အခန်း (၁၅၉) အကြီးအကဲချင်းဟုန်ရှို့

မက်မွန်ပွင့်နတ်သမီး ချင်းဟုန်ရှို့ ဟာ အနည်းဆုံး ယင်ဝိညာဉ်အဆင့်ရှိတဲ့ အစွမ်းထက် ပညာရှင်တစ်ယောက်ပါ။ ကျင့်ကြံသူတောင် မဖြစ်သေးတဲ့ ကူးယွမ်ဆီကနေ ဘာအကူအညီမျိုးကို သူမက လိုချင်နေရတာလဲ

"ငါက မင်းကို အကူအညီတောင်းနိုင်မယ်လို့ ယုံကြည်နေတာကို မင်းထူးဆန်းနေတယ် မဟုတ်လား"

ကူးယွမ်ရဲ့ ဇဝေဇဝါဖြစ်နေမှုကို ရိပ်မိပြီး ချင်းဟုန်ရှို့က တည်ငြိမ်စွာ ဆက်ပြောသည် "တကယ်တော့ အံ့ဩနေစရာ မလိုပါဘူး။ ငါ အကူအညီတောင်းမယ့်ကိစ္စက မင်းရဲ့ ကျင့်ကြံမှုအဆင့်နဲ့ သိပ်မဆိုင်ဘူး။ မင်းကျင့်ကြံတဲ့ နည်းလမ်းက ငါ့ရဲ့ လိုအပ်ချက်နဲ့ ကိုက်ညီနေလို့ပါ ပြီးတော့ ငါ့ရဲ့ အကြီးအကဲတစ်ယောက်က နိမိတ်ဖတ်ထားတာရှိတယ်။ ကူး မျိုးရိုးရှိတဲ့သူတစ်ယောက်က ငါ့ရဲ့ ဘေးဒုက္ခ ၃ ပါးကို ကျော်ဖြတ်ဖို့ အများကြီး အထောက်အကူပြုလိမ့်မယ်တဲ့။ ဒါကြောင့်ပဲ ငါ မင်းကို ထိုက်ယင်းဝိညာဉ်အမြုတေ ပေးခဲ့တာပါ။ မင်း ငါ့ကို စိတ်မပျက်စေဖို့ပဲ မျှော်လင့်ပါတယ်"

ချင်းဟုန်ရှို့ဟာ ကူးယွမ်ကို ဘာမှဖုံးကွယ်မထားဘဲ ပွင့်ပွင့်လင်းလင်း ပြောပြခဲ့သည်။ သူမပြောတဲ့ "ဘေးဒုက္ခ ၃ ပါး" ဆိုတာ ရွှေအမြုတေအဆင့်ကို ဆိုလိုတာ မဟုတ်ပါဘူး။ ဒါဟာ ယန်နတ်ဘုရားအဆင့် ဒါမှမဟုတ် နဂါးတံခါးနယ်ပယ်ကို တက်လှမ်းဖို့ ကျော်ဖြတ်ရမယ့် စမ်းသပ်ချက်တွေပါ။

ဒီစကားကို ကြားတော့ ကူးယွမ် တုန်လှုပ်သွားသည်။ နဂါးတံခါးနယ်ပယ်ကို ကျော်ဖြတ်နိုင်ရင် မသေမျိုး နတ်ဘုရားတစ်ပါး ဖြစ်လာမှာပါ။ ချင်းဟုန်ရှို့ဟာ အခုဆိုရင် မသေမျိုးလမ်းစဉ်ကို စတင်ခြေချနေပြီဖြစ်တဲ့ ရန်စန်း အဆင့် အစွမ်းထက် ပညာရှင်တစ်ယောက် ဖြစ်နေတာပါ။

"စိတ်ချပါ နတ်သမီး... အချိန်တန်ရင် ကျွန်တော် အစွမ်းကုန် ကူညီပါ့မယ်။ နောင်မှာလည်း ကျွန်တော် ကူညီနိုင်တာရှိရင် ဘယ်အချိန်မဆို ခိုင်းစေနိုင်ပါတယ်" လို့ ကူးယွမ်က ကတိပေးလိုက်သည်။ သူမဟာ သူ့ကို နှစ်ကြိမ်တိုင်တိုင် ကျေးဇူးကြီးမားစွာ ကူညီခဲ့သူ မဟုတ်လား။

စကားစပ်မိရင်း ကူးယွမ်က နဂါးနီနတ်ဘုရားနန်းတော်အကြောင်း မေးမြန်းလိုက်သည်။

ချင်းဟုန်ရှို့က နှာခေါင်းလေးရှုံ့ပြီး "အဲဒီနေရာလား နဂါးနီတာအိုဆရာမှာ နန်းတော် ၅ ခုရှိတာ ဒါက အရန်နန်းတော် တစ်ခုပဲ။ အထဲက ပစ္စည်းတွေက ငါ့အတွက်တော့ အသုံးမဝင်ပါဘူး။ ဒါပေမဲ့ မင်းတို့လို ကျင့်ကြံသူတွေအတွက်တော့ ရှားပါးတဲ့ အခွင့်အရေးတစ်ခု ဖြစ်မှာပါ"

သူမက ဆက်ပြီး သတိပေးတာကတော့ နဂါးနီတာအိုဆရာဟာ အလွန်ပါးနပ်သူဖြစ်ပြီး သူဟာ သေဆုံးသွားတာ မဟုတ်ဘဲ တစ်ခုခုကို ကြံစည်နေတာလည်း ဖြစ်နိုင်ကြောင်း ပြီးတော့ "သူက နဂါးကနေ လူအဖြစ် ကျင့်ကြံလာသူဖြစ်ပြီး မိစ္ဆာစွမ်းအင်တွေ မရှိဘူး။ အဖိုးအိုတစ်ယောက်လို ဟန်ဆောင်ပြီး လူတွေကို အခွင့်အရေး ပေးရတာ ဝါသနာပါတတ်တယ်။ အဲဒီနန်းတော်ထဲဝင်ရင် သူ့ကို ရိုးရိုးသားသား ရိုသေမှုပြပါ။ စည်းကမ်းလိုက်နာရင် မင်း ကောင်းကွက်တွေ ရနိုင်တယ်" လို့ လမ်းညွှန်ပေးလိုက်သည်။

ချင်းဟုန်ရှို့ဟာ နဂါးနီတာအိုဆရာကို သူမရဲ့ ဆရာနဲ့ ရင်းနှီးတဲ့ မိတ်ဆွေဖြစ်လို့ "ဦးလေးကြီး" လို့တောင် ခေါ်ရကြောင်း ပြောပြတဲ့အခါ ကူးယွမ်မှာ အံ့ဩလွန်းလို့ ဘာပြောရမှန်းတောင် မသိတော့ပါဘူး။

အရင်ကတော့ အန္တရာယ်များလို့ နန်းတော်ထဲဝင်ဖို့ စိတ်မကူးခဲ့ပေမဲ့ အခု ချင်းဟုန်ရှို့ရဲ့ လမ်းညွှန်ချက်ကို ကြားရတဲ့အခါ ကူးယွမ်လည်း နည်းနည်းတော့ စိတ်လှုပ်ရှားလာသည်။ သူဟာ သားရဲ ၅ ကောင်ကို ကျွေးမွေးဖို့အတွက် ရင်းမြစ်တွေ အများကြီး လိုအပ်နေတာပါ။ ဒါပေမဲ့ သူဟာ အလျင်မလိုပါဘူး။ အနည်းဆုံးတော့ ကမ္ဘာပြင်ပအဆင့်ကို အရင်တက်ပြီး ကိုယ့်ကိုယ်ကိုယ် ကာကွယ်နိုင်တဲ့ အစွမ်းရှိမှသာ စွန့်စားဖို့ ဆုံးဖြတ်ထားလိုက်သည်။