အခန်း (၈၅)  လူကိုဝါးမြိုသည့် မိစ္ဆာအတတ်

ချင်းဖိန်ဟာ ဘဝတစ်လျှောက် ကြမ်းတမ်းခဲ့သူပါ။ အရင်က သင်္ချိုင်းကုန်းမှာ အလောင်းပုပ်တွေနဲ့အတူ အိပ်ခဲ့ဖူးသလို အလောင်းတွေပေါ်က ပိုးမွှားတွေကိုတောင် ဖမ်းစားခဲ့ဖူးတဲ့အထိ ရက်စက်သူဖြစ်ပေမဲ့ အခုတော့ သူ့ရှေ့က သခင်လေးကိုကြည့်ပြီး ကြွက်ကလေးတစ်ကောင်လို တုန်ရင်နေလေသည်။

သခင်လေး ချန်ယွမ်ဖုန်းက မျက်လုံးဖွင့်လိုက်တဲ့အခါ ဂူတစ်ခုလုံး လင်းခနဲ ဖြစ်သွားသည်။ သူက လက်ကို ဆန့်ထုတ်လိုက်ရုံနဲ့တင် ဖမ်းလာတဲ့ သိုင်းသမားဟာ သူ့လက်ထဲကို ဆွဲစုပ်ခံလိုက်ရပါတယ်။ အဲဒီသိုင်းသမားဟာ အသည်းအသန် ရုန်းကန်ပေမဲ့ ချန်ယွမ်ဖုန်းရဲ့ အေးစက်တဲ့ အရှိန်အဝါကြောင့် သွေးကြောတွေ ခဲသွားပြီး မလှုပ်နိုင်တော့ပါဘူး။

ချန်ယွမ်ဖုန်းက သိုင်းသမားရဲ့ ဦးခေါင်းကို ကိုင်လိုက်တဲ့အခါ ထူးဆန်းတဲ့ စုပ်ယူအားတစ်ခု ထွက်ပေါ်လာခဲ့သည်။

"အီး... အား..."

သိုင်းသမားရဲ့ ခန္ဓာကိုယ်ဟာ ပြင်းထန်စွာ တုန်ရင်လာပြီး မျက်လုံးတွေ လန်တက်သွားပြီး သူ့ရဲ့ သွေးသား ခွန်အားနဲ့ ဝိညာဉ်အဆီအနှစ်အားလုံးဟာ ချန်ယွမ်ဖုန်းရဲ့ လက်ထဲကို စီးဝင်သွားလေသည်။ ခဏအတွင်းမှာပဲ သန်မာတဲ့ သိုင်းသမားဟာ သစ်သားခြောက်လို ရုပ်အလောင်းခြောက်တစ်ခု ဖြစ်သွားပါတော့တယ်။

"ကောင်းတယ်... ဒီတစ်ခါ ပစ္စည်းက အဆင့်မြင့်တယ် ဆေးလုံးတစ်လုံးနဲ့တောင် တူတယ်။ ဒါပေမဲ့... အားမရသေးဘူး" လို့ ချန်ယွမ်ဖုန်းက သက်ပြင်းချရင်း ပြောလိုက်သည်။

သူက ချင်းဖိန်ကို ကြည့်ပြီး  "ငါ့အဖေနဲ့ ငါ့ညီအစ်ကိုတွေကတော့ အသုံးမကျလို့ သေကုန်ကြပြီ ဒါပေမဲ့ မင်းကတော့ ငါ့အတွက် အသုံးဝင်တယ်။ မင်းသာ ငါ့အပေါ် သစ္စာရှိရင် သူတစ်ပါးရဲ့ သွေးသားကို စုပ်ယူပြီး ကိုယ့်ကိုယ်ကိုယ် ပြန်နုပျိုစေမယ့် ဒီအတတ်ကို ငါသင်ပေးမယ်" လို့ မြှူဆွယ်လိုက်သည်။

ချင်းဖိန်ဟာ လောဘဇောနဲ့ မျက်လုံးတွေ တောက်ပလာပြီး သခင်လေးအတွက် အသက်ပေးပြီး အလုပ်အကျွေးပြုမယ့်အကြောင်း ကတိသစ္စာ ပြုလိုက်လေသည်။

ချန်ယွမ်ဖုန်းက ဆက်ပြီး အမိန့်ပေးလိုက်သည် "ယန်ရှီစန်းဆိုတဲ့လူကို ငါစုံစမ်းခိုင်းထားတယ် သူက လေထဲကနေ ပေါ်လာသလိုပဲ ငါ့ညီနဲ့ အဖေ အသတ်ခံရတုန်းက သူက ငါ့ညီအခန်းကို အရင်သွားခဲ့တာ။ ဆိုလိုတာက သူက ငါ့ညီနဲ့ ရန်ငြိုးရှိတဲ့သူ ဖြစ်ရမယ်။ ဒါကြောင့် ငါ့ညီနဲ့ ပြဿနာရှိဖူးတဲ့သူ အားလုံးကို ဖမ်းလာခဲ့ မှားပြီး ဖမ်းမိတာက လွတ်သွားတာထက် ပိုကောင်းတယ်"

ဂူအပြင်ဘက်မှာ အာဟွမ်ရဲ့ အမြင်အာရုံကတစ်ဆင့် ဒါတွေကို မြင်နေရတဲ့ ကူးယွမ်ဟာ အံ့ဩသွားပါတယ်။ ချင်းဖိန်ရဲ့ သရုပ်ဆောင်ကောင်းပုံကို အော်စကာဆုတောင် ပေးသင့်တယ်လို့ သူက ပြောင်သရော် တွေးလိုက်မိလေသည်။

"ဒီကောင်က လူတွေရဲ့ သွေးသားကို စုပ်ယူနေတာပဲ... အဲဒီအတတ်က မိစ္ဆာသရဲတစ္ဆေတွေနဲ့ တော်တော်တူတယ်။ ဒါဆိုရင်... မိစ္ဆာအိုကြီး ရွှမ်ယုံက ဒီကောင်ရဲ့ ဆရာ ဖြစ်နေတာလား" လို့ ကူးယွမ်က သံသယဝင်လာလေသည်။