အခန်း (၈၁)  နဂါးနီနတ်နန်းဗိမာန်

"တချို့ကိစ္စတွေက ဖြစ်နေတာမှန်ပေမဲ့ မင်းနဲ့တော့ မဆိုင်ဘူး။ ပြီးတော့ အများကြီးသိတာကလည်း မင်းအတွက် မကောင်းဘူး" အဘိုးကြီးချန်က ခပ်အေးအေးပဲ ပြန်ပြောလိုက်သည်။

သူက ကူးယွမ်ရဲ့ အဆင့်ကို ခုထိ သတိမထားမိသေးပါဘူး။ ကူးယွမ်ဟာ "နက်မှောင်သော လိပ်ချပ်ဝတ်သိုင်း" ရဲ့ အစွမ်းကြောင့် သူ့ရဲ့ သွေးသားအရှိန်အဝါနဲ့ ကျင့်စဉ်အဆင့်ကိုပါ လိပ်တစ်ကောင်လို ပုန်းကွယ်ထားနိုင်နေပါပြီ။

"ဒါက ယွန်းမုန်းတောင်တန်း အနက်ပိုင်းမှာ ဖြစ်ပေါ်နေတဲ့ ထူးဆန်းတဲ့ ဖြစ်စဉ်တွေနဲ့ ဆိုင်နေတာလား"

ကူးယွမ်ရဲ့ ဒီစကားကြောင့် အဘိုးကြီးချန်ဟာ အံ့ဩလွန်းလို့ ထိုင်ရာကနေ ဝုန်းခနဲ ထရပ်မိမတတ် ဖြစ်သွားသည်။ ကူးယွမ်က "နတ်နန်းဗိမာန်" ဆိုတဲ့ စကားလုံးကို တိုက်ရိုက်မသုံးဘဲ "ထူးဆန်းတဲ့ ဖြစ်စဉ်" လို့ပဲ သတိထားပြီး သုံးနှုန်းခဲ့တာပါ။

"ကောင်လေး... မင်း ဒါတွေကိုဘယ်လိုလုပ် သိတာလဲ" အဘိုးကြီးချန်က မေးလိုက်သည်။ ကူးယွမ်ကတော့ သူ့မှာ သတင်းရင်းမြစ် ရှိပါတယ်လို့ပဲ လျှို့ဝှက်ချက်အနေနဲ့ ပြောလိုက်သည်။

အဘိုးကြီးချန်က သက်ပြင်းချရင်း အမှန်တရားကို ဖွင့်ပြောလိုက်ရသည် "အဲဒါက နဂါးနီတောင်သူတော်စင်ရဲ့ ဂူဗိမာန်ပဲ အဲဒီထဲမှာ ရတနာတွေ ဆေးမြစ်တွေနဲ့ သူတော်စင်ရဲ့ ပညာရပ်အမွေအနှစ်တွေ ရှိနေတာ။ ဒီကိစ္စက ငါတို့ ဆေးဘုရင်တောင်ရဲ့ အကြီးအကဲတွေတင်မကဘဲ မိစ္ဆာဂိုဏ်းတွေဖြစ်တဲ့ ဂူနတ်ဘုရားဂိုဏ်းနဲ့ ယွမ်မင်ဂိုဏ်း တွေကိုပါ လှုပ်ခတ်သွားစေတာပဲ"

"ဒီမြို့ငယ်လေး ဘေလျန်းဟာ အဲဒီအမွေအနှစ်နေရာဆီ သွားဖို့ အနီးဆုံးလမ်းကြောင်းတစ်ခု ဖြစ်နေတယ်။ အစွမ်းထက်တဲ့သူတွေ စိတ်ဆိုးပြီး လက်တစ်ချက် ဝှေ့ယမ်းလိုက်တာနဲ့တင် ဒီမြို့လေးက ပြာဖြစ်သွားနိုင်တယ်"

ကူးယွမ်က စိုးရိမ်တကြီးဖြင့် "ဒါဆိုရင် အပြစ်မဲ့တဲ့ သာမန်လူတွေ အကြောင်းမဲ့ သေကုန်ကြမှာပေါ့"

အဘိုးကြီးချန်က ဆေးဘုရင်တောင်လို အရှင်သခင်တွေကတော့ သာမန်လူတွေကို ကာကွယ်ပေးမှာပါလို့ ပြောပေမဲ့ ကူးယွမ်ကတော့ သိပ်ပြီး စိတ်မချပါဘူး။ ကျင့်ကြံသူတွေအတွက် သာမန်လူဆိုတာ သူတို့ခြေထောက်အောက်က ပုရွက်ဆိတ်တွေလိုပါပဲ။ ပုရွက်ဆိတ်တစ်ကောင်ရဲ့ အသက်ကို သူတို့ ဘယ်လောက်တန်ဖိုးထားကြမှာလဲ။

မိစ္ဆာအိုကြီးရွှမ်ယုံ ရောက်လာတာဟာလည်း အဲဒီနတ်နန်းထဲကနေ သက်တမ်းတိုးဆေး ဒါမှမဟုတ် ပါရမီမြှင့်တင်ပေးမယ့် ဆေးတွေကို ရဖို့အတွက် ဖြစ်ကြောင်း အဘိုးကြီးချန်က ရှင်းပြလိုက်သည်။

"ကောင်လေး... အဲဒီနဂါးနီနတ်နန်း ပွင့်ဖို့က မဝေးတော့ဘူး။ ဒါပေမဲ့ မင်းတော့ သွားဖို့ မစဉ်းစားနဲ့။ အဲဒီနေရာက ရတနာသိုက်ဖြစ်သလို သွေးပင်လယ်လည်း ဖြစ်လာလိမ့်မယ်။ မင်းလို အဆင့်နဲ့ သွားတာက ကိုယ့်ကိုယ်ကိုယ် သတ်သေတာနဲ့ အတူတူပဲ" အဘိုးကြီးက ကူးယွမ်ကို သတိပေးလိုက်သည်။

ကူးယွမ်ကလည်း တည်ငြိမ်စွာပဲ ပြန်ဖြေပါတယ်။ "ဟုတ်ကဲ့... ကျွန်တော် နားလည်ပါတယ်။ ကျွန်တော်က ငယ်ပါသေးတယ် ပြီးတော့ အချိန်တွေ အများကြီး ရှိပါသေးတယ်။ ကျွန်တော့်အတွက်တော့ အသက်ထက် အရေးကြီးတဲ့ရတနာ မရှိပါဘူး။ တစ်နေ့ကျရင် ကျွန်တော်လည်း သူတို့လို အစွမ်းထက်တဲ့ ပုဂ္ဂိုလ်ကြီး ဖြစ်လာနိုင်တာပဲလေ"

"ငါက ငယ်သေးတယ် အချိန်တွေ အများကြီး ရှိသေးတယ်" ဆိုတဲ့ ကူးယွမ်ရဲ့ စကားက အသက်ကြီးနေပြီဖြစ်တဲ့ အဘိုးကြီးချန်ကို စိတ်ထဲမှာ တစ်မျိုးလေး ဖြစ်သွားစေသည်။ သူ့ကို မနာလိုဖြစ်ပြီး ထရိုက်ချင်စိတ်တောင် ပေါက်သွားလေသည်။