အခန်း (၅၄)  ဝိညာဉ်သားရဲ သုံးကောင်၏ အခြေအနေ

သံသွားကြွက် အာဟွမ်သည် သူနှင့် အမျိုးနီးစပ်သော အိမ်ကြွက်များကို ဆွေမျိုးဟုပင် မသတ်မှတ်ပေ။

သူသည် တံခါးဝတွင် ထိုင်ကာ သံတုံးတစ်တုံးကို ဂျွတ်ဂျွတ် နှင့် ကိုက်ဝါးရင်း ကူးယွမ်အတွက် ကင်းစောင့်ပေးနေသည်။

ကူးယွမ်သည် သူ၏စွမ်းရည်ပြဇယားကို ဖွင့်ကြည့်လိုက်သည်။

 သားရဲသခင်: ကူးယွမ်

  အဖော်သားရဲများ။

 သံသွားကြွက် (အာဟွမ်): (ရတနာရှာကြွက်အဖြစ် ပြောင်းလဲရန် တာအိုအမှတ် ၈၀၀ လိုအပ်။

အဆင့်: ကြီးထွားဆဲ (၆၃%)

သံကျောကင်းခြေများ: (ငွေကျောကင်းခြေများအဖြစ် ပြောင်းလဲရန် အမှတ် ၅,၆၀၀ လိုအပ်)

အဆင့်: ကြီးထွားဆဲ (၃၉%)

   ဗိုက်ပူမြွေ: (ဝိညာဉ်ဝါးမြိုမြွေအဖြစ် ပြောင်းလဲရန် အမှတ် ၁,၀၀၀ လိုအပ်)

 အဆင့်: ကြီးထွားဆဲ (၅၇%)

ကျင့်ကြံမှု: သိုင်းဆရာအဆင့် (အကြောသန့်စင်ခြင်း)

 တာအိုအမှတ်: ၁,၂၅၀

ကူးယွမ်တွင် အမှတ် ၁,၂၀၀ ကျော် ရှိနေပြီဖြစ်သဖြင့် အာဟွမ် သို့မဟုတ်ဗိုက်ပူမြွေတို့ကိည  အဆင့်မြှင့်ရန် လုံလောက်နေပြီဖြစ်သည်။ 

သို့သော် သားရဲများမှာ အရွယ်ရောက်သည့်အဆင့်သို့ မရောက်သေးသဖြင့် စောင့်ဆိုင်းရန် ဆုံးဖြတ်လိုက်သည်။

အထူးသဖြင့် ကင်းခြေများမှာ အဆင့်မြင့် ဝိညာဉ်သားရဲဖြစ်၍ ကြီးထွားမှု အနှေးဆုံး ဖြစ်သည်။

သားရဲများကို စစ်ဆေးပြီးနောက် ကူးယွမ်သည် မိမိကိုယ်ကိုယ် အဆင့်မြှင့်ရန် ပြင်ဆင်လိုက်သည်။

ရှမုန့်ရွှယ် ပေးလိုက်သော "ကျားသစ်သန္ဓေ အကြောဆေးရည်" ကို ထုတ်ကာ တစ်ကျိုက်တည်း မျိုချလိုက်သည်။

ဆေးရည်သည် အေးမြသော အရည်အဖြစ် ပြောင်းလဲသွားပြီး ဝမ်းဗိုက်ထဲသို့ ရောက်သောအခါ နွေးထောင်သော ခံစားမှုမှတစ်ဆင့် တစ်ကိုယ်လုံးသို့ ပျံ့နှံ့သွားသည်။

ခဏအကြာတွင် ကြွက်သားများမှာ အကောင်ငယ်လေးများ ကိုက်နေသကဲ့သို့ ယားကျိကျိ ဖြစ်လာပြီး သွေးလေများ ဆူပွက်လာတော့သည်။

ကူးယွမ်သည် ခြံဝန်းထဲတွင် "ရွှေမြွေဝိညာဉ်ဝါးမြိုကျင့်စဉ်" လေ့ကျင့်ခန်းများကို စတင်ကစားတော့သည်။

ဝူး... ဝူး

သူ၏ လှုပ်ရှားမှုများမှာ နှေးကွေးနေသော်လည်း အရှိန်အဝါမှာ ပြင်းထန်လှသည်။ 

ခြံထဲရှိ ဖုန်မှုန့်များမှာ လေပြင်းကြောင့် လွင့်စင်တက်လာသည် ဆေးစွမ်းများကြောင့် သူ၏ ခန္ဓာကိုယ်မှ အဖြူရောင် အခိုးအငွေ့များ ထွက်ပေါ်လာပြီး အသားအရေမှာလည်း နီရဲလာသည်။

"နောက်ဆုံးတော့ အကြောသန့်စင်ခြင်းအဆင့် အောင်မြင်သွားပြီ"

ကူးယွမ် သက်ပြင်းရှည်ကြီး ချလိုက်သည်။ ယခုအခါ သူ၏ခန္ဓာကိုယ်မှာ ပေါ့ပါးသွက်လက်သွားပြီး ခွန်အားနှင့် အလျင်နှုန်းမှာလည်း သိသိသာသာ တိုးတက်လာသည်။ 

သိုင်းကျင့်ပြီး တစ်လကျော်အတွင်း အသားသန့်စင်ခြင်းနှင့် အကြောသန့်စင်ခြင်း အဆင့်နှစ်ခုလုံးကို ပြီးမြောက်ခဲ့ခြင်းမှာ မယုံနိုင်စရာပင်။

အနားယူပြီးနောက် ကူးယွမ်သည် လှည့်လည်သောမြွေခြေလှမ်းသိုင်းကျမ်းကို ထုတ်ဖတ်လိုက်သည်။

သူသည် စာသားများနှင့် ပုံများကို သေချာကြည့်ရှုရင်း စိတ်ထဲတွင် မြွေတစ်ကောင် တောအုပ်ထဲ၌ အတားအဆီးများကို ကျော်ဖြတ်ကာ လျင်မြန်စွာ သွားလာနေသည့် ပုံရိပ်ကို မြင်ယောင်လာသည်။

သူသည် စာအုပ်ကို ချလိုက်ပြီး ချက်ချင်းပင် လေ့ကျင့်ကြည့်လိုက်ရာ သူ၏ လှုပ်ရှားမှုများမှာ မြွေတစ်ကောင်ကဲ့သို့ လျင်မြန်ချောမွေ့ပြီး ဖမ်းရခက်သော အနေအထားသို့ ရောက်ရှိသွားတော့သည်။