အခန်း (၂၂) - ယုရှောင်ဂန်း ရဲ့ အမေ?
နော်ဒင်းကျောင်းတော်။
ကျောင်းတော်နောက်ဘက် တောင်ကုန်း။
စုယန် က ချက်ဂရုထဲမှာ အေးဆေး ထိုင်နေပြီး ကောလာဟလတွေကို ဖတ်ပြီးတော့ လေ့ကျင့်ခန်း ဆက်လုပ်နေခဲ့သည်။
ဘီဘီတုံ နဲ့ လျိုအာ့လုံ၊ ဒီနှစ်ယောက်ကတော့ တကယ်ပဲ ဦးနှောက်မရှိတဲ့ အသုံးမကျတဲ့သူတွေပဲ!
ငါ လုံးဝကို နားမလည်နိုင်ဘူး
"ပြန်လာခဲ့ပါ ငါ့ရဲ့ အချစ်ဦး!" ဆိုတဲ့ စကားမျိုးဆိုရင်တော့ ခံစားချက် ပါဝင်နေသေးတယ်၊ စွဲလမ်းမှုတစ်ခု ဖြစ်လာတာ နားလည်ပေးလို့ ရပါတယ်။
ဒါပေမဲ့ သူတို့နှစ်ယောက်၊ ဘီဘီတုံ နဲ့ ယုရှောင်ဂန်း?
သူတို့မှာ ဘယ်လို ခံစားချက်မျိုးများ ရှိနေလို့လဲ?
ယုရှောင်ဂန်း က သူတို့နှစ်ယောက်ဘဝရဲ့ ပထမဆုံး အသက်နဲ့သေခြင်း စမ်းသပ်မှုကိုတောင် အောင်မြင်အောင် မလုပ်နိုင်တဲ့သူလေ။
【အရိပ်ထဲကကြောင်: ငါအခု 'ငါ့မျိုးရိုးနာမည်က ယု မဟုတ်ဘူး' ရဲ့ အထောက်အထားကို အရမ်း သိချင်နေပြီ။ သူမက ယုရှောင်ဂန်း ကို ကာကွယ်ပေးလွန်းတာ နည်းနည်း လွန်နေပြီ!】
【ဂရုအဖွဲ့၀င်နံပါတ်9: သူမက လျှပ်စီးနဂါးပြာမျိုးနွယ်စုဝင် တစ်ယောက်ဆိုတာ သိသာလွန်းနေတာပဲ။】
【ရတနာခုနှစ်ပါးမင်းသမီးလေး: ဒါပေမဲ့ ကျွန်မကတော့ သေချာမသိသေးဘူး၊လျှပ်စီးနဂါးမျိုးနွယ်စုမှာ ယုရှောင်ဂန်း ကို ဒီလောက်ထိ ကာကွယ်ပေးမယ့် အစွမ်းထက်တဲ့ အမျိုးသမီး ဘယ်သူရှိလို့လဲ? ယုရှောင်ဂန်း ကို မိသားစုက မုန်းတီးပြီး နှင်ထုတ်လိုက်တာ မဟုတ်ဘူးလား?】
【ယန်ဇီက ငှက်မဟုတ်ဘူး: အဲဒီအကြောင်း ပြောလိုက်မှပဲ၊ သူမရဲ့ အထောက်အထားနဲ့ ပတ်သက်ပြီး ကျွန်မ ခန့်မှန်းချက်တစ်ခု ရှိတယ် တကယ်မှန်ဖို့ နီးစပ်လိမ့်မယ်လို့ ထင်တယ်။】
(အပြာရောင်အာဏာရှင်အကယ်ဒမီက စာဖတ်ရထောက်နေတာမို့ ပြောင်းလိုက်ပါတယ်ဗျ) နဂါးပြာကျောင်းတော်
လျိုအာ့လုံ တစ်ယောက် ချက်ချင်းပဲ စိတ်လှုပ်ရှားသွားသည်။
ပြီးပြီ။
ဟူလီနာလိုပဲ၊ မသင့်တော်တဲ့ စကားတွေ ပြောမိတဲ့အတွက် သူမရဲ့ အထောက်အထား ပေါ်လုနီးပါး ဖြစ်သွားပြီ။
တကယ်ကို ပြီးသွားပြီ။
သူမက အဲဒီ အဘွားကြီး ကို အကြီးအကျယ် ဆဲဆိုထားခဲ့တာလေ၊ အဲဒီအဘွားကြီးက သူမကို ဘယ်တော့မှ လွှတ်ပေးမှာ မဟုတ်ဘူး။ မဖြစ်ဘူး သူမ ပုန်းနေရမယ်။
ဟင်?
လျိုအာ့လုံ တစ်ယောက် ဘီဘီတုံ ဆီကနေ ဘယ်လို ပုန်းရမလဲလို့ စဉ်းစားနေတဲ့အချိန်မှာပဲ၊ ချက်ဂရုထဲက စာသားကို မြင်လိုက်ရပြီး ချက်ချင်းကို သီးပြီး သေလုနီးပါး ဖြစ်သွားရသည်။
【ဟူလီနာ: ပြောပြပါ ပြောပြပါ! ဒုတိယမြောက် အထောက်အထား ပေါ်သွားမယ့် အရူးက ဘယ်သူလဲဆိုတာ ကြည့်ရအောင်!】
【ယန်ဇီက ငှက်မဟုတ်ဘူး: သူမက... ယုရှောင်ဂန်း ရဲ့ အမေလေ!】
【အားလုံး: ???】
ဝိဉာဉ်မြို့တော်။
ပုပ်ရဟန်းမင်းကြီးရဲ့ အိပ်ဆောင်။
ဘီဘီတုံ မှာလည်း အခု ပစ်မှတ်တစ်ခု ရှိသွားပြီ။
တခြားသူတွေက 'ငါ့မျိုးရိုးနာမည်က ယု မဟုတ်ဘူး' ရဲ့ အထောက်အထားကို မခန့်မှန်းနိုင်ကြတာက သူတို့အားလုံးက ငယ်ရွယ်ပြီး ယုရှောင်ဂန်း ရဲ့ အခြေအနေကို နားမလည်ကြလို့ပါ။
ဒါပေမဲ့ ဘီဘီတုံ က အခြေအနေကို နားလည်တဲ့အတွက်ကြောင့်၊ ဒီအမျိုးသမီးဟာ သူမရဲ့ အချစ်ပြိုင်ဖက်၊ ယုရှောင်ဂန်း ရဲ့ ဝမ်းကွဲညီမဖြစ်သူ လျိုအာ့လုံ ဖြစ်ဖို့ အခွင့်အလမ်း အများဆုံးပဲလို့ ဘီဘီတုံ ခန့်မှန်းလိုက်သည်။
ဒါပေမဲ့။
ယန်ဇီ ရဲ့ ဒီခန့်မှန်းချက်ကလည်း ဘီဘီတုံ ကို တုန်လှုပ်သွားစေသည်။
ယုရှောင်ဂန်း ရဲ့ အမေ ဟုတ်လား?
မဟုတ်ပါဘူး?
ခေါင်းနဲ့ မမှန်းပဲ ခြေချောင်းလေးတွေနဲ့များ ခန့်မှန်းနေတာလား?
【ဘီဘီတုံ: နင် တကယ်ကို ပါရမီရှင်ပဲ!】
【ယန်ဇီက ငှက်မဟုတ်ဘူး: ကျွန်မ မှားခန့်မှန်းလိုက်တယ်လို့ အားလုံး ထင်နေကြတာလား?】
【အားလုံး: ဟဲဟဲ။】
【ယန်ဇီက ငှက်မဟုတ်ဘူး: ကျွန်မ မေးခွန်းတစ်ခု မေးပါရစေ။ သူမနာမည်က ဘာလဲ? 'ငါ့မျိုးရိုးနာမည်က ယု မဟုတ်ဘူး'، သူမက လျှပ်စီးနဂါးပြာမျိုးနွယ်စုက၊ သူမမှာ 'ယု' ဆိုတဲ့ မျိုးရိုးနာမည် မရှိဘူး၊ ပြီးတော့ ယုရှောင်ဂန်း ကို အရမ်း ကာကွယ်ပေးတယ်။ အဖြေက သူမ မျက်နှာပေါ်မှာ တင်မကဘဲ တစ်ကိုယ်လုံးမှာ ရေးထားတာ မဟုတ်ဘူးလား?】
【ရတနာခုနှစ်ပါးမင်းသမီးလေး: အဲဒါတော့ ဟုတ်သလိုပဲ။】
【အရိပ်ထဲကကြောင်: ဒါပေမဲ့... ဒါပေမဲ့... နင်ပြောတာတွေက အကြောင်းပြချက် ခိုင်လုံနေတော့၊ ဒါကို ငြင်းပယ်ဖို့ အထောက်အထား ကျွန်တော် ရှာမတွေ့ဘူး။】
【ဂရုအဖွဲ၀င်နံပါတ်9: ဒါဆိုရင် အဘွားအို မျိုးဆက် တစ်ယောက်က ငါတို့ ဂရုထဲ ရောက်လာတာလား?】
【စုယန်: ဟားဟားဟား!】
【စုယန်: မင်းတို့တော့ ငါ့ကို ရယ်ပြီး သတ်တော့မှာပဲ။ ငါ လေ့ကျင့်ခန်း လုပ်နေတာ... ပြီးတော့ ချက်ဂရုကို တစ်ချက် ကြည့်လိုက်မိတာ၊ မင်းတို့တွေကို ရယ်ရလွန်းလို့ ချီဖောက်ပြန်ပြီး ရူးသွပ်သွားတော့မလို့ပဲ။】
【ငါ့မျိုးရိုးနာမည်က ယု မဟုတ်ဘူး: မင်းတို့တွေ တကယ်ကိုပဲ လွန်ကုန်ပြီနော်!】
【စုယန်: ဒီလို ပြောလိုက်ပါမယ်၊ ယုရှောင်ဂန်း သာ သူ့ဝမ်းကွဲညီမနဲ့ တွဲနိုင်သေးရင်၊ ယုရှောင်ဂန်း ရဲ့ အမေ မှာ 'ယု' ဆိုတဲ့ မျိုးရိုးနာမည် ဘာလို့ မရှိရမှာလဲ?】
【အားလုံး: ???】
【ငါ့မျိုးရိုးနာမည်က ယု မဟုတ်ဘူး: စုယန်! မင်းကို ငါ သတ်ပစ်မယ်!】
【ယန်ဇီက ငှက်မဟုတ်ဘူး: အို၊ မဟုတ်ပါဘူး၊ ဒီနေ့ညတော့ ကျွန်မ အိပ်မပျော်တော့ဘူး။ ဒီလောက်ကြီးမားတဲ့ ကောလာဟလကြီးကို အခုချက်ချင်း စားသုံးချင်နေတာ၊ ဘာလုပ်ရမလဲ?】
【ရတနာခုနှစ်ပါးမင်းသမီးလေး: ဒါပေမဲ့ စုယန်က ယုရှောင်ဂန်း အကြောင်း ပြောဖို့ သုံးရက် စောင့်ရမယ်လို့ ပြောထားတာလေ။ သုံးရက်! ဒီသုံးရက်ကို မင်းတို့ ဘယ်လို ဖြတ်သန်းဖို့ မျှော်လင့်နေတာလဲ!】
【ဂရုအဖွဲ့၀င်နံပါတ် 9: ဒီဂရုထဲမှာ နောက်ထပ် ကျွမ်းကျင်သူတစ်ယောက် ရှိနေတာလား?】
【ဂရုအဖွဲ့၀င်နံပါတ် 9: ဒီလောကကြီးက ဒီလောက်ထိ ရူးသွပ်သွားပြီလား?】
【ဘီဘီတုံ: အဲဒါကတော့ မှန်တယ်။ ဒိုင်မိသားစု နဲ့ ကျူးမိသားစု က သူတို့ရဲ့ ဝိဉာဉ်ပေါင်းစပ်မှု ကျွမ်းကျင်မှု ကြောင့် မျိုးဆက်အလိုက် လက်ထပ်ကြတယ်။ နာနာ၊ နင် ဘယ်တော့ ပြန်လာမှာလဲ? နင် သိချင်တာရှိရင် ဆရာမက နင့်ကို ကောင်းကောင်း ရှင်းပြပေးမယ်။】
【ဟူလီနာ: ကျွန်မ ဟူလီနာ၊ ပုပ်ရဟန်းမင်းကြီး ဘီဘီတုံ ကို သေတဲ့အထိ ကာကွယ်သွားမယ်လို့ ကျိန်ဆိုပါတယ်။】
【စုယန်: အဲဒါ ဘာအရေးကြီးတာ မှတ်လို့လဲ။】
【စုယန်: အားလုံး ကျန်းမာရေး ဂရုစိုက်ကြပါ၊ စောစော အိပ်ကြပါ။ ဒီချက်ဂရု အဆင့်မြှင့်တင်မှုက မင်းတို့ကို ကောလာဟလ အကြီးကြီး တစ်ခု ပေးလိုက်ပြီ၊ နောက်တစ်ခါ အဆင့်မြှင့်တင်ရင် နောက်ထပ် ကောလာဟလ အကြီးကြီး တစ်ခု ထပ်ပေးဦးမယ်။ ကောလာဟလတွေက အဆုံးမရှိဘူး!】
【အားလုံး: ???】
ညက ဘာပြဿနာမှ မရှိဘဲ ကုန်ဆုံးသွားခဲ့သည်။
ဒါပေမဲ့ ဂရုဝင်တွေကတော့ တကယ်ကို ကောင်းကောင်း အိပ်မပျော်ခဲ့ကြဘူး။
အဆောင်နံပါတ် (၇)
စုယန် မျက်လုံးဖွင့်လိုက်တော့ သူ့ကုတင်ဘေးမှာ ထိုင်နေတဲ့ ယုန်ပေါက်လေးက အမွှေးတွေပါတဲ့ တစ်စုံတစ်ခုကို ကိုင်ပြီး သူ့ကို စနောက်နေတာကို တွေ့လိုက်ရသည်။
"ကျွန်တော် တကယ်ကို အံ့ဩမိပါတယ်။"
"ယုန်ပေါက်လေး၊ နင် မအိပ်ဘူးလား?"
ရှောင်ဝူ ထလိုက်ပြီး သူမလက်ကို ခါယမ်းကာ ပြောသည် - "အချိန် ဘယ်လောက်ရှိပြီလဲ၊ နင်က အခုထိ အိပ်နေတုန်းပဲလား? ငါ နင့်ကို အရသာရှိတာ တစ်ခုခု ကျွေးဖို့ ခေါ်လာတာ။"
"ပြီးတော့ တစ်ခုလောက် မေးချင်တာ ရှိတယ်၊ နင့်ကို မေးရမလား။"
"ကောင်းပြီလေ!"
စုယန် လည်း ဘာမှ ပြန်မပြောနိုင်တော့ပေ၊ သူ စောင်ကို ဆွဲဖယ်ပြီး အဝတ်အစား ဝတ်ဖို့ ထလိုက်သည်။
ဒိုလော့ လောက မှာ လူတွေက စောစော အရွယ်ရောက်ကြတာကို လူတိုင်း သိပါတယ်။ စုယန် က အခုဆိုရင် အသက်သွေးကြော ဆူပွက်နေတဲ့ လူငယ်လေး တစ်ယောက်ဖြစ်ပြီး၊ သံထုနေတဲ့ ထန်ဆန်း ထက်တောင် ခေါင်းတစ်လုံးလောက် ပိုမြင့်နေပြီ။
ဒါက အဆင်မပြေဘူး။
ကံကောင်းစွာနဲ့ပဲ အဲဒီအချိန်မှာ အဆောင်မှာ တခြားလူ ဘယ်သူမှ မရှိဘူး။
"စုယန်!"
"မင်း ရှက်ဖို့ကောင်းတာ လူယုတ်မာကြီးပဲ!"
ရှောင်ဝူ ရဲ့ မျက်နှာက ချက်ချင်းကို နီရဲသွားခဲ့ကာ စုယန် ကို အော်ပြောပြီး အပြင်ဘက်ကို ပြေးထွက်သွားသည်။
စုယန် လည်း စိတ်ပျက်စွာနဲ့ပဲ ကျန်ခဲ့ရသည်။
မင်းနဲ့ လိုက်ဖက်လိုက်တာ၊ ဝိဉာဉ်သားရဲတွေရဲ့ သိက္ခာမဲ့တဲ့ ယုန်ပေါက်လေး
ရှင်းရှင်းလေးပါ၊ နင့်ဘာသာ အခွင့်အရေး ယူပြီး အခန်း (၇) ဆီကို လာတာကလည်း နင်ကိုယ်တိုင်ပဲ။
ဘာလို့များ ငါ့အပြစ်လို ဖြစ်နေရတာလဲ?
ဒါပေမဲ့။
ဒိုလော့ လောက က လူတွေက စောစော အရွယ်ရောက်ရုံတင်မကဘူး၊ အားလုံးက ကြီးထွားမှုမြန်ဆန်ကြတယ် ဒီ ခန္ဓာကိုယ်ကတော့ အနည်းဆုံး နောက်ထပ် ခုနစ်နှစ် ဒါမှမဟုတ် ရှစ်နှစ်လောက်အထိ ဆက်ပြီး ဖွံ့ဖြိုးဦးမှာပါပဲ
မကြာခင်မှာပဲ။
စုယန် အဝတ်အစား ဝတ်ပြီး မျက်နှာသစ်တာ ပြီးသွားခဲ့သည်။ အပြင်ဘက်မှာတော့ ယုန်ပေါက်လေးက စိတ်မရှည်စွာနဲ့ မုန်လာဥ နှစ်ခုကို ကိုက်ဖြတ်စားသောက်နေပြီဖြစ်သည်။
စုယန် က သူမ လက်ထဲမှာ ကိုင်ထားတုန်းပဲ ဖြစ်တဲ့ မုန်လာဥ ကို ကြည့်လိုက်သည်။
"အဟမ်း။"
"မနက်စောစောစီးစီး။"
"ယုန်ပေါက်လေး၊ နင် ငါ့ဆီက ဘာလိုချင်လို့လဲ?"
ရှောင်ဝူ က မကျေနပ်တဲ့ မျက်နှာပေးနဲ့ ပြောလိုက်သည် - "ငါ နင့်ကို စားဖို့ ခေါ်လာတာလေ၊ နင် ဘာလို့ အခုထိ ဒီလောက် ယုတ်မာရတာလဲ??
စုယန်: ငါက ယောင်္ကျားကြီးလေ