အခန်း (၁၀၂)  နဂါးနီအမိန့်တော်

"အဖိုး... ဟိုရှေ့မှာ ဘုရားကျောင်းဟောင်းတစ်ခုရှိတယ် အထဲဝင်ပြီး မိုးခိုကြရအောင် မိုးကလည်း သည်းလာပြီဆိုတော့ အတော်လေး အေးလာပြီ"

"အေး... သွားကြတာပေါ့ မင်းက သိုင်းပညာအခြေခံရှိတယ်ဆိုပေမဲ့ ငယ်သေးတော့ ဒီအအေးဒဏ်ကို သိပ်မခံနိုင်သေးဘူး"

အသံတွေနဲ့အတူ အရပ်အမောင်း မြင့်မားတဲ့ အဘိုးအိုတစ်ယောက်နဲ့ ဆယ်ကျော်သက်အရွယ် ကောင်လေးတစ်ယောက်ဟာ ဘုရားကျောင်းထဲကို ရောက်လာကြသည်။ သူတို့က ဇွတ်အတင်း ဝင်မလာဘဲ တံခါးဝကနေ ယဉ်ယဉ်ကျေးကျေး ခွင့်တောင်းခဲ့ကြတာပါ။

ကူးယွမ်က ခွင့်ပြုလိုက်တဲ့အတွက် သူတို့သားအဖ (မြေးအဖိုး) အထဲဝင်လာတဲ့အခါ ထောင့်တစ်နေရာမှာ မီးဖိုဘေး ထိုင်နေတဲ့ လူငယ်လေးကို မြင်လိုက်ရသည်။ ကူးယွမ်ဟာ အသားကင်ရင်း သူတို့ကို တစ်ချက်ကြည့်လိုက်ရုံနဲ့ အဘိုးအိုဟာ သာမန်လူမဟုတ်ဘဲ အားကောင်းတဲ့ အင်းနိတ်သိုင်းဆရာတစ်ယောက်မှန်း ရိပ်မိလိုက်ပါတယ်။ အဘိုးအိုကလည်း ကူးယွမ်ဆီက ထွက်ပေါ်နေတဲ့ ထူးခြားတဲ့ အရှိန်အဝါကို သတိပြုမိသွားပြီး နည်းနည်းတော့ စိုးရိမ်သွားပုံရသည်။

မိုးက သည်းသည်းမည်းမည်း ရွာနေတာကြောင့် နောက်ထပ် ခရီးသွားတွေလည်း တစ်ယောက်ပြီးတစ်ယောက် ရောက်လာကြသည်။ အဲဒီထဲမှာ ကုန်သည်တွေ မုဆိုးတွေနဲ့ တစ်ကိုယ်တော် သိုင်းသမားတွေလည်း ပါဝင်တာကြောင့် ပျက်စီးနေတဲ့ ဘုရားကျောင်းဟောင်းလေးဟာ ရုတ်တရက် စည်ကားသွားတော့သည်။

ညနက်လာတဲ့အခါ မီးဖိုဘေးမှာ အပန်းဖြေရင်း စကားဝိုင်းလေးတစ်ခု ဖြစ်ပေါ်လာပြီး ပေါင်သတုံ လို့ခေါ်တဲ့ ဗိုက်ရွှဲရွှဲနဲ့ လူလတ်ပိုင်းတစ်ယောက်ကို တစ်ယောက်က မေးလိုက်ပါတယ် ။

"ဦးလေးပေါင်... ကျုပ်တို့ကြားတာတော့ ရှန့်ယန်ပြည်နယ်ထဲမှာ အခုတလော ထူးဆန်းတာတွေ ဖြစ်နေတယ်ဆိုပဲ အဲဒါ ဘာတွေဖြစ်နေတာလဲ သိရသလောက် ပြောပြပါဦးဗျာ"

ပေါင်သတုံက ပြုံးလိုက်ပြီး 

"တကယ်တော့ ဒါက လွန်ခဲ့တဲ့ လပိုင်းကတော့ လျှို့ဝှက်ချက်ပေါ့။ ဒါပေမဲ့ အခုတော့ သိတဲ့သူတွေ အကုန်သိနေပါပြီ။ ယွန်းမုန့်တောင်တန်းတွေရဲ့ အနက်ရှိုင်းဆုံးနေရာမှာ နတ်နန်းတော်တစ်ခု ပေါ်လာတယ်"

ဒီသတင်းကို ကြားတော့ လူတွေအားလုံး စိတ်လှုပ်ရှားသွားခဲ့ကြသည်။ ပေါင်သတုံ ဆက်ပြောတာကတော့ အဲဒီနန်းတော်ဟာ နဂါးနီတာအိုပညာရှင်လို့ခေါ်တဲ့ နတ်ဘုရားအဆင့်အစွမ်းထက် ပုဂ္ဂိုလ်ကြီးရဲ့ ကျင့်ကြံရာ ဂူဗိမာန်လိုဆို့ကြတယ် ဒါဟာနတ်ဘုရားဖြစ်ဖို့ ခြေတစ်လှမ်းပဲ လိုတော့တဲ့ အဆင့်မြင့် ပုဂ္ဂိုလ်ကြီးပေါ့။

လူတွေက နတ်ဘုရားလက်ဆောင်တွေ ရနိုင်မလားလို့ စိတ်ကူးယဉ်နေတုန်းမှာပဲ ပေါင်သတုံက ရေအေးနဲ့ ပက်လိုက်သလို ထပ်ပြောလိုက်သည်။ 

"ဒါပေမဲ့ စိတ်တောင်မကူးကြပါနဲ့ အဲဒီနန်းတော်ကို ရဖို့အတွက် ဆေးဘုရင်တောင်၊ ဂူနတ်ဘုရားဂိုဏ်း နဲ့ ကြယ်စင်မြစ်ဓားဂိုဏ်းလိုမျိုး အင်အားကြီးဂိုဏ်းတွေက ပညာရှင်တွေ အများကြီး လာနေကြတာ။ ကျုပ်တို့လိုလူတွေ သွားရင် အသက်ပျောက်ဖို့ပဲ ရှိမယ်"

"နောက်ပြီး... အဲဒီနန်းတော်ထဲဝင်ဖို့ဆိုရင် နဂါးနီအမိန့်တော်ဆိုတဲ့ သော့ရှိမှ ရမှာ အဲဒါမပါရင် ဘယ်သူမှ ဝင်လို့မရဘူး"

ကူးယွမ်ကတော့ ဘာမှမပြောဘဲ နားထောင်နေလိုက်သည် အဘိုးအိုကတော့ သူတို့ ဒီကိုလာတာ နတ်နန်းတော်ကို လိုချင်လို့မဟုတ်ဘဲ သူ့မြေးလေး ရွှီဖေးပိုင်အတွက် အစွမ်းထက်တဲ့ ဆရာတစ်ယောက်နဲ့ တွေ့ဆုံချင်လို့ဖြစ်ကြောင်း ပြောပြနေလေသည်။

ကူးယွမ်ရဲ့ စိတ်ထဲမှာတော့ အဲဒီ "နဂါးနီအမိန့်တော်" ဆိုတာ ဘယ်လိုမျိုးလဲဆိုတာကို တွေးတောနေမိသည်။