အခန်း (၈၂)  သေမင်းတမန် ဓားသိုင်း

အဘိုးကြီးချန်ကတော့ ကူးယွမ်ရဲ့ စကားတွေကို ကြားပြီး မျက်နှာပျက်နေလေသည်။ "ငါ့မှာ အခြေခံတွေ ပျက်စီးပြီး သက်တမ်းကလည်း သိပ်မကျန်တော့တာကို ဒီကောင်လေးက သူကငယ်သေးတယ် အချိန်တွေ အများကြီး ရှိသေးတယ်လို့ ပြောနေတာ ငါ့ကို သက်သက်မဲ့ ရွဲ့နေတာလား" လို့ သူ တွေးနေမိလိုက်သည်။

သူမသိတာကတော့ ကူးယွမ်မှာ ကောင်းကင်ဘုံကို ဆန့်ကျင်နိုင်တဲ့ ဝိညာဉ်သားရဲစနစ် ရှိနေတာကြောင့် နောင်တစ်ချိန်မှာ အင်းနိတ်အဆင့်ကို ကျော်လွန်ပြီး နတ်ဘုရားအဆင့်အထိ တက်လှမ်းကာ ထာဝရသက်တမ်းကို ပိုင်ဆိုင်နိုင်ဖို့ မျှော်လင့်ချက် ရှိနေတာပါ။

"ကဲ... စကားမများနဲ့တော့ ကူးကလေး မင်းလုပ်ပေးရမယ့် ကိစ္စတစ်ခု ရှိတယ်" အဘိုးကြီးချန်က ပြောလိုက်သည်။ သူက မကြာသေးခင်က ဘေလျန်းမြို့မှာ လူတချို့ ပဟေဠိဆန်စွာ ပျောက်ကွယ်သွားပြီး နောက်ပိုင်းမှာ အလောင်းတွေကို သွေးစုပ်ခံထားရတဲ့ ရုပ်ကလာပ်ခြောက်တွေအဖြစ် ပြန်တွေ့ရတဲ့အမှုကို စုံစမ်းခိုင်းတာပါ။ ဒါဟာ မိစ္ဆာအိုကြီး ရွှမ်ယုံနဲ့ ပတ်သက်နေနိုင်ပြီး ချန်မိသားစုနဲ့လည်း ဆက်စပ်နေတယ်လို့ သူက အရိပ်အမြွက် ပြောလိုက်သည်။

ကူးယွမ်ကလည်း ဒီတာဝန်ကို လက်ခံလိုက်ပြီး ယုတိန်ခန်းမရဲ့ ဘုန်းတော်ကြီးယန်ဟန်ဆီမှာ တရားဝင် တာဝန်သွားယူပါတယ်။ ယန်ဟန်ကတော့ သူ့တူ သေဆုံးသွားလို့ ပိန်ချုံးပြီး စိတ်ဓာတ်ကျနေလေသည်။ ကူးယွမ်က ဒီအန္တရာယ်များတဲ့တာဝန်ကို ယူတာဟာ ကိုယ့်ကိုယ်ကိုယ် သတ်သေတာပဲလို့ သူ ထင်နေပေမဲ့ ဘာမှတော့ ဝင်မပြောခဲ့ပါဘူး။

ကူးယွမ် အိမ်ပြန်ရောက်လို့ အမဲသားနှပ်နဲ့ ဝိုင်လေးသောက်ပြီး အနားယူတော့မယ့်အချိန်မှာ အာဟွမ် (ရတနာရှာကြွက်လေး) က ရုတ်တရက် ရောက်လာပြီး ကူးယွမ်ကို အသည်းအသန် အချက်ပြပါတောသည်။

"ဘာလဲ မင်းက အမဲသား စားချင်တာလား"

အာဟွမ်က ခေါင်းခါပြီး သူ့ကို အခန်းထဲ ခေါ်သွားလေသည်။ အခန်းထောင့်က ကြွက်တွင်းထဲမှာ တောက်ပနေတဲ့ အရာတစ်ခုကို ကူးယွမ် နှိုက်ထုတ်လိုက်တဲ့အခါ... လက်သန်းခန့်သာရှိတဲ့ သံဓားလေးတစ်လက်ကို တွေ့လိုက်ရပါတယ်။ အဲဒီဓားလေးဟာ သုံးလက်မခန့်သာ ရှိပေမဲ့ သူ့ရဲ့ ရတနာအာရုံမှာတော့ ဂျင်ဆင်းဆေးမြစ်ထက်တောင် ပိုပြီး တောက်ပနေလေသည်။

ကူးယွမ်က အဲဒီဓားလေးကို ကိုင်လိုက်တဲ့အခါ သူ့စိတ်ထဲကို အချက်အလက်တွေ အလုံးအရင်းနဲ့ စီးဝင်လာပါတယ်။

 သေမင်းတမန် ဓားသိုင်း: နတ်ဘုရားကျင့်ကြံသူ သေမင်းတမန်ပညာရှိဖန်တီးခဲ့သော အထူးသိုင်းပညာ။ အောင်မြင်ပါက သေမင်းတမန်ဓားဝိညာဉ်ထူးကဲအစွမ်းကို ပိုင်ဆိုင်နိုင်မည်။

"သေမင်းတမန် ဓားသိုင်း အထူးသိုင်းပညာတဲ့လား"

ကူးယွမ် မှင်သက်သွားသည် အာဟွမ်က ကြောက်စရာကောင်းတဲ့ အဘိုးကြီးတစ်ယောက်ဆီကနေ ဒီလောက်တန်ဖိုးကြီးတဲ့ ရတနာကို ခိုးလာလိမ့်မယ်လို့ သူ လုံးဝ မထင်ထားခဲ့ပါဘူး။ ဒါဟာ အခုအချိန်မှာ သူ့အတွက် အလိုအပ်ဆုံးဖြစ်နေတဲ့ တိုက်ခိုက်ရေးစွမ်းရည်ကို အဆပေါင်းများစွာ မြှင့်တင်ပေးနိုင်မယ့် ရတနာပဲ။