အခန်း (၉၅)  စိမ်းပြာရောင်ဓားလိပ်ပြာဥ (ရွှေရောင်အဆင့်)

ကူးယွမ်ဟာ သူ့ဘဝသက်တမ်းတစ်လျှောက် လှပတဲ့မိန်းကလေးတွေ အများကြီးတွေ့ဖူးပါတယ်။ အရင်ဘဝက ခွဲစိတ်ပြုပြင်ထားတဲ့ အလှအပတွေကို ထားလိုက်ဦး ဒီဘဝမှာ သူခဏခဏတွေ့ရတဲ့ ရှမင်းအိမ်တော်က တတိယသခင်မလေး ရှရှို့ရွှယ်ဟာလည်း ရှားပါးအလှလေးပါ။

ဒါပေမဲ့ အခု သူ့ရှေ့မှာရောက်နေတဲ့ အမျိုးသမီးနဲ့ယှဉ်ရင်တော့ နှိုင်းယှဉ်စရာတောင် မရှိတော့ပါဘူး။ ဒီအမျိုးသမီးဟာ ရုပ်ရည် အရှိန်အဝါနဲ့ ဆွဲဆောင်မှုတို့မှာ ပြည့်စုံလွန်းလှပြီး "ငါးတွေ ရေထဲနှစ်မြုပ် ငှက်တွေ ကောင်းကင်က ကြွေကျ" ရလောက်တဲ့ အလှမျိုး ပိုင်ဆိုင်ထားသူပါ။

ကူးယွမ်ဟာ ခဏတာ မိန်းမောသွားပေမဲ့ ချက်ချင်းပဲ သတိပြန်ဝင်လာပါတယ် "ဒီမိန်းမက ဘယ်သူလဲ ဘယ်တုန်းက ရောက်နေတာလဲ" ဆိုတာ သူတွေးပူမိသွားပြန်သည်။ အထူးသဖြင့် သူ့ရဲ့ ဝိညာဉ်သားရဲ အဆင့်တက်တဲ့ လျှို့ဝှက်ချက်ကို သူမ မြင်သွားမှာကို အစိုးရိမ်ဆုံးပါပဲ။ အာဟွမ်နဲ့ အာဝူတို့ အပေါက်ဝမှာ ရှိနေပါလျက်နဲ့ သူတို့ မသိအောင် ဒီဂူထဲကို သူမ ဘယ်လိုဝင်လာသလဲဆိုတာက တကယ့်ကို ထူးဆန်းလွန်းလှသည်။

"ခင်ဗျထင်တာမှားနေတယ်... ကျွန်တော်က သားရဲတစ်သောင်းနန်းတော်က တပည့်မဟုတ်ပါဘူး" လို့ ကူးယွမ်က ရိုးရိုးသားသားပဲ ဖြေလိုက်သည်။

ကျိန်းဟုန်ရှို့ (အမျိုးသမီး) က မျက်မှောင်ကြုတ်လိုက်ပြီး "ဒါဆို မင်းက ဘာလို့ ကိုယ်ပိုင်ဝိညာဉ်သားရဲကို မွေးမြူတဲ့ လျှို့ဝှက်နည်းစနစ်တွေကို ဒီလောက်ကျွမ်းကျင်နေရတာလဲ" လို့ မေးသည်။ သူမဟာ ကူးယွမ်နဲ့ မြွေလေးကြားက နက်ရှိုင်းတဲ့ ဆက်နွှယ်မှုကို မြင်သာထင်သာ ရှိနေတာပါ။

သူမဟာ ကူးယွမ်ရဲ့ သတိထားမှုကို ရိပ်မိပြီး "မစိုးရိမ်ပါနဲ့ မင်းရဲ့ အားနည်းတဲ့ အဆင့်နဲ့ ဒီလို သားရဲတွေကို ဘယ်လိုအမိန့်ပေးနိုင်တာလဲဆိုတာ ငါသိချင်ရုံပါ မင်းရဲ့ လျှို့ဝှက်ချက်တွေကို ငါ စိတ်မဝင်စားဘူး" လို့ ပြောလိုက်သည်။ သူမရဲ့ အမြင်အာရုံက ထက်မြက်လွန်းလှတာကြောင့် မြွေလေးနဲ့ ကြွက်လေးဟာ သွေးမျိုးဆက် အသွင်ပြောင်းလဲထားတာကိုပါ သိနေလေသည်။

ကျိန်းဟုန်ရှို့ဟာ သူမရဲ့ လက်ထဲကနေ စိမ်းပြာရောင်ကျောက်စိမ်းဥလေးတစ်လုံးကို ထုတ်လိုက်သည်။ အဲဒီဥလေးဟာ ကြက်ဥအရွယ်လောက်ပဲရှိပြီး ကြည်လင်နေပေမဲ့ အပေါ်ယံမှာ ထူးဆန်းတဲ့ အမည်းရောင်နဲ့ မီးခိုးရောင် အစင်းကြောင်းတွေရှိနေသည်။

ကူးယွမ်က သူ့ရဲ့ "ရတနာရှာဖွေခြင်းအတတ်" နဲ့ ကြည့်လိုက်တဲ့အခါ အဲဒီဥကနေ ထွက်ပေါ်နေတဲ့ အလင်းရောင်ဟာ ပြင်းထန်လွန်းလို့ မျက်စိတောင် ကျိန်းစပ်သွားရသည်။

"ဒါက ရှေးဟောင်းအင်းဆက်တစ်မျိုးရဲ့ ဥပဲ လွန်ခဲ့တဲ့ နှစ်တွေက လျှို့ဝှက်နယ်မြေတစ်ခုမှာ တွေ့ခဲ့တာ။ ဒါပေမဲ့ နှစ်တွေအကြာကြီး ဖြစ်နေလို့ သူ့ရဲ့ ဇီဝအင်အားက အားနည်းနေပြီး အကောင်ပေါက်ဖို့ ခက်ခဲနေတယ် မင်းမှာ သားရဲမွေးမြူတဲ့ ထူးခြားတဲ့ ပါရမီရှိတယ်ဆိုရင် ဒါကို အကောင်ပေါက်အောင် လုပ်နိုင်မလား" လို့ သူမက မေးပြီး ဥကို ကူးယွမ်ဆီ ပစ်ပေးလိုက်သည်။

[တာအိုအမှတ် +820]

ကူးယွမ်ဟာ ဥကို ဖမ်းလိုက်တဲ့အခါမှာတော့ ဥလေးဟာ သေးသေးလေးဖြစ်ပေမဲ့ အလေးချိန်က ကီလိုဂရမ် ဆယ်ဂဏန်းလောက် လေးနေတာကို သတိပြုမိလိုက်သည်။ တစ်ချိန်တည်းမှာပဲ သူ့ရဲ့ စနစ် ထဲကနေ သတင်းစကားတွေ တက်လာလေသည်။

  [စိမ်းပြာရောင်ဓားလိပ်ပြာဥ (ရွှေရောင်အဆင့်)] ကို ရရှိပါသည် အကောင်ပေါက်ရန် တာအိုအမှတ်၁၃၀၀ သုံးမလား။

  သတိပေးချက်: ဤဥသည် ဇီဝအင်အား အလွန်အားနည်းနေသဖြင့် အကောင်ပေါက်ရန် ကျရှုံးဖို့ ၉၉% သေချာပါသည်။ အင်အားဖြည့်တင်းရန် တာအိုအမှတ် ၃၉၀၀ ထပ်မံ လိုအပ်ပါသည်။

ကူးယွမ်ဟာ တုန်လှုပ်သွားပါတယ်။ "ရွှေရောင်အဆင့်" တဲ့လား သူ့မှာရှိတဲ့ အကောင်းဆုံးသားရဲတွေတောင် "အနီရောင်အဆင့်" ပဲ ရှိပါသေးတယ်။ ရှေးဟောင်းဒဏ္ဍာရီတွေထဲက "ရွှေစားပုရွက်ဆိတ်"၊ "ခြောက်တောင်ပံရွှေပိုးကောင်" တို့လိုပဲ "စိမ်းပြာရောင်ဓားလိပ်ပြာ"ဟာလည်း အလွန်ကြောက်စရာကောင်းတဲ့ စွမ်းအားတွေ ရှိတယ်လို့ သူ ကြားဖူးထားသည်။ ဒါကိုသာ သူ အကောင်ပေါက်အောင် လုပ်နိုင်မယ်ဆိုရင်...။