အခန်း (၇၈)  ရတနာရှာဖွေခြင်း အတတ်ငယ်

ဘေလျန်းမြို့က သာမန်မြို့ငယ်လေးပါ အရင်ကဆိုရင် အင်းနိတ်သိုင်းဆရာအနည်းငယ်ရှိတာတောင် တော်တော်လေး ဟိုးလေးတကျော် ဖြစ်ခဲ့တာပါ။ ဒါပေမဲ့ အခုတော့ မိစ္ဆာအိုကြီး ရွှမ်ယုံ မျောက်ကပြတဲ့ အဘိုးကြီးနဲ့ အစွမ်းထက်တဲ့ အပြင်လူတွေ အလုံးအရင်းနဲ့ ရောက်ရှိနေတာဟာ လုံးဝ ပုံမှန်မဟုတ်ပါဘူး။

"ဘေလျန်းမြို့မှာ ငါမသိသေးတဲ့ အဖြစ်အပျက်ကြီးတစ်ခုခု ဖြစ်နေတာ သေချာတယ်" လို့ ကူးယွမ် တွေးမိလိုက်သည်။ သူဟာ မြို့ထဲကနေထွက်ခွာပြီး ယွန်းမုန်းတောင်တန်းဆီကို ဦးတည်ခဲ့လိုက်သည်။ အာဟွမ်ကို အဆင့်မြှင့်တင်ပြီးမှ ယုတိန်ခန်းမက အဘိုးကြီးချန်ကို သွားမေးဖို့ သူ ဆုံးဖြတ်လိုက်သည်။

တောင်ထဲက ဆိတ်ငြိမ်တဲ့ ချိုင့်ဝှမ်းတစ်ခုမှာ ကူးယွမ်ရပ်လိုက်သည်အတွက် အာဟွမ်က တစ်ခုခုဖြစ်တော့မယ်ဆိုတာ သိလို့ ရင်ခုန်စိတ်လှုပ်ရှားနေပါတယ်။ ကူးယွမ်က စနစ်ရဲ့ အချက်အလက်ဇယားကို ဖွင့်လိုက်တဲ့အခါ သူ့ရဲ့ တာအိုအမှတ်က ၂၆၈၀ ရှိနေတာကို တွေ့ရပါသည်။

[အာဟွမ်ကို ရတနာရှာကြွက်လေးအဖြစ် ပြောင်းလဲရန် တာအိုအမှတ် ၈၀၀ သုံးမည်လား]

ကူးယွမ်က "အတည်ပြုသည်" လို့ နှိပ်လိုက်တဲ့အခါ အာဟွမ်ရဲ့ တစ်ကိုယ်လုံးကို ဖြူစင်ပြီး ထူးခြားတဲ့ အလင်းတန်းတွေ ဖုံးလွှမ်းသွားသည်။ အာဟွမ်ရဲ့ ခန္ဓာကိုယ်က အရွယ်အစား ပြန်သေးငယ်သွားပြီး အမွေးဟောင်းတွေကျွတ်ကာ ကျောက်စိမ်းရောင် အမွေးနုလေးတွေ ထွက်ပေါ်လာလေသည်။ သူ့ရဲ့ သန်မာတဲ့ သွားနဲ့ လက်သည်းတွေလည်း ကျွေကျသွားပြီး ပိုမိုစူးရှတဲ့ သွားအသစ်တွေ ထွက်ပေါ်လာခဲ့သည်။

ခဏအကြာမှာတော့ အာဟွမ်ဟာ လက်သီးဆုပ်ခန့်သာရှိပြီး ချစ်စရာကောင်းတဲ့ ဉာဏ်ရည်မြင့်မားတဲ့ "ရတနာရှာကြွက်လေး"အဖြစ် အောင်မြင်စွာ ပြောင်းလဲသွားပါတယ်။

ဒီဆင့်ကဲပြောင်းလဲမှုကြောင့် ကူးယွမ်ဟာ အာဟွမ်ဆီကနေ "ရတနာရှာဖွေခြင်းအတတ်ငယ်"ဆိုတဲ့ ထူးကဲအစွမ်းကို ရရှိလိုက်သည်။

သာမန်အားဖြင့် ဒါဟာ နတ်ဘုရားအဆင့်ကျင့်ကြံသူတွေမှသာ ရနိုင်တဲ့ အစွမ်းပါ ဒါပေမဲ့ ဝိညာဉ်သားရဲစနစ်က အဲဒီမဖြစ်နိုင်တာကိုဖြစ်အောင် လုပ်ပေးလိုက်သည်။

ရုတ်တရက် ကူးယွမ်ရဲ့ မျက်လုံးတွေက မီးနဲ့ရှို့သလို ပူလောင်လာပြီး သူ့စိတ်ထဲမှာ ထူးခြားတဲ့ သင်္ကေတ တစ်ခု ပေါ်လာပါတယ်။ အဲဒီသင်္ကေတကတော့ ဒီထူးကဲအစွမ်းရဲ့ အမြုတေပါပဲ နာကျင်မှုတွေ ပျောက်ကွယ်သွားတဲ့အခါ ကူးယွမ်ရဲ့ မျက်လုံးတွေက ပိုမိုတောက်ပလာပြီး အရာအားလုံးကို ထွင်းဖောက်မြင်နိုင်စရာ ရှိလာခဲ့လေသည်။

သူ "ရတနာရှာဖွေခြင်း အတတ်ငယ်" ကို သုံးကြည့်လိုက်တဲ့အခါ ကမ္ဘာကြီးက ပြောင်းလဲသွားခဲ့သည်။ သူ့အမြင်ထဲမှာ တောင်ကုန်းတွေ တောအုပ်တွေကြားမှာ ထူးခြားတဲ့ အလင်းတန်းလေးတွေ ပေါ်နေပြီ အပြာ၊ အနီ၊ အဖြူ စသဖြင့် အရောင်စုံ အလင်းတန်းတွေဟာ ရတနာတွေရဲ့ တန်ဖိုးအလိုက် ကွဲပြားနေတာပါ။

"ဒီအလင်းတန်းတွေကရတနာတွေရဲ့ဝိညာဉ်အရှိန်အဝါတွေပဲဖြစ်ရမယ်" လို့ကူးယွမ်စိတ်လှုပ်ရှားစွာတွေးလိုက်မိသည်။အခုဆိုရင်သူဟာတောထဲတောင်ထဲမှာပုန်းကွယ်နေတဲ့ဆေးမြစ်ကောင်းတွေနဲ့ရတနာတွေကိုလွယ်လွယ်ကူကူရှာဖွေနိုင်တော့မှာဖြစ်ပါတယ်။