အခန်း (၉၄) ဝိညာဉ်ဝါးမြိုခြင်းပါရမီ

ကူးယွမ်ဟာ ဒီပါရမီကို ရရှိလိုက်တာနဲ့ တစ်ပြိုင်နက် အလွန်အမင်း ဗိုက်ဆာလာလေသည်။ သူဟာ အိတ်ထဲမှာရှိတဲ့ ဂျင်ဆင်းဆေးမြစ်ကို ထုတ်ပြီး စားလိုက်တဲ့အခါ ထူးခြားချက်ကို တွေ့လိုက်ရသည်။ အရင်ကဆိုရင် ဆေးစွမ်းအင်တွေကို စုပ်ယူဖို့ အချိန်အများကြီးပေးရပြီး ၃၀/၄၀ ရာခိုင်နှုန်းလောက်က အလဟဿ ဖြစ်သွားလေ့ရှိပါတယ် ဒါပေမဲ့ အခု "ဝိညာဉ်ဝါးမြိုခြင်း" ပါရမီကြောင့် ဆေးစွမ်းအင် တစ်စက်လေးတောင် အလဟဿမဖြစ်ဘဲ သူ့ခန္ဓာကိုယ်ထဲကို တိုက်ရိုက် စိမ့်ဝင်သွားပါတော့သည်။

"ဒါဆိုရင် ငါ့မှာဝိညာဉ်ဆေးပင်တွေသာ လုံလောက်ရင် ကိုယ်တွင်းအင်္ဂါသန့်စင်မှုအဆင့်ကို အမြန်ဆုံး အောင်မြင်ပြီး အင်းနိတ်သိုင်းဆရာဖြစ်လာနိုင်တာပေါ့" လို့ သူ ဝမ်းသာအားရ တွေးလိုက်မိသည်။

ကူးယွမ်က မြွေလေးရဲ့အစွမ်းကို စမ်းသပ်ကြည့်တဲ့အခါ မြွေလေးဟာ ရွှေရောင်အလင်းတန်းတစ်ခုလို ပျံသန်းသွားပြီး လူတစ်ရပ်စာရှိတဲ့ ကျောက်တုံးကြီးကို အပေါက်ပေါင်းများစွာ ဖြစ်အောင် ထိုးဖောက်ပြလိုက်သည်။

"မင်းက သားရဲတစ်သောင်းနန်းတော်က တပည့်လား"

ရုတ်တရက် ထွက်ပေါ်လာတဲ့ အသံကြောင့် ကူးယွမ်လန့်ဖျပ်သွားသည်။ လှည့်ကြည့်လိုက်တဲ့အခါ ဆယ်ပေခန့်အကွာမှာ အလွန်လှပတဲ့ အမျိုးသမီးတစ်ယောက်ကို တွေ့လိုက်ရသည်။ သူမဟာ နန်းတွင်းဝတ်စုံကို ဝတ်ဆင်ထားပြီး နတ်သမီးတစ်ပါးလို မြင့်မြတ်တဲ့ အရှိန်အဝါမျိုး ရှိနေလေသည်။