အခန်း (၁၀၃)  ယွမ်ချန်း ဓားအရိုး

"ဟားဟား... အဘိုးက တော်တော်လေး ပွင့်လင်းတာပဲ"

ပေါင်သတုံက ချီးကျူးစကားဆိုလိုက်ပြီး အဘိုးရဲ့ အတွေးက တကယ်ကို ဖြစ်နိုင်ချေရှိပါတယ်။ အခု ရှန့်ယန်ပြည်နယ်ဟာ နဂါးနီနတ်နန်းတော် ပေါ်လာလို့ နဂါးတွင်း ကျားဂူလို အန္တရာယ်များတဲ့ နေရာဖြစ်နေပြီ။

နန်းတော်ပွင့်လာရင် တိုက်ပွဲကြီးတွေ ဖြစ်လာမှာပဲ အဲဒီအချိန်ကျရင် သာမန်သိုင်းသမားတွေဆိုတာ အနားတောင် ကပ်နိုင်မှာမဟုတ်ဘူး။ လောဘကြီးတဲ့သူက အရင်သေမှာပဲ အဲဒီအစား ကျင့်ကြံသူတစ်ယောက်ဆီမှာ တပည့်ခံနိုင်ဖို့ ကြိုးစားတာကမှ လက်ဆုပ်လက်ကိုင်ပြနိုင်တဲ့ အကျိုးအမြတ်ပဲ။

ကူးယွမ်ကလည်း အဘိုးအိုကို တစ်ချက်ကြည့်ပြီး စိတ်ထဲကနေ ချီးကျူးနေမိသည်။ တခြားသူတွေက နတ်နန်းတော်ထဲက ရတနာတွေကိုပဲ မျက်စိကျနေချိန်မှာ ဒီအဘိုးအိုကတော့ နတ်နန်းတော်ကြောင့် ရောက်လာမယ့် ကျင့်ကြံသူတွေဆီမှာ သူ့မြေးအတွက် ဆရာရှာဖို့ တွေးထားတာပါ။ ဒါဟာ တကယ်ကို အမြော်အမြင်ရှိတဲ့ မြေခွေးအိုကြီးတစ်ယောက်ရဲ့ အတွေးအခေါ်မျိုးပဲပေါ့။

ပေါင်သတုံက ဆက်ပြီး ပြောပြတာကတော့ လွန်ခဲ့တဲ့ ရက်ပိုင်းက ကြယ်စင်မြစ်ဓားဂိုဏ်းက ပညာရှင်တစ်ယောက်ဟာ ခရီးသွားရင်း "ယွမ်ချန်းဓားအရိုး"ပါရမီရှင် ကောင်လေးတစ်ယောက်ကို တွေ့လို့ တိုက်ရိုက်တပည့်အဖြစ် လက်ခံလိုက်တဲ့အကြောင်းပါ။ အဲဒီကောင်လေးဟာ နောင်တစ်ချိန်မှာ ရွှေရောင်အမြုတေအဆင့်ကို ရောက်ဖို့ သေချာသလောက် ရှိနေပြီဖြစ်လို့ လူတိုင်းက အားကျနေကြတာပါ။

"ယွမ်ချန်း ဓားအရိုး"

အေးအေးဆေးဆေး နားထောင်နေတဲ့ ကူးယွမ်က သိချင်စိတ်နဲ့ ဝင်မေးလိုက်သည်။ ပေါင်သတုံကလည်း ကူးယွမ်ကို ယန်ရှီစန်းလို့ သိလိုက်ရပြီးနောက် စိတ်ရှည်လက်ရှည် ရှင်းပြလိုက်သည်။ အဲဒါကတော့ ကြယ်စင်စွမ်းအားတွေကို စုပ်ယူနိုင်ပြီး ဓားလမ်းစဉ်အတွက် မွေးရာပါ အံကိုက်ဖြစ်နေတဲ့ အလွန်ရှားပါးတဲ့ ကိုယ်ထည် တစ်မျိုး ဖြစ်တယ်ဆိုတာပါပဲ။

ကူးယွမ်ကတော့ သူ့ရဲ့ "သံမဏိအရိုးကြွက်သား" ပါရမီက သာမန်သိုင်းသမားတွေကြားမှာ ထိပ်တန်းဖြစ်ပေမဲ့ တကယ့်ကျင့်ကြံသူတွေရဲ့လောကမှာတော့ "လူသားကိုယ်ထည်"အဆင့်ပဲ ရှိသေးတယ်ဆိုတာကို သဘောပေါက်သွားသည်။ သူ့ရဲ့ အထက်မှာ ဝိညာဉ်ကိုယ်ထည်နဲ့ တာအိုကိုယ်ထည်ဆိုပြီး အဆင့်တွေ အများကြီး ရှိပါသေးတယ်။

အဘိုးအိုချန် ပြောခဲ့သလိုပဲ... သူဟာ အသက်ကြီးမှ ကျင့်စဉ်စတင်ခဲ့လို့ ဆေးဘုရင်တောင်က လက်ခံမှာမဟုတ်ပေမဲ့ တကယ်လို့သာ သူဟာ ထူးခြားတဲ့ ဝိညာဉ်ကိုယ်ထည်တစ်ခုခုကို ပိုင်ဆိုင်ထားရင်တော့ စည်းကမ်းတွေကို ကျော်လွန်ပြီး သူတို့ကိုယ်တိုင် တောင်းပန်တိုးလျှိုးပြီး လက်ခံကြမှာပါ။

ပေါင်သတုံကတော့ တခြားသူတွေရဲ့ ငြည်းတွားမှုကို ပြန်ပြီး ဆုံးမစကားပြောလိုက်သည် "လောကမှာ ကိုယ့်ထက်သာတဲ့သူ အမြဲရှိနေမှာပဲ။ မင်းတို့က ရဲယွင်လန့်ကို အားကျနေပေမဲ့ လမ်းဘေးက သူတောင်းစားတွေကတော့ မင်းတို့လို ဗိုက်ဝဝနေရတာကို အားကျနေကြမှာပဲ။ မင်းတို့ စိတ်မချမ်းသာဖြစ်နေတာက ကိုယ့်မှာရှိတာကို ရောင့်ရဲမှု မရှိလို့ပဲ"

သူက ဆက်ပြီးတော့ တောင်ပိုင်းကျင့်ကြံခြင်းလောကမှာရှိတဲ့ တကယ့်ပါရမီရှင်တွေအကြောင်းကို တရစပ် ပြောပြနေလေသည်။ လီချန်ရှန်းလိုမျိုး မွေးကတည်းက ထူးခြားတဲ့ နိမိတ်တွေပြပြီး "ယန်စင်တာအိုကိုယ်ထည်"ကို ပိုင်ဆိုင်ထားသူတွေ နဂါးသွေးပါတဲ့သူတွေ ထူးခြားတဲ့ စိတ်နှလုံးရှိသူတွေအကြောင်းပေါ့။

ကူးယွမ်ကတော့ မီးဖိုကို ထင်းထိုးရင်း ဒီဗိုက်ရွှဲရွှဲနဲ့ ပေါင်သုံတုံကို အကဲခတ်လိုက်သည် "ဒီဝဝနဲ့လူက သာမန်တော့ မဟုတ်ဘူးပဲ"

ဘာလို့လဲဆိုတော့ ပေါင်သတုံရဲ့ ကျင့်စဉ်က အင်းနိတ်သိုင်းဆရာအဆင့်လောက်ပဲရှိပေမဲ့ သူသိထားတဲ့ သတင်းအချက်အလက်တွေကတော့ အံ့ဩစရာကောင်းလောက်အောင် အသေးစိတ်လွန်းနေလို့ပါ။ ဒါဟာ သာမန်လူတစ်ယောက် သိနိုင်တဲ့ အချက်အလက်တွေ မဟုတ်ပါဘူး။

ဒါပေမဲ့ ကူးယွမ်ကတော့ စိတ်မပျက်ပါဘူး။ သူ့ရဲ့ လိပ်ကြီး အတာ အဆင့်တက်လာတဲ့အခါ ဒါမှမဟုတ် ဓားလိပ်ပြာကို အကောင်ဖောက်နိုင်တဲ့အခါ သူ့ရဲ့ ခန္ဓာကိုယ်ဟာလည်း ထူးခြားတဲ့ ဝိညာဉ်ကိုယ်ထည်အဖြစ် ပြောင်းလဲသွားမလားဆိုတာကို ရင်ခုန်စွာနဲ့ စောင့်မျှော်နေတော့သည်။