အခန်း (၁၄၆)  "ယုကျန့် လျှို့ဝှက်ချက် ဓားသိုင်း"

"ငါက အခမ်းအနားတွေ သိပ်မကြိုက်ဘူး ငါ့တပည့်တွေအတွက်လည်း စည်းကမ်းတွေ အများကြီး မရှိပါဘူး။ ဆရာကို ရိုသေရင် ရပြီ အဲဒီတော့ ဆရာတင်ပွဲတွေ ဘာတွေဆိုတာ ကျော်လိုက်ကြရအောင်"

အခုတော့ စီနီယာဟယ်လင် ရဲ့ စိတ်နေစိတ်ထားက ပြောင်းလဲသွားပါပြီ။ သူက ကူးယွမ်ရဲ့ ဓားသိုင်းအခြေခံကို ကြည့်ပြီး ဝေဖန်ပေးလိုက်သည်။

"မင်း အခု လေ့ကျင့်နေတဲ့ အသက်နှုတ်ဓားသိုင်း က ရှေးဟောင်းဓားနတ်ဘုရားဂိုဏ်း ရဲ့ အခြေခံဓားသိုင်းပဲ အားကောင်းပေမဲ့ အစွန်းရောက်လွန်းတယ် ဒါပေမဲ့ အခြေခံတည်ဆောက်ဖို့အတွက်တော့ အကောင်းဆုံးပဲ။ အခု မင်းကောင်းကင်ဘုံအဆင့်ကို တက်လှမ်းတော့မှာဆိုတော့ နောက်တစ်ဆင့်အတွက် လိုအပ်ပြီ"

အဲဒီလိုပြောပြီး စီနီယာဟယ်လင်က သူ့ရဲ့ သိုလှောင်အိတ်ထဲကနေ ပစ္စည်းနှစ်ခုကို ထုတ်ပေးလိုက်သည်။ တစ်ခုကတော့ မီးခိုးဖြူရောင် ကျောက်ပြားတစ်ခုဖြစ်ပြီး နောက်တစ်ခုကတော့ "ယုကျန့် လျှို့ဝှက်ချက် ဓားကျမ်း" လို့ အမည်ရတဲ့ ကျမ်းစာအုပ်ပဲ ဖြစ်ပါတယ်။

ကူးယွမ် ကျမ်းစာကို ကိုင်လိုက်တဲ့ ခဏမှာပဲ မျက်စိရှေ့မှာ စာတန်းလေးတွေ ပေါ်လာသည်။

[တာအိုအမှတ် +1679]

[တာအိုအမှတ် +581]

"ဟား... ဝိညာဉ်အမှတ်တွေ အများကြီးပဲ" ကူးယွမ် စိတ်ထဲက ရေရွတ်လိုက်မိသည်။ ကျောက်ပြားကို ကြည့်လိုက်တဲ့အခါ ဓားရာတစ်ခုကို တွေ့ရသည်။ သူ လက်နဲ့ စမ်းကြည့်လိုက်တော့ လျှပ်စစ်နဲ့ အတို့ခံရသလို ခံစားလိုက်ရပြီး လက်ထိပ်မှာ သွေးစို့သွားပါတယ် ဒီဓားရာထဲမှာ ပြင်းထန်တဲ့ ဓားအရှိန်အဝါတွေ ကျန်နေခဲ့တာပါ။

စီနီယာဟယ်လင်က ရှင်းပြသည်  "ဒီကျောက်ပြားကို ဝူမျိုးနွယ် အဘိုးကြီးဆီက ရခဲ့တာ။ ဒါဟာ ဓားဂိုဏ်းတစ်ခုက ပညာရှင်တစ်ယောက် ချန်ထားခဲ့တဲ့ ဓားရာပဲ။ မင်းရဲ့ သေမင်းဓားသိုင်း နဲ့ အရင်းအမြစ်တူတယ်"

ပြီးတော့ "ယုကျန့် လျှို့ဝှက်ချက် ဓားသိုင်း" အကြောင်းကိုလည်း ဆက်ပြောပြသည်။ "ဒီဓားသိုင်းကတော့ ဖြောင့်မတ်တည်ကြည်ပြီး အေးချမ်းတယ်။ အခု မင်းလေ့ကျင့်နေတဲ့ ရက်စက်တဲ့ ဓားသိုင်းနဲ့ လုံးဝ ကွဲပြားတယ်။ မင်းရဲ့ လမ်းစဉ်ကို ပြန်လည် ထိန်းကျောင်းပေးနိုင်လိမ့်မယ်"

ကူးယွမ်က ကျမ်းစာကို အမြန်ဖတ်ကြည့်လိုက်တော့ ဒါဟာ သူ့ရဲ့ "ထိုက်ယွမ်ရေစင်ကျမ်း"လိုပဲ မြေကမ္ဘာအဆင့်ကျမ်းစာဖြစ်မှန်း သိလိုက်ပါတယ်။ သူဟာ "ထိုက်ယွမ် ရေစင်ကျမ်း" ကို အဓိကထား ကျင့်ကြံပြီး ဒီဓားသိုင်းကိုတော့ လက်နက်တစ်ခုအနေနဲ့ လေ့ကျင့်ဖို့ ဆုံးဖြတ်လိုက်သည်။

"ဓားသမားတစ်ယောက်အတွက် ဓားကျမ်းတင်မကဘူး ပျံသန်းနိုင်တဲ့ဓားကလည်း အရေးကြီးတယ်" လို့ ပြောရင်း စီနီယာဟယ်လင်က ငွေရောင်ဓားတစ်လက်ကို ထုတ်ပေးလိုက်သည်။ "ဒါက ငွေနဂါးဓားပဲ ငါ အရင်က သုံးခဲ့တာ အဆင့်အတန်း တော်တော်မြင့်တယ်"

ကူးယွမ် ဓားကို လှမ်းယူလိုက်တဲ့အခါ အလွန်လေးလံနေတာကို သတိထားမိပါတယ် ဒါပေမဲ့ သူ့ရဲ့ ဓားအရှိန်အဝါကို ထုတ်လိုက်တဲ့အခါမှာတော့ ဓားက နဂါးဟိန်းသံလို မြည်ဟည်းသွားပြီး ပေါ့ပါးသွားသည်။

"ဒီဓားကို သံမဏိအနှစ်နဲ့ ငွေနဂါးရဲ့ သွေးတွေနဲ့ သွန်းလုပ်ထားတာ အလွန် ရက်စက်ပြီး ပြင်းထန်တဲ့ သဘာဝရှိတယ်။ ငါ့ရဲ့ စရိုက်နဲ့ မကိုက်ညီလို့ စွန့်ပစ်ထားတာ ဒါပေမဲ့ မင်းနဲ့ဆိုရင်တော့ အံကိုက်ပဲ။ ဒါကိုသာ မင်း ပိုင်နိုင်သွားရင် သာမန်ကောင်းကင်ဘုံအဆင့် ပညာရှင် နှစ်ယောက် သုံးယောက်လောက်ကို အလွယ်တကူ ရင်ဆိုင်နိုင်လိမ့်မယ်" လို့ ဆရာဖြစ်သူက ကျေနပ်စွာ ပြောလိုက်သည်။