အခန်း (၄၉) အရိုးစစ်ဆေးခြင်း

"ကျေးဇူးတင်ပါတယ် ခန်းမအရှင်"

ကူးယွမ်သည် ဝမ်းသာအားရဖြင့် လက်အုပ်ချီ၍ ဂါရဝပြုလိုက်သည်။

"ကျေးဇူးတင်ဖို့ မလိုပါဘူး ဒါက မင်းရထိုက်တာတွေပါ။" ရှမင်းယန်က လေသံပြောင်းကာ ဆက်ပြောသည်။

ဒါပေမဲ့ မင်းကိုဒီကိုခေါ်ရတဲ့ အဓိကအကြောင်းရင်းက ဆုလာဘ်ပေးဖို့ တစ်ခုတည်းကြောင့် မဟုတ်ဘူး။

ကူးယွမ်က နားမလည်ဟန်ဖြင့် ဒါဆို ခန်းမအရှင်က ကျွန်တော့်ကို ဘာလို့ ခေါ်တာလဲခင်ဗျာဟု မေးလိုက်သည်။

ရှမင်းယန်က ကူးယွမ်ကို ခြေဆုံးခေါင်းဆုံး အကဲခတ်ကြည့်ရင်း မင်းသိုင်းပညာသင်တာ အချိန်တိုလေးပဲရှိသေးပေမဲ့ ဒီလောက်အစွမ်းထက်နေတာက မင်းမှာ သိုင်းပါရမီရှိလို့ပဲ။ ဒါကြောင့် အဘိုးကြီးမိုကို မင်းရဲ့ ဝိညာဥ်အရိုးကို စစ်ဆေးခိုင်းမလို့ ခေါ်လိုက်တာဟု ဆိုသည်။

လူတစ်ဦး၏ ဝိညာဥ်အရိုး(ပါရမီ) ကို အနိမ့်၊ အလယ်၊ အမြင့် နှင့် ဝိညာဉ်ခန္ဓာ၊ တာအိုခန္ဓာ စသဖြင့် အဆင့်ဆင့် ခွဲခြားထားကြောင်း ရှမင်းယန်က ရှင်းပြသည်။

ဝိညာဥ်အရိုး ကောင်းလေလေ ကျင့်ကြံရလွယ်ကူပြီး အောင်မြင်မှု ပိုကြီးမားလေလေ ဖြစ်သည်။

အဘိုးကြီးမိုက ကူးယွမ်၏ လက်ကောက်ဝတ်ကို ဆုပ်ကိုင်လိုက်ရာ နူးညံ့သော်လည်း ပြင်းထန်သော စစ်မှန်သောချီများ ကူးယွမ်၏ ခန္ဓာကိုယ်အတွင်းသို့ စီးဝင်သွားသည်။

ထိုစဉ် ကူးယွမ်၏ ခန္ဓာကိုယ်မှာ ရုတ်တရက် တုံ့ပြန်မှုများ ဖြစ်ပေါ်လာတော့သည်။

ဂျွတ်... ဂျွတ်

ကူးယွမ်၏ အရိုးများမှာ သံမဏိချင်း ရိုက်ခတ်သံကဲ့သို့ အသံများ မြည်ဟည်းလာပြီး သူ၏ကြွက်သားများမှာလည်း လေးကြိုးများ တင်းနေသကဲ့သို့ အသံများ ထွက်ပေါ်လာသည်။

သူ၏ ခန္ဓာကိုယ်မှာ သိသိသာသာ ကြီးထွားလာပြီး ခုနစ်ပေခန့်ရှိသော လူငယ်လေးမှ ကိုးပေခန့်ရှိသော ထွားကျိုင်းသည့် ယောက်ျားကြီးတစ်ဦးအဖြစ် ခဏချင်း ပြောင်းလဲသွားတော့သည်။

အသားအရေပေါ်တွင် မြွေငယ်လေးများကဲ့သို့ အကြောများ ဖောင်းကြွလာပြီး အဝတ်အစားများပင် ပြဲထွက်တော့မတတ် တင်းကားသွားသည်။

"ဒါ ဒါ ဘာဖြစ်တာလဲ" ရှမုန့်ရွှယ်မှာ အံ့အားသင့်ကာ ကြည့်နေမိသည်။

"ဟင်သံမဏိအရိုးပါရမီလား" ရှမင်းယန်နှင့် မန်နေဂျာ လော်ရှန့်တို့မှာ တစ်ယောက်ကိုတစ်ယောက် ကြည့်ကာ အံ့ဩသွားကြသည်။

အဘိုးကြီးမိုက လက်ကို ပြန်ရုပ်သိမ်းလိုက်ရာ ကူးယွမ်၏ ခန္ဓာကိုယ်မှာ မူလအတိုင်း ပြန်ဖြစ်သွားသည်။ သာမန်လူဆိုလျှင် ယခုကဲ့သို့ ခန္ဓာကိုယ် အကြီးအချဲ့လုပ်ပြီးနောက် ဒဏ်ရာရနိုင်သော်လည်း ကူးယွမ်မှာမူ ရေနွေးပူစိမ်ထားသကဲ့သို့ လန်းဆန်းမှုကိုသာ ခံစားနေရသည်။

အဘိုးကြီးမိုက သူ၏မုတ်ဆိတ်ကို သပ်ရင်း အံ့ဩစွာ ပြောလိုက်သည်။ "အရိုးက သံမဏိလို မာကျောပြီး၊ အကြောတွေက လေးကြိုးလို ပျော့ပျောင်းကျုံ့ဆန့်နိုင်တယ် ဒါက အဆင့်မြင့် ဝိညာဥ်အရိုးဖြစ်တဲ့ သံမဏိအရိုးနှင့် ပျော့ပျောင်းသောအကြောပဲ"

"ပြီးတော့ ဒါက အဆင့်မြင့်ပါရမီတွေထဲမှာတောင် ထိပ်တန်းပဲ"

ရှမုန့်ရွှယ်မှာ မယုံကြည်နိုင်ဟန်ဖြင့် ကူးယွမ်ကို ကြည့်နေမိသည်။ ကူးယွမ်မှာ ဤမျှ ကောင်းမွန်သော ပါရမီရှိလိမ့်မည်ဟု သူမ မထင်ထားခဲ့ပေ။

အဘိုးကြီးမိုက ဆက်လက်ရှင်းပြရာတွင် သံမဏိအရိုးရှိသူမှာ သဘာဝအတိုင်း ခွန်အားကြီးမားပြီး ကိုယ်ခံအား ကောင်းမွန်ကြောင်း ပျော့ပျောင်းသောအကြော ရှိသူမှာ လျင်မြန်ဖြတ်လတ်ပြီး ဒဏ်ရာရခဲကြောင်း ဆိုသည်။ 

ကူးယွမ်မှာ ထိုပါရမီနှစ်မျိုးလုံး ပိုင်ဆိုင်ထားသဖြင့် လူတစ်ရာတွင် တစ်ယောက်ပင် ရှာရခက်သော ပါရမီရှင်တစ်ဦး ဖြစ်နေပေတော့သည်။