အခန်း (၃၂) ကိုယ်ခံပညာရှင်လား

ကိုယ်ခံပညာရှင်များသည် အစားအသောက် အလွန်စားနိုင်ကြသည်။ သူတို့၏ သွေးသားအင်အား နှင့် ခိုင်မာသော ခန္ဓာကိုယ် တည်ဆောက်ပုံကြောင့် ပုံမှန်ထက် အာဟာရ ပိုမိုလိုအပ်သည်။

ကိုယ်ခံပညာ ကျင့်ကြံခြင်း၏ အခြေခံသည် စားခြင်းပေါ်တွင် မူတည်နေသည် မဟုတ်ပါလား။

သာမန်လူများက ဆန်စပါးနှင့် အသားကို စားကြသော်လည်း ဤကိုယ်ခံပညာရှင်များမှာမူ ပို၍များများစားရန် လိုအပ်ရုံသာမက ပို၍ကောင်းမွန်သော အရာများကို စားရန်လိုအပ်သည်။

ဤ ဆေးဖက်ဝင်အစားအစာများသည် ဂိုဏ်းကြီးများမှ တပည့်များအတွက် ပုံမှန်စားစရာပင်။ ကူးယွမ်အရင်က စားခဲ့ဖူးသော ခိုစွပ်ပြုတ်မှာလည်း အရင်းခံစွမ်းအားကို အားဖြည့်ပေးသော အစားအစာမျိုး ဖြစ်သည်။

ရန်ကျန့်ဖေး ၏ အစားအသောက်နှင့် အဆောင်အယောင်မှာ ကူးယွမ်တို့ထက် များစွာ သာလွန်လှသည်။

တောက် ငါတို့က ဆန်ပြုတ်နဲ့ တောဟင်းသီးဟင်းရွက်တွေ စားနေရချိန်မှာ ဒီကောင်ကတော့ တစ်နေ့လုံး အရသာရှိတဲ့ အစားအစာတွေနဲ့ ဝိုင်ကောင်းတွေကို သောက်နေတာပဲ ဒီကောင်မှာ ဘာအရည်အချင်း ရှိလို့လဲ" ကျိုးကျုံးက ရန်ကျန့်ဖေး၏ အသားကို ကိုက်ဝါးနေသကဲ့သို့ မုန့်ပြားကို ဒေါသတကြီး ကိုက်စားရင်း ပြောလိုက်သည်။

ကူးယွမ်ကမူ ရယ်ချင်သွားသော်လည်း ကျိုးကျုံး၏ မကျေနပ်မှုကို နားလည်ပေးနိုင်သည်။

လူတို့သည် မရှိတာထက်မညီတာကို ပိုခံရခက်ကြသည် မဟုတ်ပါလား။

ရှမုန့်ရွှယ်ကတော့ ခန်းမအကြီးအကဲ၏ သမီးဖြစ်သဖြင့် ထူးခြားသော ဆက်ဆံမှုကို ခံရသည်မှာ အကြောင်းမဟုတ်သော်လည်း ရန်ကျန့်ဖေးမှာမူ ရန်ဟန်၏ တူဖြစ်ရုံနှင့် ဤမျှ မောက်မာနေခြင်းကို ကျိုးကျုံးက လက်မခံနိုင်ခြင်း ဖြစ်သည်။

ကူးယွမ်သည် ရန်ကျန့်ဖေးကို တစ်ချက်ကြည့်လိုက်ပြီးနောက် မလှမ်းမကမ်းရှိ သာမန်ရုပ်ရည်နှင့် အလတ်စား အရွယ်ရှိသော အစောင့်တစ်ဦးထံသို့ အကြည့်ကို ရွှေ့လိုက်သည်။

ပြီးခဲ့သော ရက်အနည်းငယ်အတွင်း ကူးယွမ်သည် ထိုအစောင့်မှာ တစ်ခုခု ထူးဆန်းနေသည်ကို သတိထားမိခဲ့သည်။

အမှန်စင်စစ် အဟွမ်က ရှာဖွေတွေ့ရှိခဲ့ခြင်း ဖြစ်သည်။ တိရစ္ဆာန်များ၏ အာရုံခံစားမှုမှာ လူသားများထက် ပို၍ စူးရှသည်။

အဟွမ်သည် ထိုအစောင့်ကို မြင်လျှင် ကြောက်လန့်နေတတ်သည်။ အဟွမ်မှာ သံစားကြွက်ဖြစ်ပြီး ရန်ဟန်ကဲ့သို့ ကျိုးသန့်စင်ခြင်းအဆင့်ရှိသူကိုပင် အနည်းငယ်သာ ခန့်ညားရိုသေမှု ရှိသော်လည်း ဤအစောင့်ကိုမူ ကြောက်ရွံ့နေခြင်း ဖြစ်သည်။

ဒါက ဘာကို ဆိုလိုတာလဲ ရန်ဟန်ထက် ပို၍ ကြောက်စရာကောင်းသောသူဆိုလျှင်ကိုယ်ခံပညာရှင်လား။

ရန်ဟန်နှင့် ထိုအစောင့်မှာ တစ်ခါတစ်ရံ အကြည့်ချင်း ဖလှယ်တတ်ကြသဖြင့် ယုတိန်ခန်းမက တမင်စီစဉ်ထားသော လျှို့ဝှက်အစောင့် ဖြစ်နိုင်သည်ဟု ကူးယွမ် တွေးမိလိုက်သည်။

"ဒီလောက် အန္တရာယ်ရှိတဲ့လူကို လှည်းတန်းထဲမှာ ဝှက်ထားတယ်ဆိုရင် ရန်ဟန်တို့က တစ်ခုခုကို ကြိုတင်ကာကွယ်နေတာပဲ ဖြစ်ရမယ်"

ကူးယွမ်သည် သူ၏အင်အားကို မြှင့်တင်ရန်အတွက် မြွေတစ်ကောင်ကို ဝိညာဉ်သားရဲအဖြစ် ယဉ်ပါးရန် ပို၍ပင် စိတ်အားထက်သန်လာသည်။

ချင်းလူမြို့နယ်တွင် အဆိပ်ရှိသော ပိုးမွှားနှင့် သားရဲများ ပေါများသဖြင့် ထိုနေရာတွင် သူနှစ်သက်မည့် မြွေတစ်ကောင်ကို ရှာဖွေရန် ဆုံးဖြတ်လိုက်သည်။

ဒုတိယနေ့ ညနေခင်းတွင် ကုန်လှည်းတန်းမှာ ချင်းလူမြို့နယ်သို့ ရောက်ရှိသွားသည်။ အားလုံးမှာ ခရီးပန်းလာကြသဖြင့် နေရာတစ်ခုတွင် အနားယူကြသည်။

"သဘောတူထားတဲ့အတိုင်း သန်ဘက်ခါ မနက် ၉ နာရီကနေ ၁၁ နာရီအတွင်း လှည်းတန်း ပြန်ထွက်မယ်။ အခုတော့ မင်းတို့ အပြင်ထွက်ပြီး ကိုယ်ပိုင်ကိစ္စတွေ လုပ်လို့ရပြီ" ဟု ရန်ဟန်က ခွင့်ပြုလိုက်သည်။

သို့သော် သန်ဘက်ခါ မနက် ၇ နာရီမတိုင်မီ ပြန်လာရန် အမိန့်ပေးခဲ့သည်။

ကူးယွမ်သည် ရန်ဟန်က ၎င်းတို့သုံးဦးကို တမင်ဖယ်ထုတ်လိုက်ခြင်းမှာ ၎င်းတို့အား မသိစေချင်သော ကိစ္စတစ်ခုခုကို လုပ်ဆောင်ရန် ဖြစ်နိုင်သည်ဟု ခန့်မှန်းလိုက်မိသည်။

နောက်တစ်နေ့ နံနက်တွင် ကူးယွမ် အပြင်ထွက်ရန်ပြင်စဉ် ကျိုးကျုံးက စိတ်လှုပ်ရှားစွာ ပြေးလာသည်။

 "ညီလေးကူး ဒီမြို့ထဲမှာ နေရာကောင်းတစ်ခု ငါသိတယ် မင်းက ငယ်သေးတော့ မရောက်ဖူးသေးမှာ သေချာတယ် လာ အစ်ကိုကြီးက မင်းကို မျက်စိပွင့်အောင် လိုက်ပြမယ်" သူက ကူးယွမ်ကို မျက်စိတစ်ဖက် မှိတ်ပြလိုက်ရာ ၎င်း၏မျက်နှာမှာ အနည်းငယ် နှာခေါင်းသွေးယိုချင်စရာ ဖြစ်နေသည်။

ကူးယွမ်က ခဏရပ်သွားပြီးနောက် လက်ယမ်း၍ ငြင်းလိုက်သည် မသွားတော့ဘူး အစ်ကိုကြီး ကျွန်တော့်မှာ လုပ်စရာရှိလို့ အစ်ကိုကြီးပဲ သွားလိုက်ပါ"

"မသွားဘူး ဟုတ်လား မင်း နောင်တရလိမ့်မယ်နော် နေဦး ငါ ဘာကို ဆိုလိုတာလဲဆိုတာ မင်း သိလို့လား" ကျိုးကျုံးက အံ့ဩသွားသည်။

ငါက အရင်ဘဝတုန်းက မြို့ထဲက ခြေထောက်နှိပ်တဲ့နေရာတွေ ကလပ်တွေကို အကုန်နှံ့ခဲ့တဲ့သူလေ မင်းဘာပြောချင်တာလဲဆိုတာ ဘယ်လိုလုပ် မသိဘဲနေမလဲ ကူးယွမ်က စိတ်ထဲမှ တွေးလိုက်သော်လည်း အပြင်ပန်းတွင်မူ "အစ်ကိုကြီးက ကျွန်တော့်ကို အရက်သွားသောက်ဖို့ ဖိတ်တာ မဟုတ်လား" ဟု လူအေးလေးလို ဟန်ဆောင်မေးလိုက်သည်။

"ဟင်း အရက်သောက်တာက ဘာမှမဟုတ်ပါဘူး ငါပြောတဲ့နေရာက အရက်သောက်တာထက် အများကြီး ပိုကောင်းတာ" ကျိုးကျုံး စကားပြောနေစဉ် ရှမုန့်ရွှယ် ဖြတ်သွားသဖြင့် သူ၏စကားမှာ ရုတ်တရက် ရပ်တန့်သွားသည်။

 "အေး ဟုတ်တယ် အရက်သွားသောက်ဖို့ ဖိတ်တာပါ မင်း မအားဘူးဆိုရင်လည်း နေပါတော့"

"ရပါတယ်နောက်မှပေါ့" ကူးယွမ်ကကျိုးကျုံး၏ပုခုံးကိုပုတ်လိုက်ပြီး "အစ်ကိုကြီးကျိုးကျွန်တော့်ကိုအရက်တစ်ခွက်ကြွေးဖို့ကျန်သေးတယ်နော်" ဟုပြောကာထိုနေရာမှထွက်ခွာလာခဲ့တော့သည်။