အခန်း (၁၃၇)  ကလေးငယ်တစ်ဦး၏ ပေါ်ထွန်းလာခြင်း

ကူးယွမ်သတိပြန်ဝင်လာတဲ့အခါ ဘေးနားက စမ်းသပ်မှုခံယူနေသူ အများစုဟာ မြေပြင်မှာ လဲကျနေတာကို တွေ့လိုက်ရသည်။ တချို့က ကြောက်လန့်တကြား အော်ဟစ်နေကြသလို တချို့ကလည်း လောဘဇောတွေနဲ့ ရယ်မောနေကြသည်။ ဝမ်းနည်းပူဆွေးနေသူတွေလည်း ရှိသလို ဒေါသတကြီး ကြိတ်မေ့နေသူတွေလည်း ရှိနေသည်။

"ဒီတစ်ခါ တပည့်သစ်ခေါ်တာမှာ ငါက ဘယ်သူမဆို လက်ခံမှာမဟုတ်ဘူး။ ပါရမီထက် စိတ်ဓာတ်နဲ့ စိတ်နေသဘောထားက ပိုအရေးကြီးတယ်"စီနီယာဟယ်လင် က ပြောလိုက်သည်။ အဲဒီနောက် စိတ်ဓာတ်မခိုင်မာသူ ၈၀% ကျော်ကို ချက်ချင်းပဲ မောင်းထုတ်လိုက်တော့သည်။

အခု ကွင်းပြင်မှာ လူ ၄၀ လောက်ပဲ ကျန်ပါတော့တယ် ကူးယွမ်နဲ့အတူ နွားယုတယ်၊ ရှရှို့ရွှယ်၊ လုမင် နဲ့ ယုကျန့်မောင် တို့လည်း ကျန်ခဲ့ပါတယ်။ လီချန်းချင်း ကတော့ ဘာမှမဖြစ်သလို တည်တည်ငြိမ်ငြိမ်ပါပဲ။

စီနီယာဟယ်လင်က မှန်ချပ်ကို သိမ်းလိုက်ပြီး ကျောက်စိမ်းပြားတစ်ခုကို ထုတ်လိုက်သည်။ အဲဒီကျောက်စိမ်းပြားကနေ ခုနစ်ရောင်ခြည် အလင်းတန်းတွေ ထွက်ပေါ်နေသည်။

"မင်းတို့ရဲ့ စိတ်ဓာတ်ကတော့ အောင်မြင်သွားပြီ အခု ပါရမီကို စစ်ဆေးမယ်" သူက ပြောနေတုန်းမှာပဲ တစ်နေရာကို လှည့်ကြည့်လိုက်သည်။ "မိတ်ဆွေနှစ်ယောက် ရောက်နေမှတော့ ပုန်းမနေဘဲ ထွက်လာခဲ့ကြပါလား"

"စီနီယာဟယ်လင်က တကယ် မျက်စိလျင်တာပဲ" လို့ ကလေးငယ်တစ်ဦးရဲ့ အသံမျိုးနဲ့အတူ အလင်းတန်းနှစ်ခု ဆင်းသက်လာကြသည်။

တစ်ယောက်ကတော့ ဝဝဖိုင့်ဖိုင့်နဲ့ သူဌေးကြီးပုံစံ ကူးစနစ်ဂိုဏ်းက စီနီယာပေါင်ချန်းပါ။ နောက်တစ်ယောက်ကတော့ အားလုံးကို အံ့ဩသွားစေပါတယ် သူဟာ ၄ ပေလောက်ပဲ မြင့်တဲ့ ဖြူဖြူချောချော ကလေးငယ်တစ်ဦး ဖြစ်နေလို့ပါပဲ။

ဒါပေမဲ့ အဲဒီကလေးငယ်ရဲ့ အရှိန်အဝါက စီနီယာပေါင်ချန်းထက်တောင် ပိုပြီး နက်နဲနေလေသည်။ ကျောမှာလည်း တစ်ပေကျော်ရှည်တဲ့ ဓားလွယ်ထားပါတယ် စီနီယာဟယ်လင်ကတောင် သူ့ကို "မိတ်ဆွေ ရှင်းယွမ်ကျီ"လို့ ရိုရိုသေသေ နှုတ်ဆက်လိုက်သည်။

ဒီလူကြီးသုံးယောက်လုံးဟာ ရွှေအမြုတေအဆင့် ပညာရှင်တွေ ဖြစ်ကြပေမဲ့ လီချန်းချင်းတောင် သူတို့ရှေ့မှာ ငြိမ်နေရပါတယ်။ အဲဒီကလေးငယ် ရှင်းယွမ်ကျီ ဟာ ထူးခြားတဲ့ ကျင့်စဉ်တစ်ခုကြောင့် နုပျိုနေတာ ဖြစ်နိုင်သည်။

စစ်ဆေးမှု ပြန်စတဲ့အခါ စီနီယာဟယ်လင်က "ရွှေရောင်လျှို့ဝှက်ဗန်း"ဆိုတဲ့ ကိရိယာကို သုံးပြီး ပါရမီကို တိုင်းတာလိုက်သည်။

ပထမဆုံး စစ်ဆေးခံရတဲ့ လူငယ်က ဗန်းပေါ် လက်တင်လိုက်တဲ့အခါ ကျားတစ်ကောင်ရဲ့ ပုံရိပ် ပေါ်လာသည်။

"ကျားကျောကုန်းပါရမီအလယ်အလတ်အဆင့်ပဲ မင်း ဆန္ဒရှိရင် အလုပ်ကြမ်းတပည့်အဖြစ် ဝင်နိုင်တယ်" လို့ စီနီယာက ပြောလိုက်သည်။

ဒါကို ကြားလိုက်ရတဲ့အခါ ကျန်တဲ့သူတွေ မျက်နှာပျက်ကုန်ကြသည်။ အလုပ်ကြမ်းတပည့် ဆိုတာက အဆင့်နိမ့်လွန်းတာကြောင့် သူတို့လို ပါရမီရှင်တွေအတွက်တော့ ဒါဟာ စိုးရိမ်စရာပါ။