အခန်း ၃၁။ အမှန်တရားသည် အထက်ဆုံးဓားသွားဖြစ်သည်

**ငါကမိဘမဲ့တစ်ယောက် :** သူသာ အချက်အလက်တွေကို စကားလုံးတစ်ခုမကျန် အကုန် ကူးယူခဲ့မယ်ဆိုရင် အပြစ်အနာအဆာတွေ ရှိလာမှာ မဟုတ်ဘူး။ ဝိဉာဉ်နန်းတော်ရော၊ လျှပ်စီးနဂါးဂိုဏ်းကော ကအချက်အလက်တွေရဲ့ အကြောင်းအရာကို စုံစမ်းစစ်ဆေးပြီး အတည်ပြုပြီးမှ သိမ်းဆည်းထားကြတာ။

**ရတနာခုနှစ်ပါးမင်းသမီးလေး : ဟုတ်တယ်၊ တချို့အချက်အလက်တွေဆိုရင် မျိုးဆက်ပေါင်းများစွာအထိ အတည်ပြုဖို့ လိုအပ်တယ်၊ မဟုတ်ရင် အမှားတွေပါလာခဲ့ရင် သူတို့ရဲ့ နောင်လာနောက်သားတွေကို ထိခိုက်စေလိမ့်မယ်။

**ရတနာခုနှစ်ပါးမင်းသမီးလေး:** ပြီးတော့ ဒီလိုအရာတွေကို အတည်ပြုဖို့က လူအား၊ ငွေအား အမြောက်အမြားနဲ့ အချိန်‌ေတွေအကြာကြီး လိုအပ်တယ်။ စာရွက်ပေါ်မှာပဲ ပြောနေရုံနဲ့တော့ ဘာမှဖြစ်လာမှာ မဟုတ်ဘူး။

**အရိပ်ထဲကကြောင် :*ဒါကြောင့် ယုရှောင်ဂန်းက သူ့စိတ်ကြိုက် ပြင်ဆင်ချက်တွေ လုပ်လိုက်လို့ အပြစ်အနာအဆာတွေ အများကြီး ထွက်လာတာပေါ့။

**ဂရုအဖွဲ့၀င်နံပါတ် ၉:နောက်တစ်ချက်ရှိသေးတယ် သူ့ရဲ့ ပြည့်စုံတဲ့ ပြင်ဆင်ချက်တွေထဲမှာ သူ့ကိုယ်ပိုင်ယူဆချက်တွေနဲ့ ခန့်မှန်းချက်တွေ ပါဝင်နေတယ်။ အဆင့် ၂၉ ဝိဉာဉ်မာစတာတစ်ယောက်က ဒီလောက်ကျယ်ပြန့်တဲ့ အတွေးအမြင်မျိုး ဘယ်လိုလုပ် ရှိနိုင်မလဲ။

**ဂရုအဖွဲ့၀င်နံပါတ် ၉:** အဲဒီအချိန်က ယုရှောင်ဂန်းသာ တုန့်လော့ တစ်ယောက်ယောက်ရဲ့ အကူအညီကို ရခဲ့မယ်ဆိုရင် သူအောင်မြင်နိုင်ခဲ့မှာပဲ။ သူ့ရဲ့ သီအိုရီတွေကလည်း အကယ်ဒမီအသီးသီးရဲ့ သင်ရိုးညွှန်းတမ်းတွေထဲ ရောက်သွားပြီး ယုရှောင်ဂန်းဟာ တကယ့် ဂရမ်းမာစတာ ဖြစ်လာမှာပဲ။

**ငါကမိဘမဲ့တစ်ယောက်:** မင်းက အရာရာကို ရိုးရှင်းလွန်းတယ်လို့ ထင်နေတာပဲ။ ယုရှောင်ဂန်းသာ အဲဒီလိုလုပ်ခဲ့ပြီး သူထုတ်ပေးတဲ့ အကြံဉာဏ်တွေအားလုံး မှန်ကန်နေခဲ့မယ်ဆိုရင်လည်း ကျော်ကြားမှုနဲ့ ဂုဏ်သတင်းကို ရယူမယ့်သူက သူ ဖြစ်လာမှာ မဟုတ်ဘူး။

ရိုးရိုးရှင်းရှင်းပြောရရင် ယုရှောင်ဂန်းက လူရွှင်တော်လို ဟန်ဆောင်ပြီး ဟိုလျှောက်လုပ်၊ ဒီလျှောက်လုပ်နေတာကို ဝိဉာဉ်နန်းတော်က ရယ်မောပြီးပဲ ထားမှာပေါ့။

ယုရှောင်ဂန်းသာ သူတို့ပေးတဲ့ အချက်အလက်တွေနဲ့ တကယ်ကောင်းအောင် အောင်မြင်အောင်လုပ်ခဲ့ရင် ဝိဉာဉ်နန်းတော်က သူ့ကို ကျော်ကြားဖို့အတွက် သူတို့ရဲ့ အသီးအပွင့်တွေကို ယူသွားခွင့်ပေးပါ့မလား?

စုယန် :နံပါတ်ကိုး၊ မင်းပြောတာ တစ်ဖက်စောင်းနင်းနိုင်တယ်။ မင်းသာ ယုရှောင်ဂန်းကို နားလည်အောင် ခဏလောက် အချိန်ပေးကြည့်မယ်ဆိုရင် သူက မောက်မာတယ်၊ ထောင်လွှားတယ်၊ ကိုယ့်ကိုယ်ကိုယ် ကျေနပ်နေတဲ့သူဆိုတာ တွေ့ရလိမ့်မယ်။ အသုံးမကျတဲ့သူ ဖြစ်နေပေမဲ့ သူ့ရဲ့ ရည်မှန်းချက်ကတော့ ဘယ်သူ့ထက်မဆို မြင့်မားနေတယ်။

စုယန်: သူက ထန်ဆန်းကို ပထမဆုံးအကြိမ် ဝိဉာဉ်ကွင်း ရှာဖွေဖို့ ခေါ်သွားတုန်းက ချက်ချင်းပဲ အဆင်မပြေမှုတွေ ဖြစ်ခဲ့ပြီး‌သေမလို‌တောင်ဖြစ်ခဲ့တယ်။ ထန်ဆန်းသာ ဝိဉာဉ်ကူးပြောင်းလာသူ မဟုတ်ဘဲ၊ လျှို့ဝှက်ကောင်းကင်ဘုံ ရတနာမှတ်တမ်း နဲ့ လျှို့ဝှက်လက်နက်တွေ မရှိခဲ့ရင် သူတို့နှစ်ယောက်လုံး သေပွဲဝင်သွားမှာ။

**အားလုံး:** ???

**ရတနာခုနှစ်ပါးမင်းသမီးလေး:** ပထမဆုံး ဝိဉာဉ်ကွင်းလား?

**ကလေးဘ၀လမင်း :** ပထမဆုံး ဝိဉာဉ်ကွင်းအတွက်ဆိုရင် ဝိဉာဉ်ရှာ‌ခြင်း တောအုပ်ရဲ့ အပြင်ဘက်က အင်ပါယာ ဝိဉာဉ်မာစတာ လေ့ကျင့်ရေးကွင်းမှာ မလား?

**ယန်ဇီက ငှက်မဟုတ်ဘူး : အား ဟားဟား!!!

**ငါကမိဘမဲ့တစ်ယောက်:** ဘီဘီတုံ၊ မင်းက လူရွှင်တော်ပဲ၊ မြန်မြန်သွားပြီး ဆပ်ကပ်မှာ ဖျော်ဖြေတော့!

အရိပ်ထဲကကြောင်:တကယ်ပဲ၊ အသုံးမကျတဲ့ ဝိဉာဉ်ဆိုတာ မရှိဘူး၊ အသုံးမကျတဲ့ ဂရမ်းမာစတာပဲ ရှိတာ။

ဂရုအဖွဲ့၀င်နံပါတ် ၉: ဒီဂရုချက်ကတော့ တကယ်ကို ပိုပိုပြီး ပျော်စရာကောင်းလာပြီ။

ဟူလီနာ :ဟားဟား!

နော်ဒင်းအကယ်ဒမီ ။

ရှောင်ဝူက ပြိုင်ပွဲကို ကြည့်ရှုရင်း သူမရဲ့ စိတ်အသိထဲမှာရှိတဲ့ ဂရုချက်က စာတွေကို ဖတ်ရှုနေတယ်။

ဟွန်း!

အားလုံး ပြောတာ မှန်တယ်။

အားလုံးက မှန်တယ်။

ယုန်မ‌‌လေးက သိပ်ပြီး ဉာဏ်မကောင်းပေမယ်လို့ ဒါပေမဲ့ အားလုံးပြောတာတွေက အဓိပ္ပာယ်ရှိတယ်လို့ သူမ ထင်နေတုန်းပဲ။ အထူးသဖြင့် ယုရှောင်ဂန်းနဲ့ ထန်ဆန်းတို့ရဲ့ ပထမဆုံး ဝိဉာဉ်ကွင်းရှာဖွေမှုအကြောင်း စုယန် ပြောသွားတာကို ကြားတော့ ရှောင်ဝူ ရယ်လိုက်ရမလို ဖြစ်သွားတယ်။

မုန်လာဥစားရတာကြိုက်တယ်:မိန်းမဆိုး၊ အပြင်ထွက်လာပြီး အငြင်းလိုက်ပါဦး!

ဝိဉာဉ်နန်းတော်။

ဘီဘီတုံကတော့ ဒီအချိန်မှာ တကယ်ကို လူရွှင်တော် ဖြစ်သွားပြီ။

ဒါပေမဲ့ သူမကတော့ စိတ်ထဲကနေ ယုရှောင်ဂန်းဘက်ကနေ တိတ်တိတ်ကလေး ကာကွယ်ပေးနေတုန်းပဲ။

သူတို့အားလုံးက မုန်းတီးနေကြတာရှောင်ဂန်း ဘယ်လောက်တောင် ကြိုးစားခဲ့လဲ၊ သူ့ရဲ့ အသုံးမကျတဲ့ ဝိဉာဉ်ရဲ့ အားနည်းချက်တွေကို ကျော်လွှားဖို့ ဘယ်လောက်တောင် ရုန်းကန်နေလဲဆိုတာ မင်းတို့ မသိကြပါဘူး!

မင်းတို့က သူ့ကို နားမလည်ကြဘဲနဲ့ ဘာလို့ သူ့ကို လှောင်ပြောင်နေကြတာလဲ?

ဒါပေမဲ့

ဘီဘီတုံကို စိတ်ဆိုးဒေါသထွက်စေတာက သူမက အားလုံးရဲ့ လှောင်ပြောင်မှုကို ခံနေရတာ... ပြီးတော့ ချေပဖို့လည်း စွမ်းအားမရှိတာပါပဲ။

ယုရှောင်ဂန်းရဲ့ သီအိုရီတွေကို စုယန်နဲ့ ဂရုအဖွဲ့ဝင်တချို့က တကယ့်ကို ခွဲခြမ်းစိတ်ဖြာပြသွားတာကြောင့် ဘီဘီတုံတောင် ဒါဟာ အမှန်တကယ် ဖြစ်နေတယ်ဆိုတာ ဝန်ခံလိုက်ရတော့တယ်။

နဂါးပြာအကယ်ဒမီ

လျိုအာ့လုံကလည်း ဒီအချိန်မှာ ဒေါသတွေ ထွက်နေပြီး သူမရဲ့ နှစ်ပေါင်းများစွာ ပြုစုထားတဲ့ ပန်းတွေကို တစ်ချက်တည်းနဲ့ ရိုက်ချိုးလိုက်တယ်။

သောက်ကျိုးနည်း!

ဒီလူတွေကတော့ အရမ်းကို ရွံဖို့ကောင်းတယ်။

ရှောင်ဂန်း ဘယ်လောက်တောင် ကြိုးစားခဲ့လဲ၊ ရှောင်ဂန်းက ဘယ်လောက်တောင် ကောင်းတဲ့သူဖြစ်ခဲ့လဲ ရှောင်ဂန်းရဲ့ အရည်အချင်းက... ဝူဝူဝူ!

ဘီဘီတုံလိုပါပဲ။

လျိုအာ့လုံက ဒေါသနဲ့ ငိုနေရပေမဲ့ အားလုံးကို ချေပဖို့ ဘာအကြောင်းပြချက်မှ ရှာမရဘူး။

လိမ်ညာမှုတွေက လူကို မနာကျင်စေပေမဲ့ အမှန်တရားကတော့ ထက်မြက်တဲ့ ဓားသွားပဲ။

စုယန်နဲ့ တခြားသူတွေက စွပ်စွဲနေတာဆိုရင် လျိုအာ့လုံက ဒေါသတကြီး ငြင်းခုံနေမှာပဲ၊ ဒါပေမဲ့ အခု စုယန်တို့ ပြောသွားတာက တိကျလွန်းနေတယ်။

ဒါက လျိုအာ့လုံကို ဒေါသနဲ့ ငိုရသည်ထိဖြစ်စေခဲ့တယ်။ ယုရှောင်ဂန်းကို ကာကွယ်ဖို့ ဘာအကြောင်းပြချက်မှ မစဉ်းစားနိုင်တော့ဘဲ ဂရုအဖွဲ့ဝင်တွေက လှောင်ပြောင်နေတာကိုပဲ စိတ်ပျက်လက်ပျက်နဲ့ ကြည့်နေရတော့တယ်။

**စုယန်:** အခု၊ ယုရှောင်ဂန်းက အသုံးမကျတဲ့သူ ဖြစ်တယ်ဆိုတဲ့ ကိစ္စနဲ့ပတ်သက်ပြီး ဘီဘီတုံ၊ မင်းတို့နှစ်ယောက်မှာ သူ့ဘက်ကနေ ခုခံကာကွယ်ဖို့ နောက်ထပ် ဘာပြောစရာ ရှိသေးလဲ?

ဘီဘီတုံက တိတ်ဆိတ်နေခဲ့တယ်။

လျိုအာ့လုံက စိတ်ပျက်နေခဲ့တယ်။

**စုယန်:** နောက်တစ်ခု၊ ယုရှောင်ဂန်းက ရွံစရာကောင်းပြီး လူယုတ်မာ တစ်ယောက် ဖြစ်တယ်လို့ ငါပြောတဲ့အကြောင်း ဆက်ဆွေးနွေးရအောင်၊ ဘာလို့လဲဆိုတော့ သူက မိန်းကလေးကောင်း နှစ်ယောက်ရဲ့ ဘဝကို ကိုယ်တိုင် ဖျက်ဆီးပစ်ခဲ့လို့ပဲ!

**စုယန်:** ဒီမိန်းကလေး နှစ်ယောက်ကတော့ ဘီဘီတုံနဲ့ လျိုအာ့လုံ၊ တစ်ယောက်က ဝိဉာဉ်နန်းတော်ရဲ့ သန့်ရှင်းသောမိန်းမပျို၊ နောက်တစ်ယောက်က သူ့ရဲ့ ကိုယ်ပိုင် ဝမ်းကွဲညီမပဲ။

**စုယန်:** ငါ့ရဲ့ အိပ်မက်က ကမ္ဘာပေါ်က မိန်းကလေးကောင်း အားလုံးကို အိမ်တစ်လုံး ပေးချင်တာ၊ အဲဒီလူယုတ်မာ ယုရှောင်ဂန်းကတော့ အခွင့်ကောင်းယူပြီး သူတို့ကို စိတ်ပျက်အောင် လုပ်ခဲ့တယ်။ တွေးကြည့်ရုံနဲ့တင် ငါ ဒေါသထွက်ပြီး သွားတွေတောင် ကြိတ်မိတယ်!

အားလုံး: ???

**ယန်ဇီက ငှက်မဟုတ်ဘူး:စိတ်လှုပ်ရှားစရာ အကြောင်းအရာတွေ လာတော့မှာလား?

**ရတနာခုနှစ်ပါးမင်းသမီးလေး:** နောက်ဆုံးတော့... နေပါဦး၊ ငါ ဘာလို့ တစ်ခုခု မမှန်ဘူးလို့ ခံစားနေရတာလဲ?

**ငါကမိဘမဲ့တစ်ယောက်:** ကမ္ဘာပေါ်က မိန်းကလေးကောင်း အားလုံးကို အိမ်တစ်လုံး ပေးမယ် ဟုတ်လား?

ဟူလီနာ:** ???

ဂရုအဖွဲ့၀င်နံပါတ် ၉:** အဲဒါ တကယ့်ကို မယုံနိုင်စရာ အိပ်မက်တစ်ခုပဲ။

အရိပ်ထဲကကြောင်:၆

ဘီဘီတုံ:*လူယုတ်မာ၊ မင်းရဲ့ စစ်မှန်တဲ့ သဏ္ဌာန်ကို ပြလိုက်ပြီပေါ့ ဟုတ်လား?

ငါ့မျိုးရိုးနာမည်က ယု မဟုတ်:** ဘာ!

စုယန်:ငါက အတော်လေး ရိုးရာဓလေ့‌တွေကို ယုံကြည်တဲ့သူ၊ ပြီးတော့ ငါက မိဘမဲ့တစ်ယောက်လေ။ ငယ်ငယ်လေးကတည်းက အထီးကျန်ခြင်းကို ကြောက်ရွံ့ခဲ့တယ်။ ငါသာ စွမ်းအားရှိခဲ့ရင် ငါ့မိသားစုကို ချဲ့ထွင်ဖို့အတွက် ဇနီးသုံးယောက်၊ မယားငယ် လေးယောက် ယူချင်တယ်။ အဲဒီမှာ ဘာအမှားများ ရှိလို့လဲ?

အားလုံး: ...

ရတနာခုနှစ်ပါးမင်းသမီးလေး:** ဖြစ်နိုင်ပေမဲ့... ဒါပေမဲ့... တကယ်တော့လည်း ဘာမှ အမှားမရှိပါဘူး။

ယန်ဇီက ငှက်မဟုတ်ဘူး:မင်းကတော့ တကယ့်ကို လူယုတ်မာတစ်ယောက်ပဲ၊ ဘာလို့ ငါ မင်းကို ချေပစရာ အကြောင်းပြချက် မရှိရတာလဲ?

**ငါ့မျိုးရိုးနာမည်က ယု မဟုတ်ဘူး:** ဒါကတော့ တကယ့် လူယုတ်မာစစ်စစ်ပဲ!

ကလေးဘ၀လမင်း: တကယ်တော့လည်း ဒါမှာ ဘာမှ အမှားမရှိပါဘူး။ ဒိုလော့ တိုက်ကြီး ပေါ်မှာ အရည်အချင်းရှိတဲ့ အမျိုးသားတွေက ဇနီးသုံးယောက်၊ မယားငယ် လေးယောက်ထက် ပိုယူတာမျိုးက အဖြစ်များပါတယ်။

အရိပ်ထဲကကြောင်: အလွန်အဖြစ်များပါတယ်။

**မုန်လာဥစားရတာကြိုက်တယ်:** ဟွန်း~ သစ္စာမရှိတဲ့သူကြီး..!

ဒီကိစ္စနဲ့ပတ်သက်ပြီး ပြောစရာ သိပ်မရှိပါဘူး။ ပဒေသရာဇ် ခေတ်ဆန်တဲ့ လူ့အဖွဲ့အစည်းမှာတော့ မိန်းကလေးယုန်လို ကမ္ဘာလောကကို မတွေ့ဖူးသေးတဲ့သူတွေကလွဲရင် အားလုံးက ဇနီးသုံးယောက်၊ မယားငယ် လေးယောက် ဆိုတဲ့ အယူအဆကို အကျွမ်းတဝင် ရှိပြီးသားပါပဲ။

မျိုးရိုးလိုက် ဝိဉာဉ်တွေ အဖြစ်များတဲ့ ဒိုလော့ တိုက်ကြီးမှာဆိုရင် ပိုလို့တောင် ပြောစရာ မလိုတော့ဘူး။

**ဂရုအဖွဲ့၀င်နံပါတ် ၉:** မင်း ဘာလို့ ယုရှောင်ဂန်းကို မုန်းတာလဲဆိုတာ ငါသိပြီ။ မင်း သူ့ရဲ့ အချစ်ရေး ကောင်းမှုကို မနာလိုဖြစ်နေတာ မဟုတ်လား?

**စုယန်:** ငါလည်း အမှန်တရားလေး နည်းနည်း ပြောရတာ ကြိုက်တယ်၊ နံပါတ်ကိုး၊ မင်းပြောတာ မှန်တယ်!

**ဘီဘီတုံ:** ???

နော်ဒင်းအကယ်ဒမီ။

"တတိယပွဲ၊ ထန်ဆန်း နဲ့ စုယန်။"

စင်ပေါ်က ဆရာတစ်ယောက်က ပြောလိုက်တဲ့အခါ မျက်လုံးအားလုံး စုယန်ဆီ ရောက်သွားတယ်။

ရှောင်ဝူနဲ့ ဝမ်ရှန်းတို့နှစ်ယောက်လုံး ကြောင်အသွားကြပြီး သူတို့မျက်လုံးထဲမှာ မရေရာမှုတွေနဲ့ အံ့သြမှုတွေ ပေါ်လာတယ်။

"ထန်ဆန်း နဲ့ စုယန် ဟုတ်လား?"

"ကျောင်းက ဘယ်လိုစီစဉ်လိုက်တာလဲ?"

စုယန်ကတော့ သူ့အလှည့်ဟာ နေ့လယ်ပိုင်းမှ ဖြစ်မယ်လို့ ထင်ထားပြီး ယုရှောင်ဂန်းအကြောင်းကို ဆက်ပြောဖို့ ပြင်နေတာ။

ဒါကတော့ နည်းနည်း နားမလည်နိုင်စရာ ဖြစ်နေတယ်။

အို မဟုတ်ဘူး!

စုယန်ရဲ့ အကြည့်တွေက အဝေးက ယုရှောင်ဂန်းဆီ ရောက်သွားတယ်။ သူ့မျက်လုံးတွေက အေးစက်နေပြီး ဆရာတွေနဲ့အတူ ကြည့်ရှုရေး စင်မြင့်မှာ ထိုင်နေတာ၊ သူ့နဲ့ ဘာမှမဆိုင်သလိုမျိုး ဟန်ဆောင်နေတယ်။

ဒီကောင်က တမင်စီစဉ်တာပဲ မဟုတ်လား?

ဘန်း။

ထန်ဆန်းက ဒီအချိန်မှာ သည်းမခံနိုင်တော့ဘဲ အောက်ကနေ စင်ပေါ်ကို တိုက်ရိုက် ခုန်တက်လိုက်တယ်။

သူက ရှောင်ဝူက စုယန်နောက်ကို အမြဲလိုက်နေတာကို မြင်တော့ ကြည့်လေ ပိုပြီး မသက်မသာ ဖြစ်လေပဲ။ ဒေါသထွက်လွန်းလို့ စုယန်ကို ချည်နှောင်ခြင်း စွမ်းရည်နဲ့ အကြိမ်တစ်ရာလောက် ရစ်ပတ်ပလိုက်ချင်တယ်။

မင်းက သေလမ်းကို ကိုယ်တိုင်ရှာနေတာပဲ