အပိုင်း (၄၁) - ဆောက်လုပ်ရေး

လူစီယန်သည် စတုန်း  နှင့်အတူ ဆောက်လုပ်ရေးနေရာသို့ ရောက်ရှိလာသည်။

ဆောက်လုပ်ရေးဌာနမှ အဖွဲ့ဝင်များမှာ ထိုနေရာတွင် စောင့်ဆိုင်းနေကြပြီ ဖြစ်သည်။

သူတို့သည် လူစီယန်ကို မြင်သည်နှင့် တောက်ပသော အပြုံးများ၊ စိတ်အားထက်သန်သော စွမ်းအင်များနှင့်အတူ နှုတ်ဆက်ကြသည်။

လက်ထဲတွင် ဂေါ်ပြားများ ကိုင်ထားကြပြီး

လက်ပြင်များကို ခေါက်တင်ထားကြသည်။

လူစီယန် ပြန်ပြုံးပြလိုက်သော်လည်း စိတ်ထဲတွင် အတွေးတစ်ခု ဝင်လာသည်။

"လူ ၃၃ ယောက်... ဒါက လုံလောက်မှာ မဟုတ်ဘူး။"

လုဒ်ဝဲလ်  သည် တခြားမှူးမတ်နယ်မြေများလောက် မကျယ်သော်လည်း အရွယ်အစား အသင့်အတင့် ရှိသည်။

စတုရန်းကီလိုမီတာ ၂ သို့မဟုတ် ဟက်တာ ၂၀၀ ခန့် ရှိသည်။

အလွန်ကြီးမားခြင်း မဟုတ်သော်လည်း သေးငယ်သည်ဟုလည်း မဆိုနိုင်ပါ။

ကံကောင်းသည်မှာ တောင်တန်းများ ဝန်းရံထားသောကြောင့် တစ်ဖက်တည်းတွင်သာ တံတိုင်းကာရန် လိုအပ်သည်။ သို့သော် ထိုတံတိုင်းသည် တောင်တစ်ခုမှ တစ်ခုသို့ မီတာ ၅၀၀ ခန့် ရှည်လျားလိမ့်မည်။

လူစီယန်သည် တံတိုင်းကို တောအုပ်အစွန်းမှ မီတာ ၃၀ အကွာတွင် ဆောက်ရန် ဆုံးဖြတ်ထားသည်။ ရန်သူ့ချုံခိုတိုက်ခိုက်မှုကို မြင်နိုင်ရန်နှင့် အမြန်တုံ့ပြန်နိုင်ရန် အတွက်ဖြစ်သည်။

သူသည် မြေပြင်ကို ကြည့်ကာ သက်ပြင်းချလိုက်သည်။

"အချိန်အတော်ကြာဦးမှာပဲ" ဟု သူတွေးသည်။

လူစီယန်သည် အဓိက ပြဿနာတစ်ခုကိုလည်း သိလိုက်ရသည်။ 'စလိုင်းဘိလပ်မြေ'  လိုအပ်ချက်မှာ များပြားနေသည်။

သူ၏ အစီအစဉ်မှာ ခံတပ်တံတိုင်း ဆောက်ရန် ဖြစ်သည်။

အမြင့် ၆ မီတာ၊ အထူ ၂ မီတာ။

ကျောက်တုံးက တံတိုင်းနှစ်ထပ် ဆောက်ပြီး ကြားထဲတွင် မြေကြီး၊ သဲ သို့မဟုတ် ကျောက်ခဲများ ထည့်ရန် အကြံပေးထားသည်။ သို့မှသာ ပစ္စည်းကုန်ကျစရိတ် သက်သာမည်။

ထိုနည်းလမ်းကို သုံးလျှင်ပင် စလိုင်းဘိလပ်မြေ အများအပြား လိုအပ်ဦးမည်။

'များလွန်းတယ်' ဟု လူစီယန် တွေးလိုက်သည်။

အလုပ်ပြီးမြောက်ရန် သူကိုယ်တိုင် စကစ်တယ်လ်နှင့်အတူ အမဲလိုက်မှ ဖြစ်မည်။

ကံမကောင်းစွာဖြင့် ပစ္စည်းကျနှုန်းမှာ ကျပန်းဖြစ်နေပြီး စုဆောင်းရန် အချိန်ယူရသည်။

ပိုဆိုးသည်မှာ သူ၏ သိုလှောင်နေရာ မှာ ရက်အတော်ကြာ ပြည့်နေပြီ ဖြစ်သည်။ ပိုလျှံနေသော ပစ္စည်းများကို သူ၏ အခန်းထဲတွင် ပုံထားရသည်။

ယခုအခါ အခန်းထဲတွင် ပစ္စည်းများဖြင့် ပြည့်နှက်နေသည်။ အမှိုက်ပုံ သို့မဟုတ် ရတနာသိုက်ကဲ့သို့ပင်။

 'စလိုင်းရုပ်သေးရုပ်'  များကို ထိုနေရာတွင် မထားပါ။ အိပ်နေစဉ် သူတို့က ရုပ်တုအဖြစ် ပြောင်းသွားပြီး သူ၏ ခေါင်းပေါ်ကို ရောက်လာမည်ကို သူ စိုးရိမ်နေသည်။

သူ သက်ပြင်းချကာ စိတ်ထဲတွင် မှတ်ထားလိုက်သည်။

အဆင့် တက်ရမည်။

သိုလှောင်နေရာအကွက်‌ေတွ ထပ်ဖွင့်ရမည်။

ပိုမြန်မြန်  အဆင့်တက်အောင် လုပ်ရမည်။

ပစ္စည်းပိုကျအောင် လုပ်ရမည်။

တံတိုင်းဆောက်ချင်ရင် သူကိုယ်တိုင်  စက်ရုပ်တစ်ရုပ် လို ကြိုးစား  လုပ်ရမည်။

...

မကြာမီ တူးဖော်ခြင်း စတင်သည်။

လူစီယန်သည် ဆောက်လုပ်ရေးဌာန အဖွဲ့ဝင်များ၏ စိတ်အားထက်သန်စွာ လုပ်ဆောင်နေမှုကို ကြည့်နေသည်။

သူတို့၏ နဖူးတွင် ချွေးစက်များ စီးကျနေပြီး ဂေါ်ပြားသံများက လေထဲတွင် ပျံ့လွင့်နေသည်။ သူတို့ ကြိုးစားနေသော်လည်း လူစီယန် သက်ပြင်းမချဘဲ မနေနိုင်ပါ။

သူသည် အခြားဌာနများမှ လူများကို အကူအညီတောင်းရန် ပြင်ဆင်နေစဉ် သူ၏ နောက်မှ ရင်းနှီးသော အသံတစ်ခု ထွက်ပေါ်လာသည်။

"ဘာတွေ အလုပ်ရှုပ်နေတာလဲ တူလေး?"

လူစီယန် နောက်သို့ လှည့်ကြည့်လိုက်ရာ မက်ဆင် ရောက်လာသည်ကို တွေ့ရသည်။

"ဦးလေးမက်! ကျွန်တော်တို့ တံတိုင်းတစ်ခု ဆောက်နေတာပါ... အကြီးကြီး!" လူစီယန် ပြောသည်။ "အခု အုတ်မြစ်ပဲ ချနေရသေးတယ်။ ရှေ့လျှောက် တော်တော် ခရီးပေါက်ရဦးမယ်။"

မက်ဆင်၏ မျက်လုံးများ တောက်ပလာသည်။ သူ၏ မုတ်ဆိတ်ကို ပွတ်သပ်ရင်း ပြုံးသည်။

"အကူအညီ ပေးဖို့ အကောင်းဆုံးအချိန်ပဲ။ ငါ့ရဲ့ ခွန်အားတွေ ပြန်ရလာပြီ။ 'လေမှော်' ကို သုံးပြီး တူးပေးနိုင်တယ်။"

လူစီယန်၏ မျက်နှာတွင် အလင်းဝင်လာသည်။ "တကယ်လား? ဦးလေးမက် အဲဒီလောက် အကူအညီပေးရင် တော်တော် သက်သာသွားမှာပဲ!"

မက်ဆင် ခေါင်းညိတ်သည်။ "ငါ လုပ်ပေးနိုင်တဲ့ အနည်းဆုံးအရာပဲ။ ဘယ်လောက် နက်ရမလဲ၊ ဘယ်လောက် ရှည်ရမလဲ ပြော၊ ကျန်တာ ငါ့တာဝန်ထား။"

လူစီယန်သည် အလုပ်သမားများကို ထိုနေရာမှ ဖယ်ခိုင်းလိုက်သည်။ မက်ဆင်၏ မှော်ပညာမှာ အနည်းငယ် ပြင်းထန်နိုင်သောကြောင့် ဖြစ်သည်။

ကျောက်တုံးနှင့် တိုင်းတာပြီးနောက် လူစီယန် မက်ဆင်ကို ပြောလိုက်သည်။ "မြောင်းက အနက် ၁ မီတာ၊ အကျယ် ၂ မီတာလောက် ရှိရမယ်။ မီတာ ၅၀၀ လောက် ရှည်ရမယ်... ဒီဘက် အစွန်းကနေ ဟိုဘက် တောင်ခြေထိပေါ့။"

မက်ဆင် ရှေ့သို့ တိုးလာသည်။ သူ၏ အမူအရာမှာ တည်ငြိမ်သွားသည်။ ခဏလောက် မျက်လုံးမှိတ်ပြီး တွက်ချက်လိုက်သည်။

'ပြီးပြည့်စုံသော တွက်ချက်မှု' ။

ထို့နောက် သူ လက်မြှောက်လိုက်သည်။

သူ၏ နှုတ်မှ တိုးတိုးလေး ရွတ်ဆိုလိုက်သည်။

'လေမှော်'။

"လေဓား" ။

ရုတ်တရက် လေပြင်းတစ်ချက်က မြေပြင်ကို ဓားနဲ့လှီးသလို ဖြတ်သွားသည်။ အခြေခံ မှော်အတတ်ဖြစ်သော်လည်း သူ၏ အသုံးချပုံမှာ သာမန်မဟုတ်ပါ။

လေထုက လေးလံလာသည်။ ဖုန်နှင့် မြေသားများက စနစ်တကျ လွင့်စင်သွားသည်။ မြေပြင်က မမြင်ရသော ဓားဖြင့် အလှီးခံလိုက်ရသလို ဖြစ်သွားသည်။ မြောင်းက ချက်ချင်း ဖြစ်ပေါ်လာသည်။

တိကျသည်။

သန့်ရှင်းသည်။

ပြီးပြည့်စုံစွာ ဖြောင့်စင်းနေသည်။

လူစီယန် အံ့အားသင့်စွာ ကြည့်နေသည်။

"မှော်ပညာက တကယ်ကို အံ့သြဖို့ ကောင်းတာပဲ..."

ဒါက မှော်ပညာကြောင့်တင် မဟုတ်ပါ။ အဲဒီ မှော်ပညာကို သုံးတဲ့သူကြောင့်လည်း ဖြစ်သည်။

မက်ဆင်၏ ကျွမ်းကျင်မှုဖြစ်သော 'ပြီးပြည့်စုံသော တွက်ချက်မှု'ကြောင့်ပင်။

လူစီယန် စပ်စုပြီး စစ်ဆေးခြင်း ကို သုံးကြည့်သည်။

လူစီယန် မျက်တောင်ခတ်လိုက်သည်။ "အဆင့်၅ ? အခုတင်လား?"

မက်ဆင်၏ နာလန်ပြန်ထူနှုန်းမှာ မြန်လွန်းသည်။

ခဏအတွင်းမှာပင် မြောင်းတစ်ခုလုံး တူးပြီးသွားသည်။ မီတာ ၅၀၀ ရှည်သော မြောင်းတစ်ခု။

ဆောက်လုပ်ရေးအဖွဲ့က အော်ဟစ် ဝမ်းသာကြသည်။

"ဦးလေးမက်၊ ဘယ်လိုလုပ်တာလဲ?! ကျေးဇူးတင်ပါတယ်။ တော်တော် အကူအညီ ဖြစ်သွားတယ်!" လူစီယန် အံ့အားသင့်စွာ ပြောသည်။

မက်ဆင် ရယ်မောသည်။ "ဟားဟား တူလေး... မင်းကြောင့် ငါ့ခွန်အားတွေ ပြန်ရလာတာပါ။ ဒန်ဂျန် ထဲက မာနာအူတိုင်နဲ့ မင်းရဲ့ ပုံဆောင်ခဲက ငါ့ခန္ဓာကိုယ်ကို သန့်စင်ပေးလိုက်တာ အရင်ကထက်တောင် ပိုကောင်းလာတယ်။ ပြီးတော့ ငါ့ကျွမ်းကျင်မှုနဲ့ဆို... တခြားသူတွေထက် ပိုတော်တယ်လို့ ပြောရဲတယ်။"

လူစီယန် စဉ်းစားမိသည်။ 'သန့်စင်မှု၏ အနှစ်သာရ' က သူ ထင်ထားတာထက် ပိုပြီး စွမ်းထက်နေသည်။

'အဲဒါဆိုရင်... နယ်မြေထဲက လူတိုင်းကို ဒီအရာနဲ့ သန့်စင်ခိုင်းမှ  ဖြစ်မယ်။ သူတို့လည်း နောက်တစ်ဆင့်တက်နိုင်လောက်တယ်။'

လူစီယန် စိတ်အားတက်ကြွစွာဖြင့် ကျောက်တုံးဆီ လျှောက်သွားကာ စလိုင်းဘိလပ်မြေ အိတ်ပေါင်း ၇၀၀ ကျော်ကို ချလိုက်သည်။

အဖွဲ့လိုက် အံ့အားသင့်သွားကြသည်။

မက်ဆင်ပင် မျက်လုံး ပြူးသွားသည်။ "ဘာတွေလဲ..."

သူ ခေါင်းခါလိုက်သည်။ သူ၏ တူလေး ဘာတွေ လုပ်ဦးမလဲဆိုတာ မသိနိုင်တော့ပါ။

သို့သော် သူ မေးမနေတော့ပါ။ ဒါက စွမ်းရည်တစ်ခုမှန်း သူ နားလည်သည်။

အဲဒီနောက်တွင် တံတိုင်းအတွက် အုတ်မြစ်ချခြင်း စတင်တော့သည်။

ဆောက်လုပ်ရေး လုပ်ငန်း စတင်ပြီ။

ခဏအကြာတွင်... မက်ဆင် နောက်တစ်ခါ အံ့သြရပြန်သည်။

ဒီတစ်ခါတော့ စလိုင်းဘိလပ်မြေကို ကြည့်ပြီး အံ့သြခြင်း ဖြစ်သည်။

သူ ထိုင်ချကာ ဘိလပ်မြေကို စမ်းသပ်ကြည့်သည်။

ဖွဲ့စည်းပုံ သိပ်သည်းဆ  ဂုဏ်သတ္တိများ... သူ တစ်ခါမှ မမြင်ဖူးသော အရာဖြစ်သည်။

"ဒါ ဘာလဲ တူလေး?" မက်ဆင် မေးသည်။ "ဒီပစ္စည်းတွေကို ဘယ်က ရတာလဲ။ မင်းနဲ့ဆို နေ့တိုင်း အံ့သြစရာတွေချည်းပဲ။"

လူစီယန် ပြုံးပြလိုက်သည်။ "ကံကောင်းလို့ပါ ဦးလေးမက်ဆ်။ စွမ်းရည်တစ်ခုလို့ပဲ သဘောထားလိုက်ပါ။"

မက်ဆင် ထပ်မမေးတော့ပါ။ သူလည်း ဝင်ကူလိုက်သည်။

တံတိုင်းဆောက်ခြင်းက မဝေးတော့သလို ခံစားလာရသည်။

လူစီယန် ထွက်သွားသည်။

ပထမဆုံး လုပ်ရမည့်အလုပ်...

သိုလှောင်နေရာ ကို ရှင်းရမည်။

သူ တောအုပ်ဆီ ပြေးသွားသည်။

သူ ရွေးထားသည့် နေရာတွင် ရုပ်သေးရုပ် ၉၉ ခုစီကို ချထားလိုက်သည်။

စုစုပေါင်း နေရာသုံးနေရာမှာ ပြုလုပ်သည်။

"အစေးရုပ်သေးရုပ်တွေ... ရှင်းလိုက်ပြီ!"

နောက်တစ်ခါ သူ ပြန်လာရင် ဒါတွေက 'သက်တန့်ရောင် အစေးဘုရင် ရုပ်တု' တွေ ဖြစ်လာလိမ့်မည်။

ပြီးနောက် သူ ဒန်ဂျန်ထဲသို့ သွားသည်။

ရည်ရွယ်ချက်မှာ... စလိုင်းဘိလပ်မြေ ပိုရှာရန် ဖြစ်သည်။

ကံကောင်းစွာဖြင့် ၎င်းသည် သာမန်မဟုတ်သော  ပစ္စည်းသာ ဖြစ်၍ ခဏခဏ ကျလေ့ရှိသည်။

သူ စကစ်တယ်လ်နှင့်အတူ ဒန်ဂျန်ထဲတွင် မနားမနေ တိုက်ခိုက်သည်။

နေရောင်မြင့်တက်လာချိန်တွင် သူ ဘိလပ်မြေ ၃၀၀ ကျော် ထပ်ရလိုက်သည်။

သူ ဆောက်လုပ်ရေးနေရာသို့ ပြန်သွားပြီး ပုံထားလိုက်သည်။

တံတိုင်းမှာ မပြီးသေးသော်လည်း တိုးတက်မှုက သိသာသည်။

•••

နေ့လယ်စာ စားပြီးနောက် လူစီယန် အခန်းထဲ ပြန်လာသည်။

ပစ္စည်းတွေက နေရာအနှံ့ ပုံနေသည်။ အခန်းရှင်းရမည်။

သူ ပစ္စည်းတွေကို သိုလှောင်နေရာ ထဲ ပြန်ထည့်လိုက်သည်။

ပြီးလျှင် တခြားဌာနများကို သွားသည်။

ပထမဆုံး... လက်မှုပညာဌာန။

သူစုဆောင်းထားသမျှ စလိုင်းတွေ၊ အကြွင်းအကျန်တွေကို ပေးလိုက်သည်။

"ဒါတွေကို အယ်လ်ခမီ(အဂ္ဂိရက်) ပစ္စည်းအဖြစ် သုံးနိုင်တယ်။ လေ့ကျင့်ကြည့်ကြ။"

သူတို့ ဝမ်းသာစွာ လက်ခံသည်။

ပြီးတော့ သူ၏ တစ်ခုတည်းသော 'မီးလုံး အဆောင်လက်ဖွဲ့'  ကို ပေးလိုက်သည်။

"ဒါကို လေ့လာကြည့်။ မှော်ဓာတ် ဘယ်လို စီးဆင်းသလဲဆိုတာ ကြည့်ပါ။"

နောက်ဆုံးတွင် 'မုန်လာဥနီ အခွံ' များကို ပေးလိုက်သည်။

သူတို့ ပျော်ရွှင်နေကြသည်။

နောက်... ဝိညာဉ်ရေးရာဌာန။

သူတို့ကို 'စလိုင်း ဖယောင်းတိုင်' နှင့် 'စလိုင်း အနာဖုံး' များ ပေးလိုက်သည်။

"ဖယောင်းတိုင်က စိတ်ကို ငြိမ်းချမ်းစေတယ်။ အနာဖုံးက ဒဏ်ရာကို ကုပေးတယ်။ အသုံးတည့်မယ့် နေရာမှာ သုံးကြပါ။"

နောက်... စားဝတ်နေရေးဌာန။

သူတို့ကို 'အာဟာရအိတ်' များနှင့် 'မြေဆီ ပုံဆောင်ခဲ' များ ပေးလိုက်သည်။

နောက်ဆုံးတွင် သူ၏ သိုလှောင်နေရာ ရှင်းသွားပြီ။

သူ အခု ဖမ်းမင်း လုပ်ရတော့မည်။

သူ မင်းသားလည်း မဟုတ်၊ သခင်လည်း မဟုတ်။

သူက စက်ရုပ်တစ်ရုပ် ဖြစ်သည်။

လုဒ်နယ်မြေ  ရဲ့ စက်ရုပ် တစ်ရုပ်။

သူ၏ အစီအစဉ်မှာ ရိုးရှင်းသည်။

သိုလှောင်နေရာ ပြည့်တဲ့အထိ ဖမ်းမင်း  လုပ်၊ ပစ္စည်းပို့၊ ပြီးရင် ထပ်လုပ်။

အစေးဘိလပ်မြေတွေ စုလာပြီဆိုရင် တံတိုင်းက မကြာခင် ပြီးတော့မည်။

သဲနှင့် ကျောက်ခဲများကိုတော့ ကြိုတင် စုဆောင်းထားပြီး ဖြစ်သည်။

သဲ လိုအပ်ရင် ထုတ်ပေးဖို့အတွက် ကျောက်တုံးကို 'မြေစားပိုး ကောင်'  အချို့ ပေးထားသည်။

ကျောက်ခဲကိုတော့ အနီးအနားက ကျောက်ဆောင်တွေမှာ အများကြီး ရနိုင်သည်။

•••

ဒီနေ့အလုပ်က အောင်မြင်သည်။ အုတ်မြစ်ချခြင်း ပြီးသွားပြီ။

မနက်ဖြန်တွင် ဘိလပ်မြေတုံးများ စတင် လုပ်ဆောင်မည်။

လူစီယန် သက်ပြင်းချသည်။ သူ မောနေပြီ။

သတင်းကောင်းမှာ? စကစ်တယ်လ်က တစ်ညလုံး အလုပ်လုပ်နိုင်သည်။ သူ အနားယူနေစဉ် ဖမ်း ပေးလိမ့်မည်။

စကစ်တယ်လ်မှာ အဆင့်၂ နီးပါး ရောက်နေပြီ။

လူစီယန်မှာမူ တစ်ဆင့်ပဲ တက်သည်။ ဒန်ဂျန် ၏ ပထမထပ်က အတွေ့အကြုံ ပေးမှု နည်းလာပြီ ဖြစ်သည်။

အမည်: လူစီယန် လုဒ်ဝဲလ် (ကျား)

အသက်: ၁၂ နှစ်

မျိုးနွယ်: လူသား (ပြန်လည်မွေးဖွားသူ)

အလုပ်အကိုင်: ကျောင်းထွက်

အဆင့်: ၂(လယ်ဗယ်၂၁)

ဘွဲ့တံဆိပ်:

• လုဝဲလ်၏ သခင်ငယ်

• လူ့အဖွဲ့အစည်းအတွက် အန္တရာယ်

• ဘေးထွက်လုပ်ငန်းသူရဲကောင်း

• အံ့ဖွယ်သခင်

• အနိုင်ရသူ အောက်ဒေါ့ဂ်

စွမ်းရည်:

• ပစ္စည်းကျနှုန်း: အမြင့်ဆုံး

• အလိုအလျှောက်စု‌ေဆာင်းခြင်း

• အရေးပေါ် အပြင်းအထန် လေ့လာနိုင်စွမ်း

• စလိုင်းသားရဲမုဒ်

• ဖောက်ထွင်းသူ၏မျက်လုံး 

• စစ်ဆေးခြင်း

• ဓားဖြင့်ခုတ်ခြင်း

• လှည့်‌ဖျားခြင်း

မှော်ပညာ:

• မရှိ

မှော်ဓာတ်:

• မီးမှော်

• ရေခဲမှော်

ဆွဲဆောင်မှု: ၉၀