးစက်သွားပြီး သူမရဲ့ နှလုံးသားထဲမှာ ဒေါသတွေ ထွက်လာသည်။

ဒါက တကယ်ပဲ အဲဒီလူယုတ်မာပဲ!

သူမ စတားလော့အင်ပါယာကနေ အသက်လုပြီး ပြေးလာခဲ့ရတာကို သူကတော့ ဒီမှာ ဘာမှ ဂရုမစိုက်ဘဲ ကာမဂုဏ်တွေကို ခံစားနေတာပဲ။

ထိုအချိန်မှာပဲ ဒိုင်မူဘိုင်လည်း လမ်းတစ်ဝက်မှာ ရပ်လိုက်သည်။ သူမရှေ့က ရင်းနှီးနေတဲ့ မိန်းကလေးကို ကြည့်လိုက်ရာ သူ့မျက်လုံးတွေထဲမှာ မယုံနိုင်စရာ အမူအရာတစ်ခု ပေါ်လာသည်။

နည်းနည်းလေး ထိတ်လန့်သွားပြီး နည်းနည်းလေး အံ့ဩသွားသည်။

သူ ဖက်ထားတဲ့ အမြွှာညီအစ်မနှစ်ယောက်ကို လွှတ်ပေးဖို့ ပြင်လိုက်ချိန်မှာပဲ ကျူးကျူးချင်းဘေးမှာ ရပ်နေတဲ့ အလွန်ခန့်ညားတဲ့ အနက်ရောင်ဆံပင်နဲ့ လူငယ်တစ်ယောက်ကို သတိထားမိလိုက်သည်။

ကျူးကျူးချင်းက သူ့လက်မောင်းကို တွဲထားသည်။

သေစမ်း။

ဒိုင်မူဘိုင်က ချက်ချင်းဆိုသလို ဒေါသထွက်ပြီး သွားကို ကြိတ်ကာ ဒေါသနဲ့ အေးစက်စက် အကြည့်တွေနဲ့ အမြန် လျှောက်လာခဲ့သည်။

စုယန်က ကျူးကျူးချင်းကို ကာကွယ်ပေးဖို့ ရှေ့ကို တစ်လှမ်းတိုးလိုက်ပြီး ပြုံးလျက် ပြောလိုက်သည် -

"မင်းက ဒိုင်မူဘိုင် မဟုတ်လား?"

"ကျူးကျူးချင်းက မင်းအကြောင်း ပြောပြဖူးတယ်။ မင်္ဂလာပါ၊ အစ်ကိုဟောင်း (ex)

ဘာကြီးလဲ?

ဒိုင်မူဘိုင်က စုယန်ရဲ့ ခေါ်ဝေါ်ပုံကြောင့် အံ့ဩပြီး ချက်ချင်း ရပ်လိုက်သည်။

"အစ်ကိုဟောင်း" ဆိုတာ ဘာကြီးလဲ?

သေစမ်း။

ဒိုင်မူဘိုင်ရဲ့ မိန်းမကို ဘယ်လိုလုပ်ပြီး ကြိုက်ဖို့ ရဲဝံ့တာလဲ?

"ကောင်လေး!"

"မင်း ဘယ်သူလဲဆိုတာ ငါ ဂရုမစိုက်ဘူး၊ အခုချက်ချင်း မင်းဘေးက မိန်းကလေးဆီကနေ ဝေးဝေးသွားပြီး ထွက်သွားလိုက်စမ်း!"

စုယန်က မျက်မှောင်ကြုတ်ပြီး စကားပြောဖို့ ပြင်လိုက်သည်။

ကျူးကျူးချင်းက စုယန်ရဲ့ နောက်ကနေ ထွက်လာပြီး တည်ကြည်တဲ့ အမူအရာနဲ့ ပြောလိုက်သည် -

"ဒိုင်မူဘိုင်၊ ငါ ဆိုတိုမြို့ကို လာတာက မင်းနဲ့ ငါ့ကြားက ဆက်ဆံရေးကို ရှင်းရှင်းလင်းလင်း ပြတ်သားဖို့ လာတာ။ အခုလို တွေ့လိုက်ရပြီဆိုတော့လည်း ရှင်းပြလိုက်ကြတာပေါ့။"

"မင်း တစ်ယောက်တည်း ထွက်ပြေးသွားတဲ့အချိန်ကစပြီး ငါတို့ကြားမှာ ဘာဆက်ဆံရေးမှ မရှိတော့ဘူး။ ဒီကစပြီး ငါတို့လမ်း ကိုယ်စီ လျှောက်ကြမယ်။ တစ်ယောက်နဲ့တစ်ယောက် ပတ်သက်မှု မရှိတော့တာကပဲ ငါတို့နှစ်ယောက်လုံးအတွက် အကောင်းဆုံးပဲ။"

ကျူးကျူးချင်းက သူမကိုယ်တိုင်အတွက် ဂရုမစိုက်ပေမဲ့ သူမရဲ့ ချစ်သူကို တခြားသူရဲ့ စေ့စပ်ထားသူနဲ့ ဖောက်ပြန်တယ်ဆိုတဲ့ အသရေဖျက်မှုမျိုး မခံစေချင်တဲ့အတွက် ဒိုင်မူဘိုင်နဲ့ ရှင်းရှင်းလင်းလင်း ပြတ်သားလိုက်တာပါ။

ဒိုင်မူဘိုင်က သွားကို ကြိတ်လိုက်ပြီး စုယန်ကို စူးစူးရဲရဲ ကြည့်ကာ "သူ့ကြောင့်လား?" လို့ မေးလိုက်သည်။

ကျူးကျူးချင်းက အမူအရာမရှိဘဲ ပြောသည် -

"စုယန်က အခု ငါ့ရည်းစား။"

"ငါ အခုပြောတာ အရမ်းရှင်းပါတယ်။ ငါတို့ကြားမှာ ဘာမှ မပတ်သက်တော့ဘူး၊ မင်းကိုလည်း ဘာမှ ရှင်းပြစရာ မလိုတော့ဘူး။"

ဒိုင်မူဘိုင်က လက်သီးကို တင်းတင်းဆုပ်လိုက်သည်။

စုယန်က ဒါကိုကြည့်ပြီး အားမလိုအားမရ ဖြစ်သွားသည်။ သူက ကျူးကျူးချင်းကို သူ့နောက်ကို အနည်းငယ် ဆွဲခေါ်လိုက်ပြီး ဒိုင်မူဘိုင်ကို ပြောလိုက်သည် -

"အစ်ကိုဟောင်း၊ မင်း ကျူးကျူးချင်း ပြောတာကို အပြည့်အဝ နားမလည်သေးဘူး ထင်တယ်။"

"ကျူးကျူးချင်း ပြောချင်တာက မင်းတို့နှစ်ယောက်မှာ ဘာဆက်ဆံရေးမှ မရှိတော့ဘူးဆိုတာပါ။ လူတိုင်းက ကိုယ့်ဘဝကို ကိုယ်ရွေးချယ်ကြမယ်၊ ဒီကစပြီး လမ်းခွဲကြမယ်။"

"ကြည့်လေ၊ မင်းအတွက် ဒီလိုမျိုးကလည်း မကောင်းဘူးလား? လက်မောင်းမှာ အလှလေးနှစ်ယောက်နဲ့၊ ဘာမှ စိတ်ထဲမှာ ဝန်ထုပ်ဝန်ပိုး မရှိဘဲ ကြိုက်သလောက် ပျော်လို့ရတာပဲ။ ကျူးကျူးချင်းကတော့ ငါ့ကို ရွေးချယ်လိုက်ပြီ၊ ငါတို့လည်း ငါတို့ဘဝကိုပဲ ပျော်ပျော်နေသွားမယ်။"

"ငါတို့နှစ်ယောက်လုံးက တစ်ယောက်ကိုတစ်ယောက် အကောင်းပဲ ဆုတောင်းပေးလိုက်ကြတာပေါ့၊ အားလုံးအတွက်လည်း ဂုဏ်သိက္ခာ ရှိတာပေါ့။"

စုယန်ရဲ့ စကားကို နားထောင်ရင်း ကျူးကျူးချင်းက သူ့ကို ပြုံးပြီး ခေါင်းညိတ်ပြလိုက်သည်။

ဒိုင်မူဘိုင်ကတော့ ဒေါသပေါက်ကွဲတော့မတတ် ဖြစ်နေသည်။

ဒါပေမဲ့...

သူ ပြန်ချေပစရာ စကားလုံးလည်း မရှိပေ။ သူသာလျှင် ကျူးကျူးချင်းကို စွန့်ပစ်ပြီး တစ်ယောက်တည်း ထွက်ပြေးခဲ့တာ၊ အခုလည်း သူ ပျော်ပါးနေတာပဲ။

သူ မှားနေမှန်း သူသိသည်။

တကယ်ပါ

စုယန်ရဲ့ စကားတွေကလည်း အရမ်းရှင်းပါတယ်။ ကိုယ့်ဘဝ ကိုယ်ရွေး၊ အမြန်ဆုံး အဆက်ဖြတ်။

ဒိုင်မူဘိုင်လည်း စေ့စပ်ထားသူ အလုခံရတဲ့ ရှက်စရာမျိုး မဖြစ်ရတော့ဘူး၊ ကျူးကျူးချင်းလည်း တခြားသူရဲ့ စေ့စပ်ထားသူ ဆိုတဲ့ အမည်နာမ မရှိတော့ဘူး၊ စုယန်လည်း တခြားသူရဲ့ စေ့စပ်ထားသူကို လုယူတယ်ဆိုတဲ့ အရှက်မျိုး မရတော့ဘူး။

ဒီနည်းလမ်းက လူတိုင်းအတွက် ဂုဏ်သိက္ခာကို ထိန်းသိမ်းရာ ရောက်ပါတယ်။

အကြောင်းပြချက်က မှန်ပါတယ်။

ဒါပေမဲ့ ဒိုင်မူဘိုင်ရဲ့ စိတ်ထဲမှာတော့ အရမ်းကို မကျေနပ်နိုင်ဖြစ်နေတယ်။

ဒိုင်မူဘိုင်ရဲ့ မျက်နှာကို ကြည့်ပြီး စုယန်က ရှေ့ကို တိုးလာကာ လက်ကို ဆန့်ထုတ်ပြီး ပြောလိုက်သည် -

"အစ်ကိုဟောင်း၊ ငါတို့မှာ သွေးထွက်သံယို ရန်ငြိုးကြီး ရှိနေသလိုမျိုး မလုပ်ပါနဲ့။ အကောင်းဘက်က ကြည့်လိုက်ပါ၊ အနည်းဆုံးတော့ မင်း အပြစ်ရှိတယ်လို့ ခံစားစရာ မလိုတော့ဘူးပေါ့၊ ဟုတ်တယ်မလား?"

"တရားဝင် မိတ်ဆက်ပေးရအောင်။ ငါက စုယန်ပါ။"

ဒိုင်မူဘိုင်က သူတို့နှစ်ယောက်ကို စူးစူးရဲရဲ ကြည့်လိုက်ပြီး လုံးဝ လျစ်လျူရှုကာ ဧည့်ကြိုစားပွဲဆီ လျှောက်သွားပြီး ပြောလိုက်သည် -

"ငါ ကြိုတင်မှာထားတဲ့ အခန်းရဲ့ သော့ပေးစမ်း။"

ဟိုတယ်ဧည့်ကြိုက ဘာမှ နားမလည် ဖြစ်သွားသည်။

အဲဒီအချိန်မှာပဲ ဟိုတယ်မန်နေဂျာက အဝေးကနေ ပြေးလာခဲ့သည်။ အခြေအနေကို စစ်ဆေးပြီးနောက် တောင်းပန်စကား အများကြီး ပြောလိုက်သည် -

"ဆောရီးပါ အစ်ကိုဒိုင်။ ဝန်ထမ်းအသစ်က ဘာမှ မသိဘဲနဲ့ တခြားသူကို အစ်ကို ကြိုတင်မှာထားတဲ့ အခန်းကို ပေးလိုက်မိလို့ပါ။"

"ကျွန်တော် အစ်ကို့အတွက် တခြားအခန်းတစ်ခန်း ရှင်းပေးရမလား?"

"ဘာ!"

*ဒုန်း။*

ဒိုင်မူဘိုင်က စားပွဲကို လက်နဲ့ ပိတ်ရိုက်လိုက်ပြီး စုယန်နဲ့ ကျူးကျူးချင်းကို တစ်ချက် ဝေ့ကြည့်လိုက်သည်။

သူ ဒေါသပေါက်ကွဲတော့မည်။

မင်းက ငါ့ရဲ့ စေ့စပ်ထားသူကို လုယူရုံတင်မကဘဲ ငါ့ရဲ့ အခန်းကိုပါ သိမ်းပြီး ကာမဂုဏ် ရှာချင်နေတာလား?

ဒိုင်မူဘိုင်က စုယန်ဘက်ကို လှည့်ကြည့်ပြီး "ကောင်လေး၊ မင်းက ငါတို့ကြားမှာ ဘာမှ မပတ်သက်တော့ဘူးလို့ ပြောပြီးတော့ အခု ငါ့အခန်းကို သိမ်းလိုက်တာပေါ့လေ၊ ငါတို့ ဒီကိစ္စကို ဘယ်လို ဖြေရှင်းမလဲ?" လို့ အော်ပြောလိုက်သည်။

စုယန်က ဂရုမစိုက်ပါ။ ကျူးကျူးချင်းအတွက် သူ ဒိုင်မူဘိုင်ကို ဂုဏ်သိက္ခာ အများကြီး ပေးပြီးနေပြီ။ ဒိုင်မူဘိုင်က မကျေးမနပ် လုပ်ချင်နေရင်လည်း စုယန်က တိုက်ခိုက်ရေး နည်းနည်းတော့ သိပါတယ်။

"မင်း ကြိုက်သလိုသာ ဖြေရှင်းလေ!"

စုယန်က ပုခုံးတွန့်လိုက်ပြီး "မင်းသဘောပဲ" ဆိုတဲ့ အမူအရာနဲ့ ပြောလိုက်သည်။

ဒိုင်မူဘိုင်က မှောင်မိုက်နေတဲ့ မျက်နှာနဲ့ ပြောလိုက်သည် -

"ဒါဆိုရင်တော့ ဝိဉာဉ်ဆရာတွေရဲ့ နည်းလမ်းအတိုင်း ဖြေရှင်းကြတာပေါ့။ သူမရဲ့ အရသာခံစားမှုက ဘယ်လောက်မကောင်းလဲဆိုတာနဲ့၊ သူမက အပေါ်ယံပဲ ခန့်ညားပြီး အတွင်းပိုင်း ဘာမှ မရှိတဲ့ ကောင်လေးတစ်ယောက်ကိုပဲ ရွေးလိုက်တာလားဆိုတာ ငါ ကြည့်လိုက်ဦးမယ်။"

ဟိုတယ်မန်နေဂျာကလည်း ထိတ်လန့်သွားပြီး "အစ်ကိုဒိုင်၊ စိတ်လျှော့ပါဦး!" လို့ လာတားသည်။

ဒိုင်မူဘိုင်က သူ့ကို လက်ညှိုးထိုးလိုက်သည်။ "ပါးစပ်ပိတ်ထား။ ဒီနေ့အတွက် အရှုံးအားလုံးကို ငါ တာဝန်ယူမယ်။"

"ကောင်လေး! လာခဲ့စမ်း။ မင်းရဲ့ စွမ်းအားကို ငါ ကြည့်ချင်တယ်။"

မင်းကလည်း ကြွားချင်တာလား?

ဒါကိုမြင်တော့ မျောက်ကလေး က ချက်ချင်း စုယန်ရဲ့ ရှေ့ကို ခုန်တက်လာပြီး ဒိုင်မူဘိုင်ကို လေထဲ ပစ်လွှတ်ဖို့ ပြင်လိုက်သည်။

"မျောက်ကလေး။"

စုယန်က မျောက်ကလေးကို ပြန်ခေါ်ပြီး ပြောလိုက်သည် -

"တစ်ယောက်ယောက်ကို ရိုက်နှက်တာနဲ့ သတ်တာနဲ့ မတူဘူး။ သတ်တာက တစ်ချက်တည်းနဲ့ ပြီးသွားအောင် လုပ်တာ၊ ရိုက်နှက်တာကတော့ ကိုယ်နိုင်သလောက် အချိန်ကြာကြာ ရိုက်တာ။"

"ဒီနေ့တော့ ဘေးကနေ ကြည့်ပြီး သင်ယူထား။"

မျောက်ကလေး:???

ကျူးကျူးချင်းလည်း ကြားလိုက်ရတဲ့ စကားကြောင့် ကြောင်သွားသည်။

ဒီမျောက်ကလေးက စုယန်ရဲ့ သိုင်းဝိဉာဉ် ဆိုတာ သူမ သိပေမဲ့ ဝိဉာဉ်ကို သင်ယူခိုင်းတာက နည်းနည်း ထူးဆန်းနေသလိုပဲ။

"ဟွန့်!"

ဒိုင်မူဘိုင်က အေးစက်စက် နှာခေါင်းရှုံ့လိုက်သည်။ စုယန် အဆင်သင့် ဖြစ်နေတာကို မြင်တော့ သူ ရှေ့ကို ပြေးဝင်လာပြီး စုယန်ရဲ့ ခန့်ညားတဲ့ မျက်နှာကို တည့်တည့် ပစ်မှတ်ထားပြီး လက်သီးနဲ့ ထိုးလိုက်သည်။

ဒေါသတွေနဲ့ သူက သူ့ထက် ပိုခန့်ညားတဲ့ ဒီမျက်နှာကို ဝက်ခေါင်းဖြစ်သွားအောင် ရိုက်မယ်လို့ ကျိန်ဆိုလိုက်သည်။

စုယန်ရဲ့ ခန္ဓာကိုယ်က အနည်းငယ် ယိမ်းနွဲ့လိုက်ပြီး အရိပ်ယောင်တစ်ခုလိုမျိုး ဖြစ်သွားသည်။ ဒိုင်မူဘိုင်ရဲ့ လက်သီးကို ရှောင်လိုက်ပြီးနောက် ဒိုင်မူဘိုင်ကို မြေကြီးပေါ် ပြုတ်ကျအောင် ရိုက်ချလိုက်သည်။

*ဒုန်း။*

ဒိုင်မူဘိုင်က မြေကြီးပေါ် ပြင်းပြင်းထန်ထန် ပြုတ်ကျပြီး နာကျင်စွာနဲ့ လူးလိမ့်နေသည်။

အဓိက အဝင်ဝမှာ။

ရှောင်ဝူ၊ နင်ရုံရုံနဲ့ တန်ဆန်တို့ကလည်း ပြဿနာရဲ့ အနံ့ကို ခံပြီး ရောက်လာကြသည်။

သူတို့ ရောက်လာချင်းမှာပဲ စုယန် က ဒိုင်မူပိုင် ကို ရိုက်နှက်နေတာကို မြင်လိုက်ရသည်။

သူတို့သုံးယောက်:???

စုယန်က မြေကြီးပေါ်က ဒိုင်မူဘိုင်ကို ကြည့်ပြီး စိတ်ပူသလိုနဲ့ ပြောလိုက်သည် -

"အစ်ကိုဟောင်း၊ စတားလော့အင်ပါယာကနေ ထွက်လာပြီးကတည်းက မင်း ခန္ဓာကိုယ်ကို သေချာ မထိန်းသိမ်းထားဘူးနဲ့တူတယ်?"

"ဒီလောက်တောင် အားနည်းနေတာကို တစ်ပြိုင်တည်း နှစ်ယောက်နဲ့ ကစားချင်နေတာလား? မင်း ကိုယ့်အစွမ်းအစနဲ့ ကိုယ်ပဲ နေသင့်တယ်လို့ ငါထင်တယ်!"

"မင်း..."

ဒိုင်မူဘိုင်က ချက်ချင်း ဒေါသပေါက်ကွဲသွားသည်။

သေစမ်း။

ငါ့ရဲ့ စေ့စပ်ထားသူကို လုတာ အရင်ထားလိုက်ဦး။

ဒါပေမဲ့ ငါ့ရဲ့ ယောက်ျားပီသမှုကို လာလှောင်ပြောင်တာကတော့ သေခြင်း ရှင်းခြင်း ရန်ငြိုးပဲ!

ဒိုင်မူဘိုင်က မြေကြီးပေါ်ကနေ အမြန်ထပြီး စုယန်ကို ဒေါသတကြီး ထိုးနှက်လိုက်သည်။ ဒါပေမဲ့ စုယန်ကတော့ တည်ငြိမ်နေဆဲပဲ၊ ဝင်းချွန်း လက်သီးချက်တွေကို ဒိုင်မူဘိုင်ရဲ့ မျက်နှာပေါ် တည့်တည့် ပစ်ထည့်လိုက်သည်။

ဘန်း ဘန်း ဘန်း!!

ဘန်း ဘန်း ဘန်း!!

ဒီ ဝင်းချွန်း လက်သီးချက်တွေက ဒိုင်မူဘိုင်ရဲ့ မျက်နှာကို ရုပ်ပျက်ဆင်းပျက် ဖြစ်သွားအောင် လုပ်လိုက်ပြီး မျက်နှာတစ်ခုလုံး ဖူးရောင်လာအောင် လုပ်လိုက်သည်။

လက်ဗလာနဲတိုက်ခိုက်တာမှာ စုယန်ကို မနိုင်မှန်း သိသွားတဲ့ ဒိုင်မူဘိုင်က သူ့ရဲ့ ဝိဉာဉ်စွမ်းအင်ကို သုံးပြီး တိုက်ခိုက်ဖို့ ကြိုးစားပေမဲ့ ဘယ်လိုမှ ပြန်မတိုက်နိုင်အောင် အရိုက်ခံနေရသည်။

*ဘန်း!*

နောက်ဆုံးမှာတော့ စုယန်ရဲ့ ကန်ချက်နဲ့အတူ ဒိုင်မူဘိုင်ကို ဆယ်မီတာ အဝေးကို လွင့်စင်သွားအောင် ကန်လိုက်ပြီး အဝင်ဝက ထန်ဆန်းရဲ့ ခြေထောက်နားမှာ ပြုတ်ကျသွားသည်။

တန်ဆန်:???

နင်ရုံရုံက သူမရဲ့ ကျောက်စိမ်းမှန်နဲ့ အမြဲတမ်း မှတ်တမ်းတင်နေတာပါ။ ဒိုင်မူဘိုင် လွင့်စင်လာတာကို မြင်တော့ သူ့ရဲ့ ဝက်လို ဖူးရောင်နေတဲ့ မျက်နှာကို နီးနီးကပ်ကပ် ရိုက်ကူးလိုက်သည်။

【ရတနာခုနှစ်ပါးမင်းသမီးလေး: စုယန်က ဒိုင်မူဘိုင်ကို ၂ မိနစ်နဲ့ ၃၇ စက္ကန့်ကြာ ရိုက်နှက်နေသည်။ (ဗီဒီယို)】

【ရတနာခုနှစ်ပါးမင်းသမီးလေး: ငါ့အစ်ကိုက တကယ်ကို အရမ်းခန့်တာပဲ။】