အခန်း ၈ - အနည်းငယ် လေ့ကျင့်ခြင်းနှင့် အခြားသူများနှင့် တွေ့ဆုံခြင်း
[လျှပ်တစ်ပြက် တိုးဝင်ခြင်း] – အဆင့် : [အခြေခံ] – Level: 0 – ဖော်ပြချက် : အသုံးပြုသူ၏ အရှိန်ကို ခဏတာ မြှင့်တင်ပေးပြီး ရန်သူနှင့် အကွာအဝေးကို လျှော့ချရန် သို့မဟုတ် တိုက်ခိုက်မှုများကို ရှောင်တိမ်းရန်အတွက် အသုံးပြုနိုင်သည့် တိုက်ရိုက်တိုးဝင်သော စွမ်းရည်တစ်ခု ဖြစ်သည်။ တိုက်ပွဲအတွင်း လျင်မြန်သော လှုပ်ရှားမှုများကို လိုလားသည့် အတွေ့အကြုံသစ်များအတွက် အထူးသင့်တော်ပါသည်။
---
"ဒါဆို ဒါက လှုပ်ရှားမှု အမျိုးအစား စွမ်းရည်ပေါ့။"
မက်စ် သက်ပြင်းတစ်ချက် ချလိုက်မိသည်။ ဤဂူဗိမာန်သည် အဆင့်မရှိတဲ့ ဂူဗိမာန် တစ်ခု ဖြစ်သောကြောင့် အခြေခံ စွမ်းရည်များနှင့် ပစ္စည်းများထက် ပိုကောင်းသည်များ ရှိလိမ့်မည်မဟုတ်မှန်း သူသိထားသော်လည်း၊ လျှို့ဝှက်အခန်းထဲတွင်ပင် လှုပ်ရှားမှုအမျိုးအစား အခြေခံ စွမ်းရည်တစ်ခုသာ ရှိနေခြင်းကြောင့် သူ အနည်းငယ် စိတ်ပျက်သွားမိသည်။
"ဘာမှမရှိတာထက်တော့ ပိုကောင်းပါတယ်လေ။"
သူသည် ကျမ်းလိပ်ကို ဖြန့်လိုက်ပြီး ၎င်းပေါ်သို့ လက်တင်လိုက်သည်။ စွမ်းရည် ကျမ်းလိပ်သည် အပြာရောင်အလင်းတန်းများ တောက်ပလာပြီးနောက် ထိုအရောင်အတိုင်းပင် ပျောက်ကွယ်သွားတော့သည်။
[မက်စ် ဗွိုက်ဝေါလ်ကာ အနေဖြင့် 'လျှပ်တစ်ပြက် တိုးဝင်ခြင်း' စွမ်းရည်အား ရရှိခဲ့သည့်အတွက် ဂုဏ်ယူပါသည်။]
"သူ့ရဲ့ အရှိန်က ဘယ်လောက်တောင် မြန်မလဲ ကြည့်ကြသေးတာပေါ့..." မက်စ် တွေးတောရင်း စွမ်းရည်ကို အသက်သွင်းလိုက်သည်။
ရှူးခနဲ!
သူ၏ ပုံရိပ်မှာ ဝေဝါးသွားပြီး မူလနေရာမှ ပျောက်ကွယ်သွားကာ ခန်းမ၏ ဆန့်ကျင်ဘက် အစွန်းရှိ စားပွဲများရှေ့တွင် ပြန်လည် ပေါ်လာသည်။
"ဒါ တကယ်ကောင်းတာပဲ!" မက်စ် စိတ်ကျေနပ်သွားသည်။ ထိုအရှိန်မှာ ရန်သူကို အလစ်အငိုက်မိစေရန်နှင့် အကွာအဝေးကို လျင်မြန်စွာ လျှော့ချရန် လုံလောက်ပေသည်။
"ဒီစွမ်းရည်က တော်တော်လေး ကောင်းတယ်၊ ဒါပေမဲ့ ဒါကို အကောင်းဆုံး အသုံးချနိုင်ဖို့ဆိုရင် ငါ့ရဲ့ အခြေခံ ဓားသိုင်း ကို အနည်းဆုံး level 10 အထိ မြှင့်ဖို့ လိုမယ်။ အဲဒီကျမှသာ ငါက အနီးကပ်တိုက်ပွဲမှာ အနိုင်မရနိုင်သူ ဖြစ်လာမှာ။"
သူသည် သူ၏ သုံးဖက်မြင် ခန္ဓာကိုယ်၊ လျှပ်တစ်ပြက် တိုးဝင်ခြင်း နှင့် အခြေခံ ဓားသိုင်း တို့ကို အသုံးပြုကာ အနီးကပ် တိုက်ပွဲတစ်ခုတွင် မည်သည့်ရန်သူကိုမဆို ဖိနှိပ်တိုက်ခိုက်နေသည့် မြင်ကွင်းကို စိတ်ကူးကြည့်ရင်း သူ့ဘာသာ ရေရွတ်လိုက်သည်။
"ကောင်းပြီ၊ ငါ လေ့ကျင့်တာ စသင့်ပြီ။" မက်စ် မြေပြင်ပေါ်တွင် တင်ပလ္လင်ခွေ ထိုင်လိုက်ပြီး မျက်လုံးများကို မှိတ်လိုက်သည်။ ဤလျှို့ဝှက်အခန်းမှာ ဂူဗိမာန်တစ်ခုလုံးတွင် မည်သူမှ လာရောက် မနှောင့်ယှက်နိုင်သည့် အလုံခြုံဆုံးနေရာ ဖြစ်လိမ့်မည်ဟု သူ ယုံကြည်သည်။
သူသည် အချိန်နယ်ပယ် စွမ်းရည်ကို အသက်သွင်းလိုက်ရာ တံခါးမှ ဖြတ်သွားစရာ မလိုဘဲ အချိန်နယ်ပယ် ထဲသို့ တိုက်ရိုက် ရောက်ရှိသွားသည်။ "ရှယ်ပဲ၊ ကဲ... အခြေခံ ဓားသိုင်း ကို စပြီး လေ့ကျင့်ကြစို့။"
---
လေးနာရီခန့် ကုန်ဆုံးသွားပြီးနောက် မက်စ် မျက်လုံးများကို ဖွင့်လိုက်သည်။
သူသည် မတ်တပ်ရပ်လိုက်ပြီး သူ၏ အခြေခံ ဓားသိုင်း စွမ်းရည် အခြေအနေကို စစ်ဆေးကြည့်ရာ ကျေနပ်အားရသည့် ပြုံးရွှင်သော အမူအရာမှာ သူ၏ မျက်နှာထက်တွင် အထင်းသား ပေါ်လွင်နေသည်။
---
[အခြေခံ ဓားသိုင်း] – အဆင့် : [အခြေခံ] – Level: 20 – ဖော်ပြချက် : အတွေ့အကြုံသစ်များအား သင်ကြားပေးသော အရိုးရှင်းဆုံးနှင့် အသုံးအများဆုံး ဓားသိုင်း ဖြစ်သည်။ ၎င်းသည် ပုံစံ၊ ဟန်ချက်နှင့် အချိန်ကိုက်မှုတို့ကို အလေးထားကာ ဓားသိုင်း၏ အခြေခံ နည်းစနစ်များကို ကျွမ်းကျင်အောင် အဓိကထား လေ့ကျင့်ပေးသည်။
---
"ဒါ တကယ်ကောင်းတယ်! တစ်နှစ်လောက် ပိုကြာသွားပေမဲ့ အခြေခံ ဓားသိုင်း ကို level 20 အထိ ကျွမ်းကျင်အောင် ငါ လုပ်နိုင်ခဲ့ပြီ။" မက်စ် ရလဒ်ကို ကြည့်ပြီး ပြုံးလိုက်သည်။ တစ်စုံတစ်ရာသော အကြောင်းပြချက်ကြောင့် အခြေခံ ဓားသိုင်း ကို ကျွမ်းကျင်အောင် လေ့ကျင့်ရခြင်းမှာ မှော်ကျည်ဆန် စွမ်းရည်ကို လေ့ကျင့်ရသည်ထက် အဆပေါင်းများစွာ ပိုလွယ်ကူနေသလို ခံစားရသော်လည်း သူ အများကြီး ထည့်မတွေးတော့ပေ။
"ငါ ဒီစွမ်းရည်ကို အရင်က လေ့ကျင့်ဖူးသလိုမျိုး ခံစားနေရတယ်..." အချိန်နယ်ပယ် ထဲတွင် လေးနှစ်တိုင်တိုင် အခြေခံ ဓားသိုင်း ကို လေ့ကျင့်နေစဉ်အတွင်း ခံစားခဲ့ရသည့် ထူးဆန်းသော ခံစားချက်ကို သူ ဖော်ပြ၍ မရနိုင်ပေ။ သူသည် ယခင်က မလေ့ကျင့်ဖူးသော်လည်း ဤစွမ်းရည်နှင့် အလွန် ရင်းနှီးကျွမ်းဝင်နေသကဲ့သို့ ခံစားခဲ့ရခြင်း ဖြစ်သည်။
"ဒါ ကောင်းတဲ့ အချက်ပဲလေ၊ ငါ ညည်းညူနေစရာ မလိုပါဘူး။" မက်စ် တွေးတောလိုက်သည်။
ထို့နောက် သူသည် ပြန်ထိုင်လိုက်ပြီး ယခုအချိန်အထိ သူ စုဆောင်းထားသည့် အူဒိုင်မှော်ကျောက်တူံး(Core) အားလုံးကို စုပ်ယူလိုက်သည်။ အတန်ကြာပြီးနောက် သူ၏ မြင်ကွင်းထဲတွင် အသိပေးချက်တစ်ခု ပေါ်လာသည်။
[မက်စ် ဗွိုက်ဝေါလ်ကာ အနေဖြင့် အတွေ့အကြုံသစ် အဆင့် Level 2 သို့ တက်လှမ်းနိုင်ခဲ့သည့်အတွက် ဂုဏ်ယူပါသည်။]
သို့သော် ထိုအသိပေးချက်ကို မြင်လိုက်ရသောအခါ သူ လုံးဝ မပျော်ရွှင်နိုင်ခဲ့ပေ။ သူ့တွင် Level 3 မှင်စာကျောက်တုံးများ သုံးခု၊ Level 4 မှင်စာကျောက်တုံး တစ်ခု နှင့် Level 2 မှင်စာကျောက်တုံးများ အများအပြား ရှိနေသော်လည်း ၎င်းတို့အားလုံးကို စုပ်ယူပြီးနောက်တွင် သူ၏ Level မှာ တစ်ခုသာ တိုးလာခဲ့သောကြောင့် ဖြစ်သည်။
"စာအုပ်တွေထဲမှာ ရေးထားသလိုပဲ၊ သန်မာလာလေလေ Level တက်ဖို့ ခက်ခဲလာလေလေပဲ။" သူသည် သူဝင်လာခဲ့သည့် တံခါးဘက်သို့ အကြည့်ကို လွှဲလိုက်ရင်း တွေးလိုက်သည်။
"ခေါင်းဆောင်ဘော့စ် ကို သတ်ပြီး ဂူဗိမာန်ထဲက ထွက်ရမယ့်အချိန် ရောက်ပြီ။" သူသည် တစ်ကိုယ်တည်း ရေရွတ်ရင်း လျှို့ဝှက်အခန်းထဲမှ ထွက်လာခဲ့သည်။
---
မက်စ် လျှို့ဝှက်အခန်းထဲမှ ထွက်လာချိန်တွင် မြင်လိုက်ရသည်မှာ ပရမ်းပတာ ဖြစ်ရပ်များပင် ဖြစ်သည်။ မှင်စာတွေသည် သူ၏ အကယ်ဒမီ မှ ကျောင်းသားများနှင့် စစ်ခင်းနေကြသည်။ Level 2 မှင်စာတွေကိုတော့ မကြာသေးမီကမှ Level 1 သို့ ခွန်အားမြှင့်တင်ထားသည့် ကျောင်းသားများက ကိုင်တွယ်နေကြသည်။ မက်စ် လေ့လာကြည့်ရာ ယခင်က သူမြင်တွေ့ခဲ့ရသည့်အတိုင်း တိုက်ခိုက်နေသူများထဲတွင် Level 1 ကျောင်းသား အများအပြား ပါဝင်နေသည်ကို သတိပြုမိသည်။
"ဟင်? ကျောင်းသားတွေက တိုက်ခိုက်ဖို့အတွက် ဝင်ပေါက်နှစ်ဖက်လုံးမှာ စုနေကြတာပဲ။" မက်စ် လေ့လာကြည့်မိပြီး ဤကဲ့သို့သော အစီအစဉ်ကို စဉ်းစားနိုင်သည့် စီရှီး ကို ချီးကျူးလိုက်မိသည်။ ၎င်းကြောင့် ရွာထဲရှိ ကျောင်းသားအရေအတွက်မှာ မှင်စာတွေ အားလုံး ပေါင်းထားသည်ထက်ပင် ပိုများနေသည်။
"ဓားသွားကကွက်!"
ထိုစဉ် ရင်းနှီးနေသော အော်ဟစ်သံတစ်ခု မက်စ်၏ နားထဲသို့ ရောက်လာသည်။ သူ ထိုအသံလာရာဘက်သို့ လှည့်ကြည့်လိုက်ရာ ရွှေရောင်ဆံပင်ဖျော့ဖျော့နှင့် ကောင်လေးတစ်ယောက်မှာ သူ၏ ဓားကို
Level 3 မှင်စာတစ်ကောင်ထံသို့ တစ်ချက်ပြီးတစ်ချက် ပိုမိုပြင်းထန်စွာ ဆက်တိုက် ထိုးနှက်နေသည်ကို တွေ့လိုက်ရသည်။
မက်စ်၏ အမြင်တွင် ဝီလျံ ၏ ဓားမှ ထွက်ပေါ်လာသော ဓားရိပ်များသည် Level 3 မှင်စာကို တစ်ခုပြီးတစ်ခု ထိမှန်နေသည်ကိုသာ မြင်ရသည်။
Level 3 မှင်စာ သည် ဝီလျံ ၏ မရပ်မနား တိုက်ခိုက်မှုများကြောင့် နောက်သို့ ဆုတ်သွားရပြီး ၎င်း၏ ခန္ဓာကိုယ်ပေါ်တွင်လည်း နက်ရှိုင်းသော ဒဏ်ရာများ ပေါ်လာသည်။ သို့သော် ထိုမျှသာ ဖြစ်သည်—သူ၏ တိုက်ခိုက်မှုများသည် မှင်စာကို အပြတ်အသတ် အနိုင်ယူနိုင်လောက်သည့် ဒဏ်ရာမျိုး မပေးနိုင်ခဲ့ပေ။
"တောက်... ဒီ Level 3 မှင်စာတွေက သတ်ရတာ တော်တော် ခက်တာပဲ။" ဝီလျံ က စိတ်ပျက်လက်ပျက် ပြောရင်း နောက်သို့ ဆုတ်လိုက်သည်။
"စိတ်မပူပါနဲ့၊ ငါတို့ ပူးပေါင်းရင် ဒါကို အလွယ်တကူ သတ်နိုင်မှာပါ။" ဆံပင်ညိုရောင်နှင့် အမျိုးသမီးငယ်တစ်ဦး ဝီလျံ ၏ ဘေးတွင် ရှေ့သို့ လှမ်းတက်လာသည်။ သူမ၏ စူးရှသော မီးခိုးရောင် မျက်ဝန်းများသည် ထက်မြက်မှုကို ဖော်ပြနေပြီး သူမ၏ လှုပ်ရှားမှုများမှာ နူးညံ့သော်လည်း တည်ငြိမ်သော ယုံကြည်မှုကို ပေးစွမ်းနေသည်။
"သူ့ကို ချုပ်ထားလိုက်။" ဝီလျံ က ခေါင်းညိတ်ရင်း ပြောလိုက်သည်။
စီရှီး က ခေါင်းညိတ်ပြီး သူမ၏ လက်များကို ထူးဆန်းသော ပုံစံဖြင့် လှုပ်ရှားလိုက်သည်။
"ဂီးစ်းးး!"
ထိုစဉ် Level 3 မှင်စာ ၏ အောက် မြေပြင်မှ ဦးခေါင်းခွံနှင့် အရိုးစု ကိုယ်ထည်ရှိသော ဝိညာဉ် သို့မဟုတ် သရဲသဏ္ဍာန် ပုံရိပ်တစ်ခု ပေါ်ထွက်လာပြီး ၎င်း၏ လက်နှင့် ခြေထောက်များကို တင်းကျပ်စွာ ချုပ်နှောင်ကာ လှုပ်ရှား၍မရအောင် ပြုလုပ်လိုက်သည်။
"အဆုံးသတ်ရမယ့် အချိန်ပဲ။" ဝီလျံ သည် လျှပ်တစ်ပြက် တိုးဝင်ခြင်း စွမ်းရည်ကို အသုံးပြုကာ စီရှီး နှင့် သူမ၏ ဝိညာဉ်က ချုပ်နှောင်ထားသော Level 3 မှင်စာရှေ့သို့ ချက်ချင်း ရောက်ရှိသွားသည်။
"ကာကွယ်မှုချိုးဖျက်ခြင်း!"
သူသည် သူ၏ အပြင်းထန်ဆုံး စွမ်းရည်ကို အသုံးပြု၍ ဓားကို ရှေ့သို့ ထိုးလိုက်ရာ ဓားသွားမှာ စင်ကြယ်သော ရွှေရောင်အလင်းတန်းများ တောက်ပလာသည်။
ဘုန်း!
ရွှေရောင်ဓားသည် လှုပ်ရှား၍မရသော မှင်စာကို ထိမှန်သွားပြီး ၎င်း၏ နှလုံးသားကို ဖောက်ထွက်ကာ ကျောဘက်မှ ပြန်ပေါ်လာသည်။ စိမ်းဖန်ဖန် သွေးများသည် ဝီလျံ ၏ မျက်နှာနှင့် ခန္ဓာကိုယ်ပေါ်သို့ ပန်းထွက်သွားသော်လည်း သူသည် မျက်တောင်တစ်ချက် မခတ်ဘဲ တည်ငြိမ်စွာ ရပ်နေခဲ့သည်။
စက္ကန့်အနည်းငယ် ကြာပြီးနောက် မှင်စာ၏ အလောင်းမှာ ပျောက်ကွယ်သွားပြီး မြေပြင်ပေါ်တွင် ပစ္စည်းအချို့ ကျန်ရစ်ခဲ့သည်။
"ဟေ့လူတွေ... ဒီမှာ လာကူကြပါဦး!" အရေးပေါ် အော်ဟစ်သံတစ်ခုမှာ ဝီလျံ နှင့် စီရှီး တို့၏ နားထဲသို့ ရောက်ရှိလာသည်။
"ဟင်နရီ!" သူတို့နှစ်ဦး တစ်ဦးကိုတစ်ဦး ကြည့်လိုက်ပြီး အသံလာရာဘက်သို့ ချက်ချင်း လှည့်ကြည့်လိုက်ရာ၊ ဟင်နရီ သည် သူ၏ ကိုယ်ထည်ထက် နှစ်ဆခန့် ကြီးမားသော ဒိုင်းလွှားကြီးဖြင့် Level 3 မှင်စာသုံးကောင်ကို တစ်ယောက်တည်း ခုခံနေရသည်ကို တွေ့လိုက်ရသည်။
ထိုမြင်ကွင်းကို မြင်သည်နှင့် သူတို့သည် ဟင်နရီ ရှိရာသို့ ချက်ချင်း ပြေးသွားကြသည်။
သို့သော် သူတို့ ထိုနေရာသို့ မရောက်မီမှာပင် အလင်းတန်း သုံးခုမှာ ဟင်နရီ ဘက်သို့ ပျံသန်းသွားပြီး ခဏအကြာတွင်
ဟင်နရီ ခုခံနေသည့် မှင်စာသုံးကောင်မှာ မြေပြင်ပေါ်သို့ လဲကျသွားတော့သည်။
"သူတို့ သေသွားပြီလား?" သေးငယ်သော မျက်လုံးများရှိသည့် ဝဝကောင်လေး
ဟင်နရီ က Level 3 မှင်စာသုံးကောင်၏ ခေါင်းမပါသော အလောင်းများကို ကြည့်ပြီး အံ့အားသင့်သွားသည်။ "သေသွားပြီဟ!" သူ ထိုအရာကို မြင်လိုက်ရသောအခါ မသိစိတ်ဖြင့် အော်ဟစ်လိုက်မိသည်။
"သေသွားပြီ?" ဝီလျံ နှင့် စီရှီး တို့ နှစ်ဦးလုံး ဟင်နရီ ထံသို့ ရောက်ရှိလာပြီး ဂေါ်ဘလင် အလောင်းများမှာ အနီရောင်အလင်းတန်းများအဖြစ် မပျောက်ကွယ်မီ ခေါင်းမပါသော အလောင်းများကို တွေ့လိုက်ရသည်။
"ဘယ်သူက Level 3 မှင်စာတွေကို ဒီလောက် အလွယ်တကူ သတ်နိုင်တာလဲ?" ဂေါ်ဘလင်တွေ မသေဆုံးမီ အလင်းတန်း သုံးခုကိုသာ မြင်လိုက်ရသောကြောင့်
ဝီလျံ အံ့အားသင့်ကာ မျက်လုံးများ ပြူးသွားမိသည်။
"ဒါကများ..." စီရှီး သည် ဝီလျံ ကို သံသယဖြင့် ကြည့်လိုက်သည်။
ဝီလျံ အံကြိတ်လိုက်သော်လည်း ဤကဲ့သို့သော အလုပ်မျိုးကို လူတစ်ယောက်တည်းသာ လုပ်နိုင်သည်ကို သူ သိနေသည်။
"မက်စ်! ထွက်ခဲ့စမ်း!" ဝီလျံ ပတ်ဝန်းကျင်ကို ဝေ့ကြည့်ရင်း အော်လိုက်သည်။
"မက်စ်! ထွက်ခဲ့စမ်း!"
"မက်စ်! ထွက်ခဲ့စမ်း!"
သူ နောက်ထပ် နှစ်ကြိမ် ထပ်အော်သော်လည်း တုံ့ပြန်မှု မရှိသဖြင့် စတုတ္ထအကြိမ် အော်ရန် ပြင်လိုက်စဉ်မှာပင် လူရိပ်တစ်ခုမှာ သူ့ရှေ့၌ ပေါ်လာသည်။
"ပထမတစ်ခါတည်း ငါကြားပါတယ်။ အဲဒီလောက်ကြီး အော်နေစရာ မလိုဘူး" ဟု မက်စ် က ဝီလျံ ကို လှောင်ပြုံးဖြင့် ကြည့်ရင်း ပြောလိုက်လေသည်။