အခန်း (၁) - ဒိုလော့ကုန်းမြေ အဖွဲ့လိုက် စကားပြောခန်း
ဒို့လော့ကုန်းမြေတိုက်ကြီး
ဝိညာဉ်မြို့တော်
ပုပ်ရဟန်းမင်းကြီး အိပ်ဆောင်
လက်ရှိ ပုပ်ရဟန်းမင်းကြီး ဘီဘီဒုန်း သည် သူမ၏ ခမ်းနားထည်ဝါပြီး မြင့်မြတ်သော ရွှေရောင်ဝတ်ရုံရှည်နှင့် ခေါင်းပေါ်ရှိ ကိုးဆင့် ခရမ်းရောင်ရွှေရောင်သရဖူကို ချွတ်လိုက်သည်။ သူမက အရောင်ဖျော့သော ညအိပ်ဝတ်ရုံကို ဝတ်ဆင်ကာ မှန်တင်ခုံရှေ့တွင် ထိုင်နေပြီး လရောင်အောက်တွင် သူမ၏ လှပသော ခရမ်းရောင်ဆံပင်ရှည်များမှာ လေထဲတွင်မျှောလွင့်လျက် လွတ်လပ်စွာ ဖြာကျနေသည်
ပြီးပြည့်စုံသော မျက်နှာဖြူစင်နူးညံ့သော အသားအရေ၊ ကောက်ကြောင်းအလှပိုင်ဆိုင်သည့် ခန္ဓာကိုယ်၊ ဖြူဖွေးသွယ်လျသော ခြေတံရှည်များ နှင့် သူမ၏ လျော့ရဲနေသော ခရမ်းရောင်ဆံပင်များကြားတွင် တစ်စိတ်တစ်ပိုင်း ပေါ်နေသော နှင်းဆီရောင်အသားအရေ—အားလုံးသည် သူမ၏ ပြိုင်ဘက်ကင်းသော ဆွဲဆောင်မှုကို ထုတ်ဖော်ပြသနေသည်။
ထိုခမ်းနားသော ဝတ်ရုံများကို ချွတ်ချပြီး သာမန်ညအိပ်ဝတ်ရုံကို ဝတ်ဆင်ထားလျှင်ပင် သူမ၏ စရိုက်မှာ မည်သူမဆို ဒူးထောက် ကိုးကွယ်ချင်စိတ် ပေါက်ဖွားလာလောက်အောင် မြင့်မြတ်ပြီး သောအရှိန်အဝါများ ဖျာထွက်လျက်ရှိသည်
မှန်ထဲရှိ ဘီဘီဒုန်း၏ ေဖြာင့်စင်းသောဆံကေသာများမှာ နူးညံ့နေသော်လည်း သူမ၏ မျက်ဝန်းများတွင်မူ မှိုင်းညို့သည့် အရိပ်အယောင်များ ရှိနေသည်။
ငယ်စဉ်အခါက လိမ္မော်နီရောင်ဆံပင်မှသည် ယနေ့ခေတ် ရင့်ကျက်သော အမျိုးသမီးတစ်ယောက်၏ ဆွဲဆောင်မှုအပြည့်ရှိသော ခရမ်းရောင်ဆံပင်အထိ၊ ၎င်းသည် အပြစ်ကင်းစင်ပြီး တက်ကြွလှုပ်ရှားခဲ့သည့် ဘဝမှ ရက်စက်ပြီး အစွမ်းထက်သော ဝိညာဉ်ခန်းမ၏ ပုပ်ရဟန်းမင်းကြီး ဖြစ်လာသည့်အထိ ဘီဘီဒုန်း၏ ခက်ခဲကြမ်းတမ်းသော ခရီးလမ်းကို တစ်နည်းတစ်ဖုံဖော်ပြနေခြင်းလည်း ဖြစ်သည်
ဟုတ်ပေသည်
သူမ အသက်အရွယ်ရလာပြီ ဖြစ်သော်လည်း လှပဆဲ၊ မြင့်မြတ်ဆဲ၊ ဂုဏ်သရေရှိဆဲ ဖြစ်သည် အချိန်ကာလ၏ တိုက်စားမှုသည် ငယ်ရွယ်သော မိန်းကလေးတစ်ယောက် ပိုင်ဆိုင်နိုင်စွမ်းမရှိသည့် ဆွဲဆောင်မှုအလွှာတစ်ခုကို ထပ်ဖြည့်ပေးထားသည်။
ရင့်ကျက်သော အမျိုးသမီးတစ်ဦး၏ ထူးခြားသော ဆွဲဆောင်မှုရှိပြီး
အသက်ရှူမှားလောက်အောင် လှပေပသည်။
သို့သော်
လူတစ်ယောက် အရွယ်ရောက်ပြီး ရင့်ကျက်လာပြီဆိုတာကို ဘာနဲ့သက်သေပြမလဲ?
အဲဒါကတော့ — အစက ဝန်ကြီးချုပ်ကို မေးခွန်းထုတ်ခဲ့သူက၊ နောက်ပိုင်းမှာ ဝန်ကြီးချုပ်ဆီကနေ သင်ယူလာရသလို
ကျန့်အန်းစိတ်ဓာတ်ဟာ ယနေ့တိုင် ရှင်သန်နေဆဲဖြစ်ပြီး၊ ဝေအင်ပါယာ ဝူ၏ အမွေအနှစ်ကလည်း ထာဝရ ဆက်လက်စီးဆင်းနေမည်
အခန်းအတွင်း…
ဘီဘီဒုန်းသည် ဝိညာဉ်ခန်းမ၏ နောက်တစ်ဆင့် အစီအစဉ်များကို စဉ်းစားရင်း သစ်သားေခါင်းဖြီးဖြင့် သူမ၏ ခရမ်းရောင်ဆံပင်ရှည်များကို ဖြီးနေလေသည်
ဝိညာဉ်ခန်းမ၏ ရွှေရောင်မျိုးဆက် ကို ပြုစုပျိုးထောင်ပေးပြီး နှစ်နှစ်ကျော်အကြာတွင် ကျင်းပမည့် ဝိညာဉ်မာစတာပြိုင်ပွဲကို အနိုင်ရစေကာ ဟန့်တားမှု တစ်ခု ဖန်တီးပြီးအထက်ဂိုဏ်းကြီး သုံးခုကို ချေမှုန်းမယ် ပြီးရင် အောက်ဂိုဏ်းကြီး လေးခုကို လက်အောက်ခံစေကာ ဧကရာဇ်နိုင်ငံကြီး နှစ်ခုကို နင်းချေပြီး စိတ်ဝိဉာဏ်တိုက်ကြီးကို ပေါင်းစည်းမည်
သူမ ဘီဘီဒုန်းသည် ခြေလှမ်းတိုင်းတစ်လှမ်းခြင်း တက်လှမ်းရင်း တိုက်ကြီးပေါ်တွင် သြဇာအာဏာ အကြီးမားဆုံးနှင့် အစွမ်းအထက်ဆုံး ပုဂ္ဂိုလ်ဖြစ်လာကာ သူမကို ဆန့်ကျင်သူမှန်သမျှနှင့် သူမကို အထင်သေးသူမှန်သမျှကို ဖယ်ရှားပစ်ေပမည်။ ထိုအချိန်ကျလျှင်...
【စိတ်ဝိဉာဏ် ကမ္ဘာ့အဖွဲ့လိုက်စကားေပြာခန်းသို့ ကြိုဆိုပါသည်】
ဘီဘီဒုန်းသည် သူမ၏ တောက်ပသော အနာဂတ်ဆီသို့ တစ်လှမ်းချင်း လျှောက်လှမ်းရန် စိတ်ကူးယဉ် အစီအစဉ်ဆွဲနေစဉ်မှာပင် သူမ၏ စိတ်ထဲသို့ လျှပ်တစ်ပြက်သံတစ်ခု ထွက်ပေါ်လာခဲ့သည်။ သူမ မျက်လုံးများမှာ ထိတ်လန့်တုန်လှုပ်မှုဖြင့် ပြူးကျယ်သွားပြီးနောက် ဒေါသနှင့် ထိတ်လန့်မှုများ မျက်နှာပေါ်တွင် ပေါ်လာသည်။
"ဘယ်သူလဲ!"
ဘီဘီဒုန်းသည် ဒေါသတကြီး ထရပ်လိုက်ပြီး သူမ၏ အစွမ်းထက်သော အရှိန်အဝါကို ထုတ်လွှတ်လိုက်သဖြင့် ကြောက်မက်ဖွယ်ကောင်းသော ဖိအားကြီးတစ်ခုသည် ဝိညာဉ်စွမ်းအင်လှိုင်းတစ်ခုအနေဖြင့် အခန်းတစ်ခုလုံးကို ရိုက်ခတ်ခ့ဲသွားသည်။ ကုလားကာများမှာ လေတိုက်မှုကြောင့် လွင့်ထွက်သွားပြီး မှန်ပြတင်းပေါက်များမှာလည်း ထိုတုန်ခါမှုကြောင့် ကွဲကြေသွားခ့ဲသည်။
သူမ၏ ညအိပ်ဝတ်ရုံပင် လေတိုက်မှုကြောင့် မြင့်တက်သွားကာ သူမ၏ ဆွဲဆောင်မှုရှိသော အတွင်းခံအစွန်းအထွက်လေးကို ခေတ္တမျှ ပေါ်သွားစေသည်။
"သေစမ်း!"
ဘီဘီဒုန်းသည် ဒေါသတကြီး မျက်လုံးများဖြင့် ပတ်ဝန်းကျင်ကို စူးစမ်းကြည့်လိုက်သော်လည်း ထူးခြားမှု တစ်စုံတစ်ရာ မတွေ့ရသဖြင့် သူမ၏ ရင်ထဲတွင် အံ့အားသင့်မှုနှင့် ထိတ်လန့်မှုတို့ ရောထွေးနေခ့ဲသည်။
သူမရဲ့ ဝိညာဉ်စွမ်းအင် အဆင့်အရ ဆိုပါက၊ သူမကို မသိလိုက်စေဘဲ သူမစိတ်ထဲသို့ ဤကဲ့သို့ အသံမျိုး ရောက်လာအောင် လုပ်နိုင်ခြင်းမှာ အလွန်ပင် ထူးဆန်းလွန်းသော နည်းလမ်းဖြစ်သည်။
ဘီဘီဒုန်းသည် သူမခေါင်းထဲမှ အသံကို တွေးတောနေစဉ်တွင် (ကျောက်စိမ်းမှန်) အသေးစားလေးတစ်ခုသည် လေထဲမှ ပေါ်လာပြီး သူမလက်ထဲသို့ ရောက်လာသည်။
"ဒါက?"
ဘီဘီဒုန်းသည် ၎င်းကို စစ်ဆေးရန် ကောက်ကိုင်လိုက်သဖြင့် ထိုထူးခြားသော စတုဂံပုံ ကျောက်စိမ်းမှန်သည် လင်းလာပြီး အကြောင်းအရာများကို ပြသလိုက်သည်-
【ဒိုလော့ကမ္ဘာအဖွဲ့လိုက်စကားပြောခန်း】
[စုယန်: သေစမ်း! ဒါဘာလဲဟ? ငါ ဘယ်လိုလုပ်ပြီး အဖွဲ့လိုက်စကားပြောလို့ရတဲ့ ရွှေလက်ချောင်းကို နိုးထလာတာလဲ...】
【"စုယန်" သည် မက်ဆေ့ချ်တစ်ခုကို ပြန်ရုပ်သိမ်းလိုက်သည်။】
ဘီဘီဒုန်း:???
ဒီထူးဆန်းသော မြင်ကွင်းကြောင့် ဘီဘီဒုန်းမှာ မျက်မှောင်ကို တင်းတင်းကြုတ်လိုက်ရပြီး သူမ၏ ဖျော့တော့သော ခရမ်းရောင်မျက်လုံးများမှာ သံသယနှင့် ဝေခွဲမရမှုတို့ဖြင့် ပြည့်နှက်နေသည်။
စုယန်?
အဖွဲ့လိုက်စကားပြောခန်း?
ရွှေလက်ချောင်း?
ဒါတွေအားလုံးက ဘာတွေလဲ?
ဘီဘီဒုန်းသည် ခဏမျှ တွေးတောလိုက်ပြီး ဒီအရာသည် ဘယ်လိုလဲဆိုတာကို အကြမ်းဖျင်း နားလည်သွားခဲ့သည်။ ဒီအရာက လူများနှင့် စကားပြောရန်အတွက် ဝိညာဉ်ကိရိယာ တစ်ခု ဖြစ်သင့်ေပသည်
ဒါပေမဲ့
ခုနက စကားပြောသွားသည့် စုယန် ဆိုသူမှာ အလွန်ပင် ယုတ်ညံ့လွန်းပြီး ပါးစပ်ဖွင့်လိုက်သည်နှင့် ရိုင်းစိုင်းသော စကားလုံးများကို သုံးစွဲနေသည်။ သူက ဒီပုပ်ရဟန်းမင်းကြီးကို သူနဲ့ စကားပြောစေချင်တာလား?
သူက အဲဒါနဲ့ ထိုက်တန်လို့လား?
【စုယန်: အဖွဲ့ထဲက အားလုံးပဲ မင်္ဂလာပါ! ဒီအဖွဲ့ထဲမှာ စုစည်းနိုင်တာက ရှားပါးတဲ့ ကံကြမ္မာတစ်ခုပါ။】
【စုယန်: ဒီကံကြမ္မာကို ကောင်းကင်ဘုံက စီစဉ်ပေးခဲ့တာလို့ ကျွန်တော် ယုံကြည်တယ်။ ကျွန်တော်တို့ အားလုံးက နီးကပ်ပြီး ရင်းနှီးတဲ့ သူငယ်ချင်းတွေ ဖြစ်လာကြမှာပါ။ အထီးကျန်တဲ့ ညတိုင်းမှာ ဒါဟာ ကျွန်တော်တို့ရဲ့ ဝိညာဉ်အတွက် နားခိုရာ ဖြစ်လာမှာပါ။】
【စုယန်: အားလုံးပဲ အပြင်ထွက်ပြီး နှုတ်ဆက်ပေးကြပါဦး၊ တစ်ယောက်နဲ့တစ်ယောက် သိကျွမ်းအောင် လုပ်ကြရအောင်!】
ဘီဘီဒုန်းသည် သူမလက်ထဲက ကျောက်စိမ်းမှန်ကို ကြည့်လိုက်ရာ သူမ၏ မျက်နှာတွင် မနှစ်မြို့သည့် မျက်မှောင်ကြုတ်မှုတစ်ခု ပေါ်လာသည်။
ထူးဆန်းတဲ့ အဖွဲ့လိုက်ချတ်လား?
ထူးဆန်းတဲ့ ကျောက်စိမ်းမှန်လား?
ရိုင်းစိုင်းတဲ့ စုယန် လား?
"ဟက်!"
ဘီဘီဒုန်းသည် မထီမဲ့မြင်ပြုကာ ရယ်လိုက်သည်။ "ဒီလူတွေက ဒီ နေရာမှာ ငါနဲ့မိတ်ဆွေဖြစ်ဖို့ ထိုက်တန်တယ်လို့ မင်းတို့ ထင်နေတာလား?"
"နီးကပ်ပြီး ရင်းနှီးဖို့?"
"ဝိညာဉ်အတွက် နားခိုရာ?"
ဘီဘီဒုန်းသည် စိတ်ကူးလိုက်သည်နှင့် ကျောက်စိမ်းမှန်မှာ ပြောင်းလဲသွားပြီး သူမရှေ့တွင် စာသားတစ်ခု ပေါ်လာသည်။
【ကျေးဇူးပြု၍ သင်၏ အဖွဲ့လိုက် အမည်ပြောင်ကို ရိုက်ထည့်ပါ။】
【ဘီဘီတုန်.】
ဘီဘီတုန်သည် "အဖွဲ့လိုက် အမည်ပြောင်" ဆိုသည်မှာ ဘာကို ဆိုလိုသည်ကို နားလည်နိုင်သော်လည်း သူမသည် ဝိညာဉ်ခန်းမ၏ ပုပ်ရဟန်းမင်းကြီးနှင့် ရက်ရှာဆာ နတ်ဘုရား၏ အရိုက်အရာကို ဆက်ခံသူ ဖြစ်သည်။သူမ၏ စွမ်းအားမှာ လည်းပြိုင်ဘက်ကင်းေပသည်။ သူမသည် အမည်ပြောင်တစ်ခုခုကို စဉ်းစားရန်ပင် ပျင်းရိပြီး အထင်လည်း သေးနေသည်။
သူမ မသိလိုက်တာကတော့
ဘီဘီတုန်းသည် ဒီဆုံးဖြတ်ချက်အတွက် အချိန်အတော်ကြာအောင် နောင်တရလိမ့်မည် ဆိုသည့်အချက်ပင်။
【ဘီဘီတုန်း: ဒီလိုထူးဆန်းတဲ့ ဝိညာဉ်ကိရိယာကို ပို့ပေးနိုင်တဲ့အတွက် ဝမ်းသာပါတယ်၊ ဒါပေမဲ့ မင်းရဲ့ သဘောထားကိုတော့ ငါမကြိုက်ဘူး။】
【ဘီဘီတုန်: ဒီပုပ်ရဟန်းမင်းကြီး နဲ့ မိတ်ဆွေဖြစ်ဖို့ မင်းတို့မှာ ဘယ်လိုစွမ်းအားမျိုး ရှိတယ်လို့ ထင်နေတာလဲ?】
ဒီအချိန်တွင်၊ ဘီဘီဒုန်းကဲ့သို့ပင် အဖွဲ့လိုက်ချတ် ကျောက်စိမ်းမှန် ရုတ်တရက် ပေါ်လာ၍ ရှုပ်ထွေးနေကြသည့် တခြားအဖွဲ့ဝင် ရှစ်ဦး ရှိေသးနေသည်။ သူတို့သည် ဒီစုယန် ဆိုသူ ဘာလုပ်ချင်နေတာလဲဟု တွေးတောနေကြသည်
ထိုနောက်
သူတို့သည် ဘီဘီဒုန်း၏ စာကို မြင်လိုက်ရပြီး၊ လူတိုင်းသည် အလွန်ပင် ထိန့်လန့်တုန်လှုပ်သွားခဲ့ကြသည်။
ဝိညာဉ်ခန်းမရဲ့ ပုပ်ရဟန်းမင်းကြီး ဘီဘီဒုန်း?
ကောင်းကင်ဘုံ။
ဒါ တကယ့်အဖြစ်အပျက်လား?
ကောင်းကင်ဒို မြို့တော်။
အိမ်ရှေ့စံမင်းသားရဲ့ နန်းတော်။
ညဉ့်နက်သန်းခေါင် ဖြစ်နေပြီ။ ချန်ရန်ရွှယ် သည် သူမ၏ ရွှယ်ချင်းဟဲ" အသွင်ကို ဖယ်ရှားကာ သူမ၏ နတ်သမီးကဲ့သို့ လှပပြီး မိစ္ဆာကဲ့သို့ ဆွဲဆောင်မှုရှိသော ခန္ဓာကိုယ်ကို ပြန်လည်ရယူလိုက်သည်။
သူမ၏ မိခင် ဘီဘီဒုန်းနှင့် နှိုင်းယှဉ်ပါက၊ ချန်ရန်ရွှယ် ၏ ခန္ဓာကိုယ်မှာ ပိုမိုနူးညံ့သိမ်မွေ့ပြီး၊ မျက်နှာပုံစံမှာ ပိုမိုေချာေမွ့ပြေပြစ်ကာ သူမ၏ စရိုက်မှာ မှိုင်းညို့မှု နည်းပါးပြီး သန့်ရှင်းမြင့်မြတ်သော အရည်အသွေး ပိုများပြားသည်။
ဒီအချိန်တွင် ချန်ရန်ရွှယ် သည် အဖြူရောင် ညအိပ်ဝတ်ရုံကို ဝတ်ဆင်ကာ ကုတင်ခေါင်းရင်း၌ ထိုင်နေပြီး သူမ၏ ရွှေရောင်ဆံပင်ရှည်များမှာ နောက်ကျောဘက်သို့ လွတ်လပ်စွာ ဖြာကျနေသည်။
ကျောက်စိမ်းမှန်ကို ရရှိပြီးနောက်၊ သူမသည် အသုံးပြုရန် အမည်ပြောင်တစ်ခု သတ်မှတ်ရန် ပြင်နေခဲ့သည်။ မူလက သူမသည်လည်း သူမ၏ အမည်ကို တိုက်ရိုက်ထည့်သွင်းရန် ပြင်ထားခဲ့သည်။
သို့သော် အဖွဲ့ထဲတွင် ဘီဘီဒုန်း၏ အမည် ပေါ်လာသည်ကို ချက်ချင်းမြင်လိုက်ရသဖြင့် သူမသည် ချက်ချင်း ဘရိတ်အုပ်လိုက်ပြီး သူမ၏ အမည်ကို ပြောင်းလဲလိုက်သည်။
【ခန်..】
【ငါက မိဘမဲ့တစ်ယောက်။】
ချန်ရန်ရွှယ် သည် သူမ "ကျပန်း" ရွေးလိုက်သော အမည်ကို သုံးနိုင်သည်ကို မြင်လိုက်ရပြီး စိတ်အေးလက်အေး ဖြစ်သွားသည်။ ဒီအရာက ကိစ္စရပ်တွေကို ပိုပြီး စိတ်ဝင်စားစရာ ကောင်းသွားစေလိမ့်မည်။
【ငါက မိဘမဲ့တစ်ယောက်: ဟက်! ဝိညာဉ်ခန်းမရဲ့ ပုပ်ရဟန်းမင်းကြီး ဘီဘီတုန်တဲ့လား? မင်းကတော့ တကယ့်ကို ကြွားလုံးထုတ်တာပဲ။】
【ငါက မိဘမဲ့တစ်ယောက်: ငါသိသလောက် ဝိညာဉ်ခန်းမမှာ အကြီးအကဲခန်းမ လည်း ရှိသေးတယ် အဆင့်မြင့်ပုပ်ရဟန်းမင်း ချန်တောက်လျို က ဝိညာဉ်ခန်းမရဲ့ အစစ်အမှန် အရှင်သခင် မဟုတ်ဘူးလား?】
【ငါက မိဘမဲ့တစ်ယောက်: မင်း ဘီဘီတုန်က ချန် မိသားစုဝင်ထဲမှာ ရော ပါလို့လား?】
ချန်ရန်ရွှယ်ရဲ့ စာပေါ်လာသည်နှင့်၊ ဘီဘီဒုန်းရဲ့ အမည်ကြောင့် ကြောက်ရွံ့နေကြသည့် တခြားအဖွဲ့ဝင် ခုနစ်ဦးမှာ ရုတ်တရက် မျက်လုံးများ အရောင်တောက်လာသည်။
အစစ်အမှန် အမည်တွေကို သုံးစရာ မလိုဘူးပေါ့?
ကြိုက်တဲ့ အဖွဲ့လိုက် အမည်ပြောင်ကို ရွေးလို့ရတယ်ပေါ့?
ဒါဆိုရင်တော့ သူတို့ ဘာမှ စိုးရိမ်စရာ မလိုတော့ဘူး။
【မုန်လာဥစားရတာ ကြိုက်သူ: ဘီဘီတုန်၊ မင်းက မိန်းမဆိုးတစ်ယောက် မင်းက ကမ္ဘာပေါ်မှာ အဆိုးဆုံး မိန်းမပဲ မင်းကို ငါသတ်မယ်လို့ ကျိန်ဆိုလိုက်တယ်!】
【ခုနှစ်ပါးရတနာသမီးတော်လေး: ဘီဘီတုန်၊ မင်းက တကယ့်အစစ်လား ဒါမှမဟုတ် အတုလား?】
【အရိပ်ထဲက ကြောင်: မင်းတို့က ဘယ်သူတွေလဲ? ငါ့ကို ဘာလို့ ဒီအဖွဲ့လိုက်ချတ်ထဲ ဆွဲခေါ်လာတာလဲ?】
【ငါ့မျိုးရိုးနာမည်က ယု မဟုတ်ဘူး: ဘီဘီတုန်? ဝိညာဉ်ခန်းမက အဲဒီ အရုပ်ဆိုးတဲ့ အဘွားကြီးကို ပြောတာလား?】
【ယန်ဇီ က ငှက် မဟုတ်ဘူး: ယို ယို ယို! ဝိညာဉ်ခန်းမရဲ့ ပုပ်ရဟန်းမင်းကြီးက တကယ့်ကို အနိုင်ကျင့်တတ်တာပဲမင်းက အဲလောက်တောင် အစွမ်းထက်နေမှတော့ ဘီဘီတုန်ရေ၊ ဘာလို့ မိုးပေါ်ကိုပဲ ပျံမတက်သွားတာလဲ?】
ဘီဘီဒုန်း: မင်းတို့အားလုံးကို လျှို့ဝှက်ခန်းထဲမှာ ထည့်ပိတ်ထားတော့မယ်။