အခန်း (၄၁) - နင်ရုံရုံရဲ့ မြင်မြင်ခြင်းအချစ်
ရှောင်ဝူသည် ရုတ်တရက် မျက်မှောင်ကြုတ်လိုက်မိသည်။ သူမရဲ့ ထက်မြက်မှုက သူမအား ပြဿနာကို နောက်ဆုံးတွင် သဘောပေါက်သွားစေခဲ့သည်။
စုယန်က သူမမှာ သူငယ်ချင်းတစ်ယောက်ရှိတယ်ဆိုတာ တကယ်ပဲ သိနေတာလား -ဒါမှမဟုတ် သူပြောနေတာက သူမအကြောင်းကို ပြောနေတာလား?
သေစမ်း!
သူမ တကယ်ပဲ စုယန်ရဲ့ ဖော်ထုတ်ခြင်းကို ခံလိုက်ရတာလား?
ခဏလေးစောင့်ဦး တစ်ခုခုတော့ မှားနေသလိုပဲ။ အားးးးးး
နော်ဒင်းအကယ်ဒမီ။
ယုရှောင်ဂန်းရဲ့ နေအိမ်တွင်
ထန်ဆန်းသည် တစ်နေကုန် အစာလည်းမစား၊ အရည်လည်း မသောက်ခဲ့ပေ။
ယုရှောင်ဂန်းလည်း စိတ်ပူနေခဲ့သည်!
"ထန်ဆန်း မင်း တစ်နေကုန် အစာမစားရသေးဘူးလေ ကုတင်ပေါ်ကထပြီး တစ်ခုခုစားလိုက်စမ်းပါ!"
ထန်ဆန်းသည် စိတ်ဓာတ်ကျနေဆဲဖြစ်ပြီး သူ့ဘာသာသူ ရေရွတ်နေ၏။ "ဆရာ... ကျွန်တော် ဘယ်လိုလုပ်ပြီး စုယန်ကို ရှုံးနိမ့်သွားရတာလဲ ကျွန်တော် စုယန်ကို ရှုံးဖို့ဆိုတာ မဖြစ်နိုင်ဘူး။"
ယင်းကိုကြားသောအခါ ယုရှောင်ဂန်းရဲ့ ရင်ထဲတွင် အလွန်နာကျင်သွားရသည်။
ငါလည်း ဒါကို မဖြစ်စေချင်ပါဘူး!
ဒါပေမဲ့...
ဒီခွေးကောင် စုယန်က ဝိဉာဉ်ဂရမ်းမာစတာ အဆင့် ၃၀ ကို ထိုးဖောက်နိုင်ပြီး ဝိဉာဉ်စွမ်းအား အဆင့် ၃၈ အထိတောင် ရှိနေမယ်လို့ ဘယ်သူကထင်ထားမှာလည်း?
ငါ ဒါကို တကယ် သိချင်မိတယ်!
"ရှောင်ဆန်း မင်းက အင်အားအကြီးဆုံး ပါရမီရှင်တစ်ယောက်ဖြစ်ပြီး ဆရာ အတန်ဖိုးအထားဆုံး တပည့်တစ်ယောက်ဆိုတာကို ဆရာ အမြဲယုံကြည်တယ်။ ခဏတာ အနိုင်အရှုံးဆိုတာကတော့ ဘာမှ မဟုတ်ပါဘူး။"
ထန်ဆန်းသည် ယုရှောင်ဂန်းကို ကြည့်လိုက်ပြီး ရင်ဘတ်ထဲတွင် တင်းကျပ်နေသလို ခံစားလိုက်ရသည်။ "ဆရာ... စုယန်က ဘယ်လိုလုပ်ပြီး ဝိဉာဉ်ဂရမ်းမာစတာ အဆင့် ၃၀ ကို ထိုးဖောက်နိုင်ပြီး အဲလောက်အထိ မြင့်မားတဲ့ ဝိဉာဉ်စွမ်းအားကို ပိုင်ဆိုင်နိုင်တာလို့ ဆရာထင်လဲ?"
ယုရှောင်ဂန်းက လေးနက်သော အသံဖြင့် ပြောလိုက်သည် -
"သူ့ရဲ့ သိုင်းဝိဉာဉ်က နောက်တစ်ကြိမ် ထပ်ပြောင်းလဲသွားတယ်လို့ ဆရာ သံသယရှိတယ်။ သူက ဝိဉာဉ်ဂရမ်းမာစတာ အဆင့် ၃၀ ကို ထိုးဖောက်နိုင်ရုံတင်မကဘဲ သူ့ရဲ့ ဝိဉာဉ်စွမ်းအားကိုပါ တိုးမြှင့်မှု ရရှိခဲ့တာ ဖြစ်လိမ့်မယ်။"
ဒီအကြောင်းကို ပြောလိုက်ချိန်မှာ ယုရှောင်ဂန်း ဒေါသထွက်သွားသည်။
သူသည် ထိုနေ့လည်က သီးသန့်နေရာတစ်ခုကို ရှာပြီး လျိုဆန်ပေါကို သေလုမျောပါး ရိုက်နှက်ခဲ့သေးသော်လည်း၊ လျိုဆန်ပေါက်က ဒုတိယအကြိမ် ပြောင်းလဲခြင်းကို ဘယ်လိုလုပ်ရမလဲဆိုတာကို မသိဘူးလေ
လျိုဆန်ပေါ: ငါ့ကဘာသိမှာတုန်းလို့!!!!
"သိုင်းဝိဉာဉ် ဆင့်ကဲပြောင်းလဲခြင်းလား?"
ထန်ဆန်းရဲ့ အမူအရာ တင်းမာသွာပြီး - "ဆရာ... ကျွန်တော့်ရဲ့ ငွေပြာမြက် သိုင်းဝိဉာဉ်ကရော ပြောင်းလဲနိုင်ပါ့မလား?"
ယုရှောင်ဂန်းက ခေါင်းကို အနည်းငယ် ခါလိုက်သည် - "ဆရာလည်း မသိဘူး။ ဒါပေမဲ့ ရှောင်ဆန်း ဒါကို မှတ်ထားပါ - မင်းရဲ့ ငွေပြာမြက် သိုင်းဝိဉာဉ်ဆိုတာက အပေါ်ယံ အခွံတစ်ခုသာ ဖြစ်တယ်။ တကယ်အစွမ်းထက်တာက မင်းရဲ့ တခြား သိုင်းဝိဉာဉ်တစ်ခုပဲ။"
"မင်းရဲ့ တခြား သိုင်းဝိဉာဉ်ဖြစ်တဲ့ ဟေယက်တျန်းတူက စုယန်ရဲ့ ဝိဉာဉ်ထက်တောင် ပိုမိုအစွမ်းထက်တဲ့ တည်ရှိမှုတစ်ခုဖြစ်ပြီး၊ ဒီတိုက်ကြီးမှာ အထူးခြားဆုံး ဝိဉာဉ်တစ်ခု ဖြစ်တယ်။"
ထန်ဆန်းသည် ယင်းကိုကြားရသော် အံ့အားသင့်သွားရဲ့
"ဒါ တကယ်ပဲလား ဆရာ?"
"ဒါပေမဲ့ ဆရာနဲ့ အဖေက ကျွန်တော့်ရဲ့ တခြား သိုင်းဝိဉာဉ်ကို အသုံးမပြုဖို့ တားမြစ်ထားခဲ့တာ မဟုတ်ဘူးလား၊ ပြီးတော့ အဲဒါကို ဘယ်လို ကျင့်ကြံရမလဲဆိုတာ မသိဘူးလို့ ပြောခဲ့တာ မဟုတ်ဘူးလား?"
ယုရှောင်ဂန်းက လေးနက်သောအမူအရာဖြင့် ပြောလိုက်သည် -
"ကိစ္စမရှိပါဘူး။"
"ဆရာ့မှာ ဝိဉာဉ်နှစ်မျိုးကို ကျင့်ကြံဖို့ လျှို့ဝှက်ချက်ကို ရှာဖွေနိုင်မယ့် နည်းလမ်းရှိတယ်။ ဒါကို ဆရာ အာမခံနိုင်တယ်။"
"ဟုတ်ကဲ့!"
ဒိစကားကိုကြားသောအခါ ထန်ဆန်းမှာ ပိုမိုယုံကြည်မှု ရှိလာသည်။
သူ့တွင် ဝိဉာဉ်နှစ်မျိုးရှိပြီး နတ်ဘုရားဆန်တဲ့ လျို့ဝှက်ဆန်းကြယ်ကောင်းကင်ရတနာမှတ်တမ်း ရှိသည်။ စုယန်က ဝိဉာဉ်ပြောင်းလဲခြင်းကိုသာ အားကိုးနေရတာ ဖြစ်ပြီး၊ နောက်ကျရင်တော့ သူက ဘွဲအမည်ရတုန့်လော့ ဖြစ်လာဖို့ လမ်းကြောင်းပေါ်မှာ နင်းချေခံရမယ့် ကျောက်တုံးတစ်တုံးသာ ဖြစ်လာလိမ့်မယ်။
"ဒါနဲ့ ဆရာ။"
"စုယန်က ဝိဉာဉ်ဂရမ်းမာစတာ အဆင့် ၃၀ ကို ထိုးဖောက်နိုင်တာဆိုတော့ ဆရာကရော ဝိဉာဉ်ဂရမ်းမာစတာ အဆင့် ၃၀ ကို မထိုးဖောက်နိုင်ဘူးလား?"
ယုရှောင်ဂန်းသည် ထိုစကားကိုကြားသော် အနည်းငယ် ပျော်ရွှင်သွားသည် - "ဖြစ်နိုင်တာပေါ့!"
စုယန်ရဲ့ ထိုးဖောက်မှုက သူ့ကို အသုံးမကျတဲ့သူအဖြစ် ရိုက်ချိုးပြီး နာမည်ပျက်စေခဲ့ပေမဲ့၊ စုယန်ကပဲ သူ့ကို မျှော်လင့်ချက်တွေ ပေးခဲ့တာပဲ!
စုယန်ဆီက ဝိဉာဉ်ပြောင်းလဲခြင်း လျှို့ဝှက်ချက်ကိုသာ ရလိုက်မယ်ဆိုရင်၊ ယုရှောင်ဂန်းဖြစ်တဲ့ သူက ဝိဉာဉ်ဂရမ်းမာစတာ အဆင့် ၂၉ မှာ ပိတ်မိနေတဲ့ အသုံးမကျသူ ဖြစ်တော့မှာ မဟုတ်ဘူး။
ထန်ဆန်းသည် ယုရှောင်ဂန်းရဲ့ အတွေးကို မြင်လိုက်ရသော်လည်း ဘာမှ မှတ်ချက်မပေးနိုင်ဘဲ အားကိုးရာမဲ့ ဖြစ်နေခဲ့သည် - စုယန်က အဲဒီ လျှို့ဝှက်ချက်ကို တခြားသူတွေကို ပေးကောင်းပေးနိုင်ပေမဲ့၊ သေချာပေါက် ဆရာ့ကိုတော့ ပြောပြမှာ မဟုတ်ဘူး မဟုတ်လား?
"ဆရာ... စုယန်က ဘာမှ မပြောပြရင် ဘယ်လိုလုပ်မလဲ?"
ယုရှောင်ဂန်းက တည်ငြိမ်စွာ ပြောလိုက်သည် -
"ဒီနေ့ အကယ်ဒမီက ဆရာတွေဆီက ကြားတာတော့ စုယန်က ဒီနေ့ညမှာပဲ တစ်ခုခုကိစ္စရှိလို့ စောစောထွက်သွားတယ်တဲ့။ ကျောင်းအုပ်က သူ့ကို ကောင်းကင်ဒိုမြို့ တော်ဝင်အကယ်ဒမီနဲ့ ပုပ်ရဟန်းမင်းနန်းဆောင် အကယ်ဒမီတွေကို သွားဖို့ အကြံပေးခဲ့ပေမဲ့ သူက ဘယ်ကိုမှ မသွားချင်ဘူးတဲ့။ အဲဒီအစား သူက မင်းတို့နဲ့ ရှောင်ဝူတို့ ရှိတဲ့ ရှီလိုင်ခဲ့အကယ်ဒမီ ကို သွားမယ်လို့ ပြောသွားတယ်။"
"ရှီလိုင်ခဲ့အကယ်ဒမီ - အဲဒီကို ရောက်ရင် မင်း နားလည်လာလိမ့်မယ်။ သူက ငါ့ကို ပြောပြမှာ အသေအချာပဲ။"
ရှီလိုင်ခဲ့အကယ်ဒမီရဲ့ ကျောင်းအုပ် ဖလန်ဒါက ငါ့ရဲ့ သူငယ်ချင်းပဲ။ အချိန်တန်ရင် စုယန်ဆီက ဝိဉာဉ်ပြောင်းလဲခြင်း လျှို့ဝှက်ချက်ကို ရဖို့ဆိုတာ လွယ်ကူမှာ မဟုတ်ဘူးလား?
ယုရှောင်ဂန်း အလွန်အမင်း ယုံကြည်ချက်ရှိနေသည်ကို မြင်တော့ ထန်ဆန်းမှာ သံသယများ စတင်ဝင်လာသည်။
အရင်ကတော့ သူသည် ယုရှောင်ဂန်းကို ဘယ်တော့မှ သံသယမဝင်ခဲ့ဖူးသော်လည်း၊ စုယန်လက်ချက်နဲ့ အရိုက်ခံရပြီးနောက်မှာတော့ သံသယများ စတင်ဝင်လာခဲ့သည်။
ပြီးတော့၊ ယုရှောင်ဂန်းက စုယန်ဆိုတာ ဝိဉာဉ်ဂရမ်းမာစတာ အဆင့် ၃၀ ကို မထိုးဖောက်နိုင်တဲ့ အသုံးမကျသူသက်သက်လို့ သူ့ကို ဘယ်နှစ်ခါလောက် အာမခံခဲ့ဖူးတာလဲ?
ထန်ဆန်းက ယုံကြည်ခဲ့ပြီး၊ အဲဒီအတွက် သူ ခံစားခဲ့ရသည်။
နော်ဒင်းမြို့ အပြင်ဘက်။
လမ်းမကြီးပေါ်တွင်။
စုယန်သည် မြင်းစီး၍ လှည်းတစ်စီးကို ကျော်တက်သွားသည်။
လေပြင်းတစ်ချက်က လှည်းကန့်လန့်ကာကို လှုပ်ခါသွားစေခဲ့သည်။
နင်ရုံရုံသည် လှည်းထဲတွင် ထိုင်နေပြီး သူမ၏ ဂရုအဖွဲ့ဝင်များနှင့် ကျောက်စိမ်းမှန် မှတစ်ဆင့် စကားပြောနေရင်း၊ သူမရဲ့ နှလုံးသားကို ခုန်ပေါက်သွားစေမယ့် မြင်ကွင်းတစ်ခုကို ရုတ်တရက် မြင်လိုက်ရသည်။
ကလစ်
မစဉ်းစားဘဲနှင့်ပင် သူမသည် စိတ်ထဲရှိသည့်အတိုင်း လုပ်လိုက်ရာ ကျောက်စိမ်းမှန်က စုယန်ရဲ ခန့်ညားသော ဘေးပုံစံကို ချက်ချင်း ရိုက်ယူလိုက်သည်။
"အရမ်းခန့်တာပဲ!"
နင်ရုံရုံသည် သူမဘာသာ ရေရွတ်လိုက်ပြီး လှည်းထဲမှ အလျင်အမြန် ပြေးထွက်လာကာ -
"ဟေ့၊ ခဏလေး စောင့်ဦး..."
သို့သော် စုယန်က မြင်းဖြင့် ဝေးရာသို့ ရောက်နှင့်ပြီဖြစ်ပြီး လှည်းထဲကလူက နင်ရုံရုံဖြစ်နေမှန်း မသိလိုက်ပေ။ စုယန်ရဲ့အာရုံခံစားမှု ညံ့ဖျင်း၍ မဟုတ်ဘဲ၊ သူ့ရဲ့ မြင်းစီးကျွမ်းကျင်မှုက အလွန်တရာ ဆိုးရွားနေခြင်းကြောင့်ဖြစ်သည်။
ရိုးရိုးသားသား ပြောရလျှင်။
စုယန်သည် မြင်းတစ်ခါမှ မစီးဖူးသလို စီးတတ်သည့် အရည်အချင်းလည်း မရှိပေ။
သူ့တွင် ယခုလက်ရှိ အစွမ်းထက်သော ခန္ဓာကိုယ် ရှိမနေခဲ့လျှင်၊ ဒီအကောင်ကို စီးဖို့ဆိုတာ လုံးဝ မဖြစ်နိုင်ပေ။
ဟုတ်တာပေါ့။
စုယန်၏ စိတ်မှာ ယခုလက်ရှိ အရိပ်ထဲကကြောင် ကျူကျူချင်း နှင့် အပြန်အလှန် စကားပြောခြင်း အပေါ်တွင်သာ စိတ်ကရောက်ရှိနေသဖြင့် လမ်းမှာ တွေ့သည့်လှည်းထဲတွင် ဘယ်သူပါသလဲဆိုတာကို သူ ဂရုမစိုက်မိပေ။
【ရတနာခုနှစ်ပါးမင်းသမီးလေး: စုယန် ပရိုဖိုင်ဓာတ်ပုံ.jpg】
【ငါကမိဘမဲ့တစ်ယောက်:???】
【ရတနာခုနှစ်ပါးမင်းသမီးလေး: ညီမတို့ရေ၊ ငါ အရမ်းချောတဲ့ လူငယ်လေးတစ်ယောက်နဲ့ တွေ့လိုက်ရတယ်၊ ဒါပေမဲ့ သူက မြင်းနဲ့ ဝေးရာကို ထွက်သွားပြီ၊ ငါ လိုက်လို့ မမီလိုက်ဘူး။ ဘာလုပ်ရမလဲ?】
【ယန်ဇီက ငှက်မဟုတ်ဘူး: သူက ခန့်ချောလေးပဲ၊ ရှေ့ကနေ ကြည့်ရင် သူ့မျက်နှာ ဘယ်လိုနေမလဲဆိုတာ စိတ်ဝင်စားလိုက်တာ?】
【ရတနာခုနှစ်ပါးမင်းသမီးလေး: သူက ရှေ့ကနေဆိုရင် အဆတစ်ရာ ပိုခန့်သေးတယ်၊ ငါ့ကို ယုံပါ။ အဲဒီ လမ်းမှာ ဖြတ်သွားတဲ့ ခဏလေးမှာတင် ငါ ချစ်မိတော့မလို ခံစားလိုက်ရတယ်။ သူ့မျက်လုံးတွေက အရမ်းကို ကြင်နာတတ်ပုံပေါက်တယ်။】
【ဘီဘီတုံ: လျိုအာ့လုံ၊ ထွက်လာပြီး ငါ့ကို ရင်ဆိုင်စမ်း။】
【ငါကမိဘမဲ့တစ်ယောက်: ဘီဘီတုံ၊ ရူးမနေနဲ့တော့။ လျိုအာ့လုံက ဒီနေ့ ထွက်လာမှာ မဟုတ်ဘူး။ မနက်ဖြန် မင်းကို အဒေါ်ကြီးလို့ ထပ်ခေါ်မှာကိုပဲ စောင့်နေလိုက်တော့!】
【ရတနာခုနှစ်ပါးမင်းသမီးလေး: ညီမတို့ရေ၊ ငါ့ကို နည်းလမ်းလေးရှာပေးပါဦး။ ဒီလူငယ်လေးက တကယ်ကို ခန့်တာ၊ ဒါပေမဲ့ အခုတော့ ငါ လိုက်မမီတော့ဘူး။ ဘာလုပ်ရမလဲ?】
【ငါကမိဘမဲ့တစ်ယောက်: မင်း သူ့ကို ချစ်မိသွားပြီလို့ ပြောချင်တာလား?】
နော်ဒင်းအကယ်ဒမီ။
ရှောင်ဝူသည် အိပ်ဆောင်သို့ ပြန်ရောက်ပြီး အိပ်စက်ရန် ပြင်ဆင်နေသည်။ မနက်ဖြန် စောစော ထန်ဆန်းကို နှိုးပြီး ဆိုတိုမြို့ ကို သွားဖို့အတွက် ဖြစ်သည်။
သို့သော် ဂရုထဲက စာတွေက သူမကို အိပ်မပျော်အောင် လုပ်လိုက်သည်။
ငါက မင်းကို ညီမလို သဘောထားပြီး၊ မင်းကတော့ ငါ့ရဲ့ မျောက်ကလေးရဲ့ သခင်ကို တိတ်တဆိတ် ဓာတ်ပုံရိုက်ထားတာပေါ့လေ?
မဖြစ်နိုင်ဘူး!
ငါတောင် အကွက်မရွှေ့ရသေးဘူးလေ။
【ရတနာခုနှစ်ပါးမင်းသမီးလေး: ငါ သူ့ကို အတော်လေး သဘောကျမိတယ်၊ ဒါပေမဲ့ ငါပြောတာက အဲလိုမျိုး သဘောကျတာ မဟုတ်ပါဘူး။ သူက အရမ်းချောတော့ ငါ သူ့ကို သိချင်ရုံသက်သက်ပါ။】
【ရတနာခုနှစ်ပါးမင်းသမီးလေး: ပုပ်ရဟန်းမင်းကြီး၊ ပုပ်ရဟန်းမင်းနန်းဆောင်ရဲ့ ပုပ်ရဟန်းမင်းတစ်ယောက်အနေနဲ့ လူတွေကို အများကြီး မြင်ဖူးမှာပါ။ ဒီလူကို မှတ်မိလား?】
【ဘီဘီတုံ: ဒီနေရာကနေ တွက်ချက်ကြည့်လိုက်ပြီ၊ သူက အလကားကောင် ဖြစ်ရမယ်။ မင်းသာ ဒီနေရာကလူလို ကံဆိုးချင်တာ မဟုတ်ရင် သူ့ကို မသိကျွမ်းဖို့ပဲ အကြံပေးမယ်။】
【ဘီဘီတုံ: ဟားဟား!】
【ငါကမိဘမဲ့တစ်ယောက်: မိန်းမဆိုး၊ သူ့ကို အဲလိုမျိုး ပြောတာ ငါ လက်မခံဘူး။】
【ရတနာခုနှစ်ပါးမင်းသမီးလေး: အဲဒါကတော့ လွန်လွန်းတယ် ဘီဘီတုံ။ အမ်? ကောင်းတဲ့ ညီမလေးရေ၊ မင်း သူ့ကို သိလို့လား?】