အခန်း (၉၆)  နတ်သမီးအစ်မ ကျွန်တော် ကြိုးစားချင်စိတ်မရှိတော့ဘူး

ရှေးဟောင်းအင်းဆက်တွေဖြစ်တဲ့ ခြောက်တောင်ပံရွှေပိုးကောင်က အလွန်အမင်း အဆိပ်ပြင်းပြီး နတ်ဘုရားအဆင့် ကျင့်ကြံသူတွေကိုတောင် သတ်နိုင်သလို တောင်ပံ၁၂ခုကောင်းကင်ကင်းခြေများ ကလည်း နဂါးတွေကိုတောင် အစာအဖြစ် စားသုံးနိုင်ကြသည်။

အခု ကူးယွမ်လက်ထဲက စိမ်းပြာရောင်ဓားလိပ်ပြာဆိုတာကလည်း အဲဒီအင်းဆက်တွေနဲ့ အဆင့်အတန်းတူတဲ့ ရှေးဟောင်းသတ္တဝါတစ်မျိုးပါပဲ။ သူ့ရဲ့ တောင်ပံတွေကို ခတ်လိုက်ရုံနဲ့ အရာအားလုံးကို ဖျက်ဆီးနိုင်တဲ့ ဓားချီတွေကို ထုတ်လွှတ်နိုင်ပါသည်။

"နတ်သမီးက ကျွန်တော့်ကို ဒီဓားလိပ်ပြာဥကို အကောင်ပေါက်ပေးစေချင်တာလား" လို့ ကူးယွမ်က ရင်ခုန်သံတွေ မြန်နေရင်း မေးလိုက်သည်။

ဒီဥက ရတနာတစ်ခုဆိုတာ သူသိပါတယ် အကောင်ပေါက်သွားရင် အစွမ်းထက်တဲ့ အကူအညီရမယ့်အပြင် သူ့အနေနဲ့ ဓားသိုင်းနဲ့ဆိုင်တဲ့ အစွမ်းထက်တဲ့ ပါရမီကိုလည်း ရရှိမှာပါ ဒါပေမဲ့ ပြဿနာက ဒီဥက သူ့ဥ မဟုတ်ဘဲ နတ်သမီး ကျိန်းဟုန်ရှို့ရဲ့ ဥ ဖြစ်နေတာပါပဲ။

ကျိန်းဟုန်ရှို့က ကူးယွမ် ဒီဥရဲ့ ဇစ်မြစ်ကို သိနေတာကြောင့် အနည်းငယ် အံ့ဩသွားပြီး  "မင်း ဒါကို အကောင်ပေါက်နိုင်ရင် မင်း ငြင်းလို့မရနိုင်တဲ့ အကျိုးကျေးဇူးတွေ ပေးမယ်" လို့ ပြောပြီး ဝိညာဉ်မက်မွန်သီးတစ်လုံးကို ပစ်ပေးလိုက်ပါတယ် ဒါဟာ ကြိုတင်ပေးချေမှုသက်သက်ပါပဲ။

ဒီမက်မွန်သီးက သူ အရင်က တူးခဲ့တဲ့ ဂျင်ဆင်းထက်တောင် အဆင့်အတန်း ပိုမြင့်နေပါတယ် ကူးယွမ် စိတ်ထဲကနေ "နတ်သမီးအစ်မ ကျွန်တော် ကြိုးစားချင်စိတ် မရှိတော့ဘူး (ဆိုလိုသည်မှာ ပင်ပင်ပန်းပန်း မလုပ်ဘဲ သူမရဲ့ အထောက်အပံ့နဲ့ပဲ နေချင်တော့တယ်)" လို့တောင် ညည်းတွားလိုက်မိလိုက်သည်။

ဒါပေမဲ့ ဒီဥကို အကောင်ပေါက်ဖို့တာအိုအမှတ် ၅,၀၀၀ လောက် ကုန်ကျမှာပါ။ ဒါကြောင့် ကူးယွမ်က

"ကျွန်တော် ကြိုးစားကြည့်ပါ့မယ် ဒါပေမဲ့ ကျွန်တော် တကယ်ပဲ အကောင်ပေါက်နိုင်ခဲ့ရင် ရမယ့်ဆုလာဘ်ကို ဒီဓားလိပ်ပြာဥတစ်လုံးနဲ့ပဲ လဲလှယ်လို့ ရမလား" လို့ တောင်းဆိုလိုက်သည်။

ကျိန်းဟုန်ရှို့ကလည်း သဘောတူလိုက်သည်။ သူမရဲ့ သူငယ်ချင်းတစ်ယောက်ဖြစ်တဲ့ ဂူ အတတ်ပညာရှင်ကတောင် ဒီဥတွေက အသက်အားနည်းနေလို့ အကောင်ပေါက်ဖို့ ခက်တယ်လို့ ပြောဖူးတာပါ။ သူမက ကူးယွမ်ကို စမ်းသပ်ကြည့်ခိုင်းရုံသာ ဖြစ်ပါတယ်။ သူမဟာ သူမရဲ့ နာမည်က "ကျိန်း"ဖြစ်ကြောင်း ပြောပြပြီးနောက် ကိုယ်ယောင်ဖျောက်ကာ ထွက်ခွာသွားပါတော့သည်။

ကျိန်းဟုန်ရှို့ ထွက်သွားပြီးနောက်မှာတော့ အပေါက်ဝမှာ ကြောက်လန့်တကြား ပုန်းနေကြတဲ့ သားရဲလေးတွေ ပြန်ထွက်လာကြသည်။ အထူးသဖြင့် အဆင့်တက်ထားတဲ့ မြွေလေး "ပါးစပ်ကြီး"က သူ့ရဲ့ အစွမ်းအသစ်ကြောင့် ယုံကြည်မှုတွေရှိနေလေသည်။

အာဟွမ် (ကြွက်လေး) က စောစောက သူလည်း ကြောက်နေတာကို မေ့ပြီး မြွေလေးနဲ့ ကင်းခြေများကို သူရဲဘောကြောင်တယ်ဆိုတဲ့ ပုံစံနဲ့ လှောင်ပြောင်လိုက်ပါတယ်။ အဲဒီအခါ မြွေလေးက သူ့အမြီးနဲ့ အာဟွမ်ကို ရိုက်ချလိုက်သည်။ အာဟွမ်က ပြန်တိုက်ခိုက်ပေမဲ့ မြွေလေးရဲ့ ရွှေအိုရောင် အကြေးခွံတွေက အရမ်းမာနေတာကြောင့် ဘာမှမဖြစ်ပါဘူး။

နောက်ဆုံးတော့အာဟွမ်ဟာမြွေလေးကိုမယှဉ်နိုင်တာကြောင့်ကူးယွမ်ရဲ့ဘောင်းဘီစကိုဆွဲပြီးတိုင်တန်းပါတော့သည်။