အခန်း (၃၄) အမောက်ပါမြွေနှင့် ပါးစပ်ကြီးမြွေ

"ကောင်းပြီလေ အထဲဝင်ပြီး ထိုင်ပါဦး"

ကူးယွမ်၏ ပွင့်လင်းသော စကားများကြောင့် အဘိုးမျက်လုံးတစ်ဖက်၏ အမူအရာမှာ အတော်လေး ပျော့ပျောင်းသွားပြီး သတိထားနေသည့် အကြည့်များလည်း လျော့ပါးသွားသည်။ နှုတ်ထွက်စကားများက လိမ်ညာနိုင်သော်လည်း အချို့အရာများကိုမူ ဖုံးကွယ်၍မရပေ။

ကူးယွမ်၏ သံသွားကြွက်မှာ အမွေးအမှင် တလက်လက်တောက်ကာ ဝဖြိုးနေပြီး ကူးယွမ်အပေါ် အလွန်ပင် ကပ်ချွဲနေသည်ကို မြင်ရုံဖြင့် ကူးယွမ်သည် တိရစ္ဆာန်များကို ချစ်မြတ်နိုးပြီး ကောင်းမွန်စွာ ကျွေးမွေးစောင့်ရှောက်သူဖြစ်ကြောင်း သိသာလှသည်။

"ငါ့ဝင်းထဲမှာ မြွေအမျိုးအစား ၁၉ မျိုး ရှိတယ်" အဘိုးကြီးက ကူးယွမ်၏ အမေးကို ပြန်လည်ဖြေကြားသည်။

"အဲဒီထဲက အများစုကို ဒီချင်းလူမြို့နယ် အနီးအနားက တောင်ပေါ်မှာ ဖမ်းခဲ့တာပဲ"

တချို့ကတော့ အဆိပ်အရမ်းပြင်းတယ်။ ဥပမာ- ခြေလှမ်းငါးလှမ်းမြွေ ငွေပတ်မြွေ၊ သံခေါင်းမြွေ၊ ဝါးရွက်စိမ်းမြွေနဲ့ အမောက်ပါမြွေ တွေပေါ့ အဲဒီထဲမှာ အကြောက်ရဆုံးကတော့ အမောက်ပါမြွေပဲ သူ့အဆိပ်က သွေးနဲ့ထိတာနဲ့ ချက်ချင်းသေစေနိုင်တယ် ကိုယ်ခံပညာရှင်တစ်ယောက်တောင် အကိုက်ခံရရင် နေရာတင် အသက်ပျောက်နိုင်တယ်။

အဘိုးကြီးက ပြောရင်းနှင့် အနီးရှိ မြွေအိုးတစ်လုံးကို ဖွင့်လိုက်သည်။ သူ၏ လက်ဝှေ့ယမ်းမှုနှင့်အတူ နီညိုရောင် မြွေတစ်ကောင်မှာ ထွက်လာပြီး အဘိုးကြီး၏ လက်မောင်းပေါ်သို့ တွားတက်သွားသည်။

ထိုမြွေ၏ ခေါင်းပေါ်တွင် ကြက်ဖအမောက်နှင့်တူသော အရိုးစုသဏ္ဌာန် အဖုတစ်ခု ပါရှိသည်။

ရှူး... ရှူး... ၎င်းသည် ကူးယွမ်ကို မြင်သောအခါ ရန်လိုစွာ လျှာထုတ်ပြနေတော့သည်။

ကူးယွမ်သည် ထိုမြွေကို ကြည့်ကာ သဘောကျသွားသည်။ ထိုမြွေ၏ အဆင့်မှာ အနည်းဆုံး အပြာရောင် အထူးအဆင့်ဖြစ်နိုင်ပြီး သူ၏ ကျောသံကန်နန်းကဲ့သို့ပင် စွမ်းအားကြီးမားသော ဝိညာဉ်သားရဲတစ်ကောင် ဖြစ်ပေလိမ့်မည်။

သို့သော် ကူးယွမ်သည် အဆိပ်ပြင်းသော ဝိညာဉ်သားရဲ ရှိထားပြီးသား ဖြစ်သဖြင့် အဆိပ်ကို အားပြုသော မြွေကို ထပ်မံမွေးမြူရန် စိတ်မဝင်စားပေ။

ကူးယွမ်၏ စိတ်မပါသော အမူအရာကို မြင်သဖြင့် အဘိုးကြီးက ဆက်ပြောပြသည် ကျန်တဲ့ မြွေတွေကတော့ အတွေ့ရများတဲ့ အမျိုးအစားတွေပါ တချို့ကတော့ ဆောင်းခိုနေကြပြီ ဆောင်းမခိုတဲ့ မြွေတွေထဲမှာတော့ မျက်ခုံးဖြူမြွေဘုရင်၊ ပန်းနီမြွေပွေး၊ အကြေးခွံနက်စပါးအုန်းနဲ့ ပါးစပ်ကြီးမြွေတွေ ရှိတယ် တချို့မြွေတွေက အဆိပ်မရှိပေမဲ့ အရွယ်အစားကြီးလို့ တောဝံပုလွေတွေကိုတောင် ရစ်ပတ်သတ်နိုင်တယ်"

ကူးယွမ်၏ မျက်လုံးများ ဝင်းလက်သွားပြီး "ခဏလေးပါအဘိုး ခန္ဓာကိုယ်သေးပေမဲ့ ရစ်ပတ်အား အရမ်းကောင်းတဲ့မြွေက ဘယ်အကောင်လဲဟင်"

အဘိုးကြီးက အိမ်ဝင်းထဲရှိ အိုးတစ်လုံးကို ဖွင့်လိုက်ရာ မီးခိုးဖြူရောင် မြွေတစ်ကောင် ထွက်လာသည် ထိုမြွေ၏ ပုံစံမှာ အလွန်ထူးဆန်းလှသည်။

၎င်းသည် ၆ ပေခန့် ရှည်သော်လည်း အတုတ်မှာမူ ကူးယွမ်၏ လက်သန်းခန့်သာ ရှိသည်။ ခေါင်းမှာမူ ကိုယ်ထည်နှင့် ယှဉ်လျှင် အနည်းငယ် ပိုကြီးသည်။ ကြည့်ရသည်မှာ ကြိုးတစ်ချောင်းနှင့်ပင် တူလှသည်။

"ဒါက ပါးစပ်ကြီးမြွေပဲ" အဘိုးကြီးက ရှင်းပြသည်။ ဒီမြွေက အဆိပ်မရှိပေမဲ့ သူ့ထက် အများကြီးကြီးတဲ့ သားကောင်တွေကို မျိုချနိုင်သလို ရစ်ပတ်အားလည်း အရမ်းကောင်းတယ်။ တောယုန်တစ်ကောင်ကို နှစ်ပိုင်းပြတ်သွားအောင်အထိ ရစ်ပတ်နိုင်စွမ်း ရှိတယ်။

ကူးယွမ်သည် စိတ်လှုပ်ရှားစွာ ခေါင်းညိတ်လိုက်သည်။ ပြင်းထန်သော ရစ်ပတ်နိုင်စွမ်း သန်မာသော ခန္ဓာကိုယ်ဤသည်မှာ သူရှာနေသော အရာပင် ဖြစ်သည်။

"အဘိုး ဒီမြွေကို ကျွန်တော့်ကို ပေးလို့ရမလား" ကူးယွမ်က ငွေစအချို့ ထုတ်ယူကာ ကမ်းလှမ်းလိုက်သည်။

သို့သော် အဘိုးကြီးက ငွေကို ငြင်းပယ်လိုက်ပြီး "ငွေမလိုပါဘူး ငါလို အဘိုးကြီးက ငွေတွေ ဘာလုပ်မှာလဲ ငါလည်း အိုပြီဆိုတော့ ဒီမြွေတွေကို ကောင်းကောင်း မစောင့်ရှောက်နိုင်တော့ဘူး။ မင်း တကယ်ကြိုက်ရင် ယူသွားပါ၊ သူ့ကို ကောင်းကောင်း စောင့်ရှောက်ပေးဖို့ပဲ မျှော်လင့်ပါတယ်"

ကူးယွမ်သည် အဘိုးကြီးကို အဖန်ဖန် ကျေးဇူးတင်စကား ဆိုကာ မြွေအိုးကို ယူပြီး တည်သို့ ပြန်လာခဲ့သည်။

အခန်းထဲသို့ ရောက်သောအခါ ကူးယွမ်သည် တံခါးကို သေချာပိတ်၍ မြွေအိုးကို ဖွင့်လိုက်သည်။ ပါးစပ်ကြီးမြွေမှာ ခေါင်းပြူထွက်လာသည်နှင့် ကူးယွမ်က ဖမ်းဆုပ်လိုက်သည်။

ထိုမြွေမှာ လက်သန်းခန့်သာ ရှိသော်လည်း ၎င်း၏ ရုန်းကန်အားမှာ အံ့ဩစရာ ကောင်းလှသည်။ အကြေးခွံများမှာလည်း မာကျောပြီး ချောမွတ်နေသဖြင့် ကိုင်ထားရန်ပင် ခဲယဉ်းလှသည်။

သို့သော် ကူးယွမ်က အားစိုက်၍ ချုပ်ကိုင်ထားရာ ခေတ္တအကြာတွင် ထိုမြွေမှာ ငြိမ်သက်သွားတော့သည်။

သင်သည် ပါးစပ်ကြီးမြွေ (အစိမ်းရောင်အဆင့်) ကို ဖမ်းဆီးရမိသည်။ ၎င်းကို ယဉ်ပါးစေလိုပါသလား။

"ယဉ်ပါးစေမယ်"