အခန်း (၁၄၈)  သက်စောင့်စမ်းရေ၏ အခြေခံအုတ်မြစ်

အရင်နဲ့ ယှဉ်ရင် ရှောင်ချင်းဟာ အဆ ၁၀ ကျော်လောက် ပိုကြီးလာပါပြီ။ ဒါဟာ နွားယုတယ် ပေးခဲ့တဲ့ "တောင်နတ်မင်းပုလဲ" ရဲ့ အမြုတေလို့ ယူဆရတဲ့ ကျောက်တုံးကို ဝါးမြိုပြီး အစာချေဖျက်လိုက်လို့ပါပဲ။ အရင်က လျင်မြန်ဖျတ်လတ်ခဲ့သမျှ အခုတော့ ရှောင်ချင်းဟာ အရမ်းပျင်းရိနေပြီး ကူးယွမ်က လက်နဲ့တို့ကြည့်ရင်တောင် အသာလေးပဲ တွန့်လိမ်လှုပ်ရှားနေတော့သည်။

ရှောင်ချင်းရဲ့ ကြီးထွားမှုနှုန်းဟာ ၅၉% ရောက်နေပြီဖြစ်ပြီး မကြာခင်မှာ ပိုးအိမ်ဖွဲ့တော့မယ်ဆိုတာကို ကူးယွမ် သိလိုက်သည်။ ၆၀% ရောက်တာနဲ့ ပိုးအိမ်စဖွဲ့ပြီး တကယ့် "မိုးပြာရိပ် ဓားလိပ်ပြာ"အဖြစ် ကူးပြောင်းတော့မှာပါ ဒါဟာ ကူးယွမ်အတွက် သတင်းကောင်းပါပဲ။

ကူးယွမ်ဟာ ဆေးဖက်ဝင်အပင် အရွက်တချို့ကို ရှောင်ချင်းအတွက် ချပေးပြီး သေတ္တာကို ပိတ်လိုက်သည်။ ပြီးနောက် သူ့ရဲ့ သိုလှောင်အိတ်ထဲကနေ ကျောက်စိမ်းရောင် ဆေးလုံးလေးတစ်လုံးကို ထုတ်ပြီး သောက်လိုက်သည်။ ဒါကတော့ စီနီယာဟယ်လင် ပေးထားတဲ့ "ယုကျန့် ဆေးလုံး"ဖြစ်ပြီး သာမန်ဆေးလုံးတွေထက် အဆင့်အတန်း ပိုမြင့်ပါတယ်။

စီနီယာဟယ်လင်ဟာ တကယ်ပဲ ဂရုစိုက်တတ်တဲ့ ဆရာတစ်ယောက်ပါ။ ကူးယွမ် ကျင့်ကြံဖို့အတွက် လိုအပ်တဲ့ ခုခံရေး စီရင်ထုံးတွေ ဝိညာဉ်ကျောက်တုံးတွေ ဒဏ်ရာပျောက်ဆေးတွေနဲ့ အဆိပ်ဖြေဆေးတွေကို အစုံအလင် စီစဉ်ပေးထားသည်။ ဆရာကောင်းရှိတဲ့ အကျိုးကျေးဇူးကြောင့် ကူးယွမ်ဟာ ဘာကိုမှ ပူစရာမလိုဘဲ ကျင့်ကြံခြင်းအပေါ်မှာပဲ အာရုံစိုက်နိုင်ခဲ့သည်။

"အခု ငါ့ရဲ့ ခန္ဓာကိုယ်ထဲက အညစ်အကြေးတွေကို သန့်စင်ပြီးပြီဆိုတော့ တာအိုအခြေခံအုတ်မြစ်တည်ဆောက်ဖို့ စဉ်းစားလို့ရပြီ"

ကူးယွမ်တစ်ယောက် တွေးတောနေမိသည်။ ကောင်းကင်ဘုံအဆင့်ကို တက်လှမ်းဖို့အတွက် ခိုင်မာတဲ့ အခြေခံအုတ်မြစ်က အလွန်အရေးကြီးပါတယ်။ သူဟာ "ထိုက်ယွမ်ရေစင်ကျမ်း" ထဲမှာပါတဲ့ "သက်စောင့်စမ်းရေ"နည်းလမ်းကို အသုံးပြုပြီး သူ့ရဲ့ အခြေခံကို တည်ဆောက်ဖို့ ဆုံးဖြတ်လိုက်သည်။

ဒါပေမဲ့ ဒီလိုလုပ်ဖို့အတွက် လောကထဲက ရေဓာတ်အဆီအနှစ်တွေကို စုပ်ယူပြီး "ထိုက်ယွမ် တရားတံဆိပ်"တွေကို အမြောက်အမြား စုဆောင်းရမှာပါ။ ဒီလုပ်ငန်းစဉ်က အချိန်အများကြီး ပေးရမှာဖြစ်လို့ ရေဓာတ်နဲ့ပတ်သက်တဲ့ ရှားပါးရတနာတွေကို ရှာဖွေပြီး အရှိန်မြှင့်ဖို့ သူ စီစဉ်လိုက်သည်။

ကူးယွမ်တစ်ယောက် အောင်းအိုင်ရာကနေ ထွက်လာတဲ့အခါ ယွီတိန်မျှော်စင်က ဝန်ထမ်းတွေနဲ့ ဆေးမြစ်ရှာဖွေသူတွေက သူ့ကို အလွန်ရိုသေစွာ နှုတ်ဆက်ကြသည်။ ပါရမီနှစ်မျိုးပိုင်ရှင်အဖြစ် နာမည်ကြီးနေတဲ့ ကူးယွမ်ဟာ အခုဆိုရင် ဒီမျှော်စင်မှာ အရှိန်အဝါ အကြီးမားဆုံးသူ ဖြစ်နေပါပြီ။

"ညီငယ်လေး ကူးယွမ်"

ရှမင်ယန် က ပြုံးရွှင်စွာနဲ့ လျှောက်လာသည်။ အရင်က အေးစက်စက်နိုင်ခဲ့တဲ့ ဂိုဏ်းခွဲခေါင်းဆောင်ဟာ အခုတော့ ကူးယွမ်အပေါ်မှာ အလွန်ရင်းနှီးဖော်ရွေတဲ့ ပုံစံမျိုး ပြောင်းလဲသွားပါပြီ။ ဘေးက ရန်ဟန်နဲ့ တခြားဆေးမြစ်ရှာသူတွေကတော့ ဒီမြင်ကွင်းကို ကြည့်ပြီး မှင်သက်နေကြသည်။

လွန်ခဲ့တဲ့ခြောက်လလောက်ကမှသာမန်တောသားလေးတစ်ယောက်ဖြစ်ခဲ့တဲ့ကူးယွမ်ဟာအခုတော့ဂိုဏ်းခွဲခေါင်းဆောင်တောင်ခါးညွှတ်ပြီးဆက်ဆံရတဲ့အဆင့်အတန်းကိုရောက်ရှိနေပါပြီ။