အခန်း (၂၂) ဝိညာဉ်မြွေ သန်လျက်သိုင်း

"မင်းရှေ့မှာရှိတဲ့ ဒီကျင့်စဉ်တွေအားလုံးဟာ ငါတို့ခန်းမက မျိုးဆက်အလိုက် စုဆောင်းထားတဲ့ ရတနာတွေပဲ"

ယန်ဟန်က တည်ငြိမ်စွာ ပြောလိုက်သည်။ "ဒါတွေက အောက်ဆင့်ကိုယ်ခံပညာတွေ ဖြစ်ပေမဲ့ ကြိုးစားအားထုတ်ရင်တော့ အောင်မြင်မှုတစ်ခုခု ရနိုင်ပါတယ်။ သာမန်လူတစ်ယောက်အတွက်တော့ တစ်သက်လုံး လေ့ကျင့်လို့ လောက်ငပါတယ်"

"အောက်ဆင့် ကျင့်စဉ်တွေလား"

ကူးယွမ်အံ့ဩသွားပြီး ယနေ့နံနက်က သူရရှိခဲ့သော "ရွှေမြွေ ဝိညာဉ်စုပ်ယူခြင်း ကျင့်စဉ်" ကို သတိရလိုက်သည် ၎င်းမှာ အဆင့်မြင့်ကျင့်စဉ်အစစ်အမှန် ဖြစ်သည်။

ယန်ဟန်က ကူးယွမ်ကို နားမလည်ဟု ထင်ကာ ဆက်လက်ရှင်းပြသည်။ "လူတွေမှာ ပါရမီနဲ့ အရိုးတည်ဆောက်ပုံ ကွဲပြားသလို ကျင့်စဉ်တွေမှာလည်း အဆင့်အတန်း ကွဲပြားမှု ရှိတာပေါ့"

သူက ဆက်ပြောသည်မှာ ကိုယ်ခံပညာများကို အောက်ဆင့်၊ အလယ်ဆင့်၊ အဆင့်မြင့် နှင့် ပြိုင်ဘက်ကင်းဆင့်ဟု ခွဲခြားထားကြောင်း ဖြစ်သည်။

အောက်ဆင့်မှာ ငွေပေး၍ လွယ်လွယ်ကူကူ သင်ယူနိုင်သော်လည်း အလယ်ဆင့်မှာမူ ဘဝကို ပြောင်းလဲစေနိုင်သည်။ အဆင့်မြင့်နှင့် ပြိုင်ဘက်ကင်း အဆင့်များမှာမူ နာမည်ကြီး ဂိုဏ်းကြီးများတွင်သာ ရှိတတ်သော အဖိုးတန် အမွေအနှစ်များ ဖြစ်သည်။

"အဆင့်မြင့် ကျင့်စဉ်တွေကိုသာ လေ့ကျင့်နိုင်ရင် ကိုယ်ခံပညာရှင်အဖြစ် တက်လှမ်းနိုင်ပြီး အသက် (၁၅၀) အထိ ရှည်နိုင်တယ်။ အဲဒီအထက်မှာတော့ ကောင်းကင်လူသားနယ်ပယ် ဆိုတာရှိပြီး အသက် (၃၀၀) အထိ နေနိုင်သလို ကောင်းကင်မှာ ပျံသန်းနိုင်တယ်လို့ ဆိုကြတယ်"

ယန်ဟန်သည် ကူးယွမ်၏ မျက်လုံးထဲတွင် အရောင်တောက်လာသည်ကို မြင်သောအခါ စိတ်ထဲမှ လှောင်ပြုံးပြုံးလိုက်မိသည်။

သူကိုယ်တိုင်လည်း ပါရမီကောင်းသော်လည်း နောက်ခံအင်အားနှင့် အရင်းအမြစ်မရှိသဖြင့် ဒုက္ခမျိုးစုံ ကြုံခဲ့ရသူ ဖြစ်သည်။

ဤတောသားလေးအနေဖြင့် ကိုယ်ခံပညာလောကတွင် အောင်မြင်ရန်မှာ ကောင်းကင်သို့ တက်လှမ်းရသကဲ့သို့ ခက်ခဲလိမ့်မည်ဟု သူက ယူဆထားသည်။

"ကျင့်စဉ်ဆိုတာ တိုက်ခိုက်တတ်ရုံနဲ့ မပြီးဘူး အာဏာနဲ့ နောက်ခံရှိဖို့က ပိုအရေးကြီးတယ်ဆိုတာ ဒီကောင်လေး ဘယ်သိပါ့မလဲ" ဟု ယန်ဟန်က တွေးကာ စိတ်မရှည်သလို လက်ကာပြလိုက်သည်။

"ကဲ... ရွေးတော့"

ကူးယွမ်သည် ယန်ဟန်၏ စိတ်မရှည်မှုကို သတိထားမိသဖြင့် ဘာမှမပြောဘဲ ကျင့်စဉ်များကို ဂရုတစိုက် ကြည့်လိုက်သည်။

"ငါ့မှာ ခန္ဓာကိုယ်ကို သန့်စင်ပေးတဲ့ အဆင့်မြင့် ရွှေမြွေကျင့်စဉ်ရှိပြီးသားပဲ။ ဒါကြောင့် အတွင်းအားထက် တိုက်ခိုက်ရေးစွမ်းရည် ကောင်းတာကိုပဲ ရွေးရမယ်"

သူသည် နွားသိုးကျင့်စဉ်ကို ကြည့်ပြီး ပြန်ချထားလိုက်သည်။ ထို့နောက် ဓားသိုင်း၊ သန်လျက်သိုင်းများကို ရှာဖွေရာ

တာအိုအမှတ် + ၇ ရရှိသည်။

တာအိုအမှတ် + ၉ ရရှိသည်။

နောက်ဆုံးတွင် သူသည် မီးခိုးရောင်မျက်နှာဖုံးနှင့် စာအုပ်တစ်အုပ်ကို တွေ့လိုက်ရသည်။

၎င်းမှာ ဝိညာဉ်မြွေ သန်လျက်သိုင်းဖြစ်သည်။ ပထမစာမျက်နှာတွင် ဤသိုင်းကွက်သည် မြွေများ တိုက်ခိုက်ပုံကို လေ့လာ၍ဖန်တီးထားသဖြင့် လျင်မြန်ပြီး ရက်စက်လှသည် ဟု ရေးသားထားသည်။

"ဦးကြီး ကျွန်တော် ဒါကိုပဲ ရွေးပါမယ်"

ယန်ဟန်သည် အံ့ဩသွားသည်။ ကူးယွမ်သည် အခြေခံဖြစ်သော အတွင်းအားကျင့်စဉ်ကို မရွေးဘဲ တိုက်ခိုက်ရေးသိုင်းကို ရွေးလိုက်ခြင်းမှာ အမြီးကို ခေါင်းလုပ်ခြင်း (စနစ်မကျခြင်း) ဟု သူက ယူဆလိုက်သည်။ သို့သော် သူနှင့် မဆိုင်သဖြင့် ဘာမှမတားဘဲ ခွင့်ပြုလိုက်သည်။

"ကောင်းပြီ... ဒီစာအုပ်ကို သုံးရက်အတွင်း ပြန်ပေးရမယ်။ ပြင်ပကို ပေးမသိရဘူး မဟုတ်ရင် ဖြစ်လာမယ့် နောက်ဆက်တွဲကို မင်းသိမှာပါ"

ကူးယွမ်က လက်အုပ်ချီ၍ ရိုသေပြလိုက်သည်။ "နားလည်ပါပြီခင်ဗျာ နောက်တစ်ခုက ပံ့ပိုးမှုအမှတ်တွေကို ဘယ်လိုရနိုင်မလဲဆိုတာ သိပါရစေ"

ယန်ဟန်ကပြုံးလိုက်ပြီး "မမေးရင်တောင်ငါပြောပြမလို့ပဲ။ဒီအမှတ်ပေးစနစ်ဆိုတာက"