အခန်း (၇၃) အဆင့်သစ် အဆင့်သတ်မှတ်ချက်အတွင်းသို့ စတင်ဝင်ရောက်ခြင်း

သွန်းမိသားစု (Thorne Family)၊ အကြီးအကဲများခန်းမ။ မုတ်ဆိတ်ဗလဗွနှင့် ဝမ်းဗိုက်ရွှဲရွှဲရှိသော လူလတ်ပိုင်းအမျိုးသားတစ်ဦးသည် စစ်သည်တော်နယ်ပယ် (Battle Realm) အတွင်းမှ

မက်စ် (Max) ၏ လတ်တလောစွမ်းဆောင်မှုများကို ပြသနေသည့် ကိုယ်တိုင်ပုံဖော်မူဖြစ်သော မြင်ကွင်းများကိုကြည့်ကာ အားရပါးရပြုံးနေလေသည်။ "ဟားဟားဟား... ဒီကောင်လေးက သူ့အစ်မလိုပဲ သန်မာလာမှာကို ငါအမြဲသိနေတာ။ ဒါကြောင့်လည်း..." သူက အကျယ်ကြီးရယ်မောနေရာမှ ရုတ်တရက်ရပ်တန့်သွားပြီး "ဒါပေမဲ့ သူက တကယ့်ကို မကောင်းဆိုးဝါး သတ္တဝါတစ်ကောင်လိုပဲ" ဟု တိုးတိုးလေးရယ်မောလိုက်သည်။ "ဒါက ငါတို့ရဲ့ မဟာမိတ်ဖြစ်ဖို့ အရည်အချင်းရှိတယ်ဆိုတာကို ပြသတဲ့ သူ့ရဲ့နည်းလမ်းများလားလို့ ငါတွေးမိတယ်" ဟု သူက စဉ်းစားဟန်ဖြင့် ရေရွတ်လိုက်သည်။

ဓားအသုံးပြုသူဘလိတ်မိသားစု (Blade Family)ရှိ စက်ဝိုင်းပုံစံအခန်းတစ်ခုအတွင်း ငွေရောင်ဆံပင်နှင့် အမျိုးသားတစ်ဦးသည် ပြတင်းပေါက်မှတစ်ဆင့် မြို့တော်ကို လှမ်းကြည့်နေသည်။ "ဘာလုပ်ရမလဲဆိုတာ မင်းသိတယ်မဟုတ်လား" ဟု သူက စည်သံကဲ့သို့ နက်ရှိုင်းလှိုက်မောသော အသံဖြင့် ပြောလိုက်သည်။ ငွေရောင်ဆံပင်နှင့် လူငယ်တစ်ဦးက ခေါင်းညိတ်ပြလိုက်ပြီး "ကျွန်တော် သိပါတယ်" ဟု ဆိုကာ မည်သည့်ခံစားချက်မျှ မဖော်ပြသော မျက်နှာထားဖြင့် ခန်းမထဲမှ ထွက်ခွာသွားလေသည်။

တစ်ညတာအတွင်းမှာပင် မကောင်းဆိုးဝါးကဲ့သို့ ပါရမီရှင်တစ်ဦးအကြောင်း သတင်းသည် တောမီးပမာ ပျံ့နှံ့သွားပြီး ထိပ်သီးမိသားစုကြီး လေးစုနှင့် နာမည်ကျော် အဖွဲ့အစည်း (Guild) ငါးခု၏ နားထဲသို့ ရောက်ရှိသွားသည်။ မိမိထက် အဆင့် (Rank) များစွာမြင့်မားသော ပြိုင်ဘက်များကို အားစိုက်စရာမလိုဘဲ အနိုင်ယူနိုင်သည့် လူငယ်တစ်ဦး ပေါ်ထွက်လာခြင်းက သူတို့အကြား လှုပ်ခတ်သွားစေခဲ့သည်။

အစိမ်းရောင်စွမ်းအင်ရဲရင့်သူများအဖွဲ့အစည်း(Emerald Legion) နှင့် ရဲရင့်သောမှော်ဓါးရှင်များအဖွဲ့(Knights of Valor) ကဲ့သို့သော အရှေ့ပိုင်းဒေသတွင် ဩဇာကြီးမားသည့် အဖွဲ့အစည်းများသည် ချက်ချင်းပင် အထူးသတိပေးချက် ထုတ်ပြန်လိုက်ကြသည်။ ကင်းထောက်များကို အလျင်အမြန်စေလွှတ်၍ ထိုထူးချွန်ထက်မြက်သည့် လူငယ် မက်စ်မော်ဂန် နှင့် ပတ်သက်သော သတင်းအချက်အလက်မှန်သမျှကို စုဆောင်းခိုင်းကြသည်။ သူ၏တည်ရှိမှုသည် စစ်သည်တော်နယ်ပယ်အတွင်းမှ ပုံပြင်တစ်ပုဒ်သာမဟုတ်တော့ဘဲ အာဏာချိန်ခွင်လျှာကို ပြောင်းလဲနိုင်သည့် အလားအလာဖြစ်လာသောကြောင့် မည်သည့်အဖွဲ့အစည်းနှင့် မိသားစုကမျှ လျစ်လျူမရှုနိုင်တော့ပေ။ အမ်မာရယ်လ် လီဂျီယံအတွက် မေးခွန်းမှာ ထိုသူကို စည်းရုံးရမည်လား သို့မဟုတ် ဖယ်ရှားပစ်ရမည်လား ဆိုသည်ပင်။ ရဲရင့်သောမှော်ဓါးရှင်များအဖွဲ့(Knights of Valor) အတွက်မူ ၎င်းမှာ အသန်မာဆုံး မုဆိုး (Hunter) များ၏ အုပ်ထိန်းသူဆိုသည့် သူတို့၏ ဂုဏ်ပုဒ်ကို စိန်ခေါ်ခံရခြင်းဖြစ်သည်။ အဖွဲ့အစည်းအားလုံး၌ အတွေးတစ်ခုတည်း ပဲ့တင်ထပ်နေသည်မှာ "မက်စ်မော်ဂန်ဆိုတာ ဘယ်သူလဲ" ဟူ၍ ဖြစ်သည်။ မက်စ်မော်ဂန်၏ ထွက်ပေါ်လာမှုသည် စစ်သည်တော်နယ်ပယ်ကို ကမောက်ကမဖြစ်စေရုံသာမက အရှေ့ပိုင်းဒေသတစ်ခုလုံး၏ အာဏာတည်ဆောက်ပုံ အခြေခံအုတ်မြစ်ကိုပါ လှုပ်ခါသွားစေခဲ့သည်။

အဓိကအသိုင်းအဝိုင်း (Core Circle) ရှိ အဆောက်အအုံတစ်ခု၏ အထက်ကောင်းကင်ယံ တစ်နေရာတွင် ဖရိုဖရဲဖြစ်နေသော ဆံပင်အနက်ရောင်နှင့် ချောမောသောမျက်နှာရှိသည့် အမျိုးသားတစ်ဦးသည် သာမန်ဝတ်စုံကို ဝတ်ဆင်ကာ လေထဲတွင် လွင့်မျောခြင်း (Float) စွမ်းအင်ဖြင့် ရှိနေသည်။ သူသည် ညဖက်မြို့ပြအလှကို အပေါ်စီးမှ ကြည့်ရင်း ပြုံးလိုက်သည်။ "ဒါက အလယ်ပိုင်းနယ်မြေ (Middle Domain) ကို သွားတဲ့ ချိတ်ဆက်မှုအချက်ပဲ..." သူက ပတ်ဝန်းကျင်ကို စစ်ဆေးပြီးနောက် နောက်သို့လှည့်ကာ "ဒီနေရာမှာ ပျက်သုဉ်းခြင်းမျိုးစေ့ကို ချထားလိုက်တော့" ဟု အမိန့်ပေးလိုက်သည်။ သူ့နောက်ကွယ်ရှိ တောက်ပသော ဆံပင်အနီရောင်နှင့် ပတ္တမြားရောင် မျက်ဝန်းပိုင်ရှင် အမျိုးသမီးက ခေါင်းညိတ်ပြပြီး ပျောက်ကွယ်သွားသည်။ "တကယ့်ကို သာယာတဲ့နေရာလေးပဲ" ဟု ထိုလူက ပြုံးလျက် ပြောလိုက်သည်။

နောက်တစ်နေ့ နံနက်တွင် မက်စ်သည် သူ၏လေ့ကျင့်ရေးခန်းမထဲ၌ ရှိနေသည်။ 'ငါ နောက်ဆုံးတော့ မှော်ဆန်‌ေသာဓားကျည်ဆန် (Magic Sword Bullets) ကို level ၁၀၀ အထိ တတ်မြောက်သွားပြီ' ဟု သူက တွေးရင်း လက်ကို ရှေ့သို့ မြှောက်လိုက်သည်။ သူ၏လက်ပေါ်တွင် အပြာရောင်အလင်းတန်းများ စတင်တောက်ပလာပြီး စုစည်းသိပ်သည်းသွားကာ လက်ဖဝါးခန့်ရှိသော တောက်ပသည့် အပြာရောင်ဓားငယ်လေးတစ်ခု ဖြစ်ပေါ်လာသည်။ ၎င်းသည် သူ၏လက်ပေါ်တွင် ငြိမ်သက်စွာ ဝဲပျံနေသည်။ 'ဒီဓားငယ်လေးက အတားအဆီးကို ကျော်လွှားသူ (Limitbreaker) အဆင့်ရှိတဲ့ မှော်ကျည်ဆန် (Magic Bullet) တစ်ခုနဲ့ ယှဉ်ရင် ဘယ်လောက်တောင် သန်မာမလဲ' ဟု မက်စ်က စဉ်းစားရင်း အခြားလက်တစ်ဖက်ကိုလည်း အလင်းပေးကာ ကျည်ဆန်အရွယ်အစားရှိသော တောက်ပသည့် လုံးဝန်းသောအလုံးလေးတစ်ခုကို ဖန်တီးလိုက်သည်။ ဓားနှင့် ကျည်ဆန် နှစ်ခုလုံးမှ ထွက်ပေါ်နေသော စွမ်းအင်များကို သူလေ့လာကြည့်ရာတွင် ဓားငယ်လေးက ကျည်ဆန်ထက် စွမ်းအင်များစွာ ပိုမိုထုတ်လွှတ်နေသည်ကို သတိပြုမိလိုက်သည်။ 'ပြီးတော့ ဒီဓားကိုဖန်တီးဖို့က ကျည်ဆန်ထက်စာရင် မန္တန်စွမ်းအင် (Mana) ပိုကုန်တာကိုလည်း ခံစားရတယ်' ဟု သူက ဆက်လက်စဉ်းစားသည်။ 'ကောင်းပြီ... အခြေအနေအရ ကြိုက်တာကို သုံးလို့ရတာပေါ့' ဟု မက်စ်က ဆုံးဖြတ်လိုက်ပြီး သူ၏စွမ်းရည်သစ်အားလုံးကို level ၁၀၀ အရင်ရောက်အောင် လုပ်ရန် စီစဉ်လိုက်သည်။ အတားအဆီးကို ကျော်လွှားသူ (Limitbreaker) နယ်ပယ်သို့ ရောက်ရှိရန်မှာ အချိန်အတန်ကြာ ဦးမည်ဖြစ်သဖြင့် သူသည် စိတ်ရှည်ရမည်ကို နားလည်ထားသည်။ စွမ်းရည်အသစ်တစ်ခုချင်းစီ level ၁၀၀ ရောက်ပြီးမှသာ သူသည် အတားအဆီးကိုကျော်လွှားသူအဆင့်သို့ တက်လှမ်းရန် ကြိုးစားမည်ဖြစ်သည်။

"ကဲ... ဒါဆို စစ်သည်တော်နယ်ပယ် (Battle Realm) ကို သွားကြစို့" ဟု မက်စ်က ရေရွတ်ရင်း စစ်သည်တော်ခန်းမ (Battle Hall) သို့ ထွက်လာခဲ့သည်။ လမ်းတွင် အဖွဲ့အစည်းဝင် အများအပြားက သူ့ကို သတိပြုမိကြသည်။ အချို့က တိုးတိုးတိတ်တိတ်ဖြင့် သူ့ကို လက်ညှိုးထိုးပြနေကြပြီး အချို့မှာမူ သူ့ကိုမြင်ရသဖြင့် အံ့အားသင့်နေကြသည်။ အများစုက သူ့ကို အထင်ကြီးအားကျသော မျက်နှာများဖြင့် ကြည့်နေကြသည်။ 'ဘာတွေဖြစ်ကုန်တာလဲ' ဟု မက်စ်က ပတ်ဝန်းကျင်က တုံ့ပြန်မှုများကိုကြည့်ကာ အံ့ဩနေမိသည်။ 'ငါက တစ်ညတည်းနဲ့ နာမည်ကြီးတစ်ယောက် ဖြစ်သွားသလို ခံစားနေရတယ်'။ ထိုအခြေအနေကို လျစ်လျူရှုကာ သူသည် စစ်သည်တော်နယ်ပယ်သို့ အလျင်အမြန် သွားခဲ့ရာ တစ်စုံတစ်ယောက်ကို လိုက်ရှာနေသော အဲလစ် ကို တွေ့လိုက်ရသည်။ သူမသည် သူ့ကိုမြင်သည်နှင့် ဝမ်းသာအားရဖြင့် ချက်ချင်းလျှောက်လာသည်။ "မက်စ်! မင်း တကယ်ကို စွမ်းတာပဲ။ ၅၁ ပွဲဆက်တိုက် အနိုင်ရဖို့ဆိုတာ မလွယ်ဘူးလေ၊ ဒါပေမဲ့ မင်း လုပ်နိုင်ခဲ့ပြီ!" ဟု သူမက ချီးကျူးစကား ဆိုလိုက်သည်။

မက်စ်က ပြုံးလျက် ခေါင်းညိတ်ပြကာ "ငါက အဆင့်သစ် (Novice Rank) မှာ နံပါတ်တစ်လို့ ခေါ်တဲ့လူနဲ့ တိုက်ချင်လို့ ငါလုပ်သင့်တာကို လုပ်ခဲ့တာပါ" ဟု ပြောပြီး "ဒါနဲ့ ငါ့မှာ စစ်သည်တော်ဒင်္ဂါး (Battle Coins) ၉၀၀၀ လောက်ရှိပြီ။ အဆင့်သတ်မှတ်ချက် (Rankings) ထဲဝင်ဖို့ နောက်ထပ် ဘယ်လောက်လိုဦးမလဲ" ဟု မေးလိုက်သည်။

"ဒင်္ဂါးတွေ အများကြီး ဘယ်လိုရတာလဲ" မက်စ်၏စကားကြောင့် အဲလစ်၏ မျက်လုံးများ အံ့ဩကာ ဝိုင်းစက်သွားသော်လည်း ချက်ချင်းပင် သဘောပေါက်သွားသည်။ "ဪ... မဖြေနဲ့တော့၊ ငါနားလည်ပြီ။ ကိုယ့်ထက် အဆင့်မြင့်တဲ့သူကို အနိုင်ယူလို့ရတဲ့ အပိုဆုဒင်္ဂါးတွေကြောင့်ပဲ" ဟု သူမက နားလည်သွားသော်လည်း ၅၁ ပွဲတည်းနှင့် ထိုမျှအထိ ရယူနိုင်သည့် မက်စ်ကို အံ့ဩနေဆဲဖြစ်သည်။ စစ်သည်တော်နယ်ပယ်တွင် တစ်ပွဲရှုံးတိုင်း မိမိဒင်္ဂါးစုစုပေါင်း၏ ၁၀ ရာခိုင်နှုန်း ဆုံးရှုံးရလေ့ရှိရာ ကမ္ဘာတစ်ဝန်းရှိ မုဆိုးများအတွက် ဒင်္ဂါးစုဆောင်းရန် အလွန်ခက်ခဲလှသည်။ သို့သော် တစ်ခါမျှ မရှုံးဖူးသူအတွက်မူ ဇာတ်လမ်းက တခြားစီပင်။

"မင်းရဲ့ စစ်သည်တော်ဒင်္ဂါးက ၁၀,၀၀၀ ကျော်သွားတာနဲ့ စစ်သည်တော်နယ်ပယ်ရဲ့ အဆင့်သစ် (Novice) ထိပ်သီး အယောက် ၂၀ စာရင်းထဲကို အလိုအလျောက် ဝင်သွားလိမ့်မယ်" ဟု အဲလစ်က ပြောသည်။ "ဪ..." ထိပ်သီး ၂၀ ထဲဝင်ရန် လွယ်ကူလှသည်ဟု မက်စ်က တွေးမိကာ "အဲဒါဆို ငါလည်း ထိပ်သီး ၂၀ ထဲ ဝင်နိုင်တော့မှာပေါ့" ဟု ဆိုသည်။ အဲလစ်က ခေါင်းညိတ်ပြုံးရယ်ရင်း "ငါလည်း တစ်လအတွင်း အဲဒီထဲဝင်မှာပါ" ဟု ဂုဏ်ယူစွာ ပြောလိုက်သည်။

"အင်း... ကောင်းတာပေါ့" ဟု မက်စ်က ပြုံးလျက်ပြောသည်။ ထိုစဉ် အဲလစ်၏ မျက်နှာက ရုတ်တရက် အလွန်တည်ကြည်သွားပြီး "အစ်မကြီး ဆိုဖီယာ (Sophia) ဆီက သတိပေးချက်တစ်ခုရှိတယ်၊ မင်းရဲ့တိုက်ပွဲတွေကို တိုက်ရိုက်ထုတ်လွှင့် (Livestream) မလုပ်ဖို့ သူက မှာလိုက်တယ်။ မဟုတ်ရင် မင်းရဲ့တိုက်ပွဲတွေက စစ်သည်တော်နယ်ပယ်ရဲ့ လိုင်းတိုင်းမှာ ပြန့်သွားလိမ့်မယ်" ဟု ပြောသည်။ မက်စ်က နားလည်ကြောင်း ခေါင်းညိတ်လိုက်သည်။ အမှန်အတိုင်းပြောရလျှင် သူသည်လည်း သူ၏တိုက်ပွဲများကို တိုက်ရိုက်ထုတ်လွှင့်ရန် အစီအစဉ်မရှိပေ—တစ်ပွဲမှလွဲ၍ပေါ့။ သူက အဲလစ်ကို "တစ်ပွဲတည်းဆိုရင်ကော ဘယ်လိုလဲ။ အဆင့်သစ် (Novice Rank) မှာ နံပါတ်တစ် ဖြစ်တဲ့သူနဲ့ တိုက်တဲ့ပွဲလေ" ဟု မေးလိုက်သည်။ မက်စ်သည် ကီလီယန် ဘလိတ် (Killian Blade) ကို အနိုင်ယူရုံသာမက ထိုတိုက်ပွဲမှတစ်ဆင့် သူနှင့် ဓားအသုံးပြုသူဘလိတ်မိသားစု (Blade family) တစ်ခုလုံးကို အရှက်ခွဲလိုခြင်း ဖြစ်သည်။ သူ့ကို သတ်၍မရမှန်း သိသဖြင့် ကီလီယန်နှင့် တိုက်ပွဲကို တိုက်ရိုက်လွှင့်ပြခြင်းဖြင့်သာ သူ၏ရည်ရွယ်ချက်ကို အကောင်းဆုံး အကောင်အထည်ဖော်နိုင်မည်ဖြစ်သည်။

"အစ်မကြီးက အဲဒီလို တိုက်ပွဲတစ်ခုကိုတော့ ထုတ်လွှင့်ဖို့ ခွင့်ပြုမှာပါ" ဟု အဲလစ်က နားလည်စွာ ပြုံးလျက်ပြောသည်။ "ကဲ... သွားကြရအောင်။ ငါလည်း ဒီနေ့ စစ်သည်တော်ဒင်္ဂါးတွေ စုဦးမယ်" ဟု ဆိုကာ သူမက စစ်သည်တော်ခန်းမထဲသို့ ဝင်သွားသည်။ မက်စ်သည်လည်း လမ်းတစ်လျှောက် သူ့ကိုကြည့်နေသည့် ထူးဆန်းသော အကြည့်များကို ရှောင်လွှဲကာ သူမနောက်မှ အမြန်လိုက်သွားလေသည်။ စစ်သည်တော်နယ်ပယ် ကုဗတုံး (Battle Cube) ရှေ့သို့ ရောက်သောအခါ မက်စ်သည် လူအများ၏ အာရုံစိုက်မှုကို အလွန်ရရှိနေသဖြင့် ခန်းမထဲရှိ လူတိုင်းက သူ့ကို ဝိုင်းအုံကြည့်နေသကဲ့သို့ ဖြစ်နေသည်။

"အရမ်း နာမည်ကြီးသွားရင်လည်း ဒီလိုပါပဲ" ဟု ဝိုင်းအုံနေသော လူအုပ်ကြီးကို ကြည့်နေသည့် မက်စ်ကို အဲလစ်က စနောက်လိုက်သည်။ အခြေအနေကို ကြည့်ပြီး မက်စ်သည် စစ်သည်တော်ကုဗတုံးထဲသို့ အမြန်ဝင်သွားလိုက်သည်။ "အတွင်းထဲမှာ တွေ့ကြတာပေါ့" ဟု ပြောကာ သူသည် ထိုနေရာမှ ပျောက်ကွယ်သွားသည်။ "ဟီးဟီး" အဲလစ်သည်လည်း ခပ်တိုးတိုးရယ်မောကာ စစ်သည်တော်နယ်ပယ်အတွင်းသို့ ဝင်ရောက်သွားလေတော့သည်။