အခန်း ၉ မက်စ်၏ အစွမ်းပြသမှု

"မက်စ်!" မက်စ်ကို မြင်မြင်ချင်း ဝီလျံက သူ့ကို လက်ညှိုးထိုးပြီး အော်လိုက်သည်။ "ငါတို့ ဒီမှင်စာတွေကို တိုက်ခိုက်နေတုန်း မင်း တစ်ချိန်လုံး ဘယ်ရောက်နေတာလဲ"

မက်စ်က ပြုံးပြီး ရယ်မောလိုက်သည်။ "ငါ တခြားကိစ္စလေးတစ်ခုနဲ့ အလုပ်ရှုပ်နေလို့ပါ" ဟု ဝီလျံ၊ စီရှီးနှင့် ဟင်နရီတို့ကို ကြည့်ကာ ပြောလိုက်သည်။

"မင်းတို့ Level မြန်မြန်တက်အောင် Level 3 မှင်စာတွေ အများကြီး အမဲလိုက်ခဲ့ပုံရတယ်" ဟု သူက တစ်မျိုးကြီး ခံစားရသလို ပြောလိုက်သည်။ သူဆိုလျှင် Level 2 ရောက်ဖို့အတွက် Level 3 မှင်စာ‌ေမှာ်‌ေကျာက်တုံးသုံးခု၊ မရေမတွက်နိုင်သော Level 2မှင်စာ‌‌ေမှာ်‌ေကျာက်တံုးများအပြင် Level 4 မှင်စာ မေှာ်‌ေကျာက်တံုးတစ်ခုတောင် စုပ်ယူခဲ့ရသည် မဟုတ်ပါလား။

"မင်း ဘာတွေပြောနေတာလဲ" ဝီလျံက မက်စ်ကို ထူးဆန်းသလို ကြည့်ရင်း မျက်မှောင်ကြုတ်လိုက်သည်။ "ငါတို့က Level 1 ကနေ Level 2 တက်ဖို့အတွက် Level 2 မှင်စာ‌ေမှာ်‌ေကျာက်တံုးကိုပဲ သုံးခဲ့တာလေ"

မက်စ်၏ မျက်လုံးများ ပြူးသွားသည်။ "မင်းတို့ Level 3 မှင်စာ‌ေမှာ်‌ေကျာက်တံုများ မလိုဘူးလား" ဟု သူ အံ့ဩတကြီး မေးလိုက်သည်။ သူဆိုလျှင် သုံးခုတောင် လိုခဲ့သော်လည်း ထိုပမာဏကပင် မလုံလောက်ခဲ့ပေ။

"အမှန်ပဲ" ဟု စီရှီးကလည်း ဝင်ပြောသည်။ "ငါတို့ သုံးယောက်အပြင် တခြားသူတွေလည်း ရွာအဝင်ဝက ဂေါ်ဘလင်တွေကို ရှင်းထုတ်ပြီးတာနဲ့ Level 2 ဂေါ်ဘလင် ကိုးရ်တွေ သုံးပြီး Level 2 ရောက်သွားကြတာပဲ"

မက်စ်က မျက်မှောင်ကြုတ်လျက် ခေါင်းညိတ်လိုက်သည်။ တခြားသူတွေက Level 2 မေှာ်‌ေကျာက်တံုးနဲ့တင် အဆင်ပြေနေချိန်မှာ ဘာလို့ သူတစ်ယောက်တည်း Level 2 တက်ဖို့ ဒီလောက်များပြားပြီး အဆင့်မြင့်တဲ့ မေှာ်‌ေကျာက်တံုး (Core) တွေ လိုအပ်နေရသလဲဆိုတာ သူ နားမလည်နိုင် ဖြစ်နေသည်။

"အဲဒါတွေ ထားလိုက်ပါတော့" ဝီလျံက ယုံကြည်မှုအပြည့်ဖြင့် ပြုံးလိုက်သည်။ "မက်စ်၊ ငါ မင်းကို စိန်ခေါ်တယ်၊ ငါနဲ့ တစ်ယောက်ချင်း ယှဉ်ပြိုင်တိုက်ခိုက်ရအောင်"

စီရှီးနှင့် ဟင်နရီတို့က တစ်ယောက်ကိုတစ်ယောက် ကြည့်ကာ ဝီလျံ၏ စကားကြောင့် သက်ပြင်းချလိုက်ကြသည်။

မက်စ်က ထိုစိန်ခေါ်မှုကြောင့် ပခုံးလေး တွန့်သွားသည်။ "မင်း ငါ့ကို စိန်ခေါ်တာ ဘယ်နှစ်ကြိမ်ရှိပြီလဲ"

ဝီလျံ၏ နှုတ်ခမ်းများ တုန်ရီသွားသော်လည်း သူက သွားကြိတ်ကာ ပြန်ဖြေလိုက်သည်။ "ဒါနဲ့ဆို ၃၄၄ ကြိမ်ရှိပြီ"

"အဲဒီထဲမှာ မင်း ဘယ်နှစ်ကြိမ် နိုင်ဖူးလဲ" မက်စ်က လှောင်ပြုံး ပြုံးလိုက်သည်။

ဝီလျံ လက်သီးကို တင်းတင်းဆုပ်လိုက်သည်။ "တစ်ကြိမ်မှ မရှိသေးဘူး၊ ဒါပေမဲ့ ဒီတစ်ခါတော့ ငါ သေချာပေါက် နိုင်မှာပါ။ ငါ ယုံကြည်တယ်"

"မင်း အဲဒီစကား ပြောလွန်းလို့ ငါ့အတွက်တော့ ရိုးနေပြီ" မက်စ်က လက်ကာပြလိုက်သည်။ "မင်းရဲ့ ဇွဲကိုတော့ ငါ အသိအမှတ်ပြုပါတယ်လေ။ ဒီမှာရှိတဲ့ ဂေါ်ဘလင်တွေ အားလုံးကို ရှင်းထုတ်ပြီးရင် နောက်ဆုံးတစ်ကြိမ် စိန်ခေါ်ခွင့် ပေးမယ်"

"မင်း ကတိမမေ့နဲ့နော်" ဝီလျံက တည်တည်တံ့တံ့ ပြောလိုက်သည်။

"အေးပါ၊ အေးပါ၊ ငါ မှတ်ထားပါ့မယ်" မက်စ်က ပေါ့ပေါ့ပါးပါးပင် လက်ခါပြရင်း Level 2 မှင်စာများနှင့် တိုက်ခိုက်နေသော ကျောင်းသားအုပ်စုဆီသို့ လျှောက်သွားသည်။ သူ ခဏရပ်လိုက်ပြီး နှုတ်ခမ်းထောင့်တွင် အပြုံးတစ်ခု ဖြစ်ပေါ်လာသည်။ "ဒါပေမဲ့ အရင်ဆုံး ဒီရှုပ်ထွေးမှုတွေကို ငါ အဆုံးသတ်လိုက်ဦးမယ်"

သူက လျှပ်တစ်ပြက် တိုးဝင်ခြင်း စွမ်းရည်ကို အသက်သွင်းလိုက်ပြီး လူအုပ်ရှေ့တွင် ပေါ်လာသည်။ သူ ချက်ချင်း မတိုက်ခိုက်သေးပေ။ တိုက်ပွဲကို ခဏကြာ ကြည့်နေပြီးနောက် ပတ်ဝန်းကျင်ကို ဝေ့ဝဲကြည့်လိုက်သည်။ သူ၏ အကြည့်များက ရွာအလယ်ရှိ ထူးခြားသော အဆောက်အအုံတစ်ခုပေါ်သို့ ကျရောက်သွားသည်။

၎င်းသည် ၁၀ ပေခန့် ရှည်လျားပြီး Level 3 မှင်စာမှော်ဆရာ လေးယောက်က စောင့်ကြပ်နေသည်။ သူတို့သည် ရွာအတွင်း တိုက်ပွဲများ ပြင်းထန်နေသော်လည်း တိုက်ပွဲထဲ မဝင်ဘဲ ကင်းစောင့်နေကြခြင်း ဖြစ်သည်။

'ဒါက ကောင်းမှာပဲ' ဟု သူတွေးလိုက်ပြီး အဆောက်အအုံဆီသို့ ပြေးသွားကာ ၎င်းရှေ့တွင် ပေါ်လာသည်။

"သေလိုက်တော့!"

တောက်ပသော ဓားများကို ကိုင်ဆောင်ကာ သူ့ထံ ပြေးဝင်လာသော Level 3 မှင်စာလေးကောင်ထံသို့ မှော်ကျည်ဆန် သုံးခုစာ စွမ်းအားစီ ပါဝင်သော ကျည်ဆန်လေးတောင့်ကို ပစ်လွှတ်လိုက်သည်။

ဒိုင်း! ဒိုင်း! ဒိုင်း! ဒိုင်း!

ကျည်ဆန်လေးတောင့်က မှင်စာ‌ေကာင်များကို ထိမှန်သွားပြီး သူတို့၏ ဦးခေါင်းများ ပေါက်ကွဲထွက်သွားသည်။

'ကောင်းပြီ' မက်စ်က ပြုံးလျက် အဆောက်အအုံ အပေါ်ဆုံးသို့ တက်သွားသည်။ ထိုနေရာမှနေ၍ သူသည် စစ်မြေပြင်ကို အကဲခတ်ပြီး ဂေါ်ဘလင်များကို အသည်းအသန် တိုက်ခိုက်နေရသည့် ကျောင်းသားများကို ကြည့်လိုက်သည်။

'အခုတော့ ဒါတွေကို ရှင်းထုတ်ရမယ့် အချိန်ပဲ' ဟု သူက ပြုံးလျက် တွေးလိုက်ပြီး သုံးဖက်မြင် ခန္ဓာကိုယ် စွမ်းရည်ကို အသက်သွင်းကာ မှော်ကျည်ဆန်များကို မရပ်မနား ပစ်ခတ်တော့သည်။ အခု သူ Level 2 ရောက်သွားပြီဖြစ်၍ သူ၏ မှော်စွမ်းအင် ပမာဏမှာ မှော်ကျည်ဆန် ၁၀၀ ကို ဆက်တိုက် ပစ်ခတ်နိုင်လောက်အောင် မြင့်မားနေပြီဖြစ်ရာ သူက ထိုအတိုင်း လုပ်ဆောင်ရန် ရည်ရွယ်ထားသည်။

"သူ ဘာလုပ်နေတာလဲ။ အပေါ်ကနေ မှင်စာတွေကို သတ်ဖို့ ကြံနေတာလား" ဟု မက်စ် မှော်ကျည်ဆန်များ ပစ်ခတ်နေသည်ကို ကြည့်ကာ ဟင်နရီက ရေရွတ်လိုက်သည်။

ဝီလျံက ထိုမြင်ကွင်းကို ကြည့်ကာ မျက်မှောင်ကြုတ်လိုက်သည်။ "သူ့ရဲ့ ကျည်ဆန်တွေက ဂေါ်ဘလင်တွေကိုပဲ ထိမယ်လို့ သူက အဲဒီလောက်တောင် ယုံကြည်မှု ရှိနေတာလား"

"နောက်စက္ကန့်ပိုင်းအတွင်း ငါတို့ သိရမှာပေါ့" ဟု စီရှီးက မက်စ်ကို ကြည့်ရင်း တည်ငြိမ်စွာ ပြောလိုက်သည်။ ခဏအကြာတွင် သူတို့၏ မျက်နှာများမှာ အံ့အားသင့်မှုများဖြင့် ပြည့်နှက်သွားသည်။

မက်စ်ထံမှ မှော်ကျည်ဆန်များ တရစပ် ထွက်ပေါ်လာပြီး လေထုထဲတွင် တိကျပြတ်သားစွာ ပျံသန်းသွားသည်ကို သူတို့ အံ့ဩတကြီး ကြည့်နေမိကြသည်။ တောက်ပနေသော ကျည်ဆန်များမှာ တစ်ခုပြီးတစ်ခု ထွက်ပေါ်လာကာ ဂေါ်ဘလင်များ မတုံ့ပြန်နိုင်ခင်မှာပင် တိကျစွာ ထိမှန်သေဆုံးသွားစေသည်။

"ဒါ ဘယ်လိုဖြစ်နိုင်မှာလဲ" ဝီလျံ လက်သီးကို တင်းတင်းဆုပ်ကာ မြင်ကွင်းကို ကြည့်နေမိသည်။ ဂူဗိမာန်ထဲ ရောက်ပြီးနောက် သူတို့ကြားက ကွာဟချက်မှာ ပို၍ပင် ကြီးမားလာသည်ကို သူ မယုံကြည်နိုင် ဖြစ်နေသည်။ သူ၏ ရှုံးနိမ့်မှုမှတ်တမ်းကို ဒီနေရာမှာ အဆုံးသတ်နိုင်မယ်ဟု သူ ထင်ခဲ့သော်လည်း ယခုတော့ သူ မှားသွားပြီဆိုသည်မှာ ထင်ရှားနေသည်။

"တောက်... ငါက ဒီလောက်အထိ အစွမ်းထက်တဲ့ မကောင်းဆိူးဝါး တစ်ကောင်နောက်ကို တစ်ချိန်လုံး လိုက်နေမိတာပဲ" သူ သက်ပြင်းချကာ သူ၏ ရှုံးနိမ့်မှုကို တိတ်တဆိတ် လက်ခံလိုက်သည်။

စစ်မြေပြင်အထက်မှ ကောင်းကင်ယံမှာ တောက်ပသော အပြာရောင် အလင်းတန်းများဖြင့် သက်ဝင်လှုပ်ရှားလာသည်။ အပြာရောင် အလင်းတုန်ခါမှုများမှာ မုန်တိုင်းတစ်ခုသဖွယ် ဆင်းသက်လာပြီး တိကျမှု အပြည့်ဖြင့် မှင်စာများကို တစ်ကောင်ပြီးတစ်ကောင် ခုတ်ထစ်သွားသည်။

မိနစ်ပိုင်းအတွင်းမှာပင် စစ်မြေပြင်မှာ ဂေါ်ဘလင် အလောင်းများဖြင့် ပြည့်နှက်ကာ တိတ်ဆိတ်သွားသည်။ ထို့နောက် သတိပေးချက်မရှိဘဲ စူးရှသော အနီရောင်အလင်းတန်းတစ်ခုမှာ လေထုကိုပင် တုန်ခါသွားစေလောက်သော ပြင်းအားဖြင့် စစ်မြေပြင်ကို ဖြတ်ကျော်ကာ လျှပ်တစ်ပြက် ဝင်းလက်လာသည်။ ထိုအလင်းရောင်မှာ ထူးဆန်းသော စွမ်းအင်များကို ထုတ်လွှတ်နေပြီး လဲကျနေသော မှင်စာများပေါ်သို့ ကြောက်မက်ဖွယ် အရိပ်အယောင်များကို ဖြတ်သန်းသွားစေသည်။

သို့သော် ထိုအနီရောင်အလင်းမှာ ပေါ်လာသကဲ့သို့ပင် ရုတ်တရက် မှိန်ဖျော့ ပျောက်ကွယ်သွားပြီး စိတ်မသက်မသာ ဖြစ်ဖွယ် ကောင်းသော ငြိမ်သက်ခြင်းကို ချန်ရစ်ခဲ့သည်။

"ပြီးသွားပြီ" စွမ်းရည်တစ်ခုတည်းနှင့် မှင်စာအားလုံးကို သတ်လိုက်နိုင်သည်ကို မြင်သောအခါ မက်စ် ပြုံးလိုက်သည်။ သူ ကျေနပ်သွားကာ အောက်သို့ ခုန်ဆင်းလိုက်ပြီး သူ စောစောက သတ်ခဲ့သော Level 3 မှင်စာလေးကောင်ထံမှ ပစ္စည်းများကို သိမ်းဆည်းလိုက်သည်။

"တောက်... မက်စ်၊ မင်းက ငါ အိပ်မက်ထဲမှာတောင် မထင်ထားလောက်အောင် ပိုပိုပြီး သန်မာလာတာပဲ" ဟု စီရှီး၊ ဟင်နရီတို့နှင့်အတူ ဝီလျံက အနားသို့ လာရင်း ပြောလိုက်သည်။

မက်စ်က ပြုံးရုံသာ ပြုံးပြပြီး မေးလိုက်သည်။ "ဒီမှာ Level 3 မှင်စာတွေ ထပ်ရှိသေးလား" ဘော့စ် အခန်းကို မသွားခင် သူ Level 3 ရောက်ချင်နေသည်။ တစ်ခုခုကြောင့် ယခုအချိန်တွင် သူ့ကို Level တက်အောင် ကူညီနိုင်သည်မှာ Level 3 မှင်စာ‌ေကျာက်တံုးများသာ ဖြစ်လိမ့်မည်ဟု သူ ခံစားနေရသည်။

"ငါတို့လည်း မသိဘူး" စီရှီးက စစ်မြေပြင်ကို ကြည့်ကာ ပြန်ဖြေသည်။ "ငါတို့ ဒီကိုလာတုန်းကတော့ Level 3 မှင်စာစုစုပေါင်း ၁၀ ကောင် ရှိတယ်၊ ဒါပေမဲ့ မင်း အခု သတ်လိုက်တဲ့ ကောင်တွေတော့ မပါဘူးပေါ့"

"ဒီလောက်ပဲလား" မက်စ် မျက်မှောင်ကြုတ်လိုက်သည်။ "ဘော့စ်က Level 5 မကောင်းဆိူး၀ါး ဖြစ်ရမှာမလား။ အဲဒါဆိုရင် ဂူဗိမာန်ထဲမှာ Level 3 မှင်စာတွေ အများကြီး ရှိနေသင့်တာ"

"မင်းပြောတာ မှန်တယ်" ဝီလျံ၏ ပခုံးများ တွန့်ကျသွားသည်။ "ငါတို့ ကံမကောင်းလို့ ဒီတစ်ခါ Level 5 ဂူဗိမာန်နဲ့ တိုးတာပဲ။ Level 4 ဘော့စ်ကို သတ်ဖို့တောင် အတော်ခက်တာ၊ Level 5 ဘော့စ်ဆိုရင်တော့ ပြောနေစရာတောင် မလိုတော့ဘူး"

'Level 5 ဘော့စ်က တကယ်တော့ ပြဿနာကြီးပဲ၊ ဒါပေမဲ့ ငါ့အတွက်တော့ မဟုတ်ဘူး' ဟု မက်စ် တွေးလိုက်သော်လည်း အပြင်ထုတ်မပြောခဲ့ပေ။ သူသည် Level 2 မေှာ်‌ေကျာက်တံုးအားလုံးကို စုပ်ယူလိုက်လျှင် Level 3 ရောက်ဖို့ လုံလောက်ပါ့မလားဟု တွေးတောရင်း စစ်မြေပြင်ကို ကြည့်လိုက်သည်။

"ဒါနဲ့၊ နဗင် ကိုရော မြင်ကြသေးလား" မက်စ်က သူတို့ သုံးယောက်ကို မေးလိုက်သည်။

"သူ့ကိုလား" ဝီလျံ၊ စီရှီးနှင့် ဟင်နရီတို့က တစ်ယောက်ကိုတစ်ယောက် ကြည့်ကာ ခေါင်းခါလိုက်ကြသည်။ "ငါတို့ ဂူဗိမာန်ထဲမှာ နဗင် ကလွဲလို့ ငါတို့ အကယ်ဒမီက ကျောင်းသား အားလုံးနီးပါးကို တွေ့ပြီးပြီ"