အခန်း (၁၁၂၃) - ဝိညာဉ်စစ်ဆေးရေးဌာန

"မနေ့က ကျောင်းအုပ်ကြီးယန် (ယန်ရှောက်ကျဲ့) ကိုယ်တိုင် ကျွန်တော့်ဆီ လာပြီးတော့... မင်းတို့ ရှရက်ခ်မြို့တော်ကို ပြန်ရောက်ရင် ခေတ္တခဏ ရှောင်တိမ်းပြီး စောင့်ဆိုင်းနေဖို့ ပြောခဲ့တယ်" အဖွဲ့ခေါင်းဆောင်သည် လူအနည်းငယ်ကို လှည့်ပတ်ကြည့်ရှုလိုက်သော်လည်း ဆရာဖြစ်သူ၏ အရိပ်အယောင်ကို မတွေ့ရသဖြင့် "ဒုက္ခလာရှာတဲ့ အခြားအကယ်ဒမီကျောင်းတွေကို ထားလိုက်ပါဦး... ဝိညာဉ်စစ်ဆေးရေးဌာနက လူတွေက တကယ့်ကို ဒုက္ခပေးလွန်းတယ်" ဟု ဆိုသည်။

လူတိုင်း တိတ်ဆိတ်သွားကြသည်။

"သိုင်းဝိညာဉ်စစ်ဆေးရေးဌာန... အဲဒါကို ဆရာ ပြောပြဖူးလို့ ငါ ကြားဖူးတယ်" ဟဲချိုက်ထိုးက တိုးတက်သောလေသံဖြင့် "ဒါက ဗဟိုဝိညာဉ်နန်းတော်ရဲ့ တိုက်ရိုက်ကွပ်ကဲမှုအောက်မှာရှိတဲ့ အမြင့်ဆုံး ဥပဒေစိုးမိုးရေးအဖွဲ့အစည်းပဲ။ အဲဒီထဲမှာရှိတဲ့ ဝိညာဉ်ဆရာသခင်တွေအားလုံးက အနည်းဆုံး ဝိညာဉ်ဧကရာဇ်အဆင့်ကနေ စတာ၊ ပြီးတော့ လူတိုင်းက အသန်မာဆုံးတွေထဲက အသန်မာဆုံးတွေပဲ။ ပြည်ထောင်စုထဲမှာ သူတို့ရဲ့ အဆင့်အတန်းက လူတိုင်း ကြောက်ရတဲ့ အမျိုးအစားပဲ။ မည်သည့် မိသားစု၊ မည်သည့် အကယ်ဒမီကျောင်းမှလည်း ဒီစစ်ဆေးရေးဌာနက လူတွေ ပေါ်လာတာကို မမြင်ချင်ကြဘူး..." သူသည် အနည်းငယ် သိရှိထားခြင်း ဖြစ်သည်။

ကျန်ရှိသည့် လူများမှာမူ ဆွံ့အသွားကြပြီး ဘာမျှမသိရှိကြချေ။

"ဒါက ဘယ်လိုလုပ် ဖြစ်နိုင်မှာလဲ!" ဝမ်တုန်းက ဒေါသတကြီး ပြောလိုက်သည်။ "ဝိညာဉ်စာချုပ်သခင်က လမ်းလွဲမိစ္ဆာဝါဒမှ မဟုတ်တာ! ငါ့အထင်တော့ အဲဒီအကယ်ဒမီကျောင်းတွေက တမင် ဒုက္ခလာရှာနေတာပဲ ဟုတ်လား။ ငါသာ ပြန်သွားလို့ကတော့..."

"ဟုတ်တယ်!" ရှောင်ရှောင်ကလည်း ဒေါသတကြီး ထောက်ခံလိုက်သည်။ "ဒါက ငါတို့ကို အကယ်ဒမီကိုတောင် ပေးမပြန်တော့ဘူးပေါ့ ဟုတ်လား"

"ဒါမှမဟုတ် စီနီယာအစ်မ ကျန်းရဲ့ စကားကို နားထောင်ကြမလား" ဟော်ယွီယောက် ခဏမျှ စဉ်းစားပြီးနောက် "အခြေအနေက အရမ်း ရှုပ်ထွေးနေတာ၊ ငါတို့ အကယ်ဒမီကျောင်းကို ပြန်သွားရင် ပိုပြီး ဒုက္ခကြီးသွားလိမ့်မယ်။ အဲဒီအချိန်ကျရင် ဆရာ့အတွက်လည်း ဒုက္ခဖြစ်စေနိုင်တယ်။ ငါ့အထင်တော့ ဒါက ခဏတာ မုန်တိုင်းတစ်ခုပဲ၊ ရက်အနည်းငယ်လောက် ပုန်းနေပြီး သူတို့ ထွက်သွားတဲ့အထိ စောင့်လိုက်ရင် အဆင်ပြေသွားမှာပါ" ဟု ဆိုသည်။

"မင်းလေးကတော့ ဒီလိုအခြေအနေမျိုးမှာတောင် တည်တည်ငြိမ်ငြိမ် ပြောနိုင်သေးတယ်နော်" ဘေးနားရှိ မာရှောင်ထောက်က ဟော်ယွီယောက်ကို အံ့အားသင့်သည့် မျက်လုံးများဖြင့် ကြည့်လိုက်ပြီး "ယွီယောက် ပြောတာ မှန်တယ်။ မင်းတို့က ဒီဝိညာဉ်သားရဲတွေနဲ့ အသက်ဝိညာဉ်စာချုပ်ကို ချုပ်ဆိုခါစပဲ ရှိသေးတယ်၊ ဝိညာဉ်သားရဲတွေကို ခေါ်ပြီး အကယ်ဒမီကို ပြန်ရင် ဒုက္ခတွေ ပိုများလာလိမ့်မယ်။ အကယ်ဒမီကို မပြန်နဲ့ဦး။ ရက်အနည်းငယ်လောက် စောင့်ပြီးမှပဲ အခြေအနေကို ကြည့်ကြတာပေါ့" ပြောပြီးနောက် မာရှောင်ထောက်သည် ကျန်းလဲ့ရွှမ်းကို လှည့်ကြည့်ကာ "စီနီယာအစ်မကြီး ကျန်း... မမရော ဘယ်လိုထင်လဲ" ဟု မေးလိုက်သည်။

ကျန်းလဲ့ရွှမ်း တိတ်ဆိတ်နေခဲ့သည်။

ရှရက်ခ် အကယ်ဒမီသည် ကုန်းမြေပေါ်တွင် နံပါတ်တစ် အကယ်ဒမီအဖြစ် အမြဲတမ်း တည်ရှိနေခဲ့သော်လည်း ၎င်းနှင့် ယှဉ်ပြိုင်လိုသည့် အကယ်ဒမီကျောင်းများမှာလည်း အနည်းငယ်မျှ မဟုတ်ချေ။ ယနေ့ခေတ်ကာလတွင် အကယ်ဒမီကျောင်းမျိုးစုံသည် တစ်ခုပြီးတစ်ခု ပေါ်ပေါက်လာနေပြီး ပြိုင်ဆိုင်မှုများမှာ အမြဲတမ်း ပြင်းထန်လှသည်။

ကျန်းလဲ့ရွှမ်းအနေဖြင့် ဤသည်မှာ မည်သည့်အကယ်ဒမီကျောင်းများ၏ လက်ချက်ဖြစ်နိုင်သည်ကို အကြမ်းဖျင်း ခန့်မှန်းနိုင်သည်။ ရှရက်ခ် အကယ်ဒမီ၏ ဂုဏ်သတင်းကို တိုက်ခိုက်ရန်အတွက်၊ အဓိက ဝိညာဉ်သားရဲတောအုပ်များတွင် မိစ္ဆာဝိညာဉ်သားရဲများ၏ ဥများ ပေါက်ကွဲထွက်လာပြီး ဝိညာဉ်သားရဲများ၏ ခြိမ်းခြောက်မှု မြင့်တက်လာချိန်ကို အသုံးချခြင်း ဖြစ်သည်။ ယခုအခါ အဓိက ဝိညာဉ်သားရဲတောအုပ်များတွင် ထိုမိစ္ဆာဝိညာဉ်သားရဲများ၏ ဥများ ပေါက်ကွဲထွက်လာခဲ့သောကြောင့် ဝိညာဉ်သားရဲတစ်ကောင်သည် မိစ္ဆာဝိညာဉ်သားရဲ၏ ကူးစက်ခြင်းကို ခံရသည်နှင့်တစ်ပြိုင်နက် အထူးစစ်ပွဲတစ်ခု ဖြစ်ပွားရန် အလွန်နီးစပ်လှသဖြင့် အခြေအနေမှာ သဘာဝကျစွာပင် တင်းမာနေသည်။

ဤဝိညာဉ်စာချုပ်သခင်သည်လည်း ဝိညာဉ်သားရဲနှင့် လက်တွဲဖော်ဖြစ်ရန် လိုအပ်သဖြင့် ဝေဖန်တိုက်ခိုက်မှုများ၏ ပစ်မှတ်ဖြစ်လာရန် လွယ်ကူလှသည်။ မဟုတ်ပါက သိုင်းဝိညာဉ်စစ်ဆေးရေးအဖွဲ့သည် ဝင်ရောက်စွက်ဖက်လိမ့်မည် မဟုတ်ချေ။

"ဒါပေမဲ့ ဒီလိုလုပ်တာက ငါတို့ကို သူခိုးလူမိသလိုမျိုး ဖြစ်စေတယ်" ဝမ်တုန်းက နှုတ်ခမ်းစူကာ ပြောလိုက်သည်။ "ငါတို့ ပုန်းနေလိုက်ရင် ငါတို့ရင်ထဲမှာ တစ္ဆေရှိနေလို့ (မရိုးသားလို့) ဆိုပြီး သက်သေပြလိုက်သလို ဖြစ်မသွားဘူးလား။ သူတို့မျက်စိထဲမှာတော့ ဒါက ပိုပြီး လမ်းလွဲမိစ္ဆာဝါဒ ဖြစ်နေလို့ပဲ၊ မဟုတ်ရင် ဘာလို့ ပုန်းနေရမှာလဲ လို့ ထင်ကြလိမ့်မယ်"

လူတိုင်း မှင်တက်သွားကြသည်၊ ဤစကားက အဓိပ္ပာယ်ရှိလှပုံရသည်။

"ဟုတ်တယ်!" ရှောင်ရှောင်က လက်ကို ဆန့်ထုတ်လိုက်ရင်း "ငါပြောရရင်တော့ ငါတို့ အကယ်ဒမီကို ပြန်သွားပြီး ငါတို့က မိစ္ဆာမဟုတ်ကြောင်း သက်သေပြသင့်တယ်။ စစ်သည်လာရင် ခံစစ်ပြင်၊ ရေလာရင် မြေပိတ်မယ်၊ ငါတို့မှာ သန့်ရှင်းတဲ့ အသိစိတ်ရှိတာပဲ" ဟု ဆိုသည်။

မာရှောင်ထောက်သည် သူမ၏ မေးစေ့ကို ပွတ်သပ်လိုက်သည်။ ဤကလေးများ ပြောသည်က အဓိပ္ပာယ်ရှိသည်။ သူတို့သည် မိစ္ဆာမဟုတ်ပါဘဲ ဘာကြောင့် ပုန်းနေရမည်နည်း။ ဒါ့အပြင် အကယ်ဒမီကလည်း သေချာပေါက် သူတို့ဘက်မှာ ရှိနေမှာဖြစ်ပြီး ဂုဏ်သိက္ခာကြီးမားလှသည့် ရှရက်ခ် အကယ်ဒမီ၏ ကျောင်းသားများသည် ကြောက်ရွံ့နေရန် လိုအပ်သလော။ ထို့အပြင် သူတို့၏ ဝိညာဉ်သားရဲများသည်လည်း မိစ္ဆာဝိညာဉ်သားရဲများ မဟုတ်ကြရာ ဘာကို ကြောက်နေရမည်နည်း။

"အဓိပ္ပာယ်ရှိတယ်၊ ငါ ထောက်ခံတယ်!" ဟဲချိုက်ထိုးက ရယ်မောလိုက်သည်။ သို့သော် သူ၏လေသံမှာ တက်ကြွမှုများ ပြည့်နှက်နေပြီး "ဘာပဲဖြစ်ဖြစ် ငါတို့ရဲ့ ဝိညာဉ်သားရဲက မိစ္ဆာဝိညာဉ်သားရဲ မဟုတ်ဘူး!" ဟု ဆိုသည်။

ဟော်ယွီယောက်လည်း သဘောပေါက်သွားခဲ့သည်။ ဟုတ်သားပဲ၊ ဘာကို ကြောက်နေရမှာလဲ။

ဘေးနားရှိ အဖွဲ့ခေါင်းဆောင်သည် ခဏမျှ ကြောင်အသွားပြီးနောက် အကြိမ်အနည်းငယ် ရယ်မောကာ ပြောလိုက်သည်။ "ငါတို့ ရှရက်ခ် အကယ်ဒမီရဲ့ ကျောင်းသားပီသပါပေတယ်၊ တာဝန်ယူစိတ်ရှိတယ်၊ မာန်ရှိတယ်၊ ဘာကိုမှ မကြောက်ဘူး။ ဒီလိုဆိုမှတော့ ငါလည်း မင်းတို့ကို မတားတော့ဘူး။ ငါလည်း မင်းတို့နဲ့အတူ လိုက်ခဲ့မယ်" ပြောပြီးသည်နှင့် အဖွဲ့ခေါင်းဆောင်သည် လမ်းဖယ်ပေးလိုက်သည်။

ကျန်းလဲ့ရွှမ်း ခဏမျှ စဉ်းစားလိုက်သော်လည်း သူမ မတားဆီးခဲ့ချေ။ ဤကလေးများသည် ရှရက်ခ် အကယ်ဒမီသို့ ဝင်ရောက်ပြီးဖြစ်သဖြင့် ရွေးချယ်ပိုင်ခွင့် ရှိကြသည်။ ၎င်းမှာ သူတို့ကိုယ်တိုင်၏ ရွေးချယ်မှုသာ ဖြစ်သည်။

"ဒါဆိုရင် အကယ်ဒမီကို ပြန်ကြစို့" ကျန်းလဲ့ရွှမ်းက လူအနည်းငယ်ကို လှည့်ကြည့်ကာ "မင်းတို့ရဲ့ဆရာက နောက်မှ ပြန်လာလိမ့်မယ်၊ မင်းတို့အနေနဲ့ သူနဲ့ ရှရက်ခ် အကယ်ဒမီကို အရှက်မခွဲမိဖို့ မျှော်လင့်တယ်။ အကယ်ဒမီမှာ ရှိနေတဲ့လူတွေက မင်းတို့ ပြန်လာတာကို မြင်ရင် သေချာပေါက် တိုက်ခိုက်ကြလိမ့်မယ်။ မင်းတို့ရဲ့ ဝိညာဉ်သားရဲတွေကို ထိန်းသိမ်းထားနိုင်မလား ဆိုတာကတော့ မင်းတို့အပေါ်မှာပဲ မူတည်တယ်" ဟု ဆိုသည်။

ဟော်ယွီယောက်နှင့် အဖွဲ့သည် ထိုစကားကို ကြားရသောအခါ ချက်ချင်းပင် စိတ်ဓာတ်များ တက်ကြွလာခဲ့ကြသည်။ မိမိတို့၏ ဝိညာဉ်သားရဲများကို ခေါ်ဆောင်ကာ မြို့ထဲရှိ ရှရက်ခ် အကယ်ဒမီဆီသို့ ခန့်ညားထည်ဝါစွာဖြင့် လျှောက်လှမ်းသွားခဲ့ကြတော့သည်။

ရှရက်ခ် အကယ်ဒမီ...

လေပြေသည် အနည်းငယ် ခြောက်သွေ့အေးစက်နေသည်။ ယနေ့ ရာသီဥတုသည် နေရောင်ခြည် မရှိသော်လည်း လေပြေညင်းများ တိုက်ခတ်နေသဖြင့် လူကို ပို၍ ပူပြင်းခြောက်သွေ့စေသည်။

ရုပ်ထုများ၏ ရှေ့တွင်...

ယခုအချိန်တွင် မတူညီသော ဝတ်စုံနှစ်မျိုးကို ဝတ်ဆင်ထားသည့် လူနှစ်စုသည် ဤရုပ်ထုများ၏ ရှေ့တွင် အချင်းချင်း စိုက်ကြည့်နေကြသည်။

"ကျောင်းအုပ်ကြီးယန်... ကျွန်တော် ဒီနေရာကို မလာခဲ့တာ နှစ်ပေါင်းများစွာ ရှိပြီ ဖြစ်ပေမဲ့ ခင်ဗျားတို့က ဒီရုပ်ထုတွေကို အကောင်းအတိုင်း ထိန်းသိမ်းထားဆဲပဲလို့ မျှော်လင့်မထားခဲ့ဘူး" စကားပြောသူမှာ ဆံပင်ဖြူများနှင့် အဘိုးအိုတစ်ဦး ဖြစ်သည်။ သူသည် ခရမ်းရောင်ဝတ်ရုံကို ဝတ်ဆင်ထားပြီး မျက်နှာမှာ အိုမင်းရင့်ရော်နေသော်လည်း ၎င်း၏မျက်လုံးများမှာမူ ကြည်လင်တက်ကြွခြင်း၊ စွမ်းအင်များ ပြည့်နှက်ခြင်းတို့ဖြင့် ပြည့်စုံနေကာ သူ၏ခန္ဓာကိုယ်တစ်ခုလုံးတွင် မထင်မရှားသော ဝိညာဉ်စွမ်းအား လှိုင်းတံပိုးများ ရှိနေပြီး ၎င်းမှာ အလွန်ပင် ထိတ်လန့်ဖွယ်ကောင်းလှသည်။

ထိုအဘိုးအို၏ နောက်ကွယ်တွင် သက်လတ်ပိုင်းအရွယ် အမျိုးသားအချို့နှင့် လူငယ်၊ လူရွယ် အမျိုးသား၊ အမျိုးသမီးများ ရှိနေကြသည်။ သူတို့၏ မျက်နှာများမှာ တည်ငြိမ်နေသော်လည်း ၎င်းတို့၏ အမူအရာမှာ အနည်းငယ် မာနထောင်လွှားနေပုံရသည်။ ထိုရုပ်ထုများကို ကြည့်သည့်အခါမှသာ အနည်းငယ် ရိုသေလေးစားမှုကို ပြသခဲ့ကြသည်။

"ဒါကတော့ သဘာဝကျတာပေါ့" ယန်ရှောက်ကျဲ့က အဘိုးအိုကို ကြည့်လိုက်သည်။

"ပြောရမယ်ဆိုရင် ကျွန်တော်တို့ရဲ့ ခရမ်းရောင်ကြယ်စင်အကယ်ဒမီမှာလည်း ဂျီယီကိုင် ရဲ့ ရုပ်ထုတစ်ခု ရှိပါတယ်။ နှမြောစရာကောင်းတာက မင်းတို့ဆီမှာလို နတ်ဘုရားတစ်ပါး မရှိတာပါပဲ" အဘိုးအိုက အနည်းငယ် နှမြောတသဟန်ဖြင့် "အတိတ်တုန်းက ဂျီယီကိုင်ဟာ ကျွန်တော်တို့ ခရမ်းရောင်ကြယ် အကယ်ဒမီရဲ့ ကျောင်းသားအနေနဲ့ ကုန်းမြေကြီးရဲ့ ဝိညာဉ်ဆရာသခင် ထိပ်သီးပြိုင်ပွဲကို လူတစ်ယောက်တည်းနဲ့ အနိုင်ယူ ဖြတ်ကျော်ခဲ့တာ တကယ့်ကို ကောင်းမွန်တဲ့ သမိုင်းမှတ်တမ်းတစ်ခုပဲ။ လွန်ခဲ့တဲ့ နှစ်ပေါင်း တစ်သောင်းအတွင်းမှာ ဘယ်သူမှ အဲဒီအဆင့်အထိ မရောက်နိုင်ခဲ့ကြဘူး။ မင်းတို့ရဲ့ ရှရက်ခ် အကယ်ဒမီကတော့ ပါရမီရှင်တွေနဲ့ ပြည့်နှက်နေတာပဲ။ ၎င်းက ဂျီယီကိုင် အမှန်တကယ် တည်ရှိခဲ့တဲ့ အကယ်ဒမီကျောင်း ဖြစ်ပေမဲ့ ဂျီယီကိုင်ရဲ့ မာန်ကိုတော့ ဘယ်သူမှ အမွေမဆက်ခံနိုင်ခဲ့ကြဘူး။ ဒီလိုမျိုး ဇာတ်ကောင်တစ်ယောက် ဘယ်အချိန်မှာ ထပ်ပြီး ပေါ်လာဦးမလဲ မသိဘူးနော်" ဟု သက်ပြင်းချရင်း ပြောလိုက်သည်။

သရော်စာ သဘောမျိုးဖြင့် ပြောဆိုခြင်းတော့ မဟုတ်ချေ။

ယန်ရှောက်ကျဲ့က အကြိမ်အနည်းငယ် ရယ်မောကာ ပြောလိုက်သည်။ "ဒါကတော့ ခက်ခဲလိမ့်မယ်။ အခုအချိန်မှာ ထိပ်သီး ဝိညာဉ်ဆရာသခင် ပြိုင်ပွဲရဲ့ စည်းမျဉ်းတွေကို အစားထိုးလိုက်ပြီ၊ ကန့်သတ်ချက်များစွာကို ဖယ်ရှားလိုက်ပြီး ကစားကွက်ဖော်ဖို့ နေရာ ပိုများလာတယ်။ ဒါပေမဲ့ ဒါတောင်မှ ဘယ်သူမှ မလိုက်မီနိုင်ကြသေးဘူး။ အဆင့်မြင့် ဝိညာဉ်ဆရာသခင်တွေလည်း ပူးပေါင်းပါဝင်လာကြပြီး လူငယ်အဖွဲ့နဲ့ လူရွယ်အဖွဲ့ဆိုပြီး ခွဲခြားထားသလို၊ အထွတ်အထိပ် ဒိုလော် ကောင်းကင်ဘုရင်ပြိုင်ပွဲလည်း ရှိသေးတယ်"

"လူတစ်ယောက်တည်းနဲ့ ပြိုင်ပွဲတစ်ခုလုံးကို အနိုင်ယူဖို့ဆိုတာ လုံးဝ မဖြစ်နိုင်တော့ဘူး။ စည်းမျဉ်းတွေက မတူညီတော့ဘူး၊ ဒါပေမဲ့ သူတို့က အတူတူပဲ၊ အကယ်ဒမီကျောင်းနဲ့တော့ မသက်ဆိုင်ပါဘူး။ ကျောင်းအုပ်ကြီးချန်ရဲ့ စကားက အနည်းငယ် ဘက်လိုက်နေပုံရတယ်" ပြောပြီးနောက်တွင် ယန်ရှောက်ကျဲ့က ပြုံးလိုက်သည်။ သူ၏နောက်ကွယ်တွင်လည်း လူအနည်းငယ် ရှိနေသည်။

'ခရမ်းရောင်ကြယ် အကယ်ဒမီ... ဒီအဖိုးကြီးက ဘာလို့ ဒီကို ရောက်နေတာလဲ...' ချန်တွိုတွိုသည် စိတ်ထဲတွင် တီးတိုးရေရွတ်နေမိသည်။

ခရမ်းရောင်ကြယ် အကယ်ဒမီသည်လည်း ပြည်ထောင်စုအတွင်းရှိ ထိပ်တန်းအကယ်ဒမီကျောင်းများအနက် တစ်ခုဖြစ်သည်။ ယနေ့ခေတ် ပြည်ထောင်စုတွင် ကြီးမားသော စီမံခန့်ခွဲမှုဇုန် သုံးခု ရှိပြီး အကယ်ဒမီကျောင်းများမှာလည်း အပြည့်အစုံ ပွင့်လန်းနေကြသည်။ ရှရက်ခ် အကယ်ဒမီသည် ကုန်းမြေပေါ်တွင် တန်ဖိုးအရှိဆုံး ဖြစ်နေသော်လည်း...