အခန်း ၃၈။ တိုက်ဆိုင်လိုက်တာ၊ မင်းမှာလည်း သူငယ်ချင်းတစ်ယောက် ရှိတယ်မလား?
【ရတနာခုနှစ်ပါးမင်းသမီးလေး: တွေးကြည့်ရုံနဲ့တင် ကြောက်ဖို့ကောင်းတယ်။ အနာဂတ်မှာ ယုရှောင်ဂန်းလို အသုံးမကျတဲ့သူ၊ လူယုတ်မာမျိုးနဲ့တော့ ဘယ်တော့မှ မတွေ့ပါရစေနဲ့။】
【ရတနာခုနှစ်ပါးမင်းသမီးလေး: ညီမတို့ရေ၊ ငါသာ လူယုတ်မာတစ်ယောက်နဲ့ တွေ့ခဲ့ရင် မင်းတို့ သတိပေးဖို့ မမေ့နဲ့နော်။ မဟုတ်ရင် ငါ့အဘိုးက သူ့မိသားစု တစ်ခုလုံးကို တကယ် သတ်ပစ်လိမ့်မယ်!】
【အရိပ်ထဲကကြောင်: လူယုတ်မာနဲ့ တွေ့တာက မကြောက်ရပါဘူး။ ကြောက်ဖို့ကောင်းတာက ပြောင်းလဲချင်တဲ့ ဆန္ဒ ရှိပေမဲ့ ဘယ်လို ရွေးချယ်ရမှန်း မသိတဲ့ အခြေအနေမျိုးပါ။】
【ယန်ဇီက ငှက်မဟုတ်ဘူး: ဘီဘီတုံကို လှောင်ပြောင်ချင်ပေမဲ့ အခု အခြေအနေကို ကြည့်ရင် သူမက တကယ်ကို သနားစရာ ကောင်းပါတယ်။】
【ငါကမိဘမဲ့တစ်ယောက်: သနားစရာ ကောင်းတာ ဘာမှမရှိဘူး။ သူမဘာသာ လုပ်ခဲ့တာလေ မျက်စိကန်းပြီး ဦးနှောက်မဲ့တာကို ဘယ်သူ့ကို အပြစ်တင်ရမှာလဲ?】
【ဂရုအဖွဲ့၀င်နံပါတ် ၉: သနားစရာ လူတွေတိုင်းမှာ အမုန်းခံရမယ့် အချက်တစ်ခုခုတော့ ရှိတတ်ကြတာပဲ။】
【မုန်လာဥစားရတာကြိုက်တယ်: လူယုတ်အာမိန်းမ၊ မင်းကို ငါ မသနားချင်ဘူး။】
ပုပ်ရဟန်းမင်းနန်းဆောင်
ဘီဘီတုံက ဒီအချိန်မှာတော့ နာကျင်စွာနဲ့ မျက်လုံးကို မှိတ်လိုက်တယ်။
သူမ ဘယ်တုန်းကမှ မစဉ်းစားခဲ့ဖူးတဲ့ မေးခွန်းတစ်ခု - ယုရှောင်ဂန်းသာ မရှိခဲ့ရင် သူမဘဝက ဘယ်လို ဖြစ်လာမလဲ?
ဘီဘီတုံ မသိပေမဲ့ ယုရှောင်ဂန်းနဲ့ တွေ့တာထက် ပိုကောင်းမှာ သေချာတယ်ဆိုတာ သူမရဲ့ ရင်ထဲမှာ ရှင်းရှင်းလင်းလင်း သိနေတယ်။
ယုရှောင်ဂန်း မရှိရင်
သူမက အဲဒီ အပြစ်ကင်းပြီး တက်ကြွတဲ့ မိန်းကလေးငယ်လေးအတိုင်း ဆက်ရှိနေနိုင်ပြီး တိုက်ကြီးက ပြည်သူတွေကို တကယ် အကျိုးပြုချင်တဲ့ ဝိဉာဉ်ခန်းမရဲ့ ပုပ်ရဟန်းမင်းကြီး ဖြစ်လာနိုင်တယ်။
【ဘီဘီတုံ: မြန်မြန်! မြန်မြန် လုပ်! ပိုမြန်မြန်! ယုရှောင်ဂန်း သူ့ရဲ့ ဝမ်းကွဲ ညီမကို ဖျားယောင်းတာကို ငါ ကြည့်ချင်တယ်! ငါ ကြည့်ချင်တယ်!】
【ငါကမိဘမဲ့တစ်ယောက်: ???】
【ရတနာခုနှစ်ပါးမင်းသမီးလေး: စုယန်၊ ပုပ်ရဟန်းမင်းကြီးရဲ့ အခြေအနေက ပိုဆိုးလာပြီ။ ငါတို့ ဘာလုပ်သင့်လဲ?】
【မုန်လာဥစားရတာကြိုက်တယ်: ပြီးပြီ! အဲဒီ မိန်းမယုတ် တကယ် ရူးသွားပြီ။】
နဂါးပြာအကယ်ဒမီ
လျိုအာ့လုံ ဒီအချိန်မှာတော့ သည်းမခံနိုင်တော့ဘူး။
သောက်ကျိုးနည်း။
ဘီဘီတုံ၊ မင်းက ရူးနေတာလား။
ရူးချင်ရင် ကိုယ့်ဟာကိုရူးလိုက်လေ ဒါပေမဲ့ ဘာလို့ အဓိပ္ပာယ်မရှိတဲ့ စကားတွေ လျှောက်ပြောနေတာလဲ?
မင်း...
【ငါ့မျိုးရိုးနာမည်က ယု မဟုတ်ဘူး: ဘီဘီတုံ၊ တော်တော့! မင်းနဲ့ မဆိုင်ဘူး၊ မင်းနဲ့ မဆိုင်ဘူး။】
【ယန်ဇီက ငှက်မဟုတ်ဘူး: ကျစ် ကျစ်* ~ ဖရဲသီး(ကောလာဟလ)တွေက အကုန် မစားရသေးခင်မှာပဲ သက်ဆိုင်သူက ကိုယ်တိုင် ထွက်လာပြနေပြီ။】
【အရိပ်ထဲကကြောင်: ပုပ်ရဟန်းမင်းကြီးရဲ့ အစောပိုင်းက ခန့်မှန်းချက်က မှန်ပုံရတယ်။】
【မုန်လာဥစားရတာကြိုက်တယ်: ဘယ်သူလဲ?】
【ဂရုအဖွဲ့၀င်နံပါတ် ၉: လျိုအာ့လုံ။】
【ငါကမိဘမဲ့တစ်ယောက်: သူမရဲ့ စိတ်အနေအထားကို ကြည့်ရတာလည်း မကောင်းလှဘူး မဟုတ်လား?】
【ကလေးဘ၀လမင်း: ဒီလို အခြေအနေမှာ ဘယ်သူမှ ကောင်းမှာ မဟုတ်ဘူး။】
နော်ဒင်းအကယ်ဒမီ။
နေ့လယ်စာ စားချိန်ရောက်တော့ ရှောင်ဝူက စုယန်၊ ဝမ်ရှန်းနဲ့ စုယန်ရဲ့ အခန်းဖော်တွေကို ဒုတိယထပ် ကန်တင်းကို ခေါ်သွားတယ်။
ရှောင်ဝူက တကယ်ကို ချမ်းသာသွားပြီ။
သူမက အရမ်း ရက်ရောလွန်းလို့ ဒီအဖွဲ့ထဲက သူတွေတောင် မယုံနိုင်လောက်အောင် ဖြစ်နေကြတယ်။
စုယန်ကတော့ ဒီယုန်ပေါက်စလေးကို အခုမှ ချမ်းသာလာတဲ့သူ လို့ စိတ်ထဲကနေ ကျိန်ဆဲနေမိတယ်။
စုယန်က မကျေနပ်ဘူး!
သူကိုယ်တိုင်သာ ဒီလို ချမ်းသာနေရင် ကောင်းမှာပဲလို့ တွေးမိတယ်။
"အဟမ်း။"
စုယန်က အကြာကြီး တွန့်ဆုတ်နေပြီးမှ ရှောင်ဝူကို ကြည့်ပြီး ပြောတယ် - "ယုန်ပေါက်စလေး၊ ငါ့လုပ်စရာ လေး ရှိလို့ပိုက်ဆံ နည်းနည်းလောက် ချေးပါလား?"
ရှောင်ဝူ ဒါကို ကြားတော့ သဘောတူခါနီးမှာပဲ သူမရဲ့ သဘောထားက ရုတ်တရက် ပြောင်းသွားပြီး ပြတ်ပြတ်သားသား ငြင်းလိုက်တယ် -
"မချေးဘူး!"
"တစ်ပြားမှ မချေးဘူး!"
စုယန် စကားမပြောနိုင် ဖြစ်သွားတယ် - "ဘာဖြစ်တာလဲ? ငါ ပြန်မဆပ်မှာ ကြောက်တာလား၊ ဒါမှမဟုတ် ပိုက်ဆံယူပြီး ထွက်ပြေးမှာ ကြောက်တာလား?"
"ဟွန့်!"
ရှောင်ဝူက အနိုင်ရတဲ့ အပြုံးနဲ့ ပြုံးလိုက်တယ် - "မင်းမှာ ပိုက်ဆံ ရှိရင် ငါ့ကို လာရှာမှာ မဟုတ်မှာကို ကြောက်တာ။ ဒါကြောင့် မင်းရဲ့ ကိစ္စတွေ ပြီးတဲ့အထိ စောင့်၊ ပြီးရင် ငါ့ကို လာရှာ၊ ငါ နေ့တိုင်း အရသာရှိတာတွေ ကျွေးမယ်!"
ဝန်ခံရမယ်။
ဒီယုန်ပေါက်စလေးက တကယ်ကို ဦးနှောက် ရှိလာပြီ။
【စုယန်: ဘီဘီတုံရဲ့ ပြင်းထန်တဲ့ တောင်းဆိုချက်အရ ဝိဉာဉ်မြို့ ဇာတ်လမ်း ပြီးဆုံးသွားပါပြီ။ အခုတော့ ယုရှောင်ဂန်းရဲ့ ကျန်းဟူ ခရီးစဉ်ကို စကြရအောင်။】
【စုယန်: ပြောရရင် ယုရှောင်ဂန်းက ချန်ရွှန်းကျီရဲ့ ဖိအားပေးမှုကြောင့် သူ့ချစ်သူနဲ့ ဝေးကွာသွားပြီးနောက် ဂကျန်းဟူကို ခရီးလှည့်လည်ခဲ့တယ်။ သူငယ်ချင်းကောင်း ဖူလန်ဒါ နဲ့ တွေ့ပြီးတဲ့နောက်မှာတော့ သူ့ရဲ့ ဝမ်းကွဲ ညီမ လျိုအာ့လုံကိုဖျားယောင်းခဲ့တယ်။】
【စုယန်: လျိုအာ့လုံ၊ ယုရှောင်ဂန်းရဲ့ ဝမ်းကွဲ၊ သွေးသားတော်စပ်သူ!】
【စုယန်: ပထမဆုံး ထန်ယွဲ့ဟွာက သူမရဲ့ အစ်ကိုနဲ့ ကြိုက်တယ်၊ ပြီးတော့ ယုရှောင်ဂန်းက သူ့ဝမ်းကွဲ လျိုအာ့လုံနဲ့ ချစ်ကြိုက်တယ်။ ကြားထဲမှာလည်း ဒိုင်မိသားစုနဲ့ ကျူ မိသားစုက မျိုးဆက်လိုက် လက်ထပ်ကြတယ်။ မျိုးဆက်တိုင်းက ဝမ်းကွဲနဲ့ ဝမ်းကွဲပဲ။】
【စုယန်: ဒီ 'အချစ်ဇာတ်လမ်း တိုက်ကြီး' ကို ငါ တကယ် ချီးကျူးရမယ် - ခရီးသွားရင် အချစ်တြိဂံ ဖြစ်လာတယ်၊ မောင်နှမအချင်းချင်း သွေးနှောကြတယ်၊ ငါလို လူယုတ်မာတောင် ဒါကို အရမ်း မခံစားနိုင်လောက်အောင် ပုံပျက်ပန်းပျက် ဖြစ်နေတယ်လို့ ထင်တယ်!】
【အားလုံး: ???】
လမင်းအဆောင်တော်
ကျက်သရေရှိတဲ့ ကျင့်ဝတ်မာစတာ ထန်ယွဲ့ဟွာက ဒီအကြောင်းကို ဖတ်လိုက်ရတဲ့အခါ မြက်ခင်းပေါ်ကို လဲကျလုမတတ် ဖြစ်သွားတယ်။
"အဆောင်ချုပ်။"
နောက်က အစေခံတွေက သူမကို ထိန်းပေးဖို့ အပြေးအလွှား လာကြတယ်။
ထန်ယွဲ့ဟွာ ထိတ်လန့်ပြီး စိတ်ဓာတ်ကျသွားတယ်။ သူမရဲ့ ရင်ထဲက လျှို့ဝှက်ချက်က လူသိရှင်ကြား ပေါက်ကြားသွားပြီ။ သူများအကြောင်း ကောလာဟလတွေကို စားနေရင်းနဲ့ ကိုယ့်ခေါင်းပေါ် ပြန်ကျလာတာလား?
အနာဂတ်မှာ လူတွေကို ဘယ်လို မျက်နှာနဲ့ ရင်ဆိုင်ရမလဲ!
"ငါ၊ ငါ အဆင်ပြေပါတယ်။ ငါ့ကို အနားယူဖို့ ပို့ပေးပါ။"
ထန်ယွဲ့ဟွာရဲ့ အသံတွေ တုန်ယင်နေတယ်။
ကြောက်ဖို့ကောင်းလိုက်တာ။
ဒီ စုယန်က ဒီလို လျှို့ဝှက်ချက်မျိုးကို ဘယ်လိုလုပ် သိတာလဲ?
ကောင်းကင်ကြီးရေ၊ ဒီလို လျှို့ဝှက်ချက်မျိုးက လူတွေ သိသင့်တဲ့ အရာလား?
အိမ်ရှေ့စံ မင်းသားစံအိမ်။
ချန်ရန်ရွှယ် လည်း ဒီအချိန်မှာတော့ ကြောင်အသွားတယ်။
မဖြစ်နိုင်တာ?
ထန်ယွဲ့ဟွာလား?
လမင်းအဆောင်ရဲ့ ထန်ယွဲ့ဟွာ၊ ရွှယ်ဟဲရဲ့ ဆရာ၊ ထန်ယွဲ့ဟွာ မဟုတ်ဘူးလား?
ကောင်းကင်ကြီးရေ!
နောက်ဆုံးတော့ သူများအကြောင်း ပူပူနွေးနွေး ကောလာဟလ တစ်ခု ရပြီ။
【ငါကမိဘမဲ့တစ်ယောက်: အံ့ဩစရာပဲ။】
【မုန်လာဥစားရတာကြိုက်တယ်: လူသားတွေက တကယ်ကို ကြောက်ဖို့ကောင်းတာပဲ။】
【ရတနာခုနှစ်ပါးမင်းသမီးလေး: ငါ့မှာ မေးခွန်းတစ်ခု ရှိတယ်။ ထန်ယွဲ့ဟွာက ဂရုထဲမှာ ရှိနေတာ ဖြစ်နိုင်မလား?】
【ယန်ဇီက ငှက်မဟုတ်ဘူး: မဖြစ်နိုင်ပါဘူးနော်? သက်ဆိုင်သူရဲ့ မျက်စိရှေ့မှာတင် ကောလာဟလ စားနေရတာလား? ဒါက အရမ်း လှုံ့ဆော်မှု ဖြစ်လွန်းတယ်။】
【ဂရုအဖွဲ့၀င်နံပါတ် ၉: ဒီ ဂရုချက်တင်က တကယ်ကို ပျော်စရာကောင်းတာပဲ။】
【အရိပ်ထဲကကြောင်: မပျော်ဘူး။】
ကျူမိသားစု။
ကျူချင်း လည်း ကြည့်ရမယ့် မျက်နှာ မရှိတော့ဘူး။
ပျော်သလား?
ပျော်စရာလား!
ကိုယ်အကြောင်းကိုယ် ပြောနေတဲ့ ကောလာဟလကို ကိုယ်တိုင် ပြန်စားနေရတာပါ။ ဒိုင်မိသားစုက ရူးသွပ်နေတဲ့ လူယုတ်မာတွေပဲ။ ထီးနန်းကို ခိုင်မာစေဖို့၊ ဝိဉာဉ်ပေါင်းစပ်မှု ကျွမ်းကျင်မှု ဆိုတာအတွက်၊ အာဏာဆိုတာအတွက်နဲ့။
ရူးနေကြတာ
ရိုးရိုးပြောရရင်။
ဝမ်းကွဲတွေကြား လက်ထပ်တာမျိုးက ရံဖန်ရံခါဆိုရင် ကိစ္စမရှိပေမဲ့ မျိုးဆက်လိုက် ဘယ်လိုလုပ် ဒီလို လုပ်နိုင်ရတာလဲ?
ကျူချင်းက ကံကောင်းလို့ လက်ပို၊ ခြေပို မပေါက်လာတာ!
【ဘီဘီတုံ: ဘာလို့ မပျော်တာလဲ? မင်းက ထန်ယွဲ့ဟွာ ဖြစ်နေလို့လား?】
【မုန်လာဥစားရတာကြိုက်တယ်: အို ဘုရားသခင်?】
【ယန်ဇီက ငှက်မဟုတ်ဘူး: ဒီ ကောလာဟလတွေကို သက်ဆိုင်သူတွေရဲ့ ရှေ့မှာတင် အကုန် စားကြတော့မှာလား?】
【ရတနာခုနှစ်ပါးမင်းသမီးလေး: အရမ်း ရူးသွပ်တာပဲ။ ညီမတို့ရေ၊ ဒီကမ္ဘာကြီးက တကယ်ကို ရူးသွပ်နေတာပဲ။】
ကျူမိသားစု။
ကျူချင်း နည်းနည်း ထိုင်းမှိုင်းသွားပြီး
【အရိပ်ထဲကကြောင်: မင်းတို့က ငါ့ကို ထန်ယွဲ့ဟွာလို့ ထင်ရင်လည်း ထင်လိုက်ရုံပဲလေ!】
ဘာ?
လမင်းအဆောင်
ထန်ယွဲ့ဟွာ ဒါကို ဖတ်လိုက်ရတော့ ကြောင်သွားတယ်။
မဖြစ်နိုင်တာ?
သူတို့က မင်းကို ထန်ယွဲ့ဟွာလို့ ထင်ရင်၊ ဒါဆို ငါက ဘယ်သူလဲ?
【ကလေးဘ၀လမင်း: ဟဲဟဲ။】
【ငါ့မျိုးရိုးနာမည်က ယု မဟုတ်ဘူး: စုယန်၊ မင်း ထပ်မပြောနဲ့တော့။ ငါ့ရဲ့ သူငယ်ချင်းက လျိုအာ့လုံပါ။ ငါ့သူငယ်ချင်းနဲ့ ရှောင်ဂန်း အတူတူ ရှိနေတုန်းက ဘယ်သူမှ တစ်ဖက်လူရဲ့ အထောက်အထားကို မသိခဲ့ကြဘူး။】
【ငါ့မျိုးရိုးနာမည်က ယု မဟုတ်ဘူး: ပြီးတော့ ဘာမှ မဖြစ်ခဲ့ပါဘူး။】
【အရိပ်ထဲကကြောင်: ဂန္ထဝင်ပဲ။】
【ရတနာခုနှစ်ပါးမင်းသမီးလေး: တကယ်ကို ဂန္ထဝင်ပဲ။】
【ယန်ဇီက ငှက်မဟုတ်ဘူး: ငါတော့ ရယ်ရလွန်းလို့ သေတော့မယ်။ ငါတို့အားလုံး မင်းရဲ့ အထောက်အထားကို အခုပဲ ခန့်မှန်းမိလိုက်တာ၊ ဘာလို့ 'သူငယ်ချင်း' ဆိုတာ ရှိနေသေးတာလဲ?】
【ဟူလီနာ: တိုက်ဆိုင်လိုက်တာ၊ မင်းမှာလည်း သူငယ်ချင်းတစ်ယောက် ရှိတယ်မလား?】
【ဘီဘီတုံ: မင်းရဲ့ နာမည်ကို မြန်မြန် ပြောင်းလိုက်စမ်း! အဓိပ္ပာယ်မရှိတာတွေ ပြောမနေနဲ့တော့။】
【စုယန်: အခု မပြောင်းပါနဲ့ဦး။ မင်း ပြောင်းလိုက်ရင် ငါ ဆဲရတာ အားမလိုအားမရ ဖြစ်သွားလိမ့်မယ်။ မပြောင်းဘဲ ဆက်နေရင် ငါ မင်းကို နည်းနည်း ပိုဆဲပေးလို့ ရသေးတယ်။】
【မုန်လာဥစားရတာကြိုက်တယ်: ငါက စုယန်ပါ၊ ငါ အမှန်တရားလေးတွေကို ပြောရတာ ကြိုက်တယ်။】
【ရတနာခုနှစ်ပါးမင်းသမီးလေး: ဟားဟား!】
【ယန်ဇီက ငှက်မဟုတ်ဘူး: မပြောင်းပါနဲ့ဦး။ မင်း ပြောင်းလိုက်ရင် ငါတို့က မင်းကို ပြောရတာ အားမရ ဖြစ်သွားလိမ့်မယ်။ ဒီကိစ္စ ပြီးတဲ့အထိ စောင့်ပြီးမှ မင်းရဲ့ နာမည်ကို ပြောင်းပါ။】
【ငါ့မျိုးရိုးနာမည်က ယု မဟုတ်ဘူး: ???】