အခန်း (၂၇) - အဆိပ်ပြင်းကုသခြင်းရဲ့ဆက်စပ်အစွမ်းများ
ယဲ့လင်းလင်းအကြောင်း ပြောရလျှင် သူမမိသားစုရဲ့ ကိုးနှလုံးသား ဘီဂိုနီယာသိုင်းဝိညာဉ်သည် အမှန်ပင် ယုတ္တိမတန်ပေ။
ကိုးနှလုံးသား ဘီဂိုနီယာသိုင်းဝိညာဉ်
၎င်းကို နံပါတ်တစ် ကုသပေးနိုင်သည့်ဝိညာဉ်ဟု ခေါ်ဆိုနိုင်သော်လည်း နံပါတ်တစ် ထောက်ပံ့ပေးနိုင်သည့်ဝိညာဉ်ဟု မခေါ်နိုင်ပေ။
ဒါပေမဲ့ ကိုးနှလုံးသား ဘီဂိုနီယားပန်းရဲ့ ကုသခြင်းအစွမ်းသည် ခြေလက်ပြတ်နေသူကိုပင် အေကာင်းပကတိ ပြန်ကောင်းစေသောစွမ်းရည်သည် ကောင်းကင်ကိုပင်ဖီဆန်နေပြီဖြစ်သည်။
ဒီသိုင်းဝိညာဉ်ကို ကြည့်လေ၊ ကောင်းကင်ကိုဆန့်ကျင်လောက်အောင် အစွမ်းထက်တာမျိုး ဟုတ်တယ်မလား
ဒါပေမဲ့
ဒီသိုင်းဝိညာဉ်မှာ ထူးဆန်းတဲ့ ကန့်သတ်ချက်တစ်ခုရှိပေသည်။ ကန့်သတ်ချက်မှာ မျိုးရိုးတစ်ဆက်တည်းသာ လက်ဆင့်ကမ်းနိုင်ခြင်းဖြစ်သည်။ မျိုးဆက်တစ်ခုစီတွင် နောက်ခံလူတစ်ဦးသာ ရှိနိုင်ပြီး ကိုးနှလုံးသား ဘီဂိုနီယာဝိညာဉ်မာစတာ နှစ်ဦးထက်ပို၍ တစ်ပြိုင်နက်တည်း အသက်ရှင်မနေနိုင်ပေ။ တစ်ဦးသေဆုံးမှသာ နောက်မျိုးဆက်တွင် နောက်တစ်ဦး ပေါ်ပေါက်လာနိုင်သည်။
ခဏလောက် စဉ်းစားကြည့်ပါ။
ဝိညာဉ်မာစတာများသည် သက်တမ်းရှည်ကြပြီး မိသားစုဝင် လေးငါးမျိုးဆက် အတူနေထိုင်ကြသည်မှာ သာမန်ဖြစ်သည်။ မျိုးရိုးတစ်ခုတည်း လက်ဆင့်ကမ်းရမည့် ကန့်သတ်ချက်နှင့် ကိုးနှလုံးသား ဘီဂိုနီယာ ပိုင်ဆိုင်နိုင်သူ နှစ်ဦးသာရှိနိုင်သည့်အတွက် ယဲ့လင်းလင်း၏ နောက်ခံမှာ မည်မျှဆိုးရွားမည်ကို ခန့်မှန်းနိုင်သည်။
ယဲ့လင်းလင်းကို ဥပမာပေးရလျှင် သူမ ကိုးနှလုံးသား ဘီဂိုနီယာအတွက် ဝိညာဉ်နိုးထခြင်း ကို ပြုလုပ်လိုလျှင် ဘာဖြစ်လာမည်နည်း။
သူမ အသက် ၆ နှစ်တုန်းက ဝိညာဉ်နိုးထခြင်းမှာ ဘာလုပ်ခဲ့သလဲဆိုတာထက် သူမရဲ့ ဘိုးဘွားများနှင့် မိဘများ ဘာကိုရွေးချယ်ခဲ့သလဲဆိုသည်က ပိုအရေးကြီးသည်။
ဝိညာဉ်တစ်ခုကို အမွေဆက်ခံနိုင်ခြေမှာ ဝိညာဉ်ရဲ့ ခွန်အားပေါ်တွင် မူတည်သည်။တကယ်လို့ မိဘနှစ်ပါးရဲ့ ဝိညာဉ်အစွမ်းသတ္တိချင်း နီးစပ်ပါက နှစ်မျိုးစလုံးကို ဆက်ခံနိုင်ပြီး ၎င်းကို အမွှာဝိညာဉ်ဟု ခေါ်သည်။
ဒါပေမဲ့ အဓိကအချက်က ဒါမဟုတ်။ ယဲ့လင်းလင်းအနေဖြင့် ကိုးနှလုံးသား ဘီဂိုနီယာကို အမွေဆက်ခံနိုင်ရန်အတွက် ယခင်က ကိုးနှလုံးသား ဘီဂိုနီယာဝိညာဉ်ကို ပိုင်ဆိုင်ထားသည့် မိသားစုဝင် နှစ်ဦးမှ တစ်ဦးသာ ကျန်ရှိတော့အောင် လျော့ချရမည်ဖြစ်သည်။
ဟုတ်ပါတယ်၊ ယဲ့လင်းလင်းအနေဖြင့် ကိုးနှလုံးသား ဘီဂိုနီယာကို မဆက်ခံဘဲ အခြားဝိညာဉ်ကို ရွေးချယ်နိုင်သော်လည်း သူမသာ မဆက်ခံပါက ကိုးနှလုံးသား ဘီဂိုနီယာမျိုးရိုး ပြတ်တောက်သွားမည်မဟုတ်လော။
ယခု ယဲ့လင်းလင်း ဝိညာဉ်နိုးထခြင်း ပြီးသွားပြီဖြစ်၍ သူမ၏ ဆွေမျိုးတစ်ဦးမှာ မုချမသွေ ဆုံးပါးသွားပြီဖြစ်သည်။ ပြီးတော့ ဒါဟာ မတော်တဆသေဆုံးမှုမဟုတ်ပါ၊ ကိုးနှလုံးသား ဘီဂိုနီယာ ကုသသူဝိညာဉ်မာစတာတစ်ယောက်မှာ အပြင်ထွက်ပြီး တိုက်ခိုက်စရာမလိုသည်ကိုး။
မိဘတို့ရဲ့ နှလုံးသားမှာ သားသမီးများအတွက် အနှိုင်းမဲ့ပင်။ မိဘတိုင်းက မိမိကလေး ပိုတော်စေချင်ပြီး လူတွေထဲမှာ နဂါးတစ်ကောင်လို ထူးချွန်စေချင်ကြသည်။
ယဲ့လင်းလင်းသည် တဖြည်းဖြည်း ရင့်ကျက်လာပြီး ကိုးနှလုံးသား ဘီဂိုနီယာဝိညာဉ်ရဲ့ ကန့်သတ်ချက်များကို နားလည်လာသောအခါ သူမရဲ့ ကိုယ်ရည်ကိုယ်သွေးမှာ ပိတ်လှောင်သကဲ့သို့ ဖြစ်လာခဲ့သည်။
သူမထံတွင် အထီးကျန်ခြင်းနှင့် ဆိတ်သုဉ်းခြင်းကိုသာ ခံစားရခဲ့သည်။
ထို့ကြောင့်
ဒီအချိန်တွင် ယဲ့လင်းလင်းသည် စိတ်ကြိုက်ဖန်တီးနိုင်သည့် ဝိညာဉ်စွမ်းရည်ကို မြင်လိုက်ရသောအခါ... သူမ နိုးထလာတော့သည်။ သူမသည် လူများကို လူသတ်လက်နက်များ ချထားစေပြီး အသက်ရှင်ခြင်းကို တန်ဖိုးထားစေမည့် ဝိညာဉ်စွမ်းရည်တစ်ခုကို ဖန်တီးချင်သည်။
ငါးတစ်ကောင်ပေးတာထက် ငါးဖမ်းနည်းကို သင်ပေးတာက ပိုကောင်းသည်။
ကိုးနှလုံးသား ဘီဂိုနီယာသည် လူမမာများကို ကုသပေးပြီး အသက်ကို ကယ်တင်သည်။ အ့ဒီအရာကို ကန့်သတ်မထားသင့်သလို အသက်ကို ကုသပေးခြင်းမှာလည်း နူးညံ့မနေသင့်ပေ။ ကိုးနှလုံးသား ဘီဂိုနီယာရဲ့ ပွင့်ဖတ်များသည် မီးပွားတစ်ခုကဲ့သို့ တစ်တိုက်လုံးကို လောင်မြိုက်စေပြီး ကုသခြင်း၏ အလင်းရောင်သည် နွေးထွေးသော နေရောင်ခြည်ကဲ့သို့ ကမ္ဘာမြေတစ်ခွင် ပျံ့နှံ့ပါစေ။
【ယန်ဇီက ငှက်မဟုတ်ဘူး - ငါ ဂရုအဖွဲ့၀င် နံပါတ် 9 ကို အရမ်းအားကျတယ်၊ အဲ့လောက် အစွမ်းထက်တဲ့ ဝိညာဉ်ကွင်းက မင်းကို ရွယ်တူတွေကြားမှာ မရှုံးနိမ့်အောင် လုပ်ပေးနိုင်မှာ သေချာတယ်】
【ငါကမိဘမဲ့တစ်ယောက် - စိတ်ကြိုက်ဖန်တီးထားတဲ့ ဝိညာဉ်စွမ်းရည်တွေကို ကောင်းကောင်းသုံးတတ်ရင် ဝိညာဉ်မာစတာလောကရဲ့ နားလည်မှုကို ပြောင်းလဲပစ်နိုင်လိမ့်မယ်】
【အရိပ်ထဲကကြောင် - စိတ်ကြိုက်ဖန်တီးခြင်းက ဘယ်ဝိညာဉ်စွမ်းရည်ကိုမဆို ဖန်တီးနိုင်တယ်။ အရှိန်အဟုန်ဖြင့် တိုက်ခိုက်သည့်စနစ်က ဝိညာဉ်မာစတာတစ်ယောက်က သူ့အရှိန်ကို မြှင့်တင်ဖို့ ထောက်ပံ့ရေးဝိညာဉ်စွမ်းရည်ကို ဖန်တီးနိုင်တယ်၊ ဒါဟာ အမှန်တကယ် ကောင်းကင်ကိုဆန့်ကျင်တဲ့အရာပဲ!】
【ရတနာခုနှစ်ပါးမင်းသမီးလေး - အို ဘုရားသခင်! ထောက်ပံ့ရေးဝိညာဉ်မာစတာတစ်ယောက်က ဝိညာဉ်စွမ်းရည်တစ်ခုကို ဖန်တီးပြီး တိုက်ပွဲထဲကို တိုက်ရိုက်ဝင်တိုက်လို့ မရဘူးလား?】
ရတနာခုနှစ်ပါးဂိုဏ်း။
နင်ရုံရုံ နောက်ဆုံးတော့ သူမ ဘာလွဲချော်သွားလဲဆိုတာ သိလိုက်ရပြီ!
သူမသာ ဒီဝိညာဉ်လက်စွပ်ကို လုယူနိုင်ခဲ့ရင် တိုက်ခိုက်နိုင်စွမ်းကို မြှင့်တင်ပေးပြီး ရေရှည်ခံနိုင်ရည်ရှိတဲ့ ကာကွယ်မှုစွမ်းရည်ကို ဖန်တီးနိုင်မှာ၊ ဒါဆို သူမက အားနည်းတဲ့ ထောက်ပံ့ရေးသမား ဖြစ်နေမှာ မဟုတ်ဘူး။
သန်းရာနဲ့ချီ တန်ဖိုးရှိတာကို လွဲချော်သွားပြီ။
【မုန်လာဥစားရတာကြိုက်တယ် - မေးပါရစေ၊ ငါ တိုက်ရိုက် ဝိညာဉ်ကွင်းပေါက်ကွဲခြင်း ဝိညာဉ်စွမ်းရည်ကို ဖန်တီးလို့ရမလား?】
【ဘီဘီတုံ - သီအိုရီအရတော့ ရတယ်။ ဘယ်လိုပဲဖြစ်ဖြစ် ဒါက မင်းဖန်တီးတာလေ၊ မင်းဖန်တီးချင်တဲ့ ဘယ်လို ဝိညာဉ်စွမ်းရည်မျိုးမဆို ဖန်တီးနိုင်တယ်။】
【ဘီဘီတုံ - ဒါပေမဲ့လည်း ပျက်စီးသွားနိုင်တယ်၊ ဘာပဲဖြစ်ဖြစ် လူ့လောဘက အဆုံးမရှိဘူးလေ။】
【ငါ့မျိုးရိုးနာမည်က ယု မဟုတ်ဘူး - အဘွားကြီး၊ မင်းမှာ အပြင်ထွက်လာဖို့ မျက်နှာပြောင်တိုက်နိုင်သေးတယ်ပေါ့လေ?】
【ငါ့မျိုးရိုးနာမည်က ယု မဟုတ်ဘူး - "ငါ့ကို စိတ်လှုပ်ရှားစေတဲ့ ဆုလာဘ်မရှိဘူး၊ ငါ့ကို စိတ်လှုပ်ရှားစေမယ့် ဘယ်ဆုလာဘ်ကိုမှ မစဉ်းစားတတ်ဘူး" ဆိုပြီး ကြွားလုံးထုတ်ခဲ့တာ ဘယ်သူလဲ?】
【ဘီဘီတုံ - မင်းမပြောရင် ဘယ်သူမှ မင်းကို အသံတိတ်နေတယ်လို့ မထင်ပါဘူး!】
【မုန်လာဥစားရတာကြိုက်တယ် - မိန်းမယုတ်၊ ဘာလို့ ကြွားလုံးဆက်မထုတ်တော့တာလဲ?】
【ရတနာခုနှစ်ပါးမင်းသမီးလေး - ပုပ်ရဟန်းမင်းကြီး ဒီတစ်ခါတော့ အပါးခံလိုက်ရပြီ၊ အရမ်းနာကျင်နေမှာပဲ။ သူမတောင် 1-3-2 ဆိုပြီး လှိမ့်လိုက်သေးတယ်၊ ဟားဟားဟား!】
【ယန်ဇီက ငှက်မဟုတ်ဘူး - ဘီဘီတုံ၊ မင်း နောက်တစ်ခါ ကြွားဖို့ ရဲသေးလား?】
【အရိပ်ထဲကကြောင် - ငါ ရယ်ချင်လာတယ်။ စုယန်အပြင် ဘီဘီတုံကလည်း သူမကို မလှုပ်ရှားစေနိုင်တဲ့ ဆုလာဘ်ကို စိုးရိမ်တကြီးနဲ့ အရင်ဆုံး လုယူဖို့ ကြိုးစားခဲ့တာ။】
【ဟူလီနာ - ငါ့ဆရာမ လွဲမှားသွားရင် ဘာဖြစ်လဲ? မင်းတို့တွေက တကယ့်ကိုပဲ၊ ဘယ်သူမှ အမှားမလုပ်ဖူးတာ မဟုတ်ဘူးလေ။】
【ဘီဘီတုံ - မင်းလည်း ပါးစပ်ပိတ်ထားလိုက်။】
【ငါကမိဘမဲ့တစ်ယောက် - ဟူလီနာ၊ မင်း မှားနေတယ်။ ဘီဘီတုံက အစကတည်းက မျက်စိကန်းတဲ့ အမည်ဘွဲရတုန့်လော့မို့လို့ သူမ ကောင်းကောင်းမြင်လိမ့်မယ်လို့ ငါတို့ မမျှော်လင့်ထားဘူး။】
【စုယန် - ဂရုအဖွဲ့၀င်သစ်တွေက အပြင်ထွက်လာပြီး လူတိုင်းကို မိတ်ဆက်ပေးသင့်တယ်!】
【စုယန် - မင်းတို့ စကားတွေပြောပြီး တက်တက်ကြွကြွ ရှိနေဖို့ လိုတယ်၊ ဒါမှ ငါတို့ ဂရုက အဆင့်တက်မှာ။ အဆင့်တက်ပြီးရင် သူငယ်ချင်းအသစ်တွေကို ထပ်ဖိတ်ခေါ်နိုင်ပြီး ဆုလာဘ်တွေ ထပ်ရနိုင်မှာ။】
【ကလေးဘ၀က လမင်း - လူတိုင်း မင်္ဂလာပါ၊ ကျွန်မက ဒီဂရုထဲ အသစ်ရောက်လာတာပါ၊ ကျေးဇူးပြုပြီး ဂရုစိုက်ပေးကြပါဦး။】
【ရတနာခုနှစ်ပါးမင်းသမီးလေး - ငါတွေးမိတာက၊ ငါတို့ ဂရုချတ်မှာ လူတွေပိုများလာရင် ဆုလာဘ်တွေ လုရတာ ပိုခက်ခဲသွားမှာ မဟုတ်ဘူးလား?】
【အရိပ်ထဲကကြောင် - အဲ့လိုမတွေးပါနဲ့၊ လူတွေများလေ ဂရုက အမြန်အဆင့်တက်လေပဲ၊ ဆုလာဘ်တွေ ပေါ်လာတဲ့အကြိမ်ရေလည်း များလာမှာ။ အတူတူပဲမို့လို့ ဘာမှမဖြစ်ဘူး။】
【ဂရုအဖွဲ့၀င် နံပါတ် 9 - ဟုတ်တယ်၊ ဒါပေမဲ့ ငါတို့က အစောကြီးထဲက ဂရုထဲဝင်ထားတဲ့အတွက် အရမ်းကြီးမားတဲ့ အခွင့်အရေးကို ရထားပြီးသား။】
【စုယန် - ဒီညတော့ ဒီလောက်ပါပဲ။ ဂရုထဲကလူတွေ အစောကြီး အနားယူကြပါ။ မနက်ဖြန် ငါနိုးလာရင် ယုရှောင်ဂန်းရဲ့ အတိတ်နဲ့ အနာဂတ်အကြောင်း ပြောပြပေးမယ်။】
【စုယန် - ကောင်းကောင်းအနားယူကြပါ၊ မနက်ဖြန်ကျရင် ဖရဲသီးစားကြမယ် (အကြောင်းအရာတွေကို ဖွင့်ပြောကြမယ်)။】
【လူတိုင်း - ဖရဲသီးစားမယ်။】 × 3
တကယ်လည်း။
"ဖရဲသီးစားမယ်" လို့ ရိုက်ခဲ့တဲ့သူတွေထဲမှာ ဘီဘီတုံနဲ့ လျိုအာ့လုံ မပါဝင်ပေ။ သူတို့ကတော့ သူတို့ကိုယ်တိုင် ဖရဲသီးစားရမယ့် (အကြောင်းအရာတွေ အဖွင့်ခံရမယ့်) အလှည့်ကို ကြိုတင်မျှော်လင့်ထားပြီး၊ တချို့ဆိုရင်တောင် တော်တော်လေး ဆိုးရွားနိုင်မယ်လို့ ထင်ထားကြတယ်။
စုယန်ဂရုချတ်ကို ပိတ်လိုက်ပြဖိးတတိယ ဝိညာဉ်ကွင်းကို စုပ်ယူဖို့ စတင်လိုက်သည်။
အဆင့် 1 ဝိညာဉ်စွမ်းအားကိုတော့ အခု မထုတ်ယူသေးပါ၊ နတ်ဆေးအပင်ေတွ ရပြီးရင် အဆင့်ပိုမြင့်လာမှပဲ ထုတ်ယူလိုက်မယ်။ ဝိညာဉ်ကွင်းသက်တမ်းကိုလည်း ပုံမှန် သက်တမ်းအတိုင်းပဲ ယူလိုက်မယ်။ ဘာပဲဖြစ်ဖြစ် စနစ်ကပေးတဲ့ ဝိညာဉ်ကွင်းကက အနာဂတ်မှာ ခွန်အားတိုးတက်မှုနဲ့အတူ လိုက်ပါတိုးတက်လာမှာမို့ပါ။
ဒီဝိညာဉ်စွမ်းရည်ကို ရွေးချယ်ရမှာက စုယန်ကို အနည်းငယ် တွေဝေစေခဲ့သည်။
တတိယ ဝိညာဉ်စွမ်းရည်က ဘာဖြစ်သင့်သလဲ?
လက်ရှိအခြေအနေအရဆိုရင် တတိယ ဝိညာဉ်စွမ်းရည်အတွက် အသက်ကယ်နိုင်တဲ့ စွမ်းရည်ကို ရွေးတာ အကောင်းဆုံးပဲ။ ဥပမာ - ရှောင်ဝူရဲ့ နေရာရွှေ့ပြောင်းခြင်း ရွှေကိုယ်ခန္ဓာ ၊ ဗလာနယ် နဲ့ ပုံတူပွားခြင်း တို့က တကယ့်ကို ကောင်းကင်ကိုဆန့်ကျင်တဲ့ အစွမ်းတွေပဲ။
ခဏလေး?
စုယန်၏ အကြည့်သည် မျောက်ငယ်လေးဆီ ရောက်သွားသည်။ ငါ့ဝိညာဉ်က မျောက်မင်းကြီး ဆီကို ဆင့်ကဲပြောင်းလဲနေတာ၊ အဲ့တော့ ငါက မုန်လာဥစားတဲ့ ယုန်ငယ်လေးရဲ့ ဝိညာဉ်စွမ်းရည်တွေကိုပဲ ကိုးကားနေစရာ လိုသေးလို့လား?
ငါက ကောင်းကင်ကိုညီမျှသော မျောက်မင်းကြီးကို တိုက်ရိုက် ကိုးကားလို့ရတာပဲ!
တတိယ ဝိညာဉ်စွမ်းရည် — ပုံသဏ္ဌာန်စုစည်း၊ ဝိညာဉ်ကွဲလွင့်။
ပုံသဏ္ဌာန်စုစည်း၊ ဝိညာဉ်ကွဲလွင့် - အဖြူရောင်မီးခိုးတန်းအဖြစ် ပြောင်းလဲလိုက်ပြီး အတုအယောင် ကိုယ်ခန္ဓာတစ်ခုကို ချန်ထားခဲ့ကာ အသံတိတ် လျှို့ဝှက်ထွက်ခွာသွားမယ်၊ ပြီးတော့ တိုက်ခိုက်မယ့်အခွင့်အရေးကို စောင့်ကြည့်မယ်။
တိုက်လည်းတိုက်နိုင်၊ ပြေးလည်းပြေးနိုင်တဲ့ ပြီးပြည့်စုံတဲ့ ဝိညာဉ်စွမ်းရည်တစ်ခုပဲ။
စုယန်ကတော့ သူ့စိတ်ထဲမှာ အဖြေရသွားပြီ၊ နောက်ထပ် ဝိညာဉ်စွမ်းရည်တွေအတွက်လည်း အကြံဉာဏ်တွေ ရှိနေပြီးသားမို့လို့ ဦးနှောက်ခြောက်ခံ စဉ်းစားနေစရာ မလိုတော့ဘူး။
ရှောင်ဝူမှာ ရွှေကိုယ်ခန္ဓာ ရှိတယ်?
ငါကတော့ မျောက်မင်းကြီးရဲ့ စွမ်းရည်ဖြစ်တဲ့ ကြေးခေါင်းနဲ့ သံလက်မောင်း၊ မဖျက်ဆီးနိုင်သော ကိုယ်ခန္ဓာဆီ တိုက်ရိုက်ယူမယ်။
ရှောင်ဝူမှာ နေရာရွှေ့ပြောင်းခြင်း ရှိတယ်?
ငါကတော့ မျောက်မင်းကြီးရဲ့ တိမ်တိုက်စီးခြင်းဆီ တိုက်ရိုက်ယူမယ်။
ရှောင်ဝူမှာ ပုံတူပွားခြင်း ရှိတယ်?
မျောက်မင်းကြီးရဲ့ ကိုယ်ပွားခြင်းဆိုရင်ရော ဘယ်လိုလဲ?
ဘာလဲ?
ချန်ရန်ရွှယ်က အသွင်ပြောင်းလို့ရတယ်?
ဘယ်သူက အသွင်မပြောင်းတတ်တာလဲ? ငါ့ဆီမှာ ၇၂ မျိုး အသွင်ပြောင်းခြင်း ရှိတယ်။