အခန်း (၉၈)  နတ်နန်းတော်၏ ထူးဆန်းသော အပြောင်းအလဲများ

နှစ်သစ်ကူးကာလကုန်ဆုံးပြီး နွေဦးရောက်လာပြီဖြစ်ပေမဲ့ မြောက်လင်းမြို့ ရဲ့ လေထုကတော့ ပုံမှန်မဟုတ်ဘဲ တင်းမာခြောက်ခြားနေလေသည်။ လမ်းပေါ်မှာ လူသူကျဲပါးနေပြီး လူတိုင်းရဲ့မျက်နှာမှာ စိုးရိမ်ထိတ်လန့်မှုတွေ အထင်သားပေါ်နေကြသည်။

ကူးယွမ်ဟာ ယွီတိန်မျှော်စင်ကိုသွားပြီး စုံစမ်းကြည့်တဲ့အခါ ထူးဆန်းတဲ့ သတင်းတွေကို ကြားလိုက်ရသည်။ မကြာသေးမီရက်ပိုင်းအတွင်း ယွန်းမုန့်တောင်တန်းပေါ်က တောရိုင်းတိရစ္ဆာန်တွေဟာ ရူးသွပ်သလိုမျိုး တောင်အောက်ကို ဆင်းလာပြီး ရွာတွေကို တိုက်ခိုက်နေကြသည်။

အဲဒီတိရစ္ဆာန်တွေထဲမှာ သာမန်သားရဲတွေတင်မကဘဲ အသိဉာဏ်ရှိပြီး မိစ္ဆာအတတ်တွေသုံးနိုင်တဲ့ "မိစ္ဆာသားရဲ"တွေတောင် ပါဝင်နေတာကြောင့် သာမန်သိုင်းသမားတွေ အတုံးအရုံး သေဆုံးနေကြရတာပါ။

"ဒါဟာ နဂါးနီနတ်နန်းတော်ကြောင့် ဖြစ်ရမယ်" လို့ ကူးယွမ်က ချက်ချင်းရိပ်မိလိုက်သည်။

သူဟာ သူ့မိဘတွေရှိတဲ့ ကူးရွာကို အပြေးအလွှား ပြန်လာခဲ့လိုင်သည်။ ကံကောင်းထောက်မစွာနဲ့ ကူးရွာကတော့ ဘာမှမဖြစ်သေးပါဘူး။ အိမ်ရောက်တော့ သူ့အဖေက ရွာထဲက မုဆိုးမတစ်ယောက်ကို ဆန်ချေးပေးလို့ဆိုပြီး သူ့အမေက ဆူပူကြိမ်းမောင်းနေတာကို မြင်လိုက်ရသည်။ ကူးယွမ်ကတော့ သူ့မိဘတွေ ကျန်းမာဘေးကင်းနေတာကို မြင်ရလို့ စိတ်သက်သာရာရသွားသည်။

ကူးယွမ်က အခြေအနေတွေကို ရှင်းပြပြီး မိဘတွေကို မြို့ထဲကို ခေါ်ဖို့ ပြင်ဆင်လိုက်သည်။ သူက သူ့သူငယ်ချင်း စန်းကျန့်တို့သားအမိကိုပါ ခေါ်ဖို့ မေးကြည့်တဲ့အခါ သူ့အမေက "စန်းကျန့်က ကံကောင်းတဲ့ကလေးပဲ လွန်ခဲ့တဲ့ရက်ပိုင်းက နတ်ဘုရားတစ်ပါး ကောင်းကင်က ဆင်းလာပြီး သူ့ကို တပည့်အဖြစ် ခေါ်သွားပြီ" လို့ ပြန်ပြောသည်။

ကူးယွမ်ကတော့ ဒါဟာ ကောင်းကင်ဘုံအဆင့်ရှိတဲ့ ကျင့်ကြံသူတစ်ယောက် ဖြစ်မှာပဲလို့ တွေးလိုက်မိပါတယ်။ စန်းကျန့်မှာ ထူးခြားတဲ့ ခန္ဓာကိုယ်ဖွဲ့စည်းပုံရှိတာကို သူ အရင်ကတည်းက သံသယရှိခဲ့တာပါ။

ကူးယွမ်ဟာ မိဘတွေကို ရထားလုံးနဲ့တင်ပြီး မြို့ကိုအပြန် လမ်းခရီးမှာ တိုက်ပွဲသံတွေကို ကြားလိုက်ရသည်။ ရှေ့မှာ လူတစ်စုဟာ ဗိုက်ဆာနေတဲ့ ဝံပုလွေအုပ်ကြီးရဲ့ ဝိုင်းရံတိုက်ခိုက်ခြင်းကို ခံနေရတာပါ။

ဒီဝံပုလွေတွေဟာသာမန်ထက်ပိုကြီးပြီးအလွန်ကောက်ကျစ်ကြသည်။လူတွေဟာနွမ်းနယ်လာပြီးအရေးနိမ့်တော့မယ့်အခြေအနေမှာရှိနေပါတယ် ကျိုးကျန့်ဆိုတဲ့သိုင်းသမားဟာသူ့ရဲ့ပုဆိန်နဲ့ဝံပုလွေတွေကိုခုခံနေပေမဲ့ဒဏ်ရာတွေဗလပွနဲ့အားကုန်နေပါပြီ။ဝံပုလွေနှစ်ကောင်ကသူ့အပေါ်ကိုခုန်အုပ်လိုက်တဲ့အချိန်မှာတော့သူဟာ "ငါတော့သေပြီ" လို့တွေးပြီးမျှော်လင့်ချက်ကင်းမဲ့သွားတော့သည်။