အခန်း (၂၆) - လက်သီးတစ်ချက်တည်းဖြင့် အမှုန့်ဖြစ်စေခြင်း…

မျက်စိတစ်မှိတ်အတွင်းမှာပင်။

ထိုက်ချန်းလောကအတွင်းရှိ ယခင်က ဆူညံနေခဲ့သော လူသားမျိုးနွယ် ကျင့်ကြံသူများမှာ ရုတ်တရက် တိတ်ဆိတ်သွားကြပြီး၊ မရေမတွက်နိုင်သော မျက်လုံးများမှာ ချူယွမ်ထံသို့ ကျရောက်လာကြသည်။

မျက်လုံးသုံးလုံးမျိုးနွယ်စုနှင့် လူသားမျိုးနွယ်မှာ ရှေးယခင်ကတည်းက ရေနှင့်ဆီလို မတည့်ခဲ့ကြပေ။ 

အကယ်၍ နတ်ဘုရားသားတော် ချူယွမ်အနေဖြင့် ယနေ့ မျက်လုံးသုံးလုံးမျိုးနွယ်စု၏ ပါရမီရှင်နှစ်ဦးကို အနိုင်ယူနိုင်ခဲ့လျှင်၊ ၎င်းမှာ အမှန်တကယ်ပင် စိတ်လှုပ်ရှားကြည်နူးစရာ ဖြစ်ရပ်တစ်ခု ဖြစ်ပေလိမ့်မည်…

"အိုး" ထိုသတ်ဖြတ်လိုသော အငွေ့အသက်ကို ခံစားမိလိုက်သောအခါ တိဖော်ထျန်း၏ မျက်လုံးများတွင် လှောင်ပြောင်လိုသော အရိပ်အယောင်များ ပေါ်လာသည်။ 

သူ၏ နှုတ်ခမ်းထောင့်တွင် အေးစက်သော အပြုံးတစ်ခု ပေါ်လာပြီးနောက် ပြောလိုက်သည်  "မင်းက ငါ့ရဲ့ ကမ်းလှမ်းချက်ကို ငြင်းပယ်ဖို့ ရွေးချယ်လိုက်တာပေါ့ ဟုတ်လား"

ဘုန်း…တစ်ခဏချင်းအတွင်း ဟင်းလင်းပြင်နယ်မြေကြီးမှာ တုန်ခါသွားတော့သည်။ 

ထိုစကားများ ဆုံးသည်နှင့် သူ၏နောက်တွင် ရပ်နေသော တိအယ်သည် သူ၏အလိုကို ချက်ချင်း နားလည်လိုက်သည်…

လက်ဝါးတစ်ချက် ရိုက်ထုတ်လိုက်ရုံဖြင့် အရပ်မျက်နှာအနှံ့တွင် မိုးခြိမ်းသံများ ဟိန်းဟောက်လာကာ၊ အဆုံးမရှိသော ကပ်ဆိုးကြီး ဆင်းသက်လာသည့်အလား ချူယွမ်ထံသို့ ရူးသွပ်စွာ လွှမ်းခြုံလာတော့သည်…

ရှဲ…ထိုမုန်တိုင်းမှာ ပြင်းထန်သော လှိုင်းလုံးကြီးများအလား ဖြစ်နေပြီး ရေစက်တိုင်းမှာ တောင်တန်းများကို ဖျက်ဆီးနိုင်သည့် ကြောက်မက်ဖွယ် စွမ်းအားများ ပါဝင်နေပုံရသည်။ 

ဤနယ်ပယ်အတွင်းရှိ ဟင်းလင်းပြင်ကြီးမှာ တစ်ခဏချင်း လိမ်ရှုံ့သွားတော့သည်!

အဆုံးမရှိသော ခရမ်းရောင် လျှပ်စီးများမှာ ကောင်းကင်ယံထက်တွင် ပေါ်လာပြီး၊ ဟိန်းဟောက်နေသော မိုးကြိုးနဂါး ထောင်ပေါင်းများစွာအဖြစ် ပြောင်းလဲကာ ကောင်းကင်တစ်ခုလုံးကို ဝါးမျိုလိုက်တော့သည်…

တိအယ်သည် လှုပ်ရှားလိုက်သည်နှင့် မည်သည့်အရာကိုမျှ ချန်မထားဘဲ အကုန်ထုတ်သုံးလိုက်သည်…

သူသည် မသေမျိုးအဆင့် ပညာရပ်ဖြစ်သော "ကပ်ဆိုးမြှုပ်နှံခြင်း ချိပ်ပိတ်တံဆိပ်" ကို တိုက်ရိုက် ထုတ်ဖော်လိုက်ရာ၊ ကောင်းကင်နှင့် မြေကြီး၏ အဆုံးမဲ့ကပ်ဆိုးများ ပေါ်ပေါက်လာပြီး၊ နောက်ဆုံးတွင် နေမင်းကိုပင် ဖုံးကွယ်ကာ အောက်ရှိ အရာအားလုံးကို မြှုပ်နှံပစ်နိုင်သည့် တံဆိပ်တစ်ခုအဖြစ် စုစည်းသွားတော့သည်…

"ခုနစ်စက္ကန့်" သို့သော်လည်း ကမ္ဘာကြီးကို တုန်ခါစေမည့် ထိုသတ်ဖြတ်မှုကြီးနှင့် ရင်ဆိုင်နေရပါလျက် ချူယွမ်မှာ ယခင်အတိုင်းပင် တည်ငြိမ်အေးဆေးစွာဖြင့် တိုးတိုးလေး ရေရွတ်လိုက်သည်။

ထို့နောက် ချက်ချင်းဆိုသလိုပင် သူသည် လက်ချောင်းငါးချောင်းကို ကျစ်ကျစ်ပါအောင် ဆုပ်လိုက်ပြီး လက်သီးတစ်ချက်ကို အမှုမဲ့အမှတ်မဲ့ ပစ်သွင်းလိုက်တော့သည်..

သုံးဆယ့်သုံးဘုံ ကောင်းကင်ဘုံ ဖန်ဆင်းခြင်း နတ်ဘုရားလက်သီး…

မျက်စိတစ်မှိတ်အတွင်းမှာပင် ကွာစီ ဧကရာဇ် နောက်ဆုံးအဆင့်၏ စွမ်းအား အဆပေါင်း သုံးဆယ့်သုံးဆမှာ... အပြည့်အဝ ပေါက်ကွဲထွက်သွားတော့သည်…

ဘုန်း…ဟင်းလင်းပြင်နယ်မြေကြီး ပေါက်ကွဲသွားတော့သည်…အတိုင်းအဆမရှိသော ရွှေရောင်အလင်းတန်းများ ပွင့်ထွက်လာပြီး ကောင်းကင်ကိုးဘုံကို လင်းထိန်သွားစေသည်.. 

ဤလက်သီးချက်မှာ ကုဋေကုဋာမကသော ကြယ်တာရာများ ပေါက်ကွဲထွက်သွားသည့်အလား ဖြစ်နေပြီး၊ ပူပြင်းလှသော အပူရှိန်မှာ အရပ်မျက်နှာအနှံ့သို့ ပျံ့နှံ့သွားကာ လောကတစ်ခုလုံးကို အရည်ပျော်အောင် ဖျက်ဆီးပစ်တော့မည့်အလားပင်…

ရှဲ… ရှဲ…အောက်ဘက်တွင် မိုင်ပေါင်း သန်းချီရှည်လျားသော မြစ်ကြီးတစ်စင်းမှာ တိုက်ရိုက် အငွေ့ပျံသွားပြီး ၎င်းအတွင်းရှိ မရေမတွက်နိုင်သော မိစ္ဆာများမှာ တစ်ခဏချင်း သေဆုံးကုန်ကြသည်။

ချူယွမ်၏ အမှတ်များမှာ ဒုံးပျံတစ်စင်းအလား ရူးသွပ်စွာ ထိုးတက်သွားပြီး၊ နဂါးပုန်းစာရင်း၏ ဒုတိယနေရာသို့ ချက်ချင်း ရောက်ရှိသွားကာ ယန်နတ်ဘုရားမျိုးနွယ်၏ သူတော်စင်တစ် ယောက်သာ သူရှေ့တွင် ရှိတော့သည်။

ဝုန်း…အနှိုင်းမဲ့သော ဖျက်ဆီးခြင်းနှင့် သုတ်သင်ခြင်း မြင်ကွင်းကြီးမှာ ဆက်လက် ပျံ့နှံ့နေဆဲပင် ဤတိုက်ခိုက်မှု၏ စွမ်းအားမှာ အမှန်တကယ်ပင် ကြောက်စရာ ကောင်းလွန်းလှသည်။

၎င်း ဖြတ်သန်းသွားသည့် နေရာတိုင်းတွင် အရာအားလုံးမှာ ပျောက်ကွယ်သွားတော့သည်…

ဖုန်မှုန့်များ၊ ချောက်နက်ကြီးအလား ဧရာမ ကျင်းကြီးတစ်ကျင်းနှင့် ထိုလက်သီးတစ်ချက်ကြောင့် အလောင်းပင် မကျန်တော့ဘဲ အမှုန့်ဖြစ်သွားသည့် တိအယ်သာ ကျန်ရစ်တော့သည်..

တိအယ် သေသွားပြီ…လက်ရှိ တိမိသားစု သူတော်စင်၏ ညီတော်ဖြစ်ပြီး မျက်လုံးသုံးလုံးမျိုးနွယ်စု၏ ထိပ်သီး ပါရမီရှင်များထဲမှ တစ်ဦး..ဤကဲ့သို့ပင် ချူယွမ်၏ လက်သီးတစ်ချက်တည်းဖြင့် အမှုန့်ဖြစ်သွားပြီး လုံးဝ ကျဆုံးသွားခဲ့ရချေပြီ..

ဟင်း... မရေမတွက်နိုင်သော အသက်ရှူသံများ ရုတ်တရက် ထွက်ပေါ်လာပြီး၊ ဤမြင်ကွင်းကို မြင်လိုက်ရသူ အားလုံးမှာ မျက်လုံးများ ပြူးကျယ်သွားကြကာ ဟင်းလင်းပြင်နယ်မြေတွင် ရပ်နေသော ဝတ်ရုံနက်နှင့် ပုံရိပ်ကို ထိတ်လန့်တကြား ကြည့်နေကြတော့သည်။

ယခုအချိန်အထိ ထိုချူမိသားစု နတ်ဘုရားသားတော်မှာ ယခင်အတိုင်းပင် အေးဆေးနေဆဲ ဖြစ်သည်…

တိမိသားစု၏ ပါရမီရှင်ကို လက်သီးတစ်ချက်တည်းဖြင့် အမှုန့်ဖြစ်အောင် လုပ်လိုက်ခြင်းမှာ သူ့အတွက်တော့ မပြောပလောက်သည့် ပုရွက်ဆိတ်တစ်ကောင်ကို နင်းခြေလိုက်သလိုမျိုး ပေါ့ပေါ့ပါးပါး ကိစ္စတစ်ခုသာ ဖြစ်ပုံရသည်။

"လက်သီးတစ်ချက်တည်းလား” "လက်သီးတစ်ချက်တည်းနဲ့တင် တိအယ်က ဒီလိုမျိုး ကျဆုံးသွားတာလား"

"မင်းတို့ သိထားဖို့က သူက အနှစ်နှစ်ထောင်တောင် မပြည့်သေးတဲ့ မဟာသူတော်စင် တစ်ယောက်လေ၊ မျက်လုံးသုံးလုံးမျိုးနွယ်စု တစ်ခုလုံးမှာတောင် ထိပ်သီး ပါရမီရှင်လို့ သတ်မှတ်လို့ရတယ်”

သူ့ရဲ့ ဆရာက မျက်လုံးသုံးလုံးမျိုးနွယ်စုရဲ့ လက်ရှိ အစွမ်းထက်ဆုံး ကျွမ်းကျင်သူတွေထဲက တစ်ယောက်ဖြစ်တဲ့ 'ယန်ရှန် ဧကရာဇ်ကြီး' ပဲ။ တိအယ် ကျဆုံးသွားပြီဆိုတော့ မျက်လုံးသုံးလုံးမျိုးနွယ်စုရဲ့ ဧကရာဇ်ကြီးကတော့ ရူးသွားမှာ သေချာတယ်။ 

ငါ ထင်တာတော့ သူတို့ ငါတို့ လူသားမျိုးနွယ် နယ်မြေထဲကို ဝင်လာပြီး ရှင်းပြချက် တောင်းကြလိမ့်မယ်"

မရေမတွက်နိုင်သော လူများမှာ စိတ်လှုပ်ရှားနေကြသလို ထိတ်လည်း ထိတ်လန့်နေကြသည်။ 

သို့သော် စိတ်လှုပ်ရှားမှုများ ပြီးဆုံးသွားသောအခါ နက်ရှိုင်းသော စိုးရိမ်ပူပန်မှုနှင့် ကြောက်ရွံ့မှုများ ဝင်ရောက်လာသည်။ 

ချူမိသားစု နတ်ဘုရားသားတော်၏ စွမ်းအားမှာ အစွမ်းထက်သည် မှန်သော်လည်း၊ ဤကဲ့သို့ ဘာကိုမျှ ဂရုမစိုက်ဘဲ လုပ်ဆောင်တတ်သည့် ပုံစံမှာ အနှေးနှင့်အမြန် သူ့အတွက် ကပ်ဆိုးများ သယ်ဆောင်လာနိုင်သည်ဟု ယူဆနေကြသည်။

ဘာပဲဖြစ်ဖြစ် သူ ဒီနေ့ သတ်လိုက်တာက မျက်လုံးသုံးလုံးမျိုးနွယ်စုရဲ့ သာမန် ပါရမီရှင်တစ်ယောက် မဟုတ်ဘူးလေ…

သူက မျက်လုံးသုံးလုံးမျိုးနွယ်စုအတွင်းမှာ အမြင့်မြတ်ဆုံးဖြစ်တဲ့ "တိမိသားစု" ရဲ့ အနွယ်ဝင် ဖြစ်သလို၊ တိမိသားစု သူတော်စင်ရဲ့ ညီတော်လည်း ဖြစ်သည်။ 

သူ၏ နောက်ခံမှာ ရှေးဟောင်းမသေမျိုးမိသားစုထက် အားမနည်းနိုင်သလို ပို၍ပင် အားကောင်းနိုင်သေးသည်။

ဝုန်း… ဟိန်းဟောက်နေသော ကောင်းကင်နှင့် ဖုန်မှုန့်များကြားတွင် တိဖော်ထျန်း၏ အမူအရာမှာလည်း ဤအချိန်တွင် အလွန်ပင် ညိုမှိုင်းနေသည်။ 

လူသားမျိုးနွယ်မှ ဤနတ်ဘုရားသားတော်၏ စွမ်းအားမှာ ဤမျှအထိ ကြောက်စရာကောင်းလိမ့်မည်ဟု သူ လုံးဝ ထင်မထားခဲ့မိပေ…

တိုက်ခိုက်မှု တစ်ချက်တည်း… သူနှင့် ကျင့်စဉ်အဆင့် တူညီသော တိအယ်မှာ ဧကရာဇ်လက်နက်ကိုပင် ထုတ်သုံးရန် အချိန်မရလိုက်ဘဲ ဤနေရာတွင်ပင် အသတ်ခံလိုက်ရသည်။

သူ၏ စိတ်ထဲတွင် ရှင်းလင်းစွာ သိလိုက်သည်။ အကယ်၍ စောစောက သူသာဆိုလျှင် တစ်ဖက်လူ၏ ထိုမျှလောက် ကြောက်စရာကောင်းသော တိုက်စစ်ကို ခုခံနိုင်ပါ့မလား…အဖြေကတော့ အလွန်ပင် သေချာနေပါသည် - ၎င်းမှာ လုံးဝ မဖြစ်နိုင်ပေ…

မဟာသူတော်စင်အဆင့် စွမ်းအားမျိုး မပြောနှင့်၊ သူတော်စင်ဘုရင်  တောင် မကပေ…

 ထိုစွမ်းအားမျိုးမှာ သူတော်စင်နယ်ပယ်ထက် အများကြီး သာလွန်နေပြီး... ဖြစ်နိုင်သည်မှာ ကွာစီ ဧကရာဇ် အဆင့်သို့ ရောက်နေခြင်းပင်…

အနှစ် သုံးထောင်အောက်နှင့် ကွာစီ ဧကရာဇ်လား…

 လူသားမျိုးနွယ်က နောက်ထပ် "ယွမ်ဖာ ကဲ့သို့ ဧကရာဇ်" တစ်ယောက်ကို မွေးထုတ်ပေးတော့မှာလား… မဟုတ်ဘူး…ဒါကို လုံးဝ ခွင့်မပြုနိုင်ဘူး…

"လူသား… မင်းရဲ့ စောစောက လုပ်ရပ်ကြောင့် ငါတို့ တိမိသားစုကို လုံးဝ ဒေါသထွက်စေခဲ့ပြီဆိုတာ သိလား… တစ်နေ့မှာ ငါတို့ မျက်လုံးသုံးလုံးမျိုးနွယ်စုရဲ့ စစ်တပ်ကြီး မင်းတို့ ချူမိသားစုဆီ ဆင်းသက်လာတဲ့အခါ မင်းတို့ အားလုံး တိအယ်လိုပဲ ဖြစ်ရမယ်"

ဤသည်ကို တွေးလိုက်မိသည်နှင့် တိဖော်ထျန်း၏ မျက်လုံးများမှာ ဒေါသကြောင့် ပြူးထွက်နေပြီး သူ၏ ခန္ဓာကိုယ်မှ ပြင်းထန်သော မိစ္ဆာအရှိန်အဝါများ ထွက်ပေါ်လာတော့သည်။

"ဆူညံလိုက်တာ" ချူယွမ်က ခေါင်းကို ခါလိုက်ပြီး သူ၏ အကြည့်များမှာ ပို၍ပင် အေးစက်ကာ ဂရုမစိုက်သလို ဖြစ်သွားသည်။

ဝိန်း… သူသည် လက်ဝါးကို နောက်တစ်ကြိမ် မြှောက်လိုက်ရာ၊ ကြောက်မက်ဖွယ်ကောင်းပြီး အထွတ်အထိပ်သို့ ရောက်နေသည့် စစ်မှန်သော မသေမျိုးအဆင့် နိယာမဖြစ်သော "သေခြင်းတရား" အရှိန်အဝါများမှာ သူ၏ လက်ဝါးအတွင်း စိမ့်ဝင်သွားတော့သည်…

အတွေးတစ်ချက်ဖြင့် "သေခြင်းတရားကို ထိန်းချုပ်ခြင်း" တိုက်ကွက်မှာ နောက်တစ်ကြိမ် ပေါက်ကွဲထွက်လာပြန်သည်…

မျက်စိတစ်မှိတ်အတွင်းမှာပင်….

တိဖော်ထျန်း၏ ရုပ်ခန္ဓာတစ်ခုလုံး တိုက်ရိုက် ပေါက်ကွဲထွက်သွားပြီး၊ သူ၏ ခန္ဓာကိုယ်ကို ဖွဲ့စည်းထားသော အရာအားလုံးမှာ ဤအချိန်တွင် လုံးဝ ပုပ်သိုးပျက်စီးသွားကာ လုံးဝ ပျောက်ကွယ်သွားတော့မည့်အလား ဖြစ်နေသည်။

"ဟားဟားဟား"လူသား…မင်း ငါ့ကို သတ်လို့မရဘူး… ငါ့ရဲ့ နိယာမက မင်းရဲ့ စိတ်ကူးထက်ကို သာလွန်တယ် မင်းရဲ့ ဝှက်ဖဲတွေ အကုန်ထုတ်သုံးရင်တောင် ဒီနေ့ မင်း ငါ့ကို ဘာမှလုပ်လို့မရဘူး"

သို့သော်လည်း သူ၏ ရုပ်ခန္ဓာမှာ ပျက်စီးသွားသော်လည်း၊ တိဖော်ထျန်း၏ ဝိညာဉ်မှာ အလွန်လျင်မြန်စွာ ထွက်ပေါ်လာပြီး ထိုကြောက်စရာကောင်းသော သေခြင်းတရား နိယာမ၏ သက်ရောက်မှုကို အနည်းငယ်မျှပင် မခံရဘဲ ရူးသွပ်စွာ ရယ်မောနေတော့သည်။

"ဟုတ်လို့လား" ဤသည်ကို ကြားလိုက်ရသောအခါ ချူယွမ်၏ အမူအရာမှာ တည်ငြိမ်မြဲ တည်ငြိမ်နေဆဲပင်။ သူ၏ စိတ်ထဲတွင် ဗီလိန်စနစ်ထံမှ အချက်ပေးသံမှာ အချိန်ကိုက် ရောက်ရှိလာသည်။

 [တိန်…တစ်ဖက်လူသည် အကာအကွယ်ပေးရန်အတွက် မပြည့်စုံသော မသေမျိုးဘုရင် နိယာမကို အသုံးပြုနေကြောင်း စစ်ဆေးတွေ့ရှိရပါသည်။ အိမ်ရှင်အနေဖြင့် 'ကောင်းကင်ဧကရာဇ် သံသရာကျမ်းစာ' ကို အသုံးပြုပြီး တစ်ဖက်လူ၏ နိယာမကို လျစ်လျူရှုကာ ၎င်းကို လုံးဝ အမြစ်ပြတ် သုတ်သင်နိုင်ပါသည်]....ဟုတ်ပြီ ….

ထို့နောက်

“မင်းလွတ်ပြီထင်နေတာလား ချူယွမ်၏ အေးစက်သော စကားလုံးများနှင့်အတူ 'ကောင်းကင်ဧကရာဇ် သံသရာကျမ်းစာ' ကို စတင် လည်ပတ်လိုက်သည်”

ဤအချိန်တွင်…သူ၏ တစ်ကိုယ်လုံးရှိ စွမ်းအားများမှာ အခြေခံကျကျ တစ်ခဏချင်း ပြောင်းလဲသွားပုံရသည်…

၎င်းမှာ ကောင်းကင်ဘုံအားလုံးကို အုပ်စိုးနိုင်သည့် စစ်မှန်သော အထွတ်အထိပ် ကောင်းကင်ဧကရာဇ်၏ အရှိန်အဝါ ဆင်းသက်လာသည့်အလားပင်… အနှိုင်းမဲ့သော ခန့်ညားထည်ဝါမှုမှာ ချူယွမ်၏ ခန္ဓာကိုယ်မှ ဖြာထွက်လာပြီး ကောင်းကင်ယံတစ်ခုလုံးကို ဖုံးလွှမ်းသွားကာ ကောင်းကင်ကြီးတစ်ခုလုံးကို ပြင်းထန်စွာ တုန်ခါသွားစေတော့သည်…

မူလက သေခြင်းတရား နိယာမ၏ တိုက်စားမှုကို ခုခံနိုင်ခဲ့သော တိဖော်ထျန်းသည် သူ၏ ဝိညာဉ်ထံသို့ မကြုံစဖူးသော ဖိအားကြီး ကျရောက်လာသည်ကို ရုတ်တရက် ခံစားလိုက်ရသည်။ 

၎င်းမှာ ကုဋေကုဋာမကသော ရေထုကြီး၏ ဖိနှိပ်ခြင်းကို ခံရသည့်အလား ဖြစ်နေပြီး၊ လက်တစ်သစ်မျှ ရွေ့လျားရန်ပင် အလွန်တရာ ခက်ခဲသွားတော့သည်