အခန်း ၆၂  ကာမဂုဏ်၌ ရူးသွပ်သော သခင်ကြီး ဟီဟွမ်း

"ဟဲဟဲ... မိန်းကလေး မင်းမှာ ရွေးချယ်စရာ မရှိတော့ဘူး"

လူလတ်ပိုင်းပုံရိပ်က တိုးတိုးရယ်မောလိုက်ပြီးနောက် သူတို့နှစ်ဦးကို ကြည့်ကာ ပြောလိုက်သည်  "ငါ သက်ရှိထင်ရှားရှိစဉ်က လူတိုင်းက ငါ့ကို သခင်ကြီး ဟီဟွမ်းလို့ ခေါ်ကြတယ်"

"သခင်ကြီးဟီဟွမ်း"

ယွမ်ယွမ်  ၏ မျက်နှာလေးမှာ ချက်ချင်းပင် သွေးဆုတ်ဖြူလျော်သွားတော့သည်။

ဤဘွဲ့အမည်ကို ကြားလိုက်ရုံနှင့်ပင် ဤလူသည် သူ၏သက်တမ်းတစ်လျှောက်တွင် အစွမ်းထက်သော တိုက်ပွဲဝင်လေးစားအပ်သူ အဆင့်တစ်ဦး ဖြစ်ခဲ့ရမည်ကို သူမ နားလည်လိုက်သည်။ သူ၏ ဝိညာဉ်အကြွင်းအကျန်လေးတစ်ခုသာ ကျန်ရှိတော့သော်လည်း ၎င်းမှာ သူမ ရင်ဆိုင်နိုင်စွမ်းထက် များစွာ သာလွန်နေဆဲပင်။

ယွမ်လန်ဂိုဏ်း၏ ဂိုဏ်းချုပ်တစ်ဦးအနေဖြင့် "ဟီဟွမ်း (ကာမဂုဏ်ပေါင်းစပ်ခြင်း)" ဟူသော စကားလုံး၏ အဓိပ္ပာယ်ကို သူမ ကောင်းချီကောင်း သိရှိသည်။

ဤတိုက်ကြီးပေါ်တွင် အမျိုးသားနှင့် အမျိုးသမီးတို့၏အတူနေထိုင်ခြင်း  မှတစ်ဆင့် ယင်စွမ်းအင်ကို စုပ်ယူကာ ယန်စွမ်းအင်ကို ဖြည့်တင်းပြီး မိမိ၏ အစွမ်းကို မြှင့်တင်သည့် ယုတ်ညံ့သော ကျင့်စဉ်တစ်ခု ရှိကြောင်း ဒဏ္ဍာရီများအရ သိရသည်။

ဤကဲ့သို့သော ကျင့်ကြံသူများကို ချီတိုက်ကြီးပေါ်ရှိ ဖြောင့်မတ်သောသူများက အစဉ်အမြဲ အထင်သေးခဲ့ကြသည်။ ယင်ကိုစုပ်ယူ၍ ယန်ကိုဖြည့်တင်းသည့် ထိုကျင့်စဉ်မှာ အလွန်ယုတ်ညံ့လွန်းသဖြင့် ထိုမိစ္ဆာကျင့်ကြံသူများကို လွန်ခဲ့သော နှစ်ပေါင်းရာချီကတည်းက အမြစ်ပြတ် သုတ်သင်ခဲ့ကြပြီးဖြစ်သည်။

ယနေ့ ဤနေရာတွင် ဤကဲ့သို့သော မိစ္ဆာကျင့်ကြံသူတစ်ဦးနှင့် တွေ့ဆုံရလိမ့်မည်ဟု ယွမ်ယွမ် တစ်ခါမျှ မမျှော်လင့်ထားခဲ့ချေ။

"ဟေ့ လူငယ်လေး... ပြောစမ်းပါဦး ဒီကောင်မလေးက ချောရဲ့လား"

သခင်ကြီး ဟီဟွမ်းက ယွမ်ယွမ်၏ တုံ့ပြန်မှုကို လျစ်လျူရှုကာ လင်းယွမ်  ဘက်သို့ လှည့်၍ ယုတ်မာသောအပြုံးဖြင့် မေးလိုက်သည်။

"ချောတာပေါ့"

ထိုစကားကို ကြားသောအခါ လင်းယွမ်က မဆိုင်းမတွပင် ပြန်ဖြေလိုက်သည်။

နောက်ပြောင်နေတာလား အဲဒါယွမ်ယွမ်လေ သူမက မချောဘဲ နေပါ့မလား မူလဇာတ်လမ်းထဲမှ အမျိုးသမီးဇာတ်လိုက်များအားလုံးထဲတွင် ယွမ်ယွမ်နှင့် ဘုရင်မ မဒူဆာတို့မှာ သံသယဖြစ်စရာမလိုဘဲ အချောဆုံးဖြစ်ကြောင်း လင်းယွမ် အမှန်အတိုင်း ပြောနိုင်သည်။

"အဲဒီလိုဆိုရင်လည်း အခွင့်အရေးကို လက်လွတ်မခံဘဲ အမြန်သာ လုပ်လိုက်တော့လေ" သခင်ကြီး ဟီဟွမ်းက ယုတ်မာသောအပြုံးဖြင့် လင်းယွမ်ကို စတင် တိုက်တွန်းတော့သည်။

သခင်ကြီး ဟီဟွမ်း စကားအဆုံးတွင် လင်းယွမ်၏ အကြည့်မှာ မိမိကိုယ်တိုင်ပင် မသိလိုက်ဘဲ ယွမ်ယွမ်ထံသို့ ရောက်ရှိသွားသည်။

ထိုအကြည့်ကို မြင်လိုက်ရသောအခါ ယွမ်ယွမ်မှာ အလွန်ထိတ်လန့်သွားပြီး နောက်သို့ လျင်မြန်စွာ ဆုတ်လိုက်ကာ သူမ၏ အင်္ကျီကော်လာကို လက်နှစ်ဖက်ဖြင့် တင်းတင်းဆုပ်ကိုင်ထားမိသည်။ လင်းယွမ်က စိတ်မထိန်းနိုင်ဘဲ သူမအပေါ် တစ်စုံတစ်ခု ကျူးလွန်လာမည်ကို သူမ အလွန်စိုးရိမ်နေမိသည်။

သို့သော် သူမ ထင်သကဲ့သို့ ဖြစ်မလာခဲ့ပေ။ သူမကို ကြည့်နေသော လင်းယွမ်၏ အကြည့်ထဲတွင် ကာမရာဂ အရိပ်အယောင် အနည်းငယ်မျှပင် မရှိချေ။ ဟုတ်ပါသည် ၎င်းမှာ လှပသောအရာတစ်ခုကို တန်ဖိုးထား ချီးကျူးသည့် အကြည့်မျိုးသာ ဖြစ်သည်။

"သခင်ကြီး ဟီဟွမ်း... ခင်ဗျား ကျွန်တော့်ကို အထင်သေးလွန်းနေပြီ"

ရုတ်တရက် လင်းယွမ်၏ နှုတ်ခမ်းထက်တွင် အထင်သေးသော အပြုံးတစ်ခု ပေါ်လာပြီး သူ၏ စကားလုံးများထဲတွင်လည်း မကျေနပ်မှုများ ပြည့်နှက်နေသည်။

"လူတိုင်းက ခင်ဗျားလို ခန္ဓာကိုယ်အောက်ပိုင်းနဲ့ပဲ စဉ်းစားတတ်တဲ့ တိရစ္ဆာန်မျိုးလို့ ထင်နေတာလား"

"ကျွန်တော် လင်းယွမ်က လူကြီးလူကောင်းတစ်ယောက် မဟုတ်ပေမဲ့ ခင်ဗျားလို ယုတ်မာတဲ့သူမျိုးလို့တော့ လာမတွေးပါနဲ့"

သူက ပြောရင်းနှင့် ယွမ်ယွမ်ကို တစ်ချက် ထပ်ကြည့်လိုက်သည် "မှန်ပါတယ် လှပတဲ့ အမျိုးသမီးကို မချစ်တဲ့ အမျိုးသားဆိုတာ မရှိပါဘူး။ ဒါပေမဲ့ ကျွန်တော့်အမြင်မှာတော့ ဒီလိုအရာမျိုးဟာ နှစ်ဦးသဘောတူ ချစ်ခင်မှုအပေါ်မှာပဲ အခြေခံရမယ် အဓမ္မစေခိုင်းလို့ မရဘူး"

ဤနေရာတွင် လင်းယွမ်က တည်ကြည်သော အမူအရာဖြင့် ပြောလိုက်သည်  "အမျိုးသမီးတွေဆိုတာ တန်ဖိုးထား မြတ်နိုးရမယ့်သူတွေပါ အမျိုးသားတွေရဲ့ ကစားစရာ မဟုတ်ဘူးဆိုတာ ခင်ဗျား သိသင့်တယ်"

လင်းယွမ်၏ စကားအဆုံးတွင် ဘေးနားရှိ ယွမ်ယွမ်၏ အာရုံစိုက်မှုကို ချက်ချင်း ရရှိသွားတော့သည်။ သူမ၏ လှပသော မျက်လုံးလေးများမှာ လေးစားအားကျမှုများဖြင့် တောက်ပနေတော့သည်။ တစ်ချိန်တည်းမှာပင် သူမ၏ စိတ်ထဲ၌ လင်းယွမ်၏ ပုံရိပ်မှာ အဆပေါင်းများစွာ ပိုမိုမြင့်မြတ်သွားတော့သည်

တွေ့လား အဲဒါမှ ယောကျ်ားစစ် ယောကျ်ားမြတ်ပဲ။

ယွမ်ယွမ်သည် သူမ၏ အလှအပအပေါ် အလွန် ယုံကြည်မှုရှိသည်။ လင်းယွမ်နှင့် မတွေ့မီက သူမကို ကြည့်သော အမျိုးသားတိုင်း၏ မျက်လုံးထဲတွင် ရွံရှာဖွယ်ကောင်းသော တပ်မက်မှုများကိုသာ သူမ မြင်တွေ့ခဲ့ရသည်။ သူတို့က မည်မျှပင် ဖုံးကွယ်ထားပါစေ သူမ၏ မျက်လုံးများမှ မလွတ်ကင်းခဲ့ချေ။

ဒါပေမဲ့ လင်းယွမ်ကတော့

သူမ၏ အလှအပကို လိုချင်တပ်မက်သည့် ရည်ရွယ်ချက် လုံးဝမရှိကြောင်း ယွမ်ယွမ် အထင်အရှား ခံစားမိသည်။ သူမအတွက်တော့ ၎င်းမှာ တန်ဖိုးထားသည့် ရှုထောင့်မှ ကြည့်ခြင်းသာ ဖြစ်သည်။

အကယ်၍ ယခုအချိန်တွင် ယွမ်ယွမ် ဘာတွေးနေသည်ကို လင်းယွမ် သိသွားပါက သူသည် ဆွံ့အသွားပေလိမ့်မည်။ ယွမ်ယွမ်... မင်း အတွေးလွန်နေပြီ။ ငါက လူယုံအောင် နည်းနည်း ဟန်ဆောင်လိုက်တာပါ မင်းလို အလှပဂေးမျိုးကို ဘယ်ယောကျ်ားကမှ မတွန်းလှန်နိုင်ပါဘူး။

တောက်... မင်းရှေ့မှာ "ယွမ်ယွမ်... အဆင်သင့်ပြင်ထားတော့ ငါ မင်းကို သိမ်းပိုက်တော့မယ်" လို့ သွားပြောရမှာလား သူသာ တကယ် အဲဒီလို လုပ်ခဲ့ရင် သူ တည်ဆောက်ထားတဲ့ မြင့်မြတ်တဲ့ ပုံရိပ်ကြီးက ချက်ချင်း ပြိုလဲသွားမှာပေါ့။ လင်းယွမ်သည် ကောင်းကင်ဘုံသို့စစ်ပြိုင်ခြင်း ထဲက အမျိုးသမီးဇာတ်လိုက်ကို သိမ်းပိုက်ချင်သည်မှာ မှန်သော်လည်း ရိုးရိုးရှင်းရှင်း မိန်းမရှုပ်သည့်သူတစ်ယောက်တော့ မဖြစ်ချင်ပေ။

"တောက် တောက် တောက်... လူငယ်လေး အခြေအနေက အဲဒီလိုဆိုရင်တော့ ငါ မင်းကို ကူညီပေးရတာပေါ့"

လင်းယွမ်က ပူးပေါင်းဆောင်ရွက်ခြင်း မရှိသည်ကို မြင်သောအခါ သခင်ကြီး ဟီဟွမ်းကလည်း ဆက်လက် ငြိမ်မနေတော့ပေ။ သူသည် ပန်းရောင်စွမ်းအင် နှစ်ခုကို ထုတ်လွှတ်လိုက်ရာ ၎င်းတို့မှာ လင်းယွမ်နှင့် ယွမ်ယွမ်တို့၏ ခန္ဓာကိုယ်ထဲသို့ အသီးသီး ဝင်ရောက်သွားတော့သည်။

နောက်တစ်စက္ကန့်တွင် သူတို့နှစ်ဦးလုံးမှာ ထိုနေရာ၌ပင် တောင့်ခနဲ ဖြစ်သွားပြီး လုံးဝ မလှုပ်ရှားနိုင်တော့ပေ။ တဖြည်းဖြည်းနှင့် သူတို့နှစ်ဦးလုံး၏ စိတ်ထဲတွင် ထူးဆန်းသော ခံစားမှုတစ်ခု တစ်ပြိုင်နက်တည်း ပေါ်ပေါက်လာတော့သည်။

လင်းယွမ်မှာ တိုက်ပွဲဝင်ဘုိးဘေးအဆင့် ဖြစ်သဖြင့် သူ၏ အခြေအနေမှာ အနည်းငယ် ပိုကောင်းသော်လည်း ယွမ်ယွမ်မှာမူ ဒုက္ခရောက်နေပြီဖြစ်သည်။ သူမ၏ လှပသော မျက်လုံးများထဲတွင် တပ်မက်မှုများ ပြည့်နှက်လာပြီး တစ်ကိုယ်လုံးလည်း ပူလောင်လာတော့သည်။ သူမသည် စိတ်ကို ကြည်လင်အောင် ကြိုးစားရင်း လျှာကို နာကျင်အောင် ကိုက်လိုက်သည်။ "ရှင် ကျွန်မတို့ကို ဘာလုပ်လိုက်တာလဲ"

ဤအရာအားလုံးမှာ သခင်ကြီး ဟီဟွမ်း၏ လက်ချက်ဖြစ်ရမည်ကို ယွမ်ယွမ် သိရှိသည်။

"ဟဲဟဲ... မင်းတို့ရဲ့ ပေါင်းစည်းမှုအတွက် အနံ့အရသာလေး နည်းနည်း ထည့်ပေးလိုက်တာပါ" သခင်ကြီး ဟီဟွမ်းက ယုတ်မာစွာ ရယ်မောလိုက်သည်။

"အရှက်မရှိတဲ့ လူယုတ်မာ ရှင့်ကိုယ်ရှင် စီနီယာတစ်ယောက်လို့ ခေါ်ပြီး ဒီလောက် ယုတ်ညံ့တဲ့ နည်းလမ်းတွေကို သုံးရဲတယ်ပေါ့" ယွမ်ယွမ်က အံကြိတ်ကာ အော်ဟစ်လိုက်သည်။

"အမျိုးသားနဲ့ အမျိုးသမီးကြား ဆက်ဆံရေးဆိုတာ စကြဝဠာရဲ့ ယင်နဲ့ယန် နိယာမအတိုင်းပဲလေ ဒါကို ဘယ်လိုလုပ် အရှက်မရှိဘူးလို့ ပြောလို့ရမှာလဲ ငါက သူတစ်ပါးရဲ့ ရည်မှန်းချက် အောင်မြင်အောင် ကူညီပေးရုံတင်ပါ"  သခင်ကြီး ဟီဟွမ်းက ပြောသည်။

"ယုတ်မာလိုက်တဲ့ ကောင်"

ထိုသို့ပြောပြီးနောက် ယွမ်ယွမ်၏ ဆင်ခြင်တုံတရားမှာ တပ်မက်မှုအောက်သို့ လုံးဝ ရောက်ရှိသွားတော့သည်။ ဤသည်ကို မြင်သောအခါ သခင်ကြီး ဟီဟွမ်း၏ မျက်နှာပေါ်တွင် ထူးဆန်းသော အပြုံးတစ်ခု ပေါ်လာပြီး လင်းယွမ်နှင့် ယွမ်ယွမ်တို့ကို ဝေ့ဝဲကြည့်လိုက်သည်။

"လူငယ်လေး... မင်း ဒီတစ်ခါတော့ တကယ် ကံကောင်းတာပဲ။ ဒီလောက် ချောတဲ့ အလှပဂေးလေးနဲ့ ဆုံရတာ မင်း တကယ့်ကို ကံထူးတာပဲ"

လင်းယွမ်၏ မျက်နှာတွင် ထူးဆန်းသော အမူအရာတစ်ခု ပေါ်လာသည်။ သခင်ကြီး ဟီဟွမ်း၏ ဦးနှောက်မှာ တစ်ခုခု ချို့ယွင်းနေသလား သို့သော် လင်းယွမ် ထပ်မံ မစဉ်းစားနိုင်သေးမီမှာပင် သူ၏ စိတ်ကို လျှော့လိုက်သည်နှင့်တစ်ပြိုင်နက် ခန္ဓာကိုယ်အောက်ပိုင်းမှ ကာမမီးတောက်များ ဟုန်းခနဲ တောက်လောင်လာပြီး တစ်ကိုယ်လုံးသို့ ပျံ့နှံ့သွားတော့သည်။

"ဟဲဟဲ... လူငယ်လေး ပျော်ပျော်ပါးပါးသာ နေတော့ ငါ မထွက်သွားခင် မင်းကို နောက်ဆုံး လက်ဆောင်တစ်ခု ပေးခဲ့မယ်"

စကားအဆုံးတွင် ရဲရဲနီသော မီးတောက်စလေးတစ်ခု လင်းယွမ်ထံသို့ လွင့်ပျံသွားသည်။ လင်းယွမ်သည် ရှိသမျှ အားအင်သုံးကာ ထိုမီးတောက်စလေးကို လက်ဖြင့် ဖမ်းဆီးလိုက်သည်။ ၎င်းမှာ သားရဲတစ်သောင်း ဝိညာဉ်မီးတောက်၏ မီးမျိုးစေ့ပင် ဖြစ်သည်။

သို့သော် ယခုအချိန်တွင် ၎င်းကို သန့်စင်ရန် အချိန်မရှိသဖြင့် သားရဲတစ်သောင်း ဝိညာဉ်မီးတောက်ကို တိုက်ရိုက်ပင် မျိုချလိုက်ရသည်။ ထို့နောက် သူ၏ ခန္ဓာကိုယ်အတွင်းရှိ ပင်လယ်လောင်ကျွမ်း မြေကမ္ဘာအနှစ်သာရ မီးတောက်ကို အသုံးပြု၍ ၎င်းကို ချက်ချင်း ဖုံးအုပ်ထားလိုက်သည်။ သူသည် ထိုမီးတောက်ကို စုပ်ယူသန့်စင်ခြင်း မပြုရသေးပေ။ ထိုသို့သာ မလုပ်ခဲ့ပါက လင်းယွမ်၏ ခန္ဓာကိုယ်မှာ ထိုပြင်းထန်လှသော စွမ်းအင်ကြောင့် ခဏချင်းအတွင်း ပြာဖြစ်သွားပေလိမ့်မည်။

"ဟားဟား... သေပြီးတာတောင် တခြားသူတွေကို ကူညီပေးနိုင်တာ တကယ့်ကို ကောင်းလိုက်တာ ကောင်းလိုက်တာ"

ဤအရာအားလုံးကို လုပ်ဆောင်ပြီးနောက် သခင်ကြီး ဟီဟွမ်းသည် အကျယ်ကြီး ရယ်မောလိုက်ပြီး သူ၏ ဝေဝါးသော ပုံရိပ်မှာ အလင်းစက်လေးများအဖြစ် ပြောင်းလဲကာ ကွယ်ပျောက်သွားတော့သည်။

"ဒါကတော့ တကယ်ကို ဆိုးတာပဲ"

သခင်ကြီး ဟီဟွမ်း၏ ဝိညာဉ်အကြွင်းအကျန် တဖြည်းဖြည်း ပျောက်ကွယ်သွားသည်ကို ကြည့်ရင်း လင်းယွမ်မှာ ငိုရမလို ရယ်ရမလို ဖြစ်နေတော့သည်။ ယခုအခါ သူသည် သားရဲတစ်သောင်း ဝိညာဉ်မီးတောက်၏ မျိုးစေ့ကို ရရှိခဲ့သော်လည်း သူ၏ ခန္ဓာကိုယ်အတွင်းရှိ မိစ္ဆာမီးတောက်မှာ သူ၏ ဆင်ခြင်တုံတရားအားလုံးကို ဝါးမြိုတော့မည် ဖြစ်သည်။

သို့သော် ကံဆိုးမှုများမှာ တစ်ခုတည်း မလာတတ်ချေ။

လင်းယွမ်သည် သူ၏ခန္ဓာကိုယ်အတွင်းရှိ မိစ္ဆာမီးတောက်ကို အပြင်းအထန် ခုခံနေစဉ်မှာပင် ကြာရိုးကဲ့သို့ နုနယ်ဖြူစင်သော လက်မောင်းတစ်ဖက်က သူ၏လည်ပင်းကို ရုတ်တရက် ရစ်ပတ်လိုက်သည်။ ယွမ်ယွမ်၏ နုနယ်လှသော ခန္ဓာကိုယ်လေးမှာ မည်သို့ ရောက်လာသည်မသိဘဲ သူ၏ရင်ခွင်ထဲသို့ တိုးဝင်လာပြီး သင်းပျံ့သော ရနံ့လေးက လင်းယွမ်၏ နှာခေါင်းထဲသို့ အဆက်မပြတ် တိုးဝင်နေတော့သည်။

ဗုန်း

ဤမြင်ကွင်းမှာ ကုလားအုတ်ကျောပေါ်က နောက်ဆုံးတင်လိုက်တဲ့ ကောက်ရိုးတစ်မျှင်ကဲ့သို့ပင် (သည်းခံနိုင်စွမ်း ကုန်ဆုံးသွားခြင်း)။ လင်းယွမ်၏ မျက်လုံးများမှာ ခဏချင်းအတွင်း သွေးရောင်လွှမ်းသွားပြီး သူ၏ နောက်ဆုံးကျန်ရှိနေသော ဆင်ခြင်တုံတရားမှာလည်း တဖြည်းဖြည်း အားနည်းသွားတော့သည်။