အခန်း (၇၂)  မိစ္ဆာတစ္ဆေ

အဘိုးကြီးချန်က ကူးယွမ်ကို ဆေးဘုရင်တောင်ရဲ့ တပည့်အဖြစ် မသွတ်သွင်းနိုင်တဲ့အတွက် နှမြောတသဖြစ်နေပေမဲ့ ကူးယွမ်ကတော့ သိပ်ပြီး ဂရုမစိုက်ပါဘူး။ သူက ရယ်မောရင်း "ဒီလောက် အလားအလာရှိတာတောင် ကံကောင်းလှပါပြီ။ ဆေးဘုရင်တောင်ရဲ့ တပည့်မဖြစ်ရလည်း တခြားလမ်းကြောင်းကနေ ကျင့်စဉ်တွေ ရှာဖွေနိုင်တာပဲလေ" လို့ ပြောလိုက်ပါတယ်။

ကူးယွမ်ရဲ့ စိတ်ဓာတ်က သူ့ရဲ့ ဝိညာဉ်သားရဲစနစ် အပေါ်မှာပဲ အခြေခံထားတာပါ။ ဒီလို ကောင်းကင်ဘုံကို ဆန့်ကျင်နိုင်တဲ့ စနစ်ရှိနေတာဟာ ကမ္ဘာပေါ်က ၉၉% သော လူတွေထက် ကံကောင်းနေပြီဆိုတာ သူသိပါတယ်။ အဘိုးကြီးချန်ဟာ ကူးယွမ်ရဲ့ တည်ငြိမ်ပြီး ပွင့်လင်းတဲ့ စိတ်ထားကို မြင်တော့ ပိုပြီး သဘောကျသွားပြီး "ကဲ... မင်း ဒီနေ့ ဘာကိစ္စနဲ့ လာတာလဲ ပြောတော့" လို့ လေသံပျော့ပျော့နဲ့ မေးပါတော့တယ်။

ကူးယွမ်က မနေ့ညက သူကြုံခဲ့ရတဲ့ တစ္ဆေအကြောင်းကို အသေးစိတ် ပြောပြပါတယ်။ အဘိုးကြီးချန်ရဲ့ မျက်နှာက ချက်ချင်းဆိုသလို ပျက်သွားပြီး  "ဒါက မိစ္ဆာတစ္ဆေပဲ ယင်စွမ်းအင်နဲ့ သန့်စင်ထားတဲ့အတွက် နေရောင်ကို မကြောက်ဘူး သာမန် တားဆီးမှုတွေလည်း မတိုးဘူး။ အထူးသဖြင့် သွေးသားအရှိန်အဝါ ကောင်းတဲ့ သိုင်းသမားတွေကို အစာအဖြစ် လိုက်ရှာတတ်ကြတာ"

ဒါတင်မကဘဲ အဘိုးကြီးချန်က ဆက်ပြောပြတာက  ရွှမ်ယုံမိစ္ဆာအိုကြီးဟာ ဝိညာဉ်သတ်အလံဆိုတဲ့ မှော်လက်နက်ထဲမှာ ဒီလိုမိစ္ဆာတစ္ဆေပေါင်း ရာနဲ့ချီပြီး မွေးမြူထားတယ်လို့ ဆိုပါတယ်။ သူက ဒီတစ္ဆေတွေကို သိုးလွှတ်သလို လွှတ်ထားပြီး လူတွေရဲ့ သွေးသားတွေကို စုပ်ယူစေကာ သူ့ရဲ့ မှော်လက်နက်ကို အားဖြည့်နေတာ။

အဘိုးကြီးချန်က ကူးယွမ်ကို အဖြူရောင် ကျောက်စိမ်းအဆောင်တစ်ခု ပေးလိုက်ပါတယ်။ "ဒါက ဆက်သွယ်ရေး အဆောင်ပဲ မင်း အန္တရာယ်ကြုံရင် ဒါကို ချေဖျက်လိုက်တာနဲ့ ငါ ချက်ချင်းရောက်လာမယ်" ကူးယွမ်လည်း ဒါဟာအသက်ကယ်အဆောင်ပဲဆိုတာ သိလို့ ကျေးဇူးတင်စွာနဲ့ သိမ်းဆည်းထားလိုက်သည်။

ကူးယွမ်ဟာ အဘိုးကြီးချန်ဆီကနေ ကျင့်ကြံခြင်းဆိုင်ရာ ဗဟုသုတတွေကို မမောနိုင်မပန်းနိုင် မေးမြန်းနေလို့ အဘိုးကြီးက စိတ်မရှည်တော့ဘဲ "သွားတော့" ဆိုပြီး မောင်းထုတ်လိုက်မှ ပြန်ဆင်းလာခဲ့သည်။

လှေကားကနေ ဆင်းလာတဲ့အခါမှာတော့ ကူးယွမ်ဟာ လူနှစ်ယောက်ကိုတွေ့လိုက်ရပါတယ် တစ်ယောက်ကတော့ ယုတိန်ခန်းမရဲ့ သခင်မလေး ရှယို့ရွှယ်ဖြစ်ပြီး နောက်တစ်ယောက်ကတော့ သူမနောက်ကနေ တကောက်ကောက်လိုက်ပြီး အမှားတွေကို လိုက်ရှင်းပြနေတဲ့ ယန်ကျန့်ဖေးပါ။

ရှယို့ရွှယ်က ယန်ကျန့်ဖေးကို "ကျေးဇူးပြုပြီး ကိုယ့်ကိုယ်ကိုယ် လေးစားပါဦး" လို့ ပြောပြီး ငြင်းပယ်နေတဲ့ မြင်ကွင်းကို ကူးယွမ် မြင်လိုက်ရသည်။ ကူးယွမ်ကတော့ အနေရခက်နေတဲ့ ရှယို့ရွှယ်ကို ကြည့်ပြီး ယဉ်ကျေးစွာပဲ နှုတ်ဆက်လိုက်ပါတယ်။

"နှုတ်ဆက်ပါတယ် သခင်မလေး"